老闆娘雲南米線

呢間米線關注組成員冇理由唔識啦今次終於有機會比我試😍6點幾去到已經有幾個人等緊，排左陣已經打哂蛇餅，果然係米線名店😋😋排隊個陣就可以拎張紙揀定好餸，排到比店員開好單就可以安排入座不過坐位方面都坐得比較迫，而且衛生環境麻麻🤢🍜雞肉麻辣BB辣 $47碗米線超級大碗🤩一開始食以為BB辣冇咩料到，但係慢慢食到後面都幾麻，好夠惹味😋🌶加上個場嘅冷氣唔係太夠，真係一到食一到流汗🥵配料有芽菜、肉碎同蔥雞肉好嫩滑，而且都幾大舊不過我反而唔鍾意佢啲米線，對我嚟講有啲淋，我會鍾意食有啲啲彈性嘅米線🥺🥠魚肉響鈴 $10外層炸到好乾脆，真係脆卜卜，咬落「颯颯聲」，脆卜卜嘅腐皮包住啖啖嘅魚肉😍🍢招牌酥炸雞球 $10炸粉超級薄，唔會食好好厚粉，炸到內脆外軟，雞肉十分嫩滑，炸雞十分出色🔥🔥🍹野飲得罐裝同支裝飲品，選擇唔算太多總括嚟講，佢地嘅小食幾出色，而且餸有好多特色選擇，麻辣都好有驚喜😍但係始終食米線，米線嘅口感好重要，我覺得係有少少失望，未到我想像中咁好食🥲加上仲要排勁耐隊先食到，但係環境又唔算坐得好舒服同埋都有啲壓迫咁…查看更多

今次去消費，純粹係朋友話好多YouTubers話呢間米線好好食，所以就專登去買個米線嚟試吓。。夜晚八點幾去到，叫左個外賣米線上車食，味道方面，你話好好食咩。。又真係談唔上，只能說是一般的米線。個米線加一個餸要$15，食個三餸米線就要80幾蚊，價錢貴一點本都不是問題，但應該要俾返相應嘅食物質素和味道。 買外賣要等30分鐘，不過收錢嗰陣又唔講，收咗錢先話你知，老實講，咁既服務真心趕客。Anyway ，消費只止一次。…查看更多

痴線!今日星期五由晚上7:53排隊等到10:22都未有得食，就算幾好食都吾會再食‼️‼️‼️我從來未試過等成差不多3小時，去到最後連炸物都無，失望，吾會再有下次…查看更多

第二次幫襯老闆娘，水準keep住，值得一提係佢個湯底「麻酸辣」，三方面都好出色，味道十分到位，食得辣既人最小都要叫小辣，必定要試既湯底。餸菜方面，炸物係比較出色，我認為揀自己鍾意食嘅就可以。講完優點，就講吓缺點缺點就係排隊！若果上一輪啱啱入，你係排門口嘅話，你要預30至45分鐘先到你入去，入到去，安排你坐低，你要預20至30分鐘上菜，所以去食呢間嘢，你哋最少要預兩個鐘頭去食，如果趕時間真係唔好排！…查看更多

山長水遠入荃灣試因為午市同晚市去食基本上都要等好耐位8點後去食入面都滿左6 7成等左5分鐘左右就入得不過睇得出佢真係唔休做個姐姐態度麻麻 諗多陣佢都開始黑面咁～叫左肥牛 炸雞球同反斗蝦膠豆卜本身想試埋個名物魚肉響鈴 不過賣哂老實講食物配搭係有創意 不過就真係好一般好似大部分都係炸野咁米線同湯底都冇話好大驚喜試一次就夠了…查看更多

老闆娘作為香港米線界的龍頭🐉長期都座無虛席👫除了各式湯底深受食客愛戴外，多款高質餸菜亦是老闆娘成名的原因之一🥰———————————————————————單餸米線 $54 每加一餸 +$14麻酸辣米線附有多種配料，包括酸菜、芽菜、肉碎及蔥花，十分豐富😝湯底酸度柔和適中，不會是那種會衝擊喉嚨的強酸😂BB辣的辣度亦十分溫和😇但麻香味就出乎意料的多🤯咀唇的麻痺感非常強烈🤪而且濃味得來又不油膩，相當符合本人胃口😋店家將豆卜內外反轉再釀入蝦膠油炸🦐令豆卜炸得非常酥脆鬆化💥而且乾身不油膩，蝦膠部分亦十分彈牙😊沒有太多調味之下反而鮮味十足，是相當高質的炸物👍🏻雞球炸粉厚薄適中🐔表面炸得乾爽香脆，雞肉嫩滑😃有少許肉汁，調味方面亦如傳聞所說一樣，的確有卡樂X燒烤味薯片的味道🤣令炸雞充滿親切感，難怪會受眾多食客喜愛🤩所謂魚肉響鈴其實是兩塊腐皮像三文治般夾着魚肉再加以油炸🐟兩邊腐皮炸得香脆💥中間那層魚肉非常厚實，而且十分彈牙😳可是魚味就相當之淡，未如蝦膠那麼鮮味😗腐皮卷炸得香脆，包裹着的菇菌口感爽脆🍄‍🟫調味偏淡得來帶有少許忌廉白汁味😳相常新奇🤣但始終腐皮卷及菇類餡料都較為吸油，因此滲油程度頗為嚴重😰在今天四款炸物當中比較油膩的一款🤔———————————————————————很多雲南米線店不是太清淡就是太濃太油膩，老闆娘卻拿捏得宜👌🏻湯底濃郁得來不會過分油膩👍🏻炸物香脆同時不會太重口味，也許這份中庸之道就是老闆娘家喻戶曉的原因🤩…查看更多

唔憂做排晒長龍，而維持人龍跌序嘅姐姐仔服務態度一般，故然係不感到意外嘅，飲品要往凍櫃自助揀選，指引又不清晰，態度又不友善，我試麻酸辣，湯底嘅質素唔算特別，友人試清湯反而算濃郁有點驚喜，專誠慕名一試，感覺略為失望，腐皮魚肉卷味道不錯，反斗蝦滑特色小吃之一，味道不算突出，炸雞塊算Juicy，味道可以, 建議加設枱號指示方便其員工送餐，會更具效率，不用等候顧客回覆，所以都係只此一試，謝謝YouTuber 介紹🙏…查看更多

黎到荃灣梗係要試吓最出名既老闆娘米線啦，因為我自己本身都鐘意食米線，同我朋友一齊去荃灣排下呢間咁出名米線關注組推介既餐廳先🤓我叫左BB辣 酸辣湯 配秘製豬腩肉 魚肉響鈴 蝦膠豆卜米線🩷🩷🩷我覺得豬腩肉比較偏硬身，有啲難咬，同埋浸咗落個湯度都好乾身。其次佢啲炸物真係幾出色👍🏻👍🏻魚肉響鈴，炸得好乾身咬落去脆卜卜👍🏻同埋蝦膠豆卜都整得唔錯，不過我覺得可以加啲泰式辣醬點下😂因為我覺得呢啲煎炸嘢佢本身可能個味唔係太出，加埋泰式辣醬嘅話應該可以調下味，佢味道有啲淡。最令我有少少失望嘅係個米線份量真係少得有啲可憐，我真係食咗5小啖已經冇晒，真係份量真係少得有點誇張，但係佢碗米線收費都唔平，我見對面都係一樣咁少嘅份量，都係話唔夠飽😂我朋友叫咗酸辣湯 小辣 配 翠玉瓜 酥炸雞球 蒜香椒鹽雞翼米線🩷🩷🩷，翠玉瓜正正常常，分量都算多。個酥炸雞球整得好Juicy，同埋份量都幾足，不過味道有啲淡，但係冇醬汁可以點。雞翼雖然表皮好多椒鹽粉加干蒜，但係佢又係唔係太夠味。同埋我哋後尾叫咗兩支嘢飲，桃膠杞子茉莉花茶，老實講呢支嘢飲我真係寧願飲烏龍茶😂因為佢真係飲落去得糖水味，完全冇茉莉花杞子味。同埋佢啲茉莉花浸嘅時間唔夠耐個花都未開，後尾發現呢支嘢好似要$17，因為當時拎完嘢飲直接入去我問佢價錢佢又冇貼出嚟，我仲以為呢支嘢可能$10左右，如果要$17嘅話我會寧願飲烏龍茶好啲，因為烏龍茶仲解渴😂呢支嘢飲係我朋友形容為蜜糖水🩷佢有其他嘢飲，我未試過唔知好唔好飲。但係我會試返啲大眾牌子穩陣啲。因為排隊我哋排咗個半鐘，而且見到啲評價大多數偏好評，都講到幾出色，所以個期望好大。不過食完之後覺得如果要排個半鐘嚟講嘅話我會寧願食其他米線好啲，唔係話唔好食，但亦稱不上好食。不過人總要一試先知啱唔啱自己口味。所以可以挑戰排隊試一下同埋冇諗過佢啲份量真係咁少，但係收費佢都偏貴後尾唔夠飽去咗附近食好出名嘅糯米糍頂肚。五個心心為最高分老闆娘雲南米線 (荃灣)荃灣曹公街8號香車街熟食中心3樓…查看更多

👧🏻老闆娘雲南米線🍜終於食到遠近馳名既老闆娘雲南米線無令我失望 真係幾好食第一次去既話入口比較難搵行到最高就見到「三樓」熟食中心果時上到去已經見到好多人排隊不過我地係抱住必食既決心去所以點都會排隊(о´∀`о)第一次試BB辣既麻酸辣湯配秘製豬腩肉個湯底好惹味 食落味道超豐富好香口米線硬度岩岩好 唔會太硬 又唔會腍曬諗番都好想再食P.S. 一定要叫埋飲品又唔算好辣 但keep住會有鼻水（唔好意思 係咪我太弱(￣▽￣)）…查看更多

老闆娘雲南米線老闆娘雲南米線係荃灣頭幾位成日受人推介既米線，路過見到少人，即刻同fd入去食。麻辣單餸米線 （招牌炸雞球，炸魚肉腐皮卷，腩肉） 💰54嗌左三碗單餸麻辣米線，如果要額外加餸每款$14，嗌單餸同朋友share食好似抵啲😆，米線麻味十足，有後勁！啲餸嘅份量都足，不過最好食一定係佢啲炸物。炸雞超好食，上枱嘅時候脆卜卜，浸少少湯撈住食仲正。炸魚肉腐皮卷，入邊每一嚿都好大嚿魚肉。大大片，腩肉正常發揮👍最近好似少人左，每次都要排至少一個鐘隊🙂‍↔️🙂‍↔️，入到去又再等，米線上枱既時候已經餓死🤣環境麻麻，用啲木板做間隔，排完隊餓到極致，感覺自己去左難民營。不過米線係好食既，但建議少人先食，未好食到要排咁耐。…查看更多

今天朋友帶我去荃灣試新嘢。餐廳位於熟食市場頂層，每天只營業5小時。由下午5點開始至晚上10點。朋友介紹我吃麻酸辣米線 + 牛腩 +豬軟骨 + 炸雞。落單直至上菜，等了大概20分鐘。炸雞是先上的，表面炸得很乾很脆，裡面依然有肉汁，但是如果有點酒味或者有點辣味，個人認為會更加好。講番主角，麻酸辣湯底比較濃味，也比較油，没有很出彩的感覺。而牛腩只有2塊，相對比較少，反而豬軟骨有3-4塊，但是熟得比較爛，味道不過不失。餐廳環境一般，食物價格亦相對比較貴。…查看更多

今日我去咗老闆娘嘅雲南米線，真係好正！佢哋嘅米線係新鮮現做，口感滑溜，湯頭濃郁，仲有好香嘅香料味。特別係佢哋嘅雲南酸辣湯，酸酸辣辣，啱晒我鍾意食辣嘅人。配搭啲新鮮嘅菜、豆腐同埋肉類，食落去超過癮！而且，唔好忘記試下佢哋嘅炸雞翼！外脆內嫩，咬落去啖啖肉，完全唔油膩。佢哋嘅秘製辣椒粉搭配得好完美！每次去都必點，簡直是無法抗拒。老闆娘對客人都好有耐性，服務態度一流，令人感覺好親切。總括來講，呢間雲南米線同炸雞翼真係值得一試，無論係朋友聚餐或者家庭晚餐，都係好選擇！下次一定要再去！…查看更多

一直都好想試老闆娘，但成日聽聞要排好耐隊就腳步😅終於有次星期四經開荃灣，又見咁早，就自己一個人去毒食去到6:05左右，已經見到條人龍，排隊時會派紙仔點埋嘢食，大約6:25就入得，都算好快但等食物就小小耐，要預30-45分鐘先食得一個人點咗好多食物🤭酸辣湯米線：可能太高期望，我覺得好普通，味道算濃但湯底比較稀招牌酥炸雞球：我個人就唔鍾意，雞肉味又一般，炸漿都厚，普通餐廳都食到呢個味反斗蝦膠豆卜：呢個好味👍🏻炸到好鬆脆，就咁食會淡，一定要點小小湯咁食😋正！魚肉腐皮卷：都夠脆，但唔夠豆卜出色總括嚟講，如果唔駛等都會再食，但又要排隊又要等，就唔會再試lu價錢：一碗麵+3個小食+一支飲品 $92…查看更多

今日星期五，啱啱好5:30之前去到， 5分鐘已經入去啦。不過坐低就等咗45分鐘，還好吧，已經做咗心理準備。叫咗碗麻酸辣粉配牛腩。order 之後已經後悔，自己其實唔係咁鍾意酸辣粉配麻辣。 但係呢度繁忙，真係唔係幾好意思改單，唯有啃咗佢。好有麻辣味，但有些苦澀。明白為何有些人會話苦。見到好多人都叫佢嘅炸物，不過我就唔係咁鍾意食炸嘢。 呢度嘅配料唔算少，不過有好多都係炸嘢同埋佢啲特別嘢。就少咗啲平時應有嘅嘢例如腐皮，有啲可惜。碗嘢好多湯，我叫咗牛腩都起碼有六七大嚿反而啲麵同芽菜係少d，好夠酸。整體其實覺得唔錯，但又唔會特別想再嚟（even 唔需要排隊都唔會特別想食）。可能叫錯嘢吧。不過特別讚就係佢有無糖豆漿，啱晒而家鍾意健康嘅人。…查看更多

今日5:30pm黎到，好彩地剛好不用排隊，但食完出黎就大排長龍了🙈點了的都是酸辣湯， 但試了很多款餸：炸雞：Juicy，有淡淡咖喱味，惹味！反斗蝦膠豆卜：好酥脆，味道不算燶，連湯食一流魚肉響鈴：脆到好似薯片咁，魚肉都彈牙豬腩肉：個人覺得普通，好厚，但是有點韌…查看更多