老闆娘雲南米線 (Closed)

荃灣二坡坊, 今次黎到主要為左呢間”老闆娘雲南米線”~話說識我既朋友, 個個知我大食又挑食~ 估到呢到實岩我食~ XD滿心期待, 一人點一碗 (每款$38 , 加餸每款$8)溫韾提示: 店方貼左告示, 一人至少要點一碗架雖則以雲南米線打正旗號, 店方仍有銀針粉 & 拉麵可供選擇.湯底方面有, 清雞湯 / 酸辣湯/ 麻辣湯/ 麻酸辣湯 (4款選擇)如果唔食辣, 淨係想食酸, 可以點淨酸湯 ~暫時要停一停酸辣, 唯有點住清雞湯先~ 配”雲醬豬軟骨”豬軟骨件頭大, 呈啡色, 咬一口非常入味~ 軟骨部分同樣夠火喉, 味道帶一點點辣的~ 惹味推介~! 清雞湯有鮮甜味~ 米線軟硬亦適中, 食完大滿足呢友人們, 分別是“健康有營配酸辣湯”& ”招牌酥炸雞球配酸辣湯”大家會唔會想食銀針粉, 偏偏起出面食店好難搵到呢? 呢到係有銀針粉食架~ (銀針粉令人想起小時侯, 兒時在家中不時也會食到呢^^”)健康有營, 全部蔬菜類, 岩晒女仕們 相信每一碗是獨立跟湯頭煮, 米線特別入味呢~ 小試一口友人的酸辣湯銀針粉, 除左醒胃之外, 越食越想食, 不禁試左幾口先肯收手~招牌酥炸雞球, 即叫即炸, 外脆內嫩&有肉汁, 雞球大大件絕對唔怕唔夠喉啦~大家快D試下…Read More

我好鐘意食米線, 所以好喜歡周圍試新店. 但就因為太喜歡, 所以對米線都有D要求.有一日男友同我講, 佢同事帶佢食左一間好鬼抵食既米線, 話下次一定要帶我去試.我的座右銘係: 心動不如行動, 所以聽完男人咁講第二日就去試啦. 本身都唔抱住咩期望去食, 你要知道, 依家物價高漲, 抵食唔等於好食架嗎, 而且好多食店都已經唔係良心食店. 就因為無期望, 往往反而有驚喜.“老闆娘”店面唔算大, 但就乾淨企理. 當晚8:30PM去到已經FULL晒. 不過等左幾分鐘就有位lu~先俾大家睇下張點餐紙, 款式都幾多, 而且每款餸都係劃一價錢+$8. 我覺得方便客人計算.同埋有米線、拉麵同銀針粉3款選擇. 真係好少見到有店鋪會有銀針粉揀, GOOD.不過提提大家銀針粉係熱銷ITEM, 好多時過左8點幾就會沽清. 想食既就要早D去啦.我叫左個淨酸湯米線底+健康有營* HK$ 46呢喥每碗面都有我4個拳頭咁大, 好大碗.*健康有營= 豆腐、蕃茄、枝竹、雜菇酸湯既酸度岩岩好, 好開胃. 而且湯底有少少肉碎唔會太寡. 對於女生黎講, 米線分量比較多. 我就食唔晒一碗啦.男友叫左清雞湯小辣拉麵+雲醬豬軟骨+招牌酥炸雞球+野菌腐皮卷 HK$ 62.00雲醬豬軟骨:夠軟身, 而且軟骨位炆到食落好似牛筋咁.我淺嘗左少少, 對於唔太食得辣既我黎講都可以接受到,如果你係Spicy girl or spicy boy 應該可以挑戰更辣的level. 而且呢喥所有炸品都係即炸同另上的, 所以熱辣辣上枱會好味好多. 而且其中一人叫都可以大家share一齊食.酥炸雞球: 一碟有4件雞球, D雞球好鬼大件, 我覺得應該叫雞件先岩. 雞球食落唔乾而且內有汁好JUICY. 咬落雞球的表層肉是黃黃地色, 我覺得好似帶有少少咖哩味.野菌腐皮卷: 外皮炸到金脆, 內里有野菌、粟米而且帶有奶油香,真係好好味.推介.但唯一個問題就係好油膩, 我食完一件已經覺得好油.總體黎講, 滿意度好高. 店員工作效率高而且有禮貌,依家老闆娘已經成為我最喜歡既米線店頭3位啦. 我一定會不斷再encore.…Read More

呢間米線由細食到大，終於搬左落地舖，味道依然好味。今次叫左炸雞麻酸小辣，炸雞依然世界級，四大件大大件，香口好味。米線份量夠，如果唔食得辣既可以叫小小辣，咁就可以又食到香味又唔會太辣。總括而言，係一間可以無限Loop既一間米線！…Read More

由細食到大既一間米線，之前街市入面開成日要去撞下睇下有無開門，宜家唔洗啦!因為搬左落地舖，坐得舒服左。今次叫左炸雞米線麻酸小辣，炸雞真係世界級無得輸，大件又香口，有4大件，大食既都實夠食。麻酸係我既至愛，唔食得辣既可以叫老闆娘整小小辣，咁就有香味得黎又唔太辣。總括而言，可以無限loop既一間米線。…Read More

本身很愛吃米線，這間老闆娘米線可以列入我的心水三甲之內，自從它在香車街消失了之後，我失落了一陣子，幸好得知它重出江湖，實在太開心了！以米線來評價，我覺得它的米線不算特別出色，但是它的配料實在太好味，比其他米線舖嬴成條街呀！之前食過牛腩同豬軟骨，好稔好好味，今次試埋新疆小排骨和野菌腐皮卷米線。新疆小排骨都算OK，不過我較喜歡豬軟骨野菌腐皮卷好脆好味，必試！全部都是大大碗，每次吃完都很滿足了。…Read More

已經好耐無食喇!!! 以前係香車街街市, 夜晚唔係成日開, 好難先食到, 好掛住.原來而家終於係出面開左鋪喇, 我都係團購後睇到先知, 即刻開左十幾張啦.新鋪就一定乾淨啦, 位置唔多, 佢應該可以放多幾張枱啦.味道一樣, 揀左麻酸辣中辣湯底,仲有我最愛既銀針粉, 真係無得頂.一大碗, 湯係橙紅色, 好有味, 銀針粉都好有口感.酥咋雞球5大件, 好食, 新鮮炸起熱辣辣, 入面仲有肉汁, 但有小小熱氣.$38米線包一餸, 團購價$26但8:30後先用得.再加餸每款$8.以米線黎講算係中上價位!!! …Read More

星期六下午準備去食野，男朋友話見到朋友食左呢間老闆娘雲南米線覺得啲炸雞好好味，我同男朋友就跟住去試下。入到鋪頭入面，燈光非常充足，環境非常清潔。坐低之後就睇下張點餐紙。有好多款餸可以揀，但佢地既餸同一般既米線鋪唔同！足料好多又特別好多！佢地除左米線之外，麵類仲有銀針粉同拉麵揀。配料方面我本身煩惱緊好多都想食唔知點揀，但店員就走埋黎問''係咪第一次黎？可以介紹下！''當時真係好窩心，因為已經好頭鋪仲有禁好既服務態度。經店員介紹之後就落好order,等黎麵既時間亦唔會好耐！我叫左豆腐雜錦同椒鹽雞翼酸辣銀針粉！男朋友就叫左炸雞球，芹菜莞茜，野菌腐皮卷，腩肉清雞湯米線！因為炸野係另外上，所以我地share食 食到超飽。椒鹽雞翼，炸雞球同野菌腐皮卷真係好好味～值得一試！…Read More

在Openrice這裡發現老闆娘搬了新鋪，即時要過來光顧一下。之前在舊鋪時因放工時間已唔開，所以好久沒吃過了。在隱蔽的二坡坊裡，如識路的話經過兩條小路就到真是非常方便，被兩間雞煲夾住，希望生意好之餘，鋪租及不要加那麼急可一路經營下去。要加油啊！ :) 老闆好有心思，新鋪用上電車做主題，店內光猛明亮，顏色鮮明，給人年輕和充滿活力的感覺，如配少許輕快的音樂就更相得益彰了。 價錢跟以往差不多以前常點清湯有營米線，但由於太耐冇食，都已忘記了有什麼材料，今次當然要叫番碗回味回味啦！有蕃茄、菜、豆卜、各種菇類，一如以往新鮮爽脆，咸淡適宜。只是米線分量比以前少了點，跟出面其他店差不多，如女孩子吃就很足夠，大食的就可多叫點餸了。銀針粉也是至愛之一，今次叫了一碗小麻辣湯底銀針粉配酸菜斑腩和豆腐魚丸，湯底味道和顏色跟以前一樣夠哂麻辣惹味，酸菜斑腩浸在湯裡是削了點但分外入味。豆腐魚丸是即炸，比以前加多了粉，喜愛以前多些豆腐的感覺。如果你未試過以前的，就已經覺得很好味了。懷愐很久很久很久以前那個叫“牛肉乾”嘅餸，希望遲些有機會在新鋪重遇上啦！　老闆娘，我會繼續支持你！…Read More

係openrice睇左好耐都無寫過食評第一次就寫俾老闆娘雲南米線係荃灣做野都好一段時間一直都想試呢間米線但因為工作地點同性質問題一直都搵唔到機會但今日終於試到今日點半去到唔洗等不特止仲可以揀位坐yeah好快就揀到炸雞球大麻酸辣米線炸雞球同麻酸辣都好少係出面見到當然要試下啦都等左幾耐下米線先到不過見其他食客既米線都要等一段時間先有應該係收到order先煮米線而且雞球會另上唔會放落湯到搞到腍哂，呢一點已然值得加分XD個碗好大，米線亦好多但米線淥得太腍唔太鍾意碗野又麻又酸又辣真係幾特別而且湯底有唔少肉醬建議個quota可以唔叫炸醬試下其他餸XD我個人認為碗野可以再辣d(可能係我食得太辣)碗米線份量真係好多男仔食都會好飽女仔除非好肚餓否則可以考慮叫少米線或者同人share食完米線先開始食雞球凍左少少但層皮依然好脆而且雞肉無雪味仲有肉汁Yummy!雖然係38蚊單餸米線仲要無野飲但真係好食過其他米線鋪好多希望之後仲會有時間同機會過黎幫襯地圖encore指數: 8/10用餐日期: 28th July, 2014純粹個人口味，食評只供參考…Read More