肥佬記懷舊美食

好少見有撈麵係可以揀特別啲嘅湯底，所以試試佢😋 💡環境懷舊特色設計❤️💚上面有唔同嘅香港路牌名好有新切感！仲有個有窗花花紋嘅細窗仔可以睇到廚房做緊咩🤓整體有feel🤩 🍜食物 🥢 胡椒鮮豬什黑醬油撈幼麵 - 藥膳牛骨湯 ($62)一上枱就聞到豬油味勁香😻撈麵嘅色水好靚🤎初初驚藥膳牛骨湯會太濃中藥味，驚會苦…原來只係後勁先帶啲藥膳味🫶🏼有牛骨味！所以成個湯味道啱啱好好，好易入口👍🏼撈麵嘅麵質好彈牙，好有咬口，均勻咁比豬油同黑醬油包圍🤣豬雜就無用湯煮過，所以無咩味，但唔臭，唔會煮過龍👌🏼整體唔錯！🤩只係食到少少鹼水味，但可以接受👌🏼 👄飲品 🥛細杯凍豆漿 - 跟餐 ($8) 似係一支支豆漿倒出嚟🤣最尾先有啲沙沙地嘅口感 ✨推薦分數 : 6.5 / 10…Read More

已經三刷, 再去唔係因為價錢, 因講平呢間嘢絕對唔配! 但以食物質素同味道, 一d都唔輸比深圳, d 餸嘅份量更加絕對會多好多(試過喺華強食羊雜, d 羊雜每件都切到好細粒,但又唔係特別多, 但都要差唔多$40落樓)! 佢各樣嘢加埋絕對會令我回頭, 會令我每當想去荃灣食嘢, 就係暫時唯一即時諗起嘅首選!喺荃灣呢個出名大量米線同粉麵嘅地方, 呢間嘢搵到自己另一條路! 少見嘅新鮮豬雜似乎係無掩過, 但食落完全無臭味, 口感都勁嫩滑, 明顯食得出真係新鮮嘅! 另外要讚嘅就係兩款一牛一豬嘅湯底, 兩款試晒都好好飲, 但我比較鍾意牛果款, 因飲落好似有陣藥膳味, 飲到見底都口喝嘅感覺, 應該無味精!因去三次都係叫自選item, 而每次去主打都係豬雜再加其他餸, 所以下次去都想試佢嘅招牌燉湯, 因睇隔離枱叫左, 見到d 料都好足, 我諗一碗都夠飽!BTW, 唔知係咪新鮮豬雜要即煮嘅關係, 我幾次都要等比較耐先有得食,對新鮮食材有心機係好事,但建議可以貼返d 告示話比食客知, 心機食物, 等候需時等字眼! 食到好嘢, 我諗d 食客都唔會介意等, 總好過等候過程令到食客留下不必要嘅缺陷啦!(個人消費:自選兩餸加飲品$64, 完全無影相, 但真心去開附近係值得試嘅)…Read More

噚日（20-10-2024 Sun）晏晝肚餓，就同老公去食晏，問佢食咩嘢？佢答好耐冇飲湯，去上次喺荃灣食豬雜嗰間，飲杏汁豬肺湯（上次食評係2024年10月1日刊登嘅呢篇：https://www.openrice.com/zh/hongkong/review/%E5%9F%B7%E6%AD%BB%E9%9B%9E-e5706143）。我哋嚟到時都有三枱客，坐低後又睇menu揀啦，就要咗：1.$78.00嘅招牌杏汁燉豬肺湯都俾好多豬肺，但係灰黑色，但食落味道又正常，亦好腍身；湯嘅杏仁味夠，但唔算好杰身。4分3. $59.00嘅沙薑豬手飯加豬油要胡椒豬肚湯見到豬手唔多，好夠腍同夠味，OK嘅。4分胡椒豬肚湯胡椒依然好重手，我飲咗兩啖就飲唔落喇。3分2. $70.00嘅紅燒蝴蝶腩淨餸，要生菜同昆布牛骨湯上到嚟，原來菜係墊底，而唔係俾一碟菜，好彩揀生菜，否則揀另外嗰兩隻菜就有啲九唔搭八。蝴蝶腩同上次食嘅一樣OK；昆布牛骨湯味道都幾濃，我飲唔晒，俾埋老公飲。3.33分環境：呢日天氣都熱，冷氣依然唔多夠。3.5分服務：都OK冇問題，不過落完單，每樣嘢都得幾耐下至到。抵食係2.67分…Read More

今日（1-10-2024 Tue）同老公回收完物資後去食個晏，原本諗住去一生懸麵食，但係開十二點，重有45分鐘時間，等唔到，於是嚟附近睇下未食過嘅呢間啱唔啱食。睇到呢間主要係食豬同牛就試吓啦， 我哋入去見到有三枱客，於是坐埋最後嗰張卡位，坐低睇埋menu 就圈嘢食。4. 粉麵飯配飲品，加$8.00嘅可樂2. 粉麵飯配飲品，加$8.00嘅凍菜蜜天氣太熱，都忍唔住要叫凍嘢飲，嚟到我都即刻飲，味道好淡。1分3. $59.00嘅撈麵老公揀胡椒鮮豬什撈粗麵，要胡椒豬骨湯走豬油，加$10.00要豬油渣。睇到粗麵已經淋咗好多佢自己嘅醬油，鮮豬什撈粗有豬脷，豬肺，豬粉腸（2件），豬肚，豬膶同豬心？我食吓豬油渣先，口感有啲煙韌，仍有啲油脂膻味。至於豬什，全部口感都正常冇問題嘅。胡椒豬骨湯好夠辣，夠到老公唔使加辣椒油食。粗麵都OK正常冇問題。3分1. $62.00嘅紅燒蝴蝶腩（豬）陳村粉，要胡椒豬骨湯紅燒蝴蝶腩口感同味道似牛腩，陳村粉滑但幾膩，我要加啲胡椒豬骨湯解膩。4分到老公食時，佢都要辣椒油食。環境：一路坐住一路等，覺得冷氣唔多夠，而有一枱食客問老闆要杯水，老闆答未有水。衛生係4.5，抵食係2.7分題外話：蝴蝶腩係豬連接的兩邊肺葉及豬肚的部分。…Read More

路德圍新開的 懷舊feel 最吸引我的係有豬油撈飯🤩果然加左豬油 d飯更加 酥、脆、润、滑😍跟住我膽粗粗問 「有冇豬油賣」竟然都可以賣 真的益街坊$25一大兜真的瘋狂爽🤟再有醉蝦🦐 7-8隻左右 好新鮮 好爽脆 我連醉蝦d汁都飲埋😄最後普普通通的腐乳菜心都一試難忘唔知點解腐乳有酒的香味😀仲有好多好多我都想試不過已經凌晨了 未有下次🤪🤪🤪2300-0100 凍熱飲FREE大家一起重振香港🇭🇰Yesssssssssssss…Read More

本身想試下隔籬嗰間車仔麵，但係落雨冇位， 見佢呢間肥佬冇乜人於是求其食餐野就算。 一坐低睇見佢個餐牌收得比較貴少少諗住會有驚喜點知原來係驚嚇。 叫左個牛腩拼蝴蝶腩， 個牛腩除左咸左少少都冇咩好挑剔， 但個蝴蝶腩搞唔掂， 夾左舊入口已經有種想嘔番出黎既感覺， 再夾多舊睇清楚原來毛都未抆既喂， 諗住一舊半舊係咁結果夾多幾舊睇係一樣當堂咩胃口都冇哂。 btw, 見佬老闆語氣有點燥底。 conclusion: 呢間野難食貼錢買難受一定冇下次…Read More

捐完血補充一下先，附近開左間新食店，門口見到話食懷舊菜，就入去啦，裝修幾得意，用左香港嘅街道牌。叫左：招牌杏汁燉豬肺、酸辣糖心皮蛋、藥膳牛坑腩撈麵（加豬油）跟豬骨湯，加$20有雞腎、凍檸茶。我係比個豬肺湯吸引左入黎嘅，嘩😳好飲喎，豬肺洗得好乾淨，冇臊味，杏仁味唔太濃，但飲到有微微嘅杏仁碎，易入口，而且兩個人飲都好飽。皮蛋就未試過加肉鬆黎食，咦，又幾特別喎，小小辣再加上肉鬆鹹鹹甜甜夾埋件軟軟嘅皮蛋，又另一個味覺嘅享受😋而撈麵、雞腎同檸檬茶，都係正常水準，值得推薦：招牌杏汁豬肺湯👍…Read More

路上突然之間見到呢間好似新開嘅肥佬記，見到有個招牌寫住豬雜粉，突然之間兩眼發光，今晚嘅晚餐有著落喇入到去點咗一個胡椒鮮豬雜湯米粉，豬雜嘅份量都幾多，有粉腸，有豬心，豬潤，仲有條脆脆地類似喉嘅物體，加咗少少胡椒令個湯提升咗唔少，又可以闢咗個腥味，飲落去幾暖身鮮甜。招牌杏汁燉豬肺湯，呢碗湯都好大碗，杏味適中，豬肺清潔得乾淨，成個湯都係好濃稠，唔會好稀。沙薑豬，豬手處理得乾淨，沒有毛，軟軟糯糯中帶點爽脆，跟砂姜汁絕配。胡椒鮮豬雜豬油撈麵，撈麵同豬雜湯係分開上，先用豬油將面撈好，再配上豬雜、配上湯、湯同豬油可以覆蓋咗面鹼水嘅味，味道豐富。凍奶茶，茶香，絲滑。又係一餐心滿意足嘅晚餐。…Read More

今晚放工去咗荃灣買野經過見到有間新開的肥佬記懷舊美食，我走咗入去坐低叫了碗胡椒湯底坑腩米及一碟雞翼尖，也叫了杯凍檸茶，好認真用心品嘗了一碗牛坑腩🐮米粉好淋好入味好好味😋胡椒湯底夠辣夠濃味，雞翼尖夠入味，侍應服務態度非常好及非常有禮貌，之後再叫多咗個腐乳生菜，每樣都好好味道，好滿足的晚餐，肥佬記還有胡椒豬雜麵🐷，我相信下次會再來試😋😋😋😋😋，此店還有杏汁豬肺湯/ 花雕雞腎都好吸引🤩，…Read More

我第一次寫食評，平時係做開CD RM。今日夜晚做完運動，去路德圍買啲嘢食，見呢間新嘢未試過，又咁啱突然好想食牛丸，就諗住買個外賣返去試吓。因為已經太夜唔想食得太飽，所以唔想要粉麵，咁就叫咗一個牛丸時菜淨餸，落咗單之後就行開去買其他嘢，轉個頭先返去拎返。我拎咗返屋企打開碗嘢準備食嘅時候，先至發現成碗嘢牛丸只得兩粒😱時菜份量就比較正常嘅，都有10條八條，但係$59喎😱我一度懷疑係咪自己睇錯咗，用支匙羹去撈下睇吓，真係得兩粒牛丸……真係覺得嬲嬲地😡…Read More