肥公車仔麵 (Closed)

我其實好鍾意食車仔麵架，首選一定係「肥公車仔麵」雖然係減肥期間，我都一樣去嗰度食車仔麵.其實即使係低脂的選擇，我覺得 「肥公車仔麵」都整得好好味 ～有清甜無渣既蘿蔔、入味嘅滷水牛肚牛膀、仲有爽口大份嘅魷魚🦑…….正

正所謂只要有心 人人都可以係食神即使下欄地踎嘢 都可以用心咁煮得好味肥公車仔麵 聽咗好耐發現自己太遲嚟試下鋪頭自助形式兩個呀姐睇檔一個煮麵一個夾餸一條龍一個個叫麵叫餸俾錢自己夾蔥 拎餐具 搵位豬腸 牛筋 蘿蔔 油麵加底 $41依個價 無敵一睇就覺得 好大碗 份量好足係無得揀乜湯物湯落乜汁嘅蘿蔔 唔甜但唔係彈佢 其實唔甜先正常唔明白點解有啲鋪可以整到好甜夠淋無渣 原本蘿蔔味索埋湯 已經好好味豬腸 無頭緒下跟前面風叫好味道！ 唔係得個滷水色 係咬落有好重滷水汁味又唔係檔檔做到牛筋 有啲顛覆自己對牛筋嘅認知（上圖左下嗰啲 食緊無再影）唔係平時食開一條條嘅筋咁佢係粗到一塊塊咁 充滿膠質必食好耐無食過咁滿足嘅車仔麵係飽肚同味道兩者皆有

經過旺角附近想食車仔麵上網睇人地話呢間大件夾抵食再openrice一下，好啦～試下😹平日下午5點幾食，唔多人喎～無傳說中大排長龍，時間尚早吧！進門口先點麵底，行一步再點餸。今次叫左豬腸，牛筋腩，魚皮餃，腐皮龍蝦卷，生菜。淨餸要每款$10，要麵就底好多啦～食物方面，豬腸個個人都讚，係好大份既，見呀姐係甘夾，但就剪得唔好好多條好似無剪過甘🤣同埋唔知點解食到有d黑色小粒粒，而且我竟然食到苦味😅一般啦～又係好多人推介既牛筋腩，佢質感同平時食開既好唔同，少少啫哩甘我唔太喜歡呢個味道😅其餘腐皮龍蝦卷都3大條，普通無咩特別🤨魚皮餃唔錯～總括我覺得無大家講到甘好味同必食～可以試下既，抵食大件既，但就應該唔會再食了😜

湯底冇咩特別，大熱天坐出面嘅話會熱死啦，係好食嘅，不過未至於人地講到全港最好味咁，生腸好正，爽脆！ 酸齋都唔錯，款式都比較多，可以試一次試唔同嘢食。唔會特登走咁遠食，經過先會考慮食佢。

單睇排隊條龍就知肥公既人氣有幾勁雖然多人排，但輪候速度非常之快肥公出名車仔餸選擇多又足料，生腸、牛肺等更係坊間少有。今次點左牛肚，份量之多拍得住一碗正常潮州粉麵。

三公呢間老字號，周不時經過都會見到好多人排隊，今日難得叫做小人啲，就入咗去試吓佢有幾出色。一個餐牌見到佢寫住最低消費$30，款式都算多，係個魷魚特別貴，要$20。我叫咗豬紅、蘿蔔、豬腸粗麵。估唔到都幾大碗，啲餸都好多，呀姐好似唔駛錢咁一大下夾落碗到。所以食唔哂，因為太飽喇。呢到埋單$31實在太抵喇！而且味道質素都好好！

好想簡單寫一下肥公車仔麵嘅食評，因為呢間車仔麵真係出名平靚正！呢碗勁大又勁多料嘅車仔麵只係$34，叫左$7米粉底，$7有豬肺、$10豬大腸、$10同牛筋腩！每份餸都超大份，真心我係大胃王同一個大男人，食到一半都已經飽到嘔！同埋我唔建議客人一次叫太多餸，因為你越叫得多款，每款餸會越少份量😛 我覺得3餸就最好☺️真係最推薦食牛筋腩 豬腸 牛雜, 必食！我加埋佢個辣油仲惹味，呢間真係食左廿幾年，超正！以前有豬油渣麵食，而家好似無左咁嘅？

係好食嘅但未至於咁誇張。特別有印象係生腸好脆好味，玻璃咁。環境就唔好期望咁多。其他送同麵底不過不失，大腸都OK嘅。大熱天就唔建議去食啦，隨時坐出面熱死。 係車仔麵group裏面經常被人討論，好彩兩點幾去唔洗點排。

長期都好多人排隊，究竟呢間車仔麵有咩咁特別？今日放假一於黎試下，一如既往都係要排隊既😂舖頭位置唔多，見大部份人都係買外賣，等左唔夠10分鐘都排到了。車仔麵黎講都唔平，每人最低消費每碗$30。一碗叫左幼麵，牛膀、豬紅、腐皮龍蝦條 ($31)，每款餸都好夠！牛膀有成4大舊，豬紅都5，6舊，爽口又入味，好足料估唔到份量會有咁多另一碗叫左冬菇、豬皮、大腸、生腸。大腸處理得好乾淨，完全唔覺得好肥，而且鹵得好入味😍份量同樣係好多，4餸麵超大碗唔似出面每個餸得2，3舊。佢既生腸好多人食！最特別係係無染色，好爽口，不過係無咩味既，加少少辣醬就啱啱好😋

肥公車仔麵，真的真心好吃，份量足，便宜。不要給它排隊的人龍給嚇跑，因為物超所值。雞翼尖，豬大腸，魚皮餃，牛筋腩，豬皮，牛肚，絕對不能錯過，非常好吃。不過，最低消費是 $30, 而且會有收多錢的情況發生。通常車仔麵都是每個菜給你 2 - 3 粒 ( 3 塊 豬皮，3 塊 蘿蔔，3 粒 牛丸 ... ) 可這裡，份量多得讓人覺得為什麼吃了那麼多，碗裡還有呢 ? 真的是超值。在現在這個社會，很少會見到這麼好吃，這麼超值的車仔麵，會讓人一去再去，還會介紹給身邊的朋友。

我真係好鐘意食車仔麵，趁老公收工，我哋又去幫襯肥公。😋😋😋點解用又去食呢？佢真係好好食，又多唔同款色揀，最重要係唔算貴，所以成日心思思想去食。🙈🙈🙈肥公車仔麵地址：旺角鴉蘭街地下5號C舖重點推介：豬腸，酸齋，雞翼，豬皮，魚皮餃，粉腸，雞翼尖，豬紅，牛柏葉，牛筋腩都非常之出色，呢d都係必叫之款。👍👍👍食車仔麵，當然要配返支大可樂，咁真係完全冇得輸😋😋😋比相你哋睇吓，等你哋睇下，有機會行過路過，真係唔好錯過啦！🤣🤣🤣

呢間車仔麵檔處於繁忙嘅新填地街。長而闊大嘅簷蓬，掩蓋唔住佢嘅光芒。見好多工友坐喺外面枱櫈，就知裏面應該有好嘢食。一入舖頭，大量蔬菜美食盡在眼簾，確實好Fresh 好新鮮，靚姐見我入嚟就問我想要食咩麵，然後所有餸菜都整齊排列，絕不苟且，醬汁齊備，我最後揀了五個餸先至五十零蚊，抵食！嗰舊辣椒醬更加不得了牛肚爽滑，夠淰！酸齋好味！韭菜豬皮，最美味雞翼尖！

🙍‍♀️家姐有日經過見排超長龍, 👯‍♀️我哋相約去到點知休息😑, 死心不息的我倆決定再去一次, 終於比我哋食到🥳🥳! 排大約20分鐘就到我買, 先選麵, 再排隊選餸! .我要油麵, 🐥雞翼, 🐖大腸, 🐄牛腩! 試過知道點解咁多人排隊🤤🤤🤤果真超好味! 滷水類食品都超入味, 味濃且香! 大腸爽脆, 油脂豐厚! 牛腩大部份都好腍, 好香五香味! .家姐要🐥雞翼, 🐖大腸, 🐷豬皮, 🥬生菜, 魚旦, 🐟魚肉! 呢款魚旦好少見, 爽口彈牙仲有魚味! 🐟魚肉唔醒, 好實淨, 明顯唔係溝咗好多水同粉, 讚! .🤤🤤🤤食飽唔口渴, 十分滿分!

呢排成日經過，初時都毫不起眼，望落都係一般車仔麵舖頭，但係再經過數次，發現條排隊長龍好誇張，舖頭出面有幾張檯俾食客享餐，偷偷望吓，啲餸又幾大份，而且見到冇染色嘅生腸，仲要係大Size，好吸引咁喎！之後諗住走去幫襯試吓佢龍定鳳，幾次都係大排長龍，放棄咗。今日我派大佬買外賣，終於試到啦！分別買咗兩碗都係油麵底，湯底分開，而餸方面分別有:-1. 魚皮餃 – 皮香肉厚，唔係街市同超級市場嘅一般貨式。2. 牛柏葉 – 爽脆唔韌。3. 雞翼 – 一般鹵水雞翼，都幾入味。4. 豬大腸 – 鹵味出色，一啲豬腸騷味都冇，但係嗰股豬腸應有嘅油香充足，而肥膏又唔多。口感彈牙軟糯，一圈圈層次特出。5. 生腸 – SIZE大大件，完全冇染色，食落係冇味道，只係口感爽脆夾彈牙。6. 牛筋腩 – 通常牛筋腩俾到我嘅概念牛腩同牛筋係個體分開嘅，但係呢度嘅牛筋腩將我一貫嘅概念完全打倒，係二合為一，牛筋腩係一層腩一層筋，兩層緊緊相扣，筷子夾上感覺實淨，但係食落牛腩部份淋而不散，牛筋淋得嚟仲好黏口，一啖牛筋腩多種口感，之後仲會有微微牛肉味係口腔徘徊。不得不提個湯底，唔似一般車仔麵嘅湯有陣皂水味，而係雪白色，味道香濃得嚟清甜

去買淨餸都發覺佢亂計錢，真係比佢激死叫豬腸豬肺牛肚同豬紅呢四樣餸無叫麵都收左我四十蚊，要唔係見佢多人我真係會同佢理論#味道係唔錯 #但姐姐數口要改善下 #唔係第一次