聚滿坊粥底火鍋私房菜 (Closed)

一行十二人去食粥底火鍋，原本想去佐敦分店但店員話舖面太細要尖沙咀先容納到，事前已經知佢尖沙咀店店員態度差但估唔到真係差到令人著火，多數蜆都唔開口開口嘅又好多沙，同店員講要佢竟然問：咁你想點吖？最後成煲粥都係沙唔洗食喇

粥底無味，水太多，海鮮不太新鮮，職員服務差，全程黑口黑面，受氣。一黎就成煲粥水，滾到最尾都冇加過一次水，到煮粥既時候竟然可以倒了三大碗湯碗既水，可想而知煮粥會變到幾冇味。。。淨係得個鮑魚係新鮮既，上枱果時仲好生猛，但其他就不太新鮮。牛肉是好味的，但個芝麻雞就好鞋，不好食。服務態度真係係好差，全程黑口黑面，問都唔問下就自己落南瓜，明明就仲有好多料未食食左一個鐘左右咋，咁就想趕客。下次真係要慎選呀，即日有得book位都應該唔會好得去邊

唔會再去😫😫食物一般，個火鍋電磁爐有差、火鍋成晚都唔滾叫佢換電磁爐，黑晒囗面，仲要串番你、最唔明白食完之後將火鍋湯底拿走，剩返少少加啲稀飯落去就叫做粥，完全冇味。

粥底火鍋食完之後會親自幫我地落南瓜煮粥、基本餐有海鮮鮑魚、蝦蟹魚蜆、肥牛。另外有丸、魚肉等等、態度一般啦會問你加吾加野等等囉。之後打完哂邊爐就直接加粥同南瓜入去煮、所以本身個湯有無味精就吾知、不過食落係鮮甜ok 0既、另有油乍鬼送粥。

上兩個月食過一次 三個人去食 今次做緊推廣 打電話去訂位 一個女人負責聽電話 態度極度惡劣 無禮貌 講野大聲 我是顧客 想問清楚也不可以嗎？ 我好有禮貌咁問佢 個優惠點計 反而佢好無耐性咁答 而且態度極度差 最後我叫佢冷靜d 佢竟然答我大聲唔代表無禮貌 原本今次打算5-6個人去食 慶祝朋友生日飯其實我唔係一個好demanding既人 唔明點解打去訂檯都要受氣 可能係佢地生意太好 唔憂做 我以後唔會再考慮去聚滿坊 以後亦會叫人地唔好去 以免要受氣 唔係話要有酒店既服務 但唔該要懂得尊重人 連基本既telephone manner都無 唔係做推廣做得平就大晒架

朋友提議 o黎依度打邊爐, 話上網見到好似幾好 o甘雖然話係私房菜, 不過裝修似 cafe feel環境都唔錯, 用 o左大量 ge 白色我 o地人多, 係坐長枱, 有 d 難傾計海鮮都幾多款, 非海鮮都有 d份量就樣樣有 d 但唔多 lor不過以依個價錢 o黎講都算係 o甘講真二百幾蚊食海鮮仲要尖沙咀 wor生蠔好大隻, 味道幾好魷魚 ok, 冇咩特別鮑魚新鮮, 幾彈牙!黃立倉魚幾好海紅花蟹好鮮甜, 不過唔太好肉o野飲就另外收費, 都係可樂之類大路 o野

🌟級版 特惠版1)新鮮鮑魚 1)新鮮鮑魚2)海中蝦 2)海中蝦3)海紅花蟹🦀 3)海紅花蟹4)流浮山蠔 4)流浮山蠔5)鮮魷魚 5)鮮魷魚6)龍躉仔🌟 6)黃立倉🐟7)黃金蚌🌟 7)蜆8)紅花甲🌟9)新鮮大元貝🌟10)芝麻雞 8)芝麻雞🐓11)八爪魚丸🌟 9)魚蛋12)牛丸 10牛丸13)南瓜 11)南瓜14)冬瓜 12)冬瓜15)粟米 13)粟米🌽16)油條 14)油條17)手打鮮蝦墨魚滑 15)手打魚滑18)雪花肥牛🐄16)雪花肥牛星級版收費如下：每位 $288，酒水另計，全單加一 特惠版收費如下：‌每位 $198，酒水另計，全單加一‌‌ 看看會否考慮星级版‌升級版需早一天預訂另凡要星級版的客人，我司必須收到客人的訂金，才 會安排預訂星級版‌*食材方面會因應訂貨貨源新鮮程度而作出改變，最終以我司決定為準！粥底火鍋竟然係飯未煲好既水黎打

今天去科學館及歷史博物館，既然來了尖沙咀，便到友人工作的店試一試吧。既然只是試食，亦不敢吃太貴，畢竟星級和普通相差近三成價錢。幸好只吃了普通，因為普通已經幾乎吃撐了，如果吃星級，恐怕會浪費不少食物。鮑魚十分新鮮，上桌時用筷子觸碰時依然會蠕動，不過入口較淡味，只適宜沾醬油吃。入口不難咬，連cool牙的女友也可以輕鬆進食。蠔是令人驚喜的一環，有掌心大小，煮完只是縮了四分之一左右，入口鮮甜。海中蝦普通，像是在街巿一斤$88的貨色，每人三隻算是可以。花蟹上桌時一邊身子仍在抖動，看到有點難受，但好吃的我始終難忍。十分鮮甜味美，即使在楊屋道街巿買亦應該要$80左右一斤的貨，算是十分化算。魷魚普普通通。餐廳寫是黃立倉，不過應該是泥鯭。最為驚喜的食物，因為鮮甜程度不遜於蟹，只是較多碎骨，進食時要小心。蜆（沙白仔）亦是十分鮮甜亦沒有沙，不過每人只有兩隻。。。雞二人餐只分到一隻雞脾，上桌時是有點失望，不過後來就改變了，因為除了好吃之外，最重要是給多的話，之後應該會吃不下其他東西，所以這個份量是合理的。魚滑和牛肉都是中上的選料，即使在飽和狀態仍會有意繼續進食。魚旦牛丸，佳寶的$28一斤的貨色，不吃也罷。栗米

今次一行五人食海鮮鍋我地訂左枱9pm所以去到就有得食喇每位$198加一 酒水另計。依個係門口既餐牌睇返先知原來同我地食既有出入⋯一坐低 店員就自動上哂所有食材仲會幫手落碟雞入煲到望落好豐富丫！但點鮮冇左黃金蚌、黑豚腩肉、魚皮餃、年糕、金菇？？換左係肥牛、南瓜同油條？問題係我地掛住食海鮮食完走個刻先見到個餐牌 都冇得再問個店員⋯佢地又唔主動講無左邊樣海鮮低調換左其他食材就算有點不負責任喔下次食野都係睇清楚先得！🙈🙈好喇講返今次食物質素其實海鮮都不差牛肉入口即溶肉又不會太肥瀨尿蝦、海蝦兩樣都新鮮既又夠爽口彈牙！花蟹最愛的蟹喔肉質好鮮甜丫鮑魚夠大隻 夠彈牙黃金蜆雖然夠大隻，但有好多沙⋯⋯🐟🐟🐟有兩大條一早切件先上碟方便食客鮮魷一般般最後店員等我地食哂海鮮就會幫手加個粥底落去變左南瓜粥⋯有海鮮味既粥👌🏻但想起啲蜆沙⋯就唔敢食了😅整體來說，海鮮是不差的但店員的服務態度有待改善！

第一次到訪，店員服務態度親切。店舖座位數量不多，但位置寬敞，非常舒適。火鍋以海鮮為主打，有瀨尿蝦，鮑魚，花蟹，花蛤，深海泥鯭，蝦……每款用料都非常新鮮，上碟時仲好生猛咁郁動。海鮮鮮甜美味。除左海鮮外，仲有其他靚食，肥牛雪花均勻，厚薄適中，放入海鮮湯裡面淥一淥就食得黑椒牛丸都係推介之一！粥底火鍋當然唔少得個精髓《粥》。打完邊爐，湯底沒有很油，反而變成濃稠既海鮮湯，最後店員再即場烹調南瓜粥。大滿足值得再去！推介

火鍋材料新鮮，有冬瓜、粟米、雞、魚、魚蛋、牛丸、魷魚、蜆、鯪魚滑、鮑魚、蠔、生生猛猛的蝦、蟹、牛、南瓜及炸麵，份量是因應人數提供的，如果不夠飽還可加單，價錢合理。環境都算寬敞，座位不會太迫。可以一試。

一般啦。琴晚同朋友去食,本來滿懷希望,但食完好失望。本身之前都去過大陸食過2次粥底打邊爐,人地d魚好鮮,d粥好好味。哩個都係類似哩類野啦,但係唔好食。因為黃立倉都好腥,其他海鮮係新鮮既但味唔夠鮮甜。平心而論大約200元有咁多材料就真係唔貴既,出去食海鮮都係咁上下價錢。而且職員的服務態度都唔錯。但個粥好腥而且一pat野咁。

服務差，食物質素普通，份量少，沒包飲品丶沒蔬菜⋯，8：30夠鐘，7：30就比張單你，又收晒你D野，想吹你快D走，一句講曬，好失望的一餐，吾會再光顧，吾會再信YouTube 👎🏻👎🏻👎🏻👎🏻

火鍋都有私房菜？無錯！套餐內有多款不同海鮮，份量又剛剛好，食火鍋最怕眼闊肚窄，老闆為客人精心安排既菜單，分量剛好，不會做成浪費。計人數，每位一份火鍋菜料。條䱽魚好新鮮！我們3個人可以分配到一整條魚。用打完邊爐既湯底，做粥底，南瓜粥好好味除了魚之外還有其它海鮮㗎！不過當時只掛住食，無影到相！

我地5個人食, 一坐低問我地飲乜,  飲品係另計錢的.  選擇係屋村酒樓果D lor.....(但唔平wor)跟住就黎左下面尼堆野, 1)一碟大約得十片咁上下ga普通細片牛肉,2) 10隻蝦3) 兩條手掌咁大的倉魚4) 豉油碟咁大的魚滑5) 兩隻半ipod size水花蟹6) 約10粒 BB蜆, 每粒5毫子 size7) 唔夠半隻的雞 8) 各6粒切半的牛丸同魚丸 (好腥)9) 約4至5塊切件魷魚10) 5隻細鮑魚11) 適量薄切冬瓜, 粟米, 12. 適量薄切南瓜和油炸鬼(唔脆, "淋"曬, 油味重)13) 幾粒蠔寫落好似好多野咁, 實情份量少到喊, 記住,我地5個大人.  但以188+飲品+另加一, 毎人$2XX埋單,  仲要唔包飲品, D野食質素似"佳保" 我真係唔明其他人做乜會寫好評又好抵咁, 2百開頭我覺得仲有好多選擇, (不過尼個我事前無做好功課, 中伏都無計)望到隔離桌兩個女仔, 份量都一模一樣,最後個所謂ga粥, 只能說 "homemade better" 絕對無下次. 性價比低, 對不起價錢大家樂正過佢好多。