Boss Hot Pot

講起元朗嘅冰室，你諗起嘅可能係香滑奶茶、酥脆菠蘿油，但估唔到依家連矜貴嘅花膠湯都成為隱藏王牌！唔少街坊都大推，話係「抵食到難以置信」嘅養心之選，絕對要試！點解咁爆？首先係個「抵」字行頭！一般酒樓食花膠湯動輒過百，但元朗呢啲貼地冰室，一碗真材實料嘅花膠湯，竟然係茶餐廳價錢！幾十蚊就有交易，性價比高到街坊都話「仲平過自己煲」，慳錢又慳功夫，點可以錯過？最驚喜係絕唔將貨就價！打開盅蓋，成塊厚身花膠清晰可見，絕非碎濕濕嘅邊角料。湯底用上老雞、豬骨、瘦肉等耐心熬製，火候十足，呈現誘人嘅金黃色，入口濃郁甘香，充滿骨膠原嘅黏嘴感，真係「啖啖精華」。花膠炆得夠火候，軟腍又帶點彈性，膠質豐富，食落零腥味。一碗落肚，暖笠笠又滋潤，特別啱轉季或捱夜後補一補，滋陰養顏，連女士們都大讚「食完覺得皮膚都滑啲」！喺元朗想搵個經濟實惠又滋補嘅選擇？唔使諗到頭都大！直奔你相熟嘅冰室，試吓佢哋嘅招牌花膠湯啦！用平民價錢享受酒店級滋補食材，呢份「抵食」嘅驚喜，絕對係忙碌生活中慰勞自己嘅最佳選擇。快啲去試，包你飲完心思思想Encore！…Read More

睇其他人comment 所以去食嗰個二人餐，佢之前仲特登打電話去問吓佢幾點開始佢答咗我話5:30開始，於是我就6:30去到book咗位。今日叫咗你二人餐，其中一個叫咗椒鹽鮮魷另一個叫咗沙嗲金菇肥牛粉絲，兩個餸嘅份量正常我哋兩個仲走咗飯有餐湯兩盒同埋兩個汽水自由去拎好方便。不過一入到去本身係用OpenRice book嘅之後，佢叫我唔好掃code我唔制坐低咗之後門口好大浸煙味。於是我去轉位收錢嘅時候個老闆菜門口收咗我加10%唔合理。…Read More

哇～25蚊有份雪菜肉絲炆米加熱檸茶，真係抵到爛！😆🙌 喺呢個通脹咁勁嘅時代，仲有呢啲佛心價，真係要用心感恩～店員又極nice🙏💕🥩 雪菜同肉絲雖然唔多，但炆米係熱辣辣出場🔥，一啖落肚，都幾溫馨～ 💕🫖 熱檸茶都幾正，酸酸哋又唔會搶味，茶底略帶少少苦，但都係啱啱好平衡 🍋🍃 喺午後嚟杯清新嘅熱飲，feel都唔同晒 ☀️🕓📉💸 講真，要搵到有質素又唔洗破產嘅茶餐廳套餐，真係唔容易～呢個套餐就啱晒追求性價比嘅你啦！💯👏…Read More

呢間餐廳真係好正，佢啲套餐好抵食，兩個人食自選兩道菜，包兩客燉湯、兩道小菜、兩碗飯、同兩罐汽水，好豐富。首先講下特濃花膠雞湯，成碗湯超濃郁，好有膠質，飲完之後成個人都暖笠笠，感覺好滋補，好適合依家呢啲天氣！加埋花膠啲口感又滑又彈，真係一流！至於藥材花雕燉竹絲雞，真係味道好驚喜！啲花雕酒香味好突出，但又唔會搶晒藥材味，全部味道都好平衡，啲雞肉又好嫩滑，燉到啱啱好，完全入晒味，食完真係覺得啲湯底都唔可以浪費！再講下金沙海蝦，呢道菜一上枱就聞到好香嘅咸蛋黃味，啲蝦炸到外脆內嫩，咸蛋黃包得好平均，每一啖都好滿足！蝦肉鮮甜得嚟又夠彈牙，真係好正！最後仲有雲耳准山炒萵筍，呢道菜好清新，用料好新鮮，萵筍脆脆地，配埋雲耳同准山一齊炒，口感層次好豐富，仲帶少少甜味，真係好開胃！總括嚟講，呢度啲菜真係水準超高，無論味道定係材料都好用心，CP值好高，真心推介！…Read More

今次叫左$178二人套餐，性價比超高！個套包兩個燉湯、兩個小食、兩碗白飯同兩罐汽水。最正係全版菜式任揀，好多經典嘅大排檔菜式都有，例如魚香茄子、黑椒牛仔骨、椒鹽鮮魷……我哋就試咗老闆推麻辣雞煲同老闆小炒王，再加兩盅超足料燉湯，食完真心想encore！ 🌶️老闆麻辣雞煲,辣得過癮，雞肉嫩滑！一上枱就聞到超香麻辣味，雞煲份量十足，雞件煮得嫩滑入味，唔會乾柴。麻辣汁調得剛剛好，麻香突出但唔會嗆喉，仲有少量花椒提味，越食越上癮！煲底仲有吸盡精華嘅洋蔥同芹菜，送飯一流。🦑 老闆小炒王，鑊氣十足，料多過飯！！小炒王絕對係驚喜！一碟炒到鑊氣爆棚，有鮮魷、蝦乾、腰果、韭菜花、青口仔、蜆肉仔、花生同炸魚仔口感豐富到爆！鮮魷彈牙，蝦乾鹹香，腰果脆口，仲有啲炸魚仔增加鮮味，撈埋一齊食真係停唔到口。最抵讚係油量控制得好好，食完碟底都唔會一攤油，夠晒乾身！ 🍲 燉湯都超足料，特濃花膠雞湯，一揭蓋就見到成塊花膠，湯頭濃到黏嘴唇，雞味鮮甜，飲完成個人都暖笠笠大推！ 藥材花雕燉竹絲雞既藥材味清香唔苦澀，竹絲雞燉到超軟爛，仲有淡淡花雕酒香，補身之選！ …Read More

120分鐘辣辣雞煲任食，啤酒汽水任飲，所有食材豬牛雞生蠔脆肉鯇田園蔬菜都好新鮮，好味到暈誠意推薦，環境舒適，裝修唔錯，侍應老闆招呼周到。店舖外有許多咪錶位，泊車方便。…Read More

行過見到呢間餐廳裝修頗有特色而且300蚊都唔使有齊海陸空放題120分鐘都夠同朋友吹埋水！呢度嘅裝修係行懷舊風格好少放題餐廳會咁有主題！而且環境夠闊落 多卡位！揀咗安格斯牛頸脊套餐因為今日主要想食牛，就冇揀到雞煲否則任食雞煲其實都好抵！鍋底一上就送上海鮮拼盤份量按人頭計有貴妃蚌，蜆，鮑魚，蝦，魚多就唔算好多，但勝在樣樣都夠新鮮而且蜆同蚌都冇沙十分鮮甜嗌咗唔同種類嘅牛肉都試晒！最推介嘅就緊係安格斯牛頸脊油脂分布平均，淥幾下就食得！重牛味！encore 咗幾次每台都會送即炸嘅響鈴冇諗過原來即炸分別咁大十分脆口而且唔係嗰種好薄嘅感覺特別吸湯底！欣賞其他嘅大路打邊爐配料都有晒主要食海鮮都牛都飽飽哋靚牛自己買都幾百蚊300蚊都唔洗實在物超所值！…Read More

元朗有超抵食嘅火鍋雞煲/小菜館，老闆娘超有禮貌，而且好有心服務客人，所以六點已經開始有人流，超級抵食$178二人餐，2小菜2燉湯2白飯2汽水！菜款式有好多有海鮮、雞、蒸餸、炒菜等等，幾十款👍🏻我哋都係鍾意食啲香口嘢味就試咗老闆麻辣雞煲，份量非常之足大大份熱辣辣，超重麻香，用嚟送白飯就一流，雞嘅熟度剛剛好，夠嫩滑。另外就食咗薑蔥雜菌廣島蠔，呢個真係性價比高入邊有八隻蠔，大大隻。佢哋嘅蠔特別好食，係因為佢哋會炸過嚟，先至再拎去抆，會比平時嘅餸更加香口，側邊仲有大量蒜頭同洋蔥伴碟，超級惹味用嚟送飯都係好正嘅！湯品方面，主要都係雞嘅燉湯，推薦特濃花膠雞湯入邊真係有花膠😍…Read More

老闆火鍋冰室二人自選菜套餐$178醬皇啫啫雞煲：味道香濃，雞肉嫩滑，而且吸收了醬料的精華，雞肉鮮嫩多汁，煲中的特製醬汁濃郁，帶有微微的甜味與鹹香，啫啫雞肉外焦內嫩，口感獨特惹味金銀蛋肉碎浸時菜：味道清新，娃娃菜鮮嫩脆爽，入口有自然甜味，肉碎帶有香醇的肉香，搭配金蛋和銀蛋，濃郁的口感，金、銀蛋的細膩，浸泡在醬汁中的娃娃菜吸收了所有的精華，味道更加美味可口特濃花膠雞湯：真材實料用了很多材料製作，花膠雞湯味道醇厚而滋補，湯底清澈明亮，散發濃郁的雞肉香氣，花膠嫩而富有彈性，雞湯鮮甜，入口味道濃厚姬松茸赤肉燉雞湯：味道鮮美而濃郁，湯底清澈透亮，姬松茸與雞肉燉煮至軟嫩，湯底鮮美香醇可口，可見到他用了很多材料來熬製的白米飯軟硬適中，白飯粒粒分明，有米香最後加上可樂，今餐很滿足…Read More

原本諗住天氣開始熱之前食多一轉打邊爐 去到餐廳先知冇咗轉左小菜🥺 不過好彩都冇令我失望🤭之前係俾呢間餐廳門口嘅裝修吸引咗上嚟試打邊爐 估唔到除咗出邊嘅裝修 入面都好特別好有特色 懷舊風👍🏻🤩🤩 餐廳嘅位置都算多 我哋揀咗個卡位 😌😌😌2個人食 叫咗自選兩道菜😶‍🌫️ $178 包咗 燉湯 白飯 嘢飲 價錢都算幾抵 份量嚟講都算幾足～ 不過真係要讚吓個燉湯😍足料又好飲啱晒我呢個湯怪小菜嚟講 我覺得味道係幾好 而且性價比高 價錢唔貴 份量比到足 差唔多價錢 絕對係勝過一般嘅茶餐廳🧐特濃花膠雞湯 奶白色嘅燉雞湯 😍飲落唔油膩好濃郁 藥材花雕燉竹絲雞藥材味好香 呢款湯相對清地 如果唔鍾意藥材味嘅 就未必啱飲醬王啫啫雞煲 一上枱聞到超香 雞肉都比較嫩滑 醬汁味道濃郁 送飯一流!! 我隔籬嗰個食唔停口🤣金銀蛋肉碎浸時菜 極多皮蛋鹹蛋 好鮮呀 有時有啲餐廳煮得唔好嘅話會有腥味 但係呢個冇腥味😛正雖然飲咗個湯都已經飽咗幾成 但係因為啲餸好味 所以都忍唔住食晒成碗白飯😙呢啲簡單健康嘅中菜 絕對係會encore嘅餐廳下次會試埋其他小菜..…Read More

呢間餐廳主打雞煲放題，食足120分鐘，任飲任食，絕對係雞煲愛好者嘅天堂，仲可以揀湯底一款，無限追加雞肉，雞件大大件，煲耐咗仲入味，好啖啖肉，性價比爆棚！🐔牛肉選擇豐富，其中美國PRIME GRADE牛肩胛絕對係重點推介，肉味濃郁，油花適中，略帶嚼勁，適合鍾意食牛味濃嘅人；美國進口牛相對較瘦，但肉質軟腍，煮耐啲都唔會韌；牛板腱帶少少筋位，咬落有層次感，適合鍾意口感多變嘅朋友；特級牛舌口感彈牙爽滑，牛肉控一定要試！如果加$60可以升級美國安格斯牛頸脊。🐮西班牙黑毛豬肥瘦均勻，煮完唔會變韌，仲保持嫩滑口感，配埋麻辣湯底吸滿香料，令人回味無窮！🐷羊肉方面，紐西蘭羊肉片絕對係良心之選，冇一般羊肉嗰陣羶味，肉質軟腍，油脂適中。🐑…Read More

呢幾日天氣凍，食返個雞煲打返個邊爐就最適合啦！店舖位於元朗昌盛徑18號，都好近巴士站，交通方便！餐廳裝潢係走懷舊香江格調。平日夜晚七點入座都唔洗等好耐。二百零蚊價錢雞煲任食牛都係任食，元朗區夜晚嚟講都算抵！先講吓個雞煲，辣到可以自己揀，有辣有唔辣。件件大大嚿，即叫即炒，好欣賞個雞汁好惹味，另外啲雞好入味！配埋啤酒就真係prefect 😊我哋兩個人食咗一隻雞其實都已經好飽。牛係安格斯牛頸脊，牛味好香濃。雖然好飽，但係都叫咗五至六碟牛，真係食夠本！除咗牛同埋雞煲，其他火鍋配料都有好多選擇，大家可以掃枱上嘅QR code落單，職員就會好快送到！…Read More

老闆火鍋冰室今日同朋友有幸品嚐到美味刺身、雞煲連埋靚湯、打邊爐嘅配料、自製嘅飲品，這間餐廳叫老闆火鍋冰室，店內裝修得好有懷舊嘅特色，地方寬敞整潔，枱凳整齊令人坐得舒服，店員有禮貌，服務態度又好，來這裏食真不錯。雞煲嘅款式都有六款咁多嘅選擇，我哋就選咗椰汁花膠雞煲，食完之後就打邊爐，雞煲上枱時已經聞到好香嘅椰汁味，跟住前菜都來，前菜是刺身，有三文魚、北寄貝、希靈魚、帶子，三文魚入口即化，魚肉的嫩滑新鮮，北寄貝味道清新，搭配埋醬汁，回味無窮，希靈魚的烹製得當，魚肉的鮮味和嫩度完美結合，非常正，而帶子的口感彈牙，味道濃郁，與其他刺身打造豐富開胃序幕。椰汁花膠雞煲啲湯好好飲，這道椰汁花膠雞煲嘅材料有椰汁、紅棗、淮山、花膠、杞子等多種中藥材與半隻鮮雞完美融合，湯汁濃郁而不膩，雞肉嫩滑多汁，令人垂涎欲滴，這道菜不僅味道出色，還具有養顏美容的功效，讓人在享受美食的同時，也感受到健康的滋潤。飲品嘅馬蹄芫荽紅蘿蔔水是餐廳自製的，這款飲品清爽解渴，口感特別，為整個晚餐增添了清新的一筆。火鍋配料都有好多款式，我哋都選咗超過10款來食，尤其是最正嘅美國安格斯牛頸脊，牛頸脊的嫩度和口感無可挑剔，入口即化，肉質細膩，令人陶醉，安格斯牛柳粒的口感同樣出色，嫩滑多汁，特級牛舌的口感特別，嫩滑而不膩，與其他牛肉一同呈現出豐富的層次感，新鮮滑牛肉的口感更特別，入口軟滑好味，與火鍋湯底融為一體，而豬潤、豬生腸、爽滑豬皮是豬肉系列的豐富口感，從潤滑到爽脆，讓人體驗到豬肉的多樣性，水魷魚入口爽滑彈牙，脆炸魚皮香脆可口為火鍋增添口感和變得更加豐富，鮮蝦雲吞、墨魚丸亦口感彈牙，味道濃郁，與火鍋湯底完美融合，西洋菜、冬瓜片、生根的蔬菜加入，為火鍋增添了清新和爽脆的口感，平衡了整體的油膩感。…Read More

今日朋友帶我去元朗食火鍋放題，呢間位於朗屏站附近既老闆火鍋冰室，裝修好有懷舊特色，牆壁貼左紙皮石、仲用左好多紅色膠吊燈和霓虹燈，好似置身七、八十年代既冰室。我哋揀左美國安格斯牛頸脊套餐，任食任飲120分鐘都係$298，可以無限追加超過60款火鍋配料，而家推廣有9折，仲免加一和免醬料費，非常抵食。湯底揀左椰汁花膠雞鍋，呈奶白色，加左好多紅棗、雞件，味道鮮甜，用料十足。未食火鍋，先嚟鮑汁炆鴨掌鮑魚花菇，鴨掌含豐富骨膠原，鮑魚肉質軟嫩帶嚼勁，花菇爽滑厚肉。肉類方面：美國安格斯牛頸脊、美國Prime Grade牛肩胛、封門柳、牛板腱、特級牛舌，牛味突出，鮮嫩可口。總結，餐廳食物新鮮好味，座位寬敞，店員會定時幫你加湯、收碟，重點係價格合理，抵食火鍋放題推介。…Read More

Wanna have hotpot in such a cold weather. Finished work near Yuen long so we just decided to have hotpot at this restaurant. We order a chicken pot and have hotpot afterwards. We were there around 21:25 but surprisingly almost all hotpot ingredients are still available!!!I love how tender was the beef sliced and the beef meatballs were very juicy. The veggies were really fresh Super nice staff. They are really polite:)This restaurant also provides different drinks. I love the Thai soda water!! Very refreshing…Read More