肥船美食

Open Now

Now Closed

肥船美食 (九龍灣)九龍灣牛頭角道3號得寶商場地下美食坊FC03號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：鮮茄汁焗照燒雞扒意粉 $56 ，日式咖喱汁燴豬扒意粉 $55，乾炒豬扒意粉 $42，吉列魚柳配薯條 $40鮮茄汁焗照燒雞扒意粉：濃郁的鮮茄汁，口感滑順，讓人感受到番茄的酸甜與香氣。照燒雞扒經過焗烤，外皮微焦，肉質鮮嫩多汁，甜中帶鹹的醬汁為意粉增添了獨特風，十分好味！😄😄😄日式咖喱汁燴豬扒意粉：豬扒經過精心炆煮，肉質軟嫩，咖喱汁香氣撲鼻，帶有微微的辛香味。意粉吸收了咖喱的精華，讓每一口都充滿了濃厚的風味，令人滿足！👍👍👍乾炒豬扒意粉：豬扒大大塊，炒至金黃，搭配的意粉則吸收了豬肉的鮮香，口感豐富。這道菜的調味恰到好處，不過於重口味，水準不錯！😍😍😍吉列魚柳配薯條：魚柳外酥內嫩，搭配的薯條金黃酥脆，口感極佳。魚柳的鮮味與薯條的鹹香形成了完美的搭配，沾上沙律醬及番茄醬，讓人回味！😋😋😋

今日懶懶地冇煮飯就落街嗌外賣返屋企食， 嚟到九龍灣得寶商場，好多唔同美食，我哋最後揀咗肥船美食， 呢間小店食物選擇都好多， 我哋叫咗個做焗豬扒飯、咖哩照燒雞扒飯、 泰式香煎雞翼、 日式南瓜薯餅、 魚蛋拼燒賣，仲有 新出嘅香煎蔥油餅配咖哩角。焗飯超抵食，＄56仲要包飲品， 豬扒煎得剛好唔會太鞋， 醬汁調味恰到好處， 飯底係炒飯底鬆軟美味。咖哩照燒雞扒飯， 雞扒煎得香口外脆內軟 ，已經切好方便食用， 醬汁係日式咖哩醬汁所以唔會太辣， 仲加咗三色豆，令到整個飯增添色彩。魚蛋拼燒賣， 份量都唔少，＄20 呢個份量超抵食。推薦大家試下佢哋新出嘅香煎蔥油餅拼咖哩角，＄28 雙拼大大件， 店主新鮮製作并唔係市面上買現貨翻熱，上手仲熱辣辣。

放工黎左得寶商場買外賣，是晚美食坊好多人喎，轉一圈決定試下肥船美食，五十幾蚊就包熱飲，好平呀😳落完單大概20分鐘左右有得拎，好快手呀👍⭐芝麻醬雜錦冷麵天氣熱啱晒食冷麵，入面有雞絲、青瓜絲、紅蘿蔔絲、蟹柳絲等，麵條爽口，再拌上大量麻醬，酸酸地又香口，正🤤⭐白汁焗吉列魚柳飯聽講係小店最受歡迎的餐點，一份有兩大塊魚柳，炸得香脆，飯炒底，白汁加上芝士焗，味道對胃！⭐日式燒汁鰻魚飯受歡迎之二鰻魚飯，原條鰻魚上，再灑上甜甜嘅醬汁好好下飯，呢個價勁抵食😋⭐黑椒汁三寶飯最後係三寶飯，有雞翼、餐肉、煎蛋，雞翼用香茅醃過好香，餐肉厚切，黑椒汁鹹鹹辣辣幾惹味。⭐餐飲飯餐送熱飲，凍飲加$3，可轉紙包飲品。又平又好食，有下次👍

九龍灣得寶商場嘅Food Court係打工仔同街坊嘅覓食熱點😋其中肥船美食價格親民，份量十足，絕對是「大件夾抵食」之選！ 🐽鮮茄汁焗豬扒飯金黃芝士鋪滿表面，焗得微焦茄汁酸甜開胃，豬扒厚切但不會太乾，肉質鬆軟芝士拉絲效果不錯🧀茄汁不會過酸，配上炒底飯，蛋香十足日式咖喱汁照燒雞飯照燒雞肉嫩滑，醬汁甜中帶微鹹，配上香濃日式咖喱帶有微微蘋果甜味，充滿日式風味🍎🥕日式燒汁鰻魚飯原條鰻魚肉質軟嫩，燒汁甜香都只係$50，過下癮好抵食~😎咖喱燒賣魚蛋咖喱汁香辣惹味，街頭小食水準之上魚蛋爽口彈牙，咖喱汁入味~

又係無飯家庭捐窿捐罅搵嘢食嘅節奏💁🏻‍♀️大量唔同款式嘅外賣店就啱晒我 買幾份返屋企share最開心🥳❣️日式咖喱汁焗照燒雞扒飯咖喱汁香濃 雞扒煎到金黃色 再有一層芝士照燒雞排夠入味好香口 大大塊又juicy 原來照燒汁同咖喱係咁match❣️ 鮮茄汁焗豬扒飯豬扒厚得嚟唔會柴 食落口感軟嫩茄汁開胃 但唔係用茄膏果種死酸死甜 兩款焗飯都係炒飯底 炒飯食落粒粒分明 有鑊氣❣️ 肉燥雞扒蛋飯海量嘅肉燥 每一啖飯都食到肉香 雞扒大大件最鍾認係用豉油汁唔係坊間好甜又杰嘅醬油汁食落冇咁油膩 仲有隻煎到燶邊嘅煎蛋 勁滿足❣️麻辣手絲雞蕎麥麵冰火交融嘅感覺 凍冰冰嘅冷麵配上麻辣醬兩樣夾埋勁開胃 配埋啲青瓜、紅蘿蔔、火腿、蟹柳絲足料得來又唔同嘅口感 雞絲都醃得好夠味

肥船美食🥢隱藏於九龍灣德寶商場內小店價錢實在款式選擇多！焗飯、焗意粉、台式系列、多款小食都有，套餐更包凍熱飲品不用加錢！而且份量十足！食物都係即叫即製！好味又抵食😋日式咖喱汁焗照燒雞扒飯照燒雞扒烤到外皮金黃香脆夠厚身又多汁！配埋微甜日式咖喱汁勁好味😋乾炒豬扒意公仔麵即叫即炒！新鮮熱辣！公仔麵炒到乾身帶豉油香豬扒經醃製過淋軟入味😋鮮茄汁焗豬扒飯焗豬扒飯係炒飯底飯粒分明！豬扒口感軟嫩搭配鮮茄汁酸甜開胃😋椒鹽炸燒賣香脆又惹味！一口氣已經食哂👍🏻平均$50+一個餐仲跟埋飲品勁抵食！肥船美食 (九龍灣)📍九龍灣牛頭角道3號得寶商場地下美食坊FC03號舖

肥船美食(香港) 地址: 香港九龍灣牛頭角道3號得寶商場地下美食坊FC03號舖平時小留意呢個得寶商場架food court ,估唔到好多都高質，唔想食連鎖架預製菜，$56 蕃茄豆腐肉片湯飯，我最愛架美食之一，夏天食好有住家feel日式咖喱汁牛脷飯，甜甜地帶蔬菜清甜架curry ,撈飯一絕！牛脷好厚切，質感唔錯試多個雞絲麵，因突然想食麵，好多蔬菜絲健康配色又靚，食慾大增新鮮熱辣、價格親民，大大份好飽肚呀！男人食完都覺得好飽足呀！下次會再幫襯

得寶商場嘅food court有好多美食，其中「肥船美食✨」價廉物美，有不同款式嘅焗飯、意粉、小食等，食物質素有水準，價錢夠地道街坊，絕對係街坊飯堂👍「鮮茄汁焗豬扒意粉🍝」茄汁酸酸甜甜好開胃，豬扒夠厚啖啖肉，肉質嫩滑，意粉軟硬適😋「白汁焗吉列魚柳意粉🐟」白汁夠 creamy，魚柳炸得脆，撈埋一齊食一流🤤「日式咖喱汁焗照燒雞扒飯🍛」咖喱汁好香濃，微辣撈飯一流，雞扒夠入味，份量夠👍「泰式香煎雞翼🍗」雞翼香脆，外脆內嫩，點埋泰式醬汁，酸酸甜甜好惹味🌶️響九龍灣想搵啲平靚正嘅嘢食，去「肥船美食✨」就啱晒😜

今日放假喺屋企唔想煮飯， 去附近商場買外賣返屋企食， 得寶商場美食坊開咗間小店好似唔錯又抵食 決定買返屋企食。芝麻醬雜錦冷麵： 超大碗佢唔只係冷麵多， 佢嘅配菜都非常豐富， 配搭青瓜、 紅蘿蔔絲、手撕雞、 火腿絲份量都唔少， 加上胡麻醬汁酸酸甜甜好醒胃。泰式香煎雞翼： 雞翼肉質嫩滑，調教味道恰到好處唔會太鹹， 配上泰式醬汁 perfect。鮮茄焗豬扒飯：豬扒大大塊， 肉質軟淋， 醬汁調味均勻濃郁， 米飯粒粒分明吸收咗豬扒肉汁同鮮茄醬汁香濃美味。乾炒豬扒公仔麵： 公仔麵口感彈牙唔會過腍， 除咗豬扒仲有蔬菜及紅蘿蔔絲做配料，平衡咗肉類嘅油膩感，口感更清新。另外佢哋嘅奶茶都值得一讚， 茶香醇厚 ，香濃幼滑就算唔加糖都好味。

肥船美食 (九龍灣) 九龍灣牛頭角道3號得寶商場地下美食坊FC03號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：日式燒汁鰻魚飯 $50，日式咖喱汁焗照燒雞扒飯 $56，鮮茄汁燴豬扒意粉 $54，吉列魚柳配薯條 $40日式燒汁鰻魚飯 ：香噴噴的白飯，鋪上一層油亮誘人的蒲燒鰻魚，賣相討好。鰻魚肉質肥厚軟嫩，浸潤在濃郁的日式燒汁之中，鹹甜交織的滋味與米飯的香甜完美融合。燒汁的濃郁香氣與鰻魚的鮮美相互襯托，每一口都讓人感到滿足！😄😄😄日式咖喱汁焗照燒雞扒飯：香嫩多汁的照燒雞扒，經過焗烤，表面呈現金黃色澤，肉質鮮嫩入味，帶有照燒醬汁的鹹甜風味，再淋上濃郁的日式咖喱汁，咖喱的微辛香氣與照燒的甘甜完美結合，十 分滋味！👍👍👍鮮茄汁燴豬扒意粉：厚實的豬扒經過烹調，口感軟嫩，搭配開胃的鮮茄汁，為意粉帶來酸甜的滋味。意粉煙靭彈牙，吸收了茄汁的精華，酸甜鹹香，十分開胃！😍😍😍吉列魚柳配薯條：魚柳裹上金黃酥脆的麵包糠，炸至外酥內嫩，搭配經典的薯條，外酥內軟，香氣誘人，加上沙律醬更添風味！😋😋😋

位於九龍灣的商場美食坊內之食店，美食坊有多間食肆，都是不同國家的菜式。這家專門日式焗飯、燴意粉，即點即製作，當提示器響起，通知餐已經準備好。客人可以在場內堂食，亦有不少人外賣回家。燒汁鳗角系列：日式燒汁鰻魚意粉整條鰻魚，掃上燒汁，還有些日本醃漬蘿蔔片，味道甜甜的，意粉保持乾身，硬度恰好，拌意粉的醬汁不多，較為輕盈健康的選擇。焗飯系列：日式咖喱汁焗照燒雞扒飯店員說焗飯是炒飯底，比白飯更吸引，所以就點了個芝士焗咖喱雞扒飯，雞扒小小兩塊，加入照燒汁調味。芝士份量剛好，不會太多而太膩。跟餐餐飲點了杯熱奶茶，由店家自家沖調，茶底香濃，口感絲滑，奶味也不會太重。燴意粉系列：日式咖喱汁燴照燒雞扒意粉另一份點了咖喱汁意粉，這份配上意粉，咖喱汁淋上意粉，咖喱味香濃，雞扒也算軟腍。

今日唔想煮飯 決定去得寶food court 食Food court呢到好多餐廳選擇 😛肥船美食有飯有意粉 多款港式快餐🇭🇰食物即叫即製 相當認真🫶🏼.🫧鮮茄焗豬扒飯 🐷鮮茄焗豬扒飯的芝士焗至金黃香脆拉哂絲豬扒軟腍鮮嫩幾鐘意佢好夠汁 米飯吸收了濃郁的鮮茄汁 好滋味🫧干炒豬扒意粉🍝干炒豬扒意粉有小小驚喜啲意粉比較幼身 食落好彈牙 口感同平時食既意粉唔同 有鑊氣炒到香氣四溢搭配新鮮配菜和特製醬汁色澤誘人 口感豐富🫧日式燒汁鰻魚意粉🐟鰻魚魚肉好厚身 烤至外焦內嫩 充滿鰻魚汁香意粉份量十足 食完好滿足😌🫧白汁焗吉列魚柳飯🐟白汁好濃郁 味道帶濃濃的芝士香 口感滑順魚柳外酥內嫩 啖啖肉😙🫧凍檸茶｜套餐加配價$3凍檸茶酸甜適中 完美解渴😛

上星期睇完mill milk介紹九龍灣，今日中午同同事一齊嚟得寶美食坊搵食兩個人叫左個日式燒汁鰻魚飯$53和台式肉燥鹽酥雞飯$49一齊食, 個鰻魚原條上大大條, 啖啖肉, 真係好抵食。個肉燥鹽酥雞飯, 肉燥都好好味好啱送飯，十分滿足。凍檸茶都夠晒大杯。九龍灣地段揾食好多時都60, 70蚊以上，有時仲唔包飲品又要加一, 喺呢個美食坊新開嘅肥船美食店價錢都真係好親民, 而且味道唔錯🥳以後lunch time多個選擇😆下次會再嚟

我和媽咪到得寶美食坊的肥船美食店, 叫左黑椒汁牛脷焗飯+ 鮮茄汁焗豬扒飯媽咪同我都很有驚喜, 第一次食到個咁好味的牛脷飯, 牛脷很淋很入味, 配個很有黑椒味的黑椒汁真係非常醒胃, 比較其他店的黑椒汁較辣, 老闆娘說她自家製的汁來的全無味精, 所有汁都日日新鮮製。我們再試個鮮茄汁焗豬扒飯, 個汁又真係好唔同, 唔係出面d茄汁底, 而個豬扒又淋又大塊, 上面仲加了一大片芝士。我同媽咪食完飯都唔覺口喝就知老闆娘真係無騙我們, 十分支持用製作。

前晚去左淘大得寶商場入面個food court諗住食晚餐，眼見都幾多野食，夜晚仲要多人，見到呢間新開食焗飯價錢都算經濟見佢地焗飯都係即叫即焗，所以都等左D時間先有得食叫左個牛脷焗飯轉左白汁，再嗌多左個黑椒焗豬扒飯外賣比屋企人，跟餐已經有埋熱飲白汁幾厚身都幾多芝士可以拉到絲，牛脷都算切得幾厚，見到係有輕輕煎香過先再焗，都幾好食。不過如果個飯係炒飯底的話就更加好另外個豬扒飯屋企人話都唔錯，黑椒汁夠多，但飯可以再乾身D