肥仔美食 (Closed)

平時睇開openrice 睇吓做嘢附近有咩新嘢食無意之中 發現近住花姐廚房 旁邊隔離呢間鋪頭有餃子食 又有手撕雞撈冷麵食雖然間嘢坐位唔多，但醒在冷氣夠涼，因為好怕一間鋪頭內裡位迫 又熱今日同朋友 食咗6隻椰菜湯餃同6隻麻辣雲吞 （如果煎餃要加5蚊）叫咗兩碟小食 （青瓜同雲耳）不過老闆娘都送咗碗自家靚湯俾我地飲 好味唔似味精湯餃算夠大隻 多餡 （怕有陣時太大隻 見到都食唔晒）雲吞皮薄餡靚 鮮味 本身以為有大地魚 細問老闆娘 原來冇俾 都做到咁鮮味涼拌青瓜 略為失準 有少許草腥味 涼拌雲耳 好食爽口 呢度嘅菜脯 係老闆娘每日炒嘅 唔係太辣太咸 送麵可以整體嚟講 餃子🥟 好食 唔太重味精 小食都夠食 會再嚟試吓飯餐 同 撈冷麵有時支持吓隱世小店，都可以發掘到美食㗎！…Read More

「沙葛豬肉餃」8隻$40送一杯熱飲！現時外賣仲有九折！沙葛本身清甜多汁都係好食，同豬肉一齊做餡料好夾而且幾特別，亦唔係周圍水餃店都有得賣㗎！所以一望見餐牌有，即叫！而呢間肥仔美食都算ok整得唔錯，而湯底就係普通嘅冬瓜清湯。如果食厭咗樓上嗰間水餃店，又或者唔想排長龍嘅話，不妨可以試吓呢一間，佢除咗賣水餃，仲有其他飯餐、麵餐。「環境」小店一間有四張細枱，雖然老闆娘親和友善，但座位都係坐唔得耐，食飽要走人，適宜外賣嗰種。…Read More