聰明豆小食店

Open Now

Now Closed

此店員工和老闆態度非常惡劣。本人是將軍澳慧安園街坊，慧安園內這店，其中有一個女店員長期都黑面而且態度惡劣，上星期我到此店購買一份魚蛋和格仔餅，當時我拎咗好多嘢，兩手抽滿外賣，此店員強烈要我出示號碼飛取食物，但此刻我找不到。我向店員說當時沒人等緊亦未離開過，可否通融給我取食物，但該店員說沒飛不能拿食物走。我聽完好嬲~這是什麼食物條倒？可以隨意沒收顧客金錢而不能取食物,而且舖面沒有任何標示此項說明和執行。而且號碼飛只係代表次序而內容沒寫明憑票取食,商品條列亦沒此法例。唔見咗張洗衫單都可以攞衫簽張証明就得。後來我找回張飛取回食物，我說下次不要幫襯.但該店員大聲喝我話:“我哋係咁㗎,你地咪唔好幫襯囉!"既然如此,希望大家知道此店是聰明豆小食店。

平時食開既小食店冇開門 就試下附近既小食店叫左一個普通雞蛋仔 當時客人唔算好多 等左好耐都未有見排隊係我後面既人都走哂…以為係即叫即整 時間係要耐d點知拎到手 係凍既 仲要超硬超失望 無下次

慧安園商場一直係眾多學生黨搵食好地方，因為慧安園商場內有好多價廉物美嘅小食店，不過，今日去到聰明豆小食店，實在係令人太失望😅👎🏻小編去嘅時候正值下午食飯時間，由於趕時間，諗住搵一間人少少🥶，排隊唔使太耐嘅小食店醫肚就算。只見到周圍其他小食店都好多人排隊，只係得聰明豆冇乜人排隊，所以就揀咗佢，點知中曬伏🙂🥂小編原本叫咗一個$15嘅芝士撈麵，一來撈麵整得快，又算飽肚，點知等咗成15分鐘，撈麵都仲未整好。當小編向店員查詢嘅時候，店員一邊打機，一邊用極無禮嘅態度話:Γ整緊整緊」😃，又過咗15分鐘，小編再向店員查詢時，芝士撈麵仲未整好😫，店員話等多兩分鐘就ok喇，於是小編就決定等多兩分鐘🥱結果啱啱轉身，先見到男店員收起手機，休休閒閑走入身後面滿地油污嘅廚房👣，手都冇洗，開咗包撈麵煮。小編見到即刻反白眼，原來係根本未整👀最後等左差唔多40分鐘，小編就嚟瞓著覺😪，店員話撈麵(終於)整好😬，點知一望先發現，佢整錯麵。。。😑，小編要嘅係芝士撈麵，佢畀嘅係撈麵😐同店員溝通後，店員話再等多十分鐘，但小編趕時間，於是要求退款。結果男店員拒絕退款🤯，轉身走入廚房🧐之後一個疑似負責掃地嘅中年阿嬸突然由廚房沖咗出嚟

作為住喺寶林嘅居民，一直都有聽聞E一間小食店，對E間小食店亦都很期待，雖然聽過附近居民一直有傳聞話店員態度好差，但我認為未見過唔好妄下定論，於是今日去咗試一試。去到先發現不單食物同描述不符，向店員查詢後發現店員態度極惡劣，不但用粗言穢語呼喝顧客，更推卸責任，大叫著趕走顧客，真心覺得好失望。其實作為E類型嘅小店，真係好需要靠口碑做得好，但E一間小食店絕對唔值得再幫襯。冇下次，絕對唔會再幫襯，亦不建議其他人幫襯😓😕

本想試試，但事與願違食個秘製醬汁撈麵點諗到係咁個八爪魚丸簡直癲覆左我嘅食指對唔住，永不錄用 本身只係想光顧小店之心我食左兩啖真係頂唔順想掉左佢而最後就買左另一間玉子燒叫做彌補下心靈創傷

買餃子 順黎買埋冷麵食佢係自助填完交比佢落單但感覺無之前咁好味唔知點解食落去知味怪怪地咁既我仲買左知韭菜豬紅番屋企食打開見到成片紅色辣油好在食落唔算太辣不過不失啦 下次試下八抓魚丸

街坊價錢，老闆用心製作，真材實料良心小店。每次到將軍澳寶林慧安園，必定會到這小食店聰明豆「潮聖」，不得不試的美食，自家製黑糖珍珠奶茶、三式芝士撈麵、排長龍足料小丸子、陳皮魚蛋，記往一定要加老闆秘製醬。

這商場有很多小食店，有飲品、有酸辣粉、有車仔麵、有燒賣魚蛋、也有餃子，雖然商場細細而居然有這麼多小食，真是好驚喜。其中這間聰明豆我都有幫襯幾次，而每次我都係獨沽一味叫了小丸子嚟食，因為這裏的小丸子做得唔錯，啲粉漿 調教的比例頗合適，而且他們不是用塑膠兜嚟裝食物，而是用紙做的兜子裝著小丸子，感覺更加環保，小丸子軟硬適中，內裏嘅章魚也很有咬勁，面上鋪嘅紫菜同沙律醬等，夾來吃整體味道是不錯的，所以很多時去到都要等一啲時間先輪到我呢。

我叫左八粒小丸子加一杯珍珠奶茶，開頭個女店員話要等五至十分鐘，我話無問題，之後行開左。過左一陣我翻黎ge時候，個店員好清楚敢記得我叫左d咩，拒話個八粒小丸子已經燒好。d小丸子表面系金黃色，超正 。食落去仲要粒粒都有一大塊章魚🐙，呢個堅系無厄稱。杯珍珠奶茶我見超多珍珠，仲要個茶味超香，比對面個間瀧茶個d稀到爆ge野飲好飲好多。加加埋埋都只係三十幾蚊，超抵食。

叫左黑糖珍珠雞蛋仔，等左成15分鐘，以為好新鮮，某女店員仲講到好巴閉，自創款式，放好耐都好熱，佢地見我等左甘耐就問入面，原來是未拎出來，拎上手就知完全被騙，凍的，放入口完全想嘔番出來，超硬，$24只係食左一埋凍粉🤬期間佢仲叫其他拎住第二間雞蛋仔既人下次幫襯，唔知仲想呃幾多人。😠😡🤬🤯😤😠😡🤬🤯😳😠😡🤬🤯😳😠😡🤬🤯😳😠😡🤬🤯😳😡🤬🤯😳😠😡🤬🤯😳

這食店的位置不算太近地鐵站，在商場內的小食店。不要看小小的店，食物卻是多元化，有冷撈麵 ，配料醬汁也一流；兒時常吃的格仔餅，夠鬆軟，啖啖滋味；還有脆卜卜的鷄蛋仔，除了原味，仲有其他口味選擇。公仔撈麵當然少不了，令我最欣賞的是，熱騰騰又足料的章魚燒，加了粟米粒，口感一流。吃的豐富，飲品當然少不了，有各款台式珍珠飲品，珍珠更是用黑糖製作，QQ彈牙，正到一個點。這是一個用心做的小店，值得推薦希望日後再推出更多美食。