Lao Zhang Gui Dongbei Restaurant (OP Mall)

荃灣Donki隔離竟然有間咁正嘅東北菜！$44起就有午餐set，仲要望到少少海景🌊超抵食！我點的🥔土豆燒牛肉，牛肉好腍，薯仔吸晒啲醬汁，甜中帶啲八角香。朋友點的🍖秘製杭州骨，啖啖肉嘅排骨掛滿酸甜汁，咬落有少少脆邊。 兩款菜式都超好送飯，配醬汁清晒成碗都得！加$18 🍄四喜烤麩，東北小菜！烤麩索盡麻油香，木耳同冬菇爽口，甜甜哋好開胃～ 加$12🌶️酸辣湯，飲一啖即刻醒神！醋味夠衝，仲有筍絲同豆腐！…Read More

去海之戀行街，行完街係到食埋晚餐，，見到呢間，都好耐無食東北菜，就決定食呢間🤗環境幾開揚舒服，仲會望到海景，上菜速度好快，夠哂有效率😆北京填鴨，半隻都係$168，真係好抵食，片皮鴨皮脆肉香，加埋摩摩皮夾蔥同青瓜🥒食，味道夠地道😋仲叫左一個主食，四川擔擔麵share食，花生香氣幾足，麵既份量好多，2個人食都好夠叫多個菜，木耳炒津白，好香甜creamy，木耳都夠哂爽口，整體全餐都快靚正，幾滿意👍🏻🤣…Read More

今晚同班friend殺入荃灣海之戀商場，專登嚟試呢間人氣爆燈嘅「老掌櫃東北菜館」🔥。裝修簡約得嚟有啲懷舊feel，但重點係——啲餸真係有料到！😋🦆 北京填鴨（半隻）一上枱已經聞到陣陣鴨香，鴨皮燒到金黃香脆，咬落去「咔嚓」一聲，脆得誇張！🤤 皮下油脂啱啱好，唔會膩，仲帶少少焦香。片皮功夫唔馬虎，鴨肉連皮切得靚仔，配埋甜麵醬、青瓜絲、京蔥，再用薄餅包住一啖咬落去——簡直係幸福嘅味道！💥🍜 秘製牛奔刀削麵呢碗麵真係大到嚇親我哋！😳 麵條刀削得厚薄適中，煙韌彈牙，吸晒牛肉炆汁精華。牛肉份量唔手軟，件件都炆到入晒味，鬆化得嚟又唔會散，牛味濃郁得嚟唔鹹，食到最後一啖都唔覺heavy。💪 加埋啲蔥花點綴，香氣再升級！白菜煎餃（10隻）煎得金黃香脆，底部脆卜卜，咬開見到白菜豬肉餡料滿滿，唔係得個樣！🌱 餃皮煙韌唔會太厚，餡料清甜唔油膩，仲有啲湯汁滲出嚟，配埋辣油一齊食，正到飛起！🔥💰 價錢親民，份量足，味道正宗，難怪日日都爆場！😎 無加一服務費，CP值爆燈💥。下次一定要試埋佢哋嘅酸辣湯同高力豆沙！…Read More

餐廳致電確認訂座後，要求顧客到場報電話號碼，並取消Openrice的訂座。另叫顧客提早到達，然而，顧客依約提早抵達，卻被告知無枱可用，需在旁等候。令人不解的是，後來到的顧客竟優先入座，完全無視等候次序。向店員查詢原因，僅得「errr」回應，毫無合理解釋，顯示安排極其混亂，反映店方管理不善，更凸顯服務態度欠佳，完全漠視顧客感受。如此糟糕的體驗，讓人對餐廳的專業度大失所望，實在令人失望，難以再次光顧。…Read More

今晚同朋友去咗荃灣呢間「老掌櫃東北菜館」試吓佢哋嘅招牌菜，沒有華麗裝修但食物水準極高， 難怪晚晚爆場北京填鴨（半隻）：必叫！鴨皮燒到金黃脆卜卜，一咬落去「咔嚓」聲，油脂香爆出嚟，但唔會膩。師傅片皮手勢唔錯，連住少少鴨肉，蘸埋甜麵醬夾青瓜絲、京蔥，用薄餅包住食，食到停唔到口。宮保蝦仁：蝦仁份量都幾多，爽口彈牙，個汁調得幾好，酸甜微辣好開胃，仲有炸到香脆嘅腰果，撈飯一流！不過如果多返啲乾辣椒爆香就更惹味啦。 高力豆沙：甜品控要試！外層蛋白泡芙口感超鬆軟，入面係流心嘅豆沙餡，熱辣辣上枱，咬開仲有少少煙韌，甜度剛好。…Read More

餐廳係海之戀DONKI隔離，佢既總店出名食上海菜又平又好食，價錢唔貴好合理，仲要無加一服務費，難怪平日夜晚都幾乎坐滿!!!!餐牌好多選擇，全部都好吸引好想試，選擇困難症，揀左一輪，終於揀到。紅燒肉燉粉絲紅燒肉好淋好入味，肥瘦適中，但汁甜甜地好惹味，送飯一流千層醬豬耳呢個前菜好開胃好好食，放左醋同GARLIC，好醒胃，天氣熱時食涼菜開胃！豬耳好爽口，完全無雪味東北農家炒飯炒飯都炒得幾好，好大碟，配料都多…Read More

荃灣西海之戀｜$168食片皮鴨🦆價錢實惠 估唔到都幾有質素🤍佢哋熱炒有鑊氣，即叫即炸，味道幾正宗！★ 北京填鴨（半隻） $168個人鍾意肉多個皮嘅片皮鴨🤣依個就啱晒！份量都幾多，兩個人食得滿足！不過個捲皮如果有蒸籠裝住會更好，就咁樣好快凍曬～★ 肉三鮮餃（10隻） $52有10隻好抵食！有蝦、豬肉、椰菜，餡料大粒，唔重味精味，唔知係咪自家製，個皮幾煙韌！一定要配埋辣油食勁香🥹★ 糖醋魚片 $86呢個竟然係MVP 💗魚片即叫即炸，熱辣辣外皮好脆！糖醋酸甜好開胃，好似食緊咕嚕肉😍用魚片入面嫩滑質地，口感更豐富！…Read More

好耐冇黎呢間餐廳食飯😂最近又想食片皮鴨，即刻又諗起呢間。因為價格真係比出面抵，半份已經夠曬2個人食，仲免收加一，係咪好抵😂片皮鴨（北京填鴨）每一次都好大塊，又油潤，我覺得鴨肉直情唔使點汁，因為已經夠香夠味😝中間果排以鴨皮為主👍🏻油份十足，鴨皮脆口，係好正宗嘅片皮鴨口感。旁邊就係鴨肉切片，冇咁肥膩，鴨肉亦鮮嫩，食多幾塊都唔怕太油膩。北京填鴨呢個菜，餐廳每枱都幾乎會叫😂果然係人氣菜式。 另外仲叫左份鍋包肉😍好大一碟，份量十足。 表皮炸得好香脆，個汁有少少酸甜味，幾惹味開胃。豬肉薄薄一片，好易咬又好鬆化。呢間真係會再食🤗因為價錢唔貴，份量又足，又唔收加一👍🏻抵食…Read More

同朋友行完donki,二樓出口見到呢間紅色嘅大招牌餐廳一推開門就被全落地玻璃震撼到，海景靚到以為去咗郵輪食飯🚢 今次試晒招牌四大天王，碟碟都大過塊面： 🍵 迎賓茶 未坐低先上一壺暖粒粒玄米茶，未食主菜已經清咗半壺 🥟 京蔥羊肉餃 東北巨無霸餃王駕到！每隻飽滿到透出蔥花綠，咬開羊肉汁多到要用匙羹接住，羶香混搭京蔥甜勁過癮 🍜 雞絲蔥油拌麵 上枱即刻聞到靈魂蔥油香！手撕雞肉鋪到睇唔見麵底，每條麵都掛滿金黃蔥油，加埋炸到脆卜卜嘅銀絲，食完成個嘴油亮到反光 🦆 北京填鴨（半隻） 震撼級片皮鴨山！師傅片出大盤鴨件，鴨皮脆到似食薯片，連埋煙韌手工餅皮、京蔥同青瓜條，捲到塞爆個嘴先叫合格 🥧 高力豆沙 甜品界乒乓球挑戰賽！咬開脆皮會有流心紅豆沙突襲，熱辣辣甜度剛好，食三個都唔膩 兩個人搏命食都剩半枱餸，最後要問侍應攞外賣盒。望住夜景同埋閃閃發光嘅船慢慢打包，埋單仲唔使三百蚊，抵到爛！ …Read More

相約朋友到荃灣西吃飯，他帶我來這間東北菜，一進店看到落地玻璃大海景，點點燈光璀璨，座無虛席韭菜豬肉餃 $50/10隻價錢相宜，餃子皮煙靭，韭菜豬肉餡新鮮，吃東北菜必須吃餃子回鍋肉 $86炒得香濃，惹味有鑊氣，味道微辣，椰菜爽脆，回鍋肉份量不少尖椒炒蛋 $68裡面有青椒和紅椒，非常足料，炒蛋嫩滑螞蟻上樹 $76以豆瓣醬和辣肉碎炒粉絲，粉絲彈牙，份量很大，建議最少兩人分享，很惹味另外點了高力豆沙包，熱辣辣新鮮炸起，外脆內嫩，紅豆餡料不太甜，值得一試的甜品…Read More

早於28/4經open rice訂9/5, 8/5晚上才突然打來話餐廳滿位, 無故被取消訂位. 餐廳非常不負責任. 已經約好晒慶祝母親節大失預算🤬🤬🤬🤬🤬🤬🤬🤬🤬…Read More

今日去咗位於荃灣西嘅「老掌櫃東北菜館」，坐享海景😍，食物質素唔錯，人均消費$150左右，真喺物超所值。而且仲有戶外位置，啱晒打卡‼️呢度嘅北京填鴨好好食🦆，$168 半隻，包咗一疊摩摩皮(約20塊)、青瓜🥒、京蔥和醬汁，片皮鴨有20多塊，脂肪分佈均勻😍，外皮香脆，用摩摩皮包著片皮鴨、加埋配料同醬準，真係好好食，而且好抵。我地另外仲買左擔擔麵🍜，好大碗，惹味又有花生香，仲叫左肉三鮮餃子，每飯都好圓大，餡料紮實，食完之後覺得好滿足呀…Read More

老掌櫃東北菜館 (海之戀商場) (荃灣)荃灣大河道100號海之戀商場2樓2006號舖🐷紅燒肉燉粉絲條這道紅燒肉的五花肉燉煮到琥珀色澤，肥肉層次分明，讓人吃起來不會感到油膩。粉絲則吸飽了醬香精華，十分入味。私心推薦將湯汁舀些拌飯，鹹甜比例恰到好處，讓米飯更添風味，令人忍不住一口接一口。🐽紅燜花膠豬蹄煲這道菜的厚切花膠與豬蹄燜煮出濃郁的膠質金湯，豬皮軟糯可口，入口即化。每一口都充滿了骨膠原的滋味，滋養與美味兼具，實在值得一試，特別推薦給喜愛養生的食客。🥗農家小炒肉這道農家小炒肉散發著誘人的鑊氣，絕對是下飯的絕佳選擇。五花肉薄片在高溫下微微蜷曲，保留了肉質的鮮美。搭配新鮮蔬菜一同拌炒，讓整道菜色香味俱全，配飯吃更是過癮，讓人回味無窮。…Read More

最近同朋友去咗荃灣嘅老掌櫃東北菜館，試咗佢哋嘅片皮鴨同水煮牛肉。片皮鴨（半隻）鴨皮香脆，油脂適中，入口帶有陣陣鴨香。鴨肉嫩滑，配上薄餅皮、青瓜絲同甜麵醬，味道層次豐富。半隻嘅份量對兩至三人嚟講剛剛好。水煮牛肉牛肉片薄而嫩，浸泡喺麻辣湯底入面，辣度適中，麻香味濃。配料如豆芽、粉絲等吸收咗湯汁嘅精華，味道更加突出。片皮鴨（半隻）HK$168，水煮牛肉約HK$118，整體消費唔洗300，抵食啊！老掌櫃東北菜館嘅片皮鴨同水煮牛肉都值得一試，價錢合理，適合朋友聚餐或家庭聚會。老掌櫃東北菜館 (海之戀商場) (荃灣)荃灣大河道100號海之戀商場2樓2006號舖…Read More

通過外送平台落單外賣，點了醤牛肉，收到貨之後，明顯拿到的係酱猪肑然後到平台去申請退款平台又返去商家协調但老掌櫃係都話呢個係牛肉，沒有俾錯我都一度以為唔通我連猪牛都不分？上去個apps再睇多次相收到貨品同猪肑肉一模一樣。。。。。。。。。。。。。。。。。。。。。。。。。。。。。。。除此之外水煮魚湯都倒曬，都唔認呢個就算，佢都可以話係外賣員送的唔好但同樣另外一個有湯的就完全冇事係咪要問下你哋自已 係咪冚得唔好？但全部都唔認，得個賴字。真係第一次係香港見到咁揦鮓嘅手法。今時今日咁樣的處理態度我睇你哋生存的幾耐再睇返都有不少人留言話外賣太差原來不是我一人真係太過激氣都忍唔住要放上网俾大家睇下佢哋的經营手法。………Read More