Piggy Noodles

雖然成日嚟食肥妹仔，但係都冇諗過寫食評，因為覺得串燒呢樣野做法好簡單，好易整得好食，但係近排去其他地方食串燒，發覺比較下肥妹仔其實真係又平又好食，唔寫篇食評讚讚佢都唔得。肥妹仔雖然唔同出面嗰啲連鎖店，裏面得四張細枱，完全係小店經營，但係啲嘢食真係又平又好食，串燒即叫即燒，燒得啱啱好，唔會太燶，又唔會太鹹太乾，選擇亦算多。尤其是個油渣麵，絕對唔會比大角咀出名嗰間油渣麵差。同埋老闆娘十分友善，每次去食完都好滿足，住屯門嘅朋友宵夜諗唔到食乜嘢，肥妹仔係一個好好嘅選擇。…Read More

屯門區夜晚宵夜既好介紹食物選擇好多 有麵及各類串燒/烤物而且價錢仲要好抵 份量都多招牌菜式油渣麵 比較少地方有 油渣脆卜卜炸燒賣同燒鯖魚都好正豚肉炒麵都好好食而且好大份呀…Read More

話說有一日我朋友介紹屯門油渣麵俾我，話好好食嘅。其實間鋪個位我好少經過。因為佢就係位置係屯門街巿，近neway果邊嘅生果店隔離。好易搵。去到我當然係叫碗油渣麵外賣返去慢慢嘆啦，我都唔記得幾錢啦，但碗油渣麵真係食過番尋味。1.油渣夠香夠肥2.麵條煮得岩岩好我試過出要大角咀果啲，都唔及呢間正。以後唔使山長水遠搵油渣麵啦，呢間煮得仲出色…Read More

食第三次，想寫一寫。之前行過就算，覺得間鋪想行入去既意願唔大，怪怪地咁。（唔知點講，有啲鋪頭會易啲行入去試下）試左之後真係唔錯，特別係今次既雞翼，脆口入味，水準做到夠晒個價錢，店主友善。…Read More

串燒店，在屯門真的不多，還要好吃的，更少之又少⋯今次總算找了一間價錢便宜，味道不錯的小店！ 真的是小店啊，因為只有4張枱，所以我會選擇早點去⋯雖然這裡沒賣酒，但可以到外面買來喝，配串燒很爽啊！原條茄子，好香，好好吃！沙嗲串燒牛/雞肉串，沙嗲好香，唔辣的。但略嫌肉粒真的太細粒。油渣麵，豬油渣有炸了及沒炸兩款都有齊，我較喜歡炸過的，感覺沒那麼油膩。味道不錯，而這款菜甫，個人不太喜歡，下次還是吃不辣好了（油渣麵有餐的，$48一碗油渣麵，兩款小食，一杯飲品）煎餃子，$12/3隻，很香口，好吃！雞腎串，爽口無筋雞皮串，好像燒得乾了一點，很脆的，但就沒什麼味道！紐西蘭羊架$35/件，燒得剛剛好，很嫩滑多春魚也不錯，唔會好乾炸燒賣，炸魚片頭，不過不失！拍青瓜（老闆娘送的），是餐前開胃小食！…Read More

黎到屯門, 食完晚餐, 經過肥妹油渣麵, 口痕痕, 友人想吃串燒~叫左~原條燒茄子~燒三文魚腩~雞肉串~燒雞脾菇~五花茶埋單$8X, 燒物可以選擇微/小/中/大辣~講返條茄子, 配料係蒜,蔥,加D香料~ 即叫即燒, 好香茄子味, lumlum地, 一夾可以離晒茄子皮, 油左小小~老闆好好笑容~幾親切~~…Read More

某本雜誌力推日式烤肉店的信用卡優惠，半價燒肉套餐令不少食客聞風而至，即使早早取票的我仍覺是機會渺茫。想到才不過是一頓晚飯而已，何必太執着？一個轉念，離開人潮泛濫的烤肉店，來到新墟一條較僻靜的小街，目標是一碗傳統風味的油渣麵。肥妹油渣麵在開飯網只有一個食評，在Instagram亦同樣是寂寂無聞，看來是新開張的，專做街坊生意的小食店。一家極為簡陋的小鋪，才只有三張小桌而已，光顧的食客不多，較多的是致電外賣的客人。營業時間由下午三時至凌晨一時，主力做下午、晚市時段，而新墟確是愈夜愈熱鬧的。這一帶有不少餐廳、大排檔，小食店倒是不多。主打是油渣麵，但串燒、燒烤、小食選擇更多，也可選$28$-48的麵食套餐，是街坊生意的定價。五花茶($8)老闆娘說涼茶是自製的，很有家常的味道，甜度適中。煎韮菜餃($12/3件)韮菜餡不少，煎得香口但帶點油膩。招牌油渣麵($28)能吃到有兩種豬油渣，炸過的脆身不油膩，未炸過的油感重些，惜油渣切得太粗身，炸得脆卻不夠香口。湯底只是味精湯而已，再伴以冬菇、青蔥、辣菜甫、冬菜，才令麵湯多一分濃郁。粗身白麵條亦不夠稔身，少了一份傳統的風味，份量上是飽肚有餘。手拍青瓜($15，老闆娘送贈)青瓜冰得夠凍，拌麻醬吃十分清爽。沙嗲雞肉串($10)．牛肉串($12)．豬肉串($10)串燒不是來貨，是自家串製的，偏甜的沙嗲只香不辣，肉質頗為新鮮，但肉串偏小，吃起來口感便差了一截，豬肉串肥瘦相間，比雞肉、牛肉串好。Wasabi秋葵($18)近期流行的食法，切半的秋葵吃得不夠過癮，但才$18可以收貨。煎素豆腐皮卷($12)有不少甘筍木耳絲，煎得不太香口。香甜菠蘿($25)足有1/4個菠蘿的份量，未能燒出焦糖脆面，菠蘿肉亦偏酸。鹽燒馬友魚($68)用的是冰鮮馬友魚，外皮燒得乾身香口，魚身細滑帶油香，骨少肉多，連魚皮吃都不錯。雖店名喚作肥妹油渣麵，老闆娘卻不是個肥妹，態度十分友善親切，還送涼拌小食給我倆嚐嚐。油渣麵雖未至非吃不可，但只花兩百的一頓晚餐，支持一下小店也不錯吧！…Read More

油渣麵 呢間係我食過最好食的一間 以前好怕食豬油 覺得食完成口油 但呢間啲豬油炸到好乾身 同時亦有未炸過的豬油 兩者加埋麵、辣菜埔 一個字 ''正'' 同時平衡返豬油個種油膩 每次去必叫之一 除左油渣麵好食 串燒亦係重點之一 本人係非常之中意食串燒 但好多時啲串燒店中意貪快 炸完先去燒 變相左食緊炸物而不是食串燒 而且肉質更加無咁香口 《肥妹油渣麵》既串燒就是堅持唔炸 由頭燒到落尾 雞全翼係最難熟 但呢間店燒得熟得黎又好乾身 再加埋辣粉 好好味😋😋 值得一提 呢間鋪頭雖然細間 但環境舒適 服務態度非常好 食串燒最岩就配啤酒飲 好多時買埋啤酒去 老闆娘同老闆都會幫我地雪係雪櫃 然後好細心咁見到我地飲到差唔多 會主動問我地洗唔洗拎多罐 good good 至於價錢方面 一啲都唔貴 因為份量合理 所以值得推薦中意宵夜的朋友一去👏🏻👏🏻…Read More