老碼頭 (Closed)

湯底算有驚喜小舖都有準備不同的調味料, 值得推介, 可惜選擇不多湯底擇咗冬瓜湯, 味道似例湯, 但都算可接受, 冬瓜新鮮鮮甜, 但連子太硬4寶丸各有特色, 最得意的係豬肉丸, 裡面有鹽蛋黃, 食落有D似鹽蛋蒸肉餅的味, 黑椒牛丸惹味, 但蝦丸墨魚丸雖然係分到邊種色, 可惜食落2種都冇分別, 冇鮮味水魷一般, 牛展收$88, 但分量不足, 重好硬, 似牛舌多D黑松露餃最失望, 收得貴, 但睇得出係用夾夾出黎, 冇誠意, 而且食落都幾腥, 其他重叫咗生菜及雞件埋單毎人$270, 其實都算貴

中學同學小登科，來這裡短聚慶祝，文蔚街一帶有很多火鍋店，來了幾次也是老碼頭，雖然地方不大，一次約可容納20人，但服務一流，店員會不停自動加水加湯。這夜點左冬瓜素翅濃湯 ，煲內有冬瓜、素翅、雞件、金華火腿、蓮子等等，湯底勁濃，每次最期待係冬瓜，因為吸收左不同火鍋食材既味道，入口即溶，伴麵食一流。手切肥牛(大)，師傅順住紋理手切肥牛，一口一件，勁有牛味。脆骨魚腩-魚如其名，勁爽脆，鐘意老碼頭既原因係佢只賣新鮮食材，大好味，食左兩大碟炸響鈴-自家製作，不過相比以前，份量少了，但味道仍舊手打四寶丸-呢個必食，有麻辣牛丸、蛋黃豬肉丸、手打墨魚丸同手打蝦丸水餃及黑松露雲吞-水餃味道一般，黑松露雲吞超重黑松露味道，好香除左以上，仲點左支竹、雞脾菇、皇帝菜同生麵，最後個生麵勁正，因為吸收左最濃既精華。雖然呢度比一般火鍋店貴，但論食材湯底，它是優勝的。

嘴刁小姐最近黎開佐敦搵食，連生日飯都選呢度；訂左位一黎到就入得（其實唔訂都有位，成晚得3台客），朋友話到明想食雞煲甘就梗係點個雞煲食下先啦，叫左小辣，又真係好少好少辣喔，雞肉唔鞋口又夠入味，仲幾香添，讚！呢個係店家推介的手打四寶丸，真材實料，食落唔會一口粉，朋友大讚好食好食食完雞肉加d豆腐落煲度等距索下汁，真好又滑又惹味呢個餃子就真係麻麻，皮太厚平時去親打邊爐都鍾意自己混醬，今次呢兜混醬完全用唔上派場，皆因雞煲已經好夠味，唔使點醬間店可能唔係大街，成晚得3台客，可以同朋友靜靜地食飯傾計真係好

前幾日又涼左少少，不過個天氣就好悶焗，我行住街都有流汗添丫！！同男友討論左陣，最後定案食雞煲。打邊爐打到身體裡面火裡火裡去，不過d冷氣夠晒透心涼，男友好易大汗都唔見佢流。我地咩都唔諗就叫左個干雞煲，貪佢惹味，黎到煲左陣見佢一滾就夾黎食，d雞又滑又有濃濃雞味，D肉又嫩又甜，再連莞西辣椒都食埋，味道又辣又過隱，D汁同男友媽咪整個d有得揮丫！仲有叫個份手打四寶丸裡面，我覺得個粒蝦丸同豬肉太最最最正。因為豬肉丸裡面仲有我好鍾意食既蛋黃，好好味丫！！！蝦丸又彈牙又香蝦味道。仲有，除左d野食，值得讚1讚既仲有服務。d伙記同老闆我分唔到邊個同邊個，都好nice！！我地岩黎個雞煲個陣會叫你食住先，問佢野食意見又夠中肯，走個時我地都笑住走！

經過渡船角附近，咁巧想打邊爐，老實講，附近for打邊爐既舖真係好多好多，我掙扎佐好耐，選擇佐呢間。個陣都成９點幾，係附近舖都關晒門。不過呢間仍然爆滿爆滿的空間唔算好大，中有種幾懷舊感。首先上個盆老碼頭辣雞煲，顏色真係好colorful！汁就杰tata，辣椒１堆，但係我發覺唔係好辣。雞肉１舊舊吸晒汁，十分香味，直頭連骨頭都啜埋好個juicy雞啊！！初頭食個２舊覺得微辣，食食下覺得有點點麻，不過真係幾好味的！簡單黎講，呢間d煲唔算太辣(我覺得)，食得出似香港人口味，微微帶甜。

尋日系咁落大雨，城個天氣變得涼涼地咁好想食火鍋，我比較鍾意趁未系咁熱盡食辣野起碼唔會好似夏天咁芒喪標汗先啊～對不對?!朋友哎左呢個都唔知，所以1黎到我見佢系油炸鬼就咁食左舊，之後個職員同我地講，都可以兩食既，不過有d人講話浸到半脆半林食最perfect wor我有咁整黎試下，i thank就咁食浸完食都好好味啊呢個真實睇d顏色好靚嫁，不過唔知點解我影出黎會變左色咁囉佢有d爽同埋好有’咬'口，唔會話好重牛肉味囉，但就吸左湯底味辣左！見到自家制既蝦滑忍唔住哎左黎食，食到中間有粒粒1小節1小節既蝦肉，頗鮮甜啵！食個時仲有少少張住我d牙唔記得講個雞煲tim，我地要左麻辣味既雞煲，朋友話雞煲d汁好厚身= =我就唔系好明啦....我覺得好辣下就真，佢差唔多城煲都係細細隻嗰隻辣椒，哈哈～好有視覺上享受阿雞肉真系滑，汁好好好濃不過唔會咸ｏｋ

呢度既麻辣雞煲真係好麻，而且又辣，我個嘴唇都差唔多辣到無咩知覺了！都係個fd mui mui既錯，一開口要中辣，連雞肉都辣到唔知咩滋味。不過好彩有幾舊食落都唔會好辣，雞味仲有係度。呢間雞肉偏肥唔瘦最好味，而且d肉好滑又好嫩，汁杰杰地同埋濃味少少，所以食雞肉個時真係好惹味阿！！但就真的辣咗d。同老友Samon 2個都好中意食牛，今次試衣碟紋路好令既牛頸脊，食入口個感覺真係好嫩好香好香牛肉味！！因為切得薄，所以就咁用湯拖1拖就食得，唔點鼔既話個牛味會更鮮同重d，食多d就唔怕肥阿!哈哈我地仲有碟手打四寶丸，Samon食到有粒啡色裡面有蛋黃碎，味道頗香口阿，加上粒丸每咬啖都好彈牙，有肉香又和味阿！！更何況夠晒爽口嘛！同Samon路經此地並唔係我地最初目的，不過有個意外收穫都幾好，唔錯！

同事們同我去左渡船街打邊爐幫個女同事慶祝生日,叫左碟肥牛,鹿兒島腩肉,2種都好肥美禾,脂肪分佈得好平均,入口即溶!!!仲有碟自家製白松露雞肉餃,依個完全未試過,雞肉味香裡面函夠飽實,依個好味!掂禾!!另外要左個老碼頭麻辣雞煲,汁好鮮甜同濃郁,雞肉好滑有辣椒味莞茜味,汁就算濃都無'com'過本身雞味,做得真係幾好味!!!

渡船角真是一個美食雲集的地方，最近經常再這裡覓食，目標是試晒咁多間食肆！哈哈。但交通不是十分方便，除非自己揸車啦，但揸車就不能喝酒，還是坐西鐵來比較穩妥。故意在平日過來，行到邊間想食就邊間，貪佢唔駛訂位！今天經過老碼頭知道原來也是吃雞煲的，也就入來試試，裝潢是有點復古的風格，銅色吊扇、吊燈，感覺不錯。鍋底選擇很多，也有十多款，不過當然要叫招牌的老碼頭麻辣雞煲吧。另外這裡配料種類選擇多，連海鮮類也有十多款的選擇，而丸類是自家手打的。最後我們配料叫了桂花蚌，手打四寶丸，響鈴，手切肥牛，叫多碟菜$178 老碼頭麻辣雞煲(全隻)是乾雞煲，即食完雞再加湯的種類，用了很多芫西做調味，香氣四溢，雞件頗滑，而醬汁十分香濃，加上小辣，非常惹味。而醬汁的濃郁程度是加湯後淥的配料也不需點醬油。$78 桂花蚌：無沙、爽口，份量正常。$68 自家制手打四寶丸(8粒)：彈牙好味，其中一款有咸蛋黃，感覺特別，值得推介。$25 響鈴（大約6條）:上來是熱的，應該是即炸，加上濃郁湯底，特別好吃。$148手切本地牛: 肉質普通，但牛味重，不過不失。

佐敦實在有好多好火鍋店。今天來老碼頭要多謝openrice的食評介紹而來。我追求創意、好食材，和實而不華的食品，而這家歺廳就正中下懷。我們先點了一個冬瓜魚趐煲、有原隻冬瓜去皮、中間釀了一堆素魚趐、賣相一流。湯𥚃還有很多新鮮鳮肉，好甜、好鮮味的湯底。我們就將佢當湯飲。之後加湯再打邊爐。再有叫牛肉邊、好鮮牛肉味。火計哥哥好好招呼又介紹好嘢比我哋。隻唔知咩名嘅蝦出乎意料好食同平！好少見到打邊爐地方有賣。hkd88一份有8隻。隻隻頭都有羔、真係冇握你𠺢！其他手打丸有牛和肉丸好原汁原味。牛丸未煑時是鮮紅色、那就是說牛丸大部分都是真牛肉、用十足料。仲有要推介響鈴、新鮮廚房做、有香香的腐竹味。仲有簡單的炸魚皮老闆也不苟且。是外邊買回來、但也是獨立包裝、所以我們吃時是爽趣的。最後、不得不提那瓶羅漢果水、充滿人情味。是其中一個老闆的媽媽自家製作。恰到好處。一間好有心和人情味的食巿、一定會再來和介紹更多的朋友。

I work at ICC so very often I dine around the Jordan area. Came accross this new hotpot place called 老碼頭. The store is fairly small with around 6-8 tables. This place is newly furnished so the ambience is pretty enjoyable. Wish the tables&seats were a bit more spacious though.The food is awesome – we ordered a soup base with Tomato and fish which was very lovely.The owner said all their meat balls and dumplings are hand-made in house - and they are quite good!The beef is excellent as you can

因為依間野太新....我上兩星期試左...好想寫一寫佢.....點知OPENRICE原來未有佢RECORD....所以要幫佢開戶先....終於等到今日先可以寫...!!等我用我有限嘅記憶力...記番當日嘅野先...!!! 果日一家大細一行7人無無聊聊唔知食咩野好...咁我就建議去渡船街果邊睇下...貪佢果到多位泊車...又多唔同種類嘅野食..!去到果然....好快就搵到個街位...然後一落車...見到有一間野...好光猛...好似好新咁喎...咁咪本住...試新野唔好執輸嘅心態...入去試下囉...!!! 果度地方雖然唔係好大...但總算坐得舒服...果度D伙計仲驚我地太迫...盡量避開我地...仲同我地講唔好意思..!!其實..黎得依頭食野就預左地方有限架啦..因為果度間間鋪都係差不多都係咁...!!依一樣野我唔MIND喎...最緊要D野好食...!!! 見佢MENU...咦..D 湯底...咁得意嘅...!!! 好似個冬瓜盅咁嘅....!!! 果度有個伙計即刻走過黎介紹...依個原來係佢地招牌野....冬瓜魚翅煲....聽佢講..依個野一日唔會整好多個..因為功夫多...所以一日最