Meat Hunter by Flower Drum (Closed)

行開長沙灣，我哋去咗昵間香港地道扒房，當然係食扒啦！最鐘意好肉地之外，仲有餐湯、餐包和甜品，係一種情懷！羅宋湯好香濃、微微辣好開胃！忌廉湯好多菇菇和粟米，口感非常好👍🏻餐包暖笠笠，口感彈，加埋牛油既香，好好味呀！西冷牛扒配著條鐵板上觀感一定無得輸！用左紐西蘭牛肉，質數唔錯、餐廳建議5-7成熟，所以我點咗5成熟，肉嫩又juicy。外面剛熟裡面仲帶紅、煎得恰到好處👍🏻加埋大量蒜蓉超惹味旁邊配返啲蔬菜，平衡返😁吉列豬柳配洋蔥汁採用日本宮崎快樂豬，咁大塊都係加$20。吉列香脆、裡面肉質甜嫩、加埋洋蔥汁既大量洋蔥，超香甜，依個吉列豬柳真係抵食、好食，快樂食🥳鐵板鮮忌廉淡黑椒汁T骨牛摩王、7成熟配意粉加咗鮮忌廉令怕辛辣既人可以食到黑椒既香辣但又唔會太辣，肉質嫩軟。配返杯地道既凍檸茶同凍檸樂，正呀喂！最後，食埋個花奶啫喱同香港製造既焦糖餅雪糕，無敵呀！…Read More

今日在長沙灣附近，這家餐廳鄰近地鐵站。走過去只要兩分鐘。餐廳位於一樓，設有不少座位，靠窗的一排都是卡座。餐牌上應有盡有，有日式咖喱飯、牛扒、西多士等。⭐️日式咖喱鰻魚$60套餐配飲品、餐湯。餐湯是羅宋湯，放了很多蔬菜，味道很濃郁。份量很足夠，除了有一條鰻魚，配菜還有中華沙律、薑絲和日本醃漬蘿蔔，增加口感，我最喜歡中華沙律。鰻魚有一定厚度，入口很肥美，一口鰻魚，一口乾拌咖喱烏冬，很飽腹！咖喱汁還有薯仔，加上烏冬，實在很划算呢！⭐️熱檸水有三片檸檬，入口解膩。⭐️法式西多士$25黃金般的西多士，炸成金黃色，夾層是花生醬，入口鬆軟，加上楓糖和牛油，很惹味。…Read More

入到去覺得似係八九十年代扒房，枱布顏色充滿懷舊味道。肉眼鐵板($88)自選左黑椒汁，超厚切，牛肉味濃，叫左七成熟，岩岩好。另外十分推介比目魚扒，首先少地方有，仲要係兩大條，煎得表面香脆，魚質滑溜，鐵板款式加$22可升級套餐，會有埋餐包，湯，飲品同甜品。甜品有啫喱or雪糕😀叫咗啫喱有埋花奶，完美。餐廳係全日免加一，好抵食。黎多個特色手打牛肉漢堡，好有份量，麵包煎過微脆，配搭芝士加蕃茄，一口咬，so yummy 仲有每日限量30份吉列豬柳，日本宮崎快樂豬，食力有限，下次再試。…Read More

已經很久沒有去過扒房鋸扒了，今天去緬懷一下情懷🤗餐廳位於大廈一樓，需要上一層樓梯，店內地方寬敞，坐位空間感足夠 ，玻璃窗一邊的卡位，可以望到街景，感覺舒適。餐廳用上傳統扒房的紅色格子枱布，充滿懷舊感覺！這裏的食物份量好多，十分適合食肉獸，即使是男性都可以捧腹滿足離開呢！而鐵板餐款式除了有普遍的牛扒、豬扒、雞扒外，還有比較少見的漢堡扒、魚扒和羊架。可選黑椒汁/蒜蓉汁/洋蔥汁。+$22扒餐 可配 牛油餐包🍞+羅宋湯/忌廉湯🥣+白飯🍚/意粉🍝/薯條🍟+咖啡/茶🥤+甜品🍨♡鐵板鮮忌廉淡黑椒汁T骨牛魔王🥩$98看見鮮忌廉和T骨牛這個配搭很吸引，所以就點了一個嚐嚐。T骨牛好大件呢！餐廳建議牛肉點五成或七成熟，我點了五成熟，感覺肉質剛剛好，肉味濃郁，鮮忌廉淡黑椒汁這個醬汁味道也很不錯，把醬汁倒上去牛扒，忌廉加黑淑汁還變了有渾染效果呢！♡美式什扒$78 🥢必點🥢十分豐富！除了有牛扒、雞扒和豬扒外，還有平時什扒餐少有的腸仔、煙肉和雞翼。這裏的鐵板餐蔬菜配料都很多，有車厘茄、西蘭花、翠玉瓜和粟米🌽，而且都是很新鮮，感覺好像降低了一點邪惡感😂•牛油餐包🍞形狀跟平時外面吃的不同，是比較扁身。•羅宋湯🥣有很多配料，除了蘿蔔🌽、西芹、椰菜，還有少許肉粒。有這個size肉粒的羅宋湯我都是第一次吃到👍•忌廉湯🥣有雞肉粒、蘑菇粒和粟米粒🌽，喝下很有口感。•雜果賓冶🍹雜果份量很多，帶點酸甜的味道，好適合吃扒餐時候點的飲品。•雜果啫喱本來目測以為只有啫喱和花奶，誰知道啫喱下原來還有雜果，配上幼滑花奶更加分～•雲呢拿雪糕🍦扒餐完美畫上句號😊不會太甜，淡淡雲呢拿的清香味～♡魚柳薯仔青瓜沙律🥗$33 🥢必點🥢魚柳炸得金黃香脆，而且用上青瓜很有新意，青瓜吃下感覺很清新，配上薯仔、蘋果🍎和菠蘿 🍍，值得一試呢～♡芝士漢堡包🍔$45 🥢必點🥢旁邊有脆薯角伴碟，很足料的漢堡🍔有番茄🍅、生菜🥬、芝士🧀和牛肉，牛肉用上手打牛肉，牛肉非常厚身，肉質有口感，牛肉味濃郁，充滿肉汁！…Read More

肉肉強食,最平鐵板$20起,吉列豬扒餐 再加22蚊有甜品,湯,麵包!跟餐有埋薯條或飯或意粉我最欣賞呢個老闆有個堅持,就係食品水準食咁多次都係一樣20蚊餐就係比D平民百姓都可以體會到食鐵板餐既樂趣可惜朋友未打針,仲未有機會同佢食呢間鐵板餐什扒餐有豬扒一件,薄牛扒一片,雞全翼,煙肉,腸仔,薯條另一份係食鐵板T骨牛扒,98蚊,22蚊升餐T骨牛扒肉味夠濃,肉質夠嫩滑,5成熟岩岩好~什扒就係多野食,樣樣都有,正呀!仲有招牌手打漢堡,芝士加番茄生菜,漢堡扒肉鬆軟多汁最平20+22埋到單,免加一我地食牛扒餐就98+22 ,什扒78+22平均一位大約$100,如果食最平20蚊吉列豬扒就真係超值$20優惠只限1-5 ,6PM後肉肉強食 by 鋒膳 Meat Hunter by Flower Drum長沙灣東京街31號1樓1/F, 31 Tonkin Street, Cheung Sha Wan#港式鐵板 #牛扒 #長沙灣美食 …Read More

來到長沙灣東京街街口見到個大大招牌“肉肉強食”，幾得意好似好好食咁，咁仲等咩呀，入嚟啦。一堆餐牌擺埋一齊影張相跟住先開始慢慢搵嘢食，揀中咗“鐵板蒜蓉大蝦帶子伴牛柳”，加22蚊就變set，有埋了餐包，餐湯同埋飲品，大蝦就得1隻，帶子多D有2粒，仲有大大舊牛柳，上枱時淋D蒜蓉汁，唔錯唔錯。"手打牛肉漢堡"由於手打之故口感好好多，成個產品叠得幾高，需要D技巧先食到。常餐係“奶油豬+滑蛋+沙爹牛肉出前一丁”，非常喜歡滑蛋够晒滑。“生炸雞翼”好大隻，味道適中，外皮脆卜卜。意外驚喜係食完之後竟然話有甜品送，佢哋就係“黑加布甸”同埋“雲呢拿雪糕”，唔錯，我同朋友都食好開心。…Read More

同老朋友去食回憶系列食品～ 鐵板扒餐！餐廳係有超多鐵板餐選擇～ 牛都有幾款～ 分別有肉眼，牛柳，西冷牛扒同埋漢堡扒 全部都係用紐西蘭牛肉❤️好有質素除咗牛之外仲有好多選擇～ 魚類有比目魚扒同埋深海魚柳扒，豬有沙丹豬扒同埋日本宮崎快樂豬做既吉列豬扒仲有雞扒同埋紐西蘭羊架～ 超級多選擇！揀完鐵板套餐之後加22蚊可以有埋湯，主食，餐包，飲品同埋甜品，實在太抵食！我哋叫咗兩個紅湯配埋餐包一齊食～正～我地叫左日本宮崎快樂豬做既吉列豬扒，比目魚扒同埋鐵板蒜蓉大蝦帶子伴牛柳～ 日本宮崎快樂吉列豬扒真心好好味，好香脆！配菜都有好多～ 性價比好高！蒜蓉比目魚扒超級滑，大件夾抵食～ 我哋配左意大利粉一齊食～ 吸曬d蒜蓉汁好正！鐵板蒜蓉大蝦帶子伴牛柳真係超級超多抵食呀！首先帶子好滑～ 牛柳我地叫左5成熟～ 外香內滑～ 芝士蒜蓉大蝦都好香口！飲品我哋叫咗雜果賓治同埋凍杏霜～都係經典嘅港式飲品❤️🫶🏻好有回憶最後仲要左一個啫喱同埋一個雪糕～ 啫喱有花奶一齊食好正！雲呢拿雪糕都好滑！…Read More

$20 吉列豬柳呢個超驚喜👻佢係晚市🌚18:00開始先有 每日限30份嗰時去🚶🏿‍♀️大約差唔多八點 🕰都仲有💃🏽🕺🏼本身諗住$20 都冇expect 佢係好食😂 但估唔到好有驚喜 😳呢個吉列豬柳 🐷雖然出邊嗰個皮唔係好脆 🍤但係 佢入邊係好夠霖 🥢🥄加埋啲汁（我叫咗蒜蓉汁🧄） 佢係d 肉好吸收到啲汁 🧜🏿🧜🏻‍♀️夾埋勁好食 🤣👻同埋$20可以有兩塊豬柳 🌛🌚真係好抵食👍🏼👍🏼👍🏼好味程度: 🌟🌟🌟✨（3粒半）$128 牛柳🥩呢個真係超失望 👎🏼😞都真係幾唔好食 🤕佢勁乾🌵 叫咗五成✋🏽5️⃣但係佢勁熟 目測👀應該八九成熟咁嘅價錢🫰💸 諗住都應該都會有返咁上下水準👨🏾‍🍳🧑🏽‍🍳點知估唔到 $20 吉列豬柳 🤣😂仲好食過佢好味程度: 🌟=======================回頭度： 🌟🌟🌟🌟（$20 真係好抵）…Read More

鋸扒的，去舊式扒房懷舊，特別另有一番味道😋店鋪是樓上鋪，地方大，跟其他食客枱的有一段距離，不怕說秘密有別人聽到🤫忌廉湯～是傳統扒房的味道，雞味濃郁，內裡還有很多雞肉粒及蘑菇，很足料～餐包～麵包鬆軟熱點高，一個餐包會附上一小盒的一次牛油，份量剛剛好，又衛生～生炸雞翼～雞翼炸得雞皮很香，熱辣辣，而內裡的雞翼仍能保持有水份～比目魚扒～很大件，吃完真的很飽，起初還以為選魚扒的會不夠飽🤣，魚肉嫩滑又多肉；而且，跟餐的還可選意粉，飯或薯條，蒜蓉汁伴吃，很惹味～美式雜扒～心多多的最適合選雜扒，有齊雞全翼，豬扒，牛扒，煙肉腸仔及薯菜，價錢還很抵食夾大份，有下次～…Read More

想起吃扒的地方，總懷念著舊式，從前兒時的味道！今日終於讓我找到了！餐廳的裝修，完全是舊式扒房的格局，地方乾淨企理，坐位寬敞！點了扒餐，加22元，就有齊忌簾雞湯，餐包及飲品！忌簾湯的味道是濃雞湯那種，有些雞肉粒及蘑菇片，不錯的！餐包也很好吃，熱辣辣的，自己切開塗牛油！再額外點了芝士焗西蘭花，超值，28元就有一大份，還有，餐廳是沒加一服務費，吃多少就付多少，欣賞！扒類點了美國雞扒及比目魚扒，鐵扒熱辣辣，一倒上醬汁就立刻蒸發，這個鐵板的熱度，真的只有舊式餐廳才做到！…Read More

今晚近近地去咗長沙灣肉肉強食by 鋒膳食鐵板餐晚飯。餐廳係一樓要行上一層，有靚靚舒服卡位坐，仲可以欣賞埋街景。好肉地吉列豬柳係日本宮崎快樂豬😆只係$20咁抵食無理由唔叫番個，食完咪係快樂🐽🐽。嘩好大塊吉列豬柳，啲汁自己鐘意食幾多落幾多，真係好抵食👍鐵板蒜蓉大蝦帶子伴牛柳鐵板餐牛柳要咗7成熟食落淋淋地岩岩好，牛味都幾濃正呀！堅大隻蝦食落彈牙爽口唔錯。比目魚扒鐵板餐比目魚上枱已煎到金黃色外面脆脆地好好味😋…Read More

細細個屋企人好少帶我出街食飯 所以生日過節有得出街食都好開心🥳特別係去据扒🥩 港式扒房已經愈黎愈少長沙灣呢間肉肉強食令我重拾童年回憶😍枱布顏色充滿懷舊味道☺️一個個卡位真係好有港式扒房感覺▫️牛柳鐵板餐 ($128 + $22)黑椒汁倒落鐵板上發出滋滋聲相信就係我我黎嘅原因吧😍牛柳叫左七成熟 厚切牛柳夠份量 肉質夠腍配埋翠玉瓜雜豆薯菜🥒🥗+$22仲有埋湯、飲品、雪糕🍦性價比好高👍▫️吉列豬柳鐵板餐 ($68)吉列豬柳配蒜茸汁 啖啖蒜茸好濃郁😍用左宮崎快樂豬 個名好搞笑😂豬柳外脆內軟 又唔會乾身▫️黑椒牛脷配脆薯角 ($70)牛脷軟腍腍 熟牛脷口感一流👍仲有香脆薯角脆卜卜 …Read More

🥢 懷舊扒房係香港人其中一樣嘅至愛，今次黎到長沙灣嘅肉肉強食 by 鋒膳，一間設計偏向美式風格嘅懷舊扒房，強勢攻陷所有肉肉！🥩 💡 餐廳每日總會提供限量嘅$20吉列豬扒鐵板燒套餐，抵到爛啦，完全係食肉獸嘅恩物！😍😍 👍🏻 餐廳環境好大好多位，座位非常之闊落，裝修充滿着懷舊美式扒房嘅風格，入到去真係會覺得自己置身於八九十年代嘅美式扒房，另外餐廳嘅環境非常之整潔同埋乾淨，顧客絕對食得安心，坐得舒服，而且店員嘅服務態度都好好 ⏳上菜速度理想，就算係繁忙時間都唔會等得太耐 ✨ 鐵板蒜蓉大蝦帶子伴牛柳 配 黑椒汁隻大蝦真係超大隻，橫跨成個鐵板，非常濃郁蒜蓉牛油味，咬落去啲蝦肉度超級濃味好過癮，加埋兩粒超大粒嘅帶子，又有得食肉又有得食海鮮，牛柳亦都係好厚一塊，唔會太多筋，生熟程度亦都掌握得唔錯！ 💡 全部鐵板餐+$22配套餐有例湯，飯/意粉/薯條，飲品，甜品（啫喱/雪糕） ✨ 美式什扒 配 洋蔥汁如果想食多款肉類，有選擇困難症又唔知揀咩好，揀什扒就最好了。呢個鐵板燒總共有五款肉，包括煙肉、豬扒、牛柳、香腸、雞全翼，70幾蚊就可以食到，水準絕對唔差㗎，每件肉都烹調到恰到好處，有肉汁亦唔會太韌太乾，同埋可以見到佢份量都絕對唔係孤寒，性價比絕對極高 ✨特色手打牛肉漢堡漢堡可以用宏偉形容，快手打牛肉好有份量好厚，個漢堡裏面仲有餐廳滿滿嘅醬汁同埋芝士，啲芝士黐住晒喺塊牛肉度，兩樣嘢加埋一齊食可以話係錦上添花…Read More

今日上完電腦堂，到餐廳食左個優惠午餐_比目魚雞扒飯。比目魚係好食，但係雞扒比較細件同埋飯量比較少。當然其實只係45蚊都可以接受!! 環境乾淨，服務正常偏上。有機會下次再考慮嘗試扒餐。謝謝…Read More

深水埗的鐵板餐，食肉獸必到，用相宜的價錢就可以食到特大塊鐵板餐。有牛柳、西冷、雞扒、美式雜扒飯。點了一個牛柳一個西冷鐵板餐，餐廳選用紐西蘭牛肉，食物來到時真的嚇呆了，相當大份及厚切，店員淋上黑椒汁時鐵板頓時沙沙作響。點了五成熟，切開後肉質粉嫩，牛味濃郁，雖然是厚切，但絕對不韌。跟餐還有些許配菜，平衡一下。另點了一個吉列豬柳，店家採用日本宮崎快樂豬製成的豬柳，雖然未曾聽過此產地的豬柳，但食落香香脆可口，配上洋蔥汁，味道更佳。鐵板餐好大份，如果再嫌份量不夠，可以加$22升級至套餐 ，從而有餐湯、牛油餐包，再配上飲品和雪糕。…Read More