耘 (豐盛創建大廈)

奉勸大家如果午飯時間想準時拎餐嘅話唔好叫呢間。叫過幾次，係同事推介，大家都話呢間好食，但成日錯單。我好好彩，每次叫餐都冇出錯，亦真心覺得好食，夠飽。價錢唔算好抵食不過中環區算係咁啦，比較係其他外賣算平，而且食物都幾健康，唔會好油好咸。不過最不滿嘅係佢嘅取餐時間，即使已經預早比訂單，都不會在預計時間內得到餐點。去到門口排長龍就知咩事，聽到大家都係用唔同嘅app落單，但依然係企哂係門外等。我有經驗已經係比預期時間遲15分鐘到，最後係足足遲左24分鐘。如果份餐一早整好左放係到唔拎，又會凍哂。教我可以點係有限嘅lunchtime 食到熱辣辣嘅腸粉呢？…Read More

中環利源東街外賣舖加左間腸粉店。呢度出名係有石磨腸粉同埋麵食。仲有好特別嘅豆漿咖啡。買外賣，幫襯呢度嘅豆漿咖啡，今次就試下啲主食啦。麻醬青瓜手撕雞腸粉 $39加$4加野菜絲。呢個好薄，好軟。比平時係酒樓食嘅軟好多好多。加番啲豉油就更濃味。酸辣蒸米粉 $40有豬肉、魚片作為配料。呢個係咁拌米粉，個酸辣程度都幾滿意，係幾新穎嘅食法。咬落冇蒸爛，啖啖咬口。微糖豆漿 $16豆漿好大杯，係平時兩倍份量，同同事share啱曬。味道真係唔係好甜，幾啱注意健康嘅大家。…Read More

耘上環利源東街21號豐盛創建大廈地下6號舖中環食野都貴,飲杯coffee $50up, lunch set $150 up 唔係個個中環返工都係高層或者i-banker。 其實上環入面別有洞天, 集中了很多食肆, 一到中午便人頭湧湧,好多附近返工架會來覓食,可以買外賣方便快捷。以平取勝,中午一個餐$40-50,有腸粉、撈米粉同秶飯。腸粉香滑有多款配搭，加埋秘製豉油醬汁, 有米香。牛肉腸粉, 牛肉幾有咬口, 有D脂肪架牛肉片, 配架豉油好好食$40 麻辣手撕雞撈米粉, 個麻辣醬好惹味, 米粉每條都吸收了醬汁每買第2個食物就會有優惠價, 人多好辦事, +$17 加購秶飯, 大大個好實, 入面有肉鬆榨菜油炸鬼。整體味道合理,高級商業區,以此價錢定位也附合了要求同期望,我追求食得飽效率快,味道OK。佢環境比傳統舊式粥品腸粉店乾淨很多, 食得安心。…Read More

中環手工腸粉，岩晒拎返office食，方便又唔heavy😌----------沙茶牛肉腸粉 $37呢款出面都比較少見，腸粉嫩滑，牛肉都幾多，差唔多啖啖都食到餡😋沙茶好夠味，豉油就唔洗落禁多啦😉 粢飯 $21餡料充足飽滿，有油炸鬼、肉鬆、榨菜🤗口感好軟糯，包得夠實，唔鬆散😁 凍鮮果茶袋 $20揀左粉紅西柚，茶底低糖，茶味好出，帶少少柚香🍊 豆漿咖啡 $20呢個配搭幾有趣，本身豆漿應該係低糖，再加上咖啡就多左啲咖啡香同苦味😂…Read More

外卖自取显示12:45，等到1:15也没拿到食物。店家是在我12:45到达时才把online order加入queue。will never come back again…Read More

即將邁進🔟月，真係一如天文台所料咁會打風落雨，所以lunch hour都唔係唔落去食☔️簡簡單單係公司樓下買野食就夠，利源東街有唔少隱藏係排檔後面既外賣小店就最合適，今次就揀咗幫襯呢間專食石磨腸粉同麵食🍝餐牌同鋪頭一樣用咗紅當當幾顯眼，簡單分咗兩類主食📕即製石磨腸粉同麵食，仲有d小食同埋自家飲品例如豆漿同鮮果茶，有個特別優惠就係買第二同第三樣野就可以有優惠價💰所以最抵就係2個人夾買3樣野食share🐓麻醬青瓜手撕雞腸粉 | $39 落單後見到師傅即刻拉開櫃桶上油再落米漿，感受到果種新鮮熱辣，返到office打開就先聞到清爽青瓜味🥒淡黃色既腸粉皮都幾滑有咬口，加埋佢地經過肉汁祕制既豉油就仲惹味，雞絲藏係入面每啖都有，仲有點鮮嫩唔柴😚🐂沙茶牛撈麵 | $36(優惠)顏色雖然唔係好深，但沙茶香料味慢慢滲出😝將麵底同沉底既醬汁撈埋就啱啱好，牛肉食落幾似打邊爐既鮮牛肉，份量合理🍘粢飯 | $17(優惠) 一望幾似盒子飯團，餡料就黎多到爆出黎，有經典既油炸鬼同肉鬆😋煙煙韌韌咁咬落去，兩個share一份當小食真係一個滿足既午餐…Read More

👉Lunch 唔知食咩好，喺堆menu見到「即製石磨腸粉」。。。仲🉑️WhatsApp預先落單，省時方便。。👍店舖喺利源東街排檔入面，都揾咗一陣⋯😳📌鮮味豬肉腸粉 $32 ～ 腸粉係手刮皺皮腸粉，粉皮比一般酒樓食開嘅薄好多，米香特濃，自家製豉油唔會過咸。豬肉餡料🈵️🈵️，好抵食。。。👏✅點了腸粉，第二、第三件產品，🉑️以用優惠價購買❗️🥳📌酸辣蒸米粉（豬肉+炸魚片）優惠價$36 ～ 配料🈶️豬肉碎、炸魚片條。👉米粉Q彈不過腍，酸辣味道唔會太濃，我就覺得啱啱好。。女士份量，男士應該會唔夠！！☺️📌粢飯 $21 ～ 份量比一般的細小，但餡料依然豐富：豬肉鬆、油炸鬼、炸菜少不了，作為下午茶剛剛好。。😉📌微糖豆漿（凍）優惠價$12 ～ 少少🤏甜，重豆香，夠濃稠，好味道！😍…Read More

即叫即整～（已經係Openrice嗌定，都係要等下🙈🙈）正正因為甘，所以拎到返公司食都仲係熱辣辣架（👅我過2條馬路就返到）雞蛋腸粉 (+2酸菜)腸粉以新鮮石磨米漿製作，一盒腸粉有大概五條腸粉，又薄又滑，再加埋雞蛋既蛋香味 口感更加香滑， 醬油就算倒曬落去，都會太鹹，鹹中帶甜，甜中帶香。加左酸菜仲惹味左（👅我太重口味）沙茶牛肉撈麵 (+$36)  超多沙茶汁，汁濃夠香夠惹味，麵條又滑又有蛋香，撈埋一齊食，真係夠邪惡👅👅👍總括黎講，中環區性價比高，下午茶黎講 又飽肚又平 食埋撈麵真係勁飽🤪🤪…Read More

中環返工搵嘢食終於有新鮮皺皮腸粉！第一次試了沙茶牛肉腸粉$37（加粟米🌽+$4加椰菜+$4）。拿到回公司還是熱騰騰。豉油是自家製的，很香又不太鹹，和腸粉是絕配。沙茶醬偏清淡，加了辣（照片裏橙色醬）味道小辣，嗜辣者要再加。關鍵是腸粉皮薄有米香，滑滑的，很好。第二次試了算啦手撕雞腸粉$38（好像沒有要吃出酸辣）但整體是好吃的。雞絲有點雞味，不錯。另外買了秶飯$17（飯質和餡料都剛好，比銅鑼灣老店好吃）和魚蓉燒賣$12（比一般街邊好，有魚味，皮薄，醬汁已加小辣）。腸粉癮發作時有救！滿意。…Read More

潮式嘅皺皮石磨手刮腸粉早排如雨後春筍般興咗一輪，後尾股熱潮無咁勁，但都見不時有新店開張。今日幫襯嘅「耘」，就唔喺新開張，不過，隱身於利源東街呢條橫巷仔，一直都無為意。到最近有食友推介，所以，先至試吓試吓。石磨手刮腸粉講到明喺即點即蒸，所以，製作需時，故最便捷嘅方法喺以whatsapp落單，到店即取。除主打嘅手刮腸粉之外，仲有好幾款撈麵、蒸米粉、燒賣、粢飯……等等，並提供好幾款特色飲品，小店就會有啲咁嘅心思。而早餐或下午茶時段，又會有啲另外着數。沙茶牛肉腸粉 $37、凍鮮果茶袋 $16眾多款式中，都喺心繫沙茶牛肉，腸粉份量都幾多，填滿整個食物盒，而腸粉內就混有好多沙茶牛肉同蔥花，所以，味道算喺幾惹味；刮腸粉有別平常晌酒樓食到嗰種講求滑溜嘅腸粉，外觀皺晒皮，似扭麻花咁，食落帶種煙韌感，米香算OK啦。凍鮮果茶袋共有3款口味，選上雙檸，即喺檸檬加青檸，由於喺雪到冰凍，唔喺靠加冰，所以，飲到尾茶味一樣咁幽香，唔會溝淡咗，而且，又有種酸酸爽爽嘅感覺，夏天飲就特別正，不過，檸檬味較出，青檸味就隱約啲。晌中環食個晏普遍都50左右，咁今次手刮腸粉又有啲特色，價位都差不多啦，都可以一試。…Read More

以前喺中環返工，間唔中都會嚟利源東西街搵食，不過自從公司搬遷後，已經有好幾年無嚟過。最近見好多人推介呢間石磨手刮腸粉專門店「耘」，趁今日要嚟中環辦點事，就特意過嚟一嚐。店舖主打外賣，不設堂座，不過店內亦設有少量位置供客人立食。腸粉嘅選擇好豐富，足足有成 14 款，全部都係即叫即蒸，而且買腸粉仲可以用優惠價選購額外兩款產品，非常抵食！鮮味豬肉腸粉 ($32)  腸粉以新鮮石磨米漿製作，食落口感好滑溜，晶瑩又富米香。豬肉餡鮮味得嚟又有肉汁，而且份量亦頗多，配上自家製嘅豉油，鹹中帶甜，美味。沙茶牛肉撈麵 (+$36)  牛肉嫩滑腍身，沙茶汁濃香惹味，麵條爽滑有蛋香，撈勻一齊食，啖啖滋味。粢飯 (+$17)  粢飯拎上手時仍然係暖笠笠，而且外形望落去好工整，絕不鬆散。入面塞滿了肉鬆、榨菜同油條等，口感好豐富。糯米飯嘅比例亦啱啱好，唔算多，不會太飽肚，適合胃口較細嘅女士。店員服務態度唔錯，仲叫我下次嚟可以預先電話落單，到店後便可即取，咁又幾方便喎！…Read More

一直超鍾意食石磨皺皮腸粉，但無奈港島真係少之又少。咁啱發現中環竟然有一間，一於決定試試佢。我平時比較懶寫食評，除非真係好好食或者超難食。呢間我畀LIKE！食第一啖已經有驚喜，個腸粉夠薄而好滑，醬油我全部倒曬落去，唔會太鹹或者太甜。今次叫佐牛肉腸同豬肉腸加蛋，個人覺得牛肉香D，不過豬肉加蛋都好味😋下次可能我會要牛肉加蛋😆今次體驗好滿意，不枉我專登係西環出黎中環買👍老闆娘都好友善，祝生意興隆，長做長有！我會多D黎幫襯嘎。…Read More

今日約左去朋友間美容院做facial,佢間鋪喺中環開，我地就喺附近搵下好野食，我同佢都鍾意食清淡啲嘅野，所以就揀左呢間手工石磨腸粉試吓😋佢呢到除左腸粉，重有米粉，撈麵同粢飯等等，飲品選擇都有幾款養生類嘅熱飲，凍飲個包裝重印左佢哋鋪頭名💕誠意十足👍🏻❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎❣︎蜜汁叉燒腸粉+椰菜絲✍︎︎呢到啲腸粉真係好滑好薄，外表晶瑩剔透，入口超好味😋，同平時酒樓食個啲好唔同，义燒份量多，加埋椰菜絲食口感一流👍🏻香嫩牛肉腸粉+栗米✍︎︎牛肉嫩滑，加埋栗米來食好正，我食晒啲栗米🤭其實睇圖就知啲腸粉真係薄到起摺👍🏻秘製醬油燒賣✍︎︎燒賣大粒彈牙，買第二件產品起都係加$12咋👍🏻有6粒秘製醬油蒸米粉(豬肉+魚片）蒸米粉食落爽口，魚片同豬肉份量都多，有埋椰菜絲，清清地好岩我口味👍🏻凍鮮果茶袋(雙檸）而家天氣真係好熱，飲一啖即刻消暑解渴👍🏻…Read More

之前係附近行個時成日見到呢間，所以就黎試下。佢外賣個時，醬同腸粉會分開放，唔會浸住啲腸粉，啲醬係麻醬加豉油，所以味道唔會太單調。而且餡料係有冬陰功味，之前未試過 ，但係完全唔會覺得奇怪…Read More

香滑石磨腸粉經過中環見到呢個鋪都有幾個人等緊羅外賣，好奇睇下，原來有腸粉賣，都好耐冇食過，叫左兩客試吓。蜜汁叉燒腸粉，好好食，又多叉燒，腸粉好滑又薄，淋埋醬汁食到好滋味！另外仲叫左牛腸，牛腸最緊要牛肉要滑，吾好老，呢度完全及格！牛肉好滑，好好味！好推介牛腸！好好胃口仲叫左個粢飯，大大個，入面包住油炸鬼同肉鬆，好好味呢。見天氣近排都好熱，叫多個西柚茶，入面有西柚切片，大大包，好香西柚味，消暑一流呢！…Read More