職人魂 (Closed)

呢間麵包店位置喺正巴士站附近，啱啱一落車就買早餐 🤭早 2 日見有檸檬卷，一向喜愛檸檬味嘅我立刻麵包都唔要，一心試吓個檸檬卷。返公司沖好咖啡諗住嘆吓，點知咬咗一啖之後完全被失望感包圍，一啲檸檬香同酸味都無，可能比嘉頓嗰隻更遜色!其實試過其他麵包唔差架，有個牛奶栗子包幾好味，不過下次就要乖乖揀麵包囉 🤣🤣…Read More

約左朋友係附近食晚飯，搭小巴中途見到有個幾大又醒目既招牌職人魂，原來係賣麵包，買左蛋糕仔，曲奇餅，3個麵包做大帝既早餐同下午茶蛋糕仔係比較實淨足料唔係輕飄飄既，之前食過連鎖集團既蛋糕仔或紙包蛋糕都係好似食左陣風咁。 這款蛋糕仔實淨幾香蛋味同牛油香味。曲奇餅買左原味同咸蛋黃味，咸蛋黃曲奇好香牛油同咸蛋味，咸甜咸甜好鬆化，好味。食剩幾塊先醒起未影相原味無咁鬆化但都幾重牛油香，亦唔會好甜，俾大帝食岩晒，大帝都話Yummy,一個4歲人仔招招積積講Yummy勁攪笑。仲有蒜蓉包，芝士包，2款都鬆軟有彈性，蒜蓉包比芝士包香。我見價錢都幾抵食，比起連鎖店抵亦足料，唔記得幾點後仲有買x送1，我都要支持下小店。我見收銀阿姐都幾nice會同d熟客傾幾句。…Read More

以我所見，最近呢幾個月轉左手，名都改埋叫職人魂，店面無變過，但品質更勝一籌。我第一次保守地就係試佢既餐蛋包，覺得驚喜，餡料充足，塊蛋好有heart,係厚玉子黎架，味道調較岩岩好，麵包實的的很實在，唔會好似食空氣咁，價錢仲係$5.5，而家買少見少呢d足料又平既包包喇🥺另外，呢間野間中仲會有新作，試過佢既卡邦尼薯蓉包，幾正，內裡薯蓉香滑，仲有粒粒磨菇，有心之作。呢個都係新產品，*火腿芝士多士*～外表金黃，有5層包，火腿同芝士都有2片，食完真心飽飽，食落唔會硬掘掘，芝士整到溶溶地咁，$8價錢係覺得抵既，而家出面一個普通到唔普通既腸仔包都賣緊8-9蚊，呢間麵包舖係令我幾respect 既。…Read More