Old Fung Tea House (KOLOUR • Tsuen Wan II)

老馮茶居主打港式懷舊點心，裝修走懷舊風格，好有老茶樓嘅味道，喺荃灣區人氣都幾高。今次專程嚟試吓，多款點心味道屬中上，整體表現穩陣，雖然未至於驚艷，但價錢親民，性價比不錯～🔥 必試推介
✔ 古法千層糕 $28
懷舊甜品之一，層次分明，中間仲有蛋黃夾心，唔會太甜，口感幾得意。
✔ XO醬蘿蔔糕 $32
煎到外層香脆，內裡軟糯，XO醬味唔會太鹹，夠惹味。
✔ 蟹子燒賣王 $36
蟹籽舖面賣相幾吸引，蝦肉彈牙，屬正常水準，唔錯嘅選擇。
✔ 金沙米皇腸 $40
類似炸兩腸粉，但入面係炸蝦，炸得酥脆無油膩感，算係今次嘅小驚喜～
✔ 鮮蝦腐皮卷 $30
炸得香脆，蝦肉份量十足，一咬爆餡。💡 總結
整體味道中規中矩，勝在價錢實惠、環境有特色，aa唔想排大隊嘅話建議避開繁忙時間～…Read More

人氣高企嘅點心專門店，荃灣係比較少點心專門店嘅地方，但係唔明點解四位以上會揀喺呢啲地方唔揀酒樓？唔係會更加鬆動嗎？企係門口聽到有街坊話比極都比唔到5人枱佢。其實個度地方比較適合1-4人內。個人覺得唔係特別平，正常價位。等了大約半個鐘入座。位置之間比較窄，裝修係特別嘅，有點懷舊嘅特色，叫了叉燒腸粉、牛肉、流沙芋頭包、燒賣、鳳爪，腸粉皮係好薄味道唔錯，牛肉都好重牛味，燒賣略嫌佢有啲鹼水味，蝦餃皮有少少厚，但味道都可以。流沙芋頭包係幾特別，味道唔差。其實個人覺得酒樓嘅點心應該俾佢更出色吧！繁忙時間還要限時一個鐘。個人覺得如果要排隊就唔會再考慮了。…Read More

同兩個中學同學好耐冇見，於是約埋放工一齊飲茶，而家幾點心都好創新，味道好好，推介！🌼流沙芋泥包超正！大推，好香芋頭味，咬落去熱辣辣，流心啲漿湧出嚟🤤🌼五柳炸雲吞一樣有水準，咬落去好香口，雲吞嘅餡都好足料🌼老馮鮮蝦腸啲腸粉皮好嫩滑，識落唔會黐口，鮮蝦彈牙爽口🌼豉汁蒸鳳爪鳳爪好入味，仲要大大隻好多肉，食完之後好滿足haha…Read More

因為好耐都無食點心 見呢間設計懷舊 晚市可以飲茶就試下金牌炸芋角芋角外層酥脆 入面有滿滿的芋泥 滿足蜜汁叉燒腸腸粉粉皮滑溜 叉燒亦非常足料 啖啖都滿口叉燒老馮鮮蝦餃蝦餃皮唔厚 大大粒而包滿老馮流沙芋泥包無諗過小店都做到 流沙的效果 有驚喜！坦白講 做到流心 好難係塞滿芋泥但包依然有香濃的芋頭味薑汁桂圓紅棗糕薑汁唔濃 反似有啲似椰汁糕 普普通通總結價錢： 4/5兩個人另叫了 魷香肉餅飯 （無影相）都係200令蚊 價錢唔貴食物： 3.5/5 雖未至驚豔 但食物全部都好足料 流沙芋泥包亦非常推薦 服務： 3/5 麻麻地 出面無人 但有啲食物未食完已經打算執走希望服務態度有待改善 但價錢唔貴 放工可以過下飲茶口癮…Read More

落荃灣，因為近 地鐵又近千色店，天橋可以去到。可能都係地方細，所以都等咗差唔多七八個字....開茶叫咗香片，算係咁啦，第二巡都仲有味。 (畀起有啲其他嘅茶居，第二巡已經唔多 好飲)今日蝦餃正正常，起碼每個 D 皮不會太厚，三十零蚊都食得過。鴨腳扎 有驚喜 ，好食， 附加嘅柚皮 都唔錯； 反觀雞扎平時幾好食今日啲雞就太普通了。蝦醬蒸腩仔飯 就真係回復返水準， 雖然冇當初咁香，但係都算係中上。紅棗糕你就當 okay 啦。 而家換咗咕嚕(guru)排隊 ， 秩序好咗好多 ，招呼就 要睇 夥記嗰日心情啦。…Read More

朋友茶癮起又想去老馮茶居，今日可能係平日嘅關係，等位唔使等太耐，大概等左15分鐘，而且我哋2位都俾咗張圓枱我哋。XO醬蘿蔔糕係每次去都必叫嘅食物，今次感覺細碟左，但仍然好味。老馮金沙米腸皇係腸粉包住炸米網蝦春卷，外軟內脆，好味。蠔皇鮮竹卷基本嘅鮮竹卷，夠味。蟹籽燒賣皇正常味道，今次賣相有點打風嘅感覺。古法千層糕一籠只有3舊奇怪左啲好似俾人偷食左一舊咁，不過真係好好味。雖然係咸加甜（我最怕）但味道好夾。…Read More

今日帶媽咪嚟到呢一間喺荃灣千色匯二期地下外邊小巷入邊嘅老馮茶居度飲茶，我哋兩個入到去嘅時候都好多人，所以需要喺出邊撳飛等位。咁我同媽咪兩個人都唔會食得太多嘢可以見到我哋嗌咗四個點心左右都好夠，食嘅期間都聽到有其他食客嗌咗蒸飯，個侍應都同佢講要等大概30分鐘，我諗都真係即叫即正。兩個人食咗百零蚊咁都唔算貴因為佢食物質素都唔算差，好多都係好新鮮嘅，有個小貼士就係大家可以嗌佢餐紙上邊有打星星同埋手指公讚好嘅點心，叫唔曬下次都可以再食過。…Read More

在繁忙的都市中，總有那麼一間懷舊的點心店，讓人一走進去就彷彿回到了童年。這裡的裝修、枱凳和餐具都充滿八九十年代感。🔸老馮咸水角｜外皮炸得金黃酥脆，內餡十分香濃🔸金牌叉燒包｜包很鬆軟，叉燒內餡甜甜的很好吃🔸咖喱蒸魷魚｜肉質不會太韌，咖喱味香濃🔸八珍糯米雞｜很大隻！裏面有多種不同食材🔸魷魚肉餅飯｜肉質滑嫩，淋上醬油拌飯一流🔸蠔皇鮮竹卷｜很足料，醬汁味道調製得剛剛好🔸黑糖桂花糕｜很香桂花味不會太甜所有點心上桌都是新鮮滾熱辣！加上懷舊的裝修，必去打卡熱點 👍🏻…Read More

餐具油淋淋，個芋角係凍嘅，蝦餃皮又爛，馬拉糕有倒汗水，個腸粉中間炸兩係硬又油。仲要服務態度非常惡劣！限時一個鐘，坐位狹窄，咁樣飲茶只可以講，係貼錢買難受，真係冇下次！…Read More

今日（27/1）專登入荃灣食呢間餐廳，除了點心唔夠熱、員工服務態度奇差，通知客人用餐時間到時，態度更是特別差！當前去埋單付款時，回覆可用哪種付款方式也是沒禮貌的。總之整體員工態度、服務質素、食物新鮮上桌都是差到不得了！…Read More

飲茶都唔一定去酒樓 就係呢間老馮茶居🫖主打一個老香港復古裝潢以60年代香港為主題 舊式招牌 每一個位都係打卡位📸特別係帶住小朋友👶🏻 有卡位仲坐得舒舒服服！天氣凍凍地，叫咗碗椰子燉鱷魚肉湯🥢暖笠笠 好足料！飲茶一定要叫飯 咁先夠滿足叫咗個平時酒樓好少有既魷香肉餅飯🥢魷魚味勁香 成碗飯好惹味😋之後嘅點心都離不開蝦餃燒賣鳳爪腸粉一定要叫咖喱蒸魷魚！飲茶必點！📍 老馮茶居 (荃灣千色匯II) (荃灣)荃灣荃灣街市街67-95號荃灣千色匯II 地下G30-G33號舖#老馮茶居 #荃灣飲茶 #香港飲茶 #香港點心…Read More

今（11-1-2025 Sat）朝同老公去完銀行就食早餐，天冷就要食熱嘢，咁食粥啦，行經呢喥，不如飲茶，攞飛後等咗10分鐘左右就有位，睇完menu掃QR code落單，要咗：5. $28.00嘅香滑牛肉腸呢個睇見腸粉幾薄，餡料厚，食落，唔係好熱，而係暖暖地，腸粉係滑但過腍，OK啦。3.5分4. $33.00嘅四寶滑雞扎有咩四寶？揭開睇，有魚肚，冬菇，豬大腸同豬肚，食落，所有嘢口感都正常冇問題。4分1. $20.00嘅片香馬拉糕好耐冇食，呢個香香甜甜又鬆軟，ok嘅。4.5分3. $26.00嘅老馮鯪魚球size都唔細，呢個好滑溜。4分2. $35.00嘅鵪鶉蛋燒賣鵪鶉蛋真係好鵪鶉，味道都口感都正常。3分茶我哋就要咗香片，呢喥嘅唔澀，原來上次飲嘅時候係澀（食評係2024年5月10日刊登嘅呢篇：https://www.openrice.com/zh/hongkong/review/yeah-%E6%94%BE%E8%82%86%E6%97%A9%E9%A4%90-e5457076），今次好咗。環境：啱啱坐嗰張枱唔迫夾，OK。價錢：茶錢每位$6.00。2.5分…Read More

有時候收工都會想食點心，所以朋友介紹咗我去荃灣呢間新開嘅「老馮茶居」，佢哋點心全部都係即叫即蒸，保證新鮮熱辣，同埋環境打扮成6、70年代嘅老香港風，打卡超掂蜜汁叉燒腸 $26推薦指數💥：🌝🌝🌝🌝🌚腸粉唔會太厚，唔會一啖食落全部都係粉，而且餡料好足，啖啖都有叉燒老馮鮮蝦餃 $36推薦指數💥：🌝🌝🌝🌝🌝去飲茶又點可以唔食蝦餃，呢度嘅蝦餃食落皮薄餡靚，蝦肉爽口彈牙，而且加埋辣椒油一齊食就更加惹味金牌魚翅餃 $35推薦指數💥：🌝🌝🌝🌝🌝平時係出面好少見到會有，呢度見到有即刻叫嚟試吓，食落超足料，入面餡料爽脆，調味做得剛剛好古法牛肉球 $26推薦指數💥：🌝🌝🌝🌝🌚牛肉球大大粒，咬落去口感彈牙，而且食得出牛肉滿滿，唔似出面咁粉魷香肉餅飯 $37推薦指數💥：🌝🌝🌝🌝🌝肉餅大大塊，差唔多蓋過成個飯，基本上每一啖肉餅都有食到魷魚，而肉餅都唔會死實實，配搭上醬油一齊食就更加香✨整體來講，環境真係有果種6、70年代老香港嘅風格，而且全部點心都係即叫即整，食落唔會有長期蒸著導致皮變淋嘅問題…Read More

呢間都算係服務差既典範，每個員工都會大大力丟野落台，好多點心都係無供應但落單後先同你講，而且唔會俾點心卡你再點過，要多次要求才會俾你。上菜時間耐，加上入座後先會同你講限時一小時，未夠鐘就會出聲同你講時間已經到，需要離座。食物質素無其他貼文形容咁好食，例如蘿蔔糕只食到一舊粉既味道無蘿蔔味，而且店內衛生好差，呢方面可以做到舊式茶樓既質素。基本上由入座到離開，全程都感覺到所有員工都想你快D走唔好阻住張枱做生意。下次搵餐廳真係要睇下D差評點寫先反映到現實。…Read More

老馮茶居懷舊香港風味、性價比高嘅點心體驗荃灣點心專門店呢日同屋企人去咗荃灣嘅一間點心專門店，呢度主打傳統香港風味，裝修充滿懷舊情懷，木製傢俬、老香港風格嘅牆紙，加埋啲懷舊裝飾，好有飲茶嘅老香港Feel！環境方面亦都坐得好闊落，唔會逼逼夾夾，特別啱一家大細或者一班朋友聚埋一齊嘆茶。最重要係，呢度嘅點心份量大，而且性價比超高，食得好滿足又唔會荷包大出血。以下係我哋試過嘅幾款推介：老馮鮮蝦餃 ($36.00)鮮蝦餃係飲茶嘅必點，呢度嘅蝦餃皮夠薄，內餡有大大粒嘅鮮蝦，口感爽口彈牙，蝦肉鮮甜得嚟冇腥味，絕對係高質之選。蟹子燒賣皇 ($35.00)燒賣皇上面鋪上咗一層蟹子，色香味俱全，豬肉同蝦肉餡料比例啱啱好，肉汁豐富，食落去非常香口。蟹子增添咗少少脆口嘅層次感，值得一試！正宗潮州粉果 ($23.00)潮州粉果係我哋嘅最愛之一，粉果皮煙韌唔會太厚，內餡好足料，有花生、冬菇同豬肉，仲帶少少清甜嘅味道，總體嚟講好有潮州風味。豉汁蒸鳳爪 ($26.00)鳳爪煮到入口即化，豉汁味濃郁但又唔會太鹹，啲膠質豐富，仲有少少微辣，非常惹味，配埋白飯一定一流！金牌炸芋角 ($18.00)炸芋角外皮炸到金黃色，酥脆得嚟唔會太油膩，內餡係香濃嘅芋頭加少少鹹香嘅豬肉，味道好平衡，絕對係一啖接一啖停唔到口嘅點心！老馮鹹水角 ($20.00)鹹水角係傳統點心嘅經典，呢度嘅鹹水角外皮炸得又香又脆，內餡係鹹香嘅豬肉同冬菇，味道好足，份量亦都幾大粒，食完啖啖滿足。蜜汁叉燒腸 ($26.00)叉燒腸粉用上咗滑溜嘅腸粉皮，內裏嘅叉燒係用蜜汁醃製，甜鹹適中，叉燒肉質嫩滑，呢個價錢嚟講，絕對超值！😋靜靜雞指數 🐥🐥🐥🐣🥚🔂再偷食指數 ✅✅✅✅☑️💲減荷包指數 💸💵💵💵💵——————————————————店舖資料📍 尖沙咀金巴利道78號金輝閣地下A號舖…Read More