Lao Zhang Gui Dongbei Restaurant (OP Mall)

開瓶費：FREE酒聚或者慶生都幾適合👍不過環境就一般，以一張張二人方枱去拍出多張枱，感覺唔到東北風格，而且背對背都幾近，加埋旺場非常嘈吵20：00仲有大量等位，星期六感覺要做兩輪半，辛苦晒啲員工自備酒杯，一嚟佢好忙唔好意思問，二嚟睇唔到佢有酒杯，三嚟叫啤酒嘅枱都冇落冰桶四喜烤麩 $ 68傳統菜式，食材都係素為主，味道特別，麵筋、冬菇、黑木耳等等麻辣皮蛋 $ 48份量多，一般出去食都只有一隻開6左右，另外佢仲有跟埋青瓜絲伴碟干煸四季豆 $ 74鑊氣十足，上枱熱辣辣，但味道偏重手，啱晒餸飯食片皮鴨半隻 $ 168荃灣西店片得比較多但細塊，大角咀店片嘅我個人較喜愛鴨肉香軟，不過太忙所以肉乾咗少少，嬤嬤皮都係蒸到乾咗啲，有幾塊裂咗二食：茄子炒鴨架 $ 60推薦大家要叫埋二食，因為鴨架都剩唔少肉，而且加茄子同醬爆炒真係好香。甜品 - 高力豆沙 $ 13/件少見嘅傳統甜品，未算好出色，但唔錯…Read More

睇完戲諗住去食個餃子餐，入到去完全冇人發覺我嘅存在☹️。因為餐廳要用QR code點餐，但枱面又冇，我一直揮手都冇人見到！卒之要行出去企喺侍應面前佢先發現我嘅存在🙄！我點咗京葱羊肉餃子餐加配酸辣湯，酸辣湯好快上但唔夠熱😒，餃子竟然要等到同隔離枱遲過我嚟遲過我點餐嘅一齊上😒😒！！然後又係唔夠熱☹️☹️☹️！！！我入座時間是下午三點多，而餐廳門口寫住下午三時後午市套餐9折，但收我原價！我問「唔係9折咩？」櫃檯條友完全冇反應唔理我！我好似同空氣講嘢咁😡！最後我放低9折價錢就走了。究竟系侍應唔知價錢定係想側側膊唔多覺咁就衹有佢哋自己知了。🤷‍♀️…Read More

紅燒肉燉粉條，紅燒肉就係用咗豬腩肉，每層肥瘦相間，就算連豬皮都煮到好柔軟，入口即溶，粉條入晒味，食完一啖又一啖。京燒羊肉一上枱時，已經有著很香的油炸味，外皮又顯得被油炸過一口咬下，濃香的羊肉味入口，羊羶味不算太重，羊肉半肥瘦，口感柔軟酥香，輕咬已經可以，雖炸過並不油膩，而且還增添香口的感覺，想不到羊肉都咁美味可口，鍾意食羊嘅人唔可以錯過，係必定菜式。叫左肉三鮮，北方餃子餃皮比平時食開略厚身帶嚼勁，每隻餃子飽滿紮實，餡料有鮮美爽彈蝦仁、嫩滑多汁豬肉同香濃韮菜，鹹度適中。…Read More

海之戀Donki後面有一家中菜小館我是剛剛才知道，但原來一直非常受歡迎平日的晚上座無虛席！看看餐牌，食物選擇多，價錢合理這一頓吃到捧腹而歸人均$150左右味道我覺得是對得起這個價位雞絲粉皮雞絲和青瓜絲加麻醬這個組合不會出錯放久了粉皮有點糊建議上桌後早早吃掉紅油抄手這裡的紅油抄手有點特色紅油不只是辣油，還有點醋帶點微酸微甜，也帶點辣內裡的肉味道有點像山竹牛肉球北京填鴨（半隻）$168有這樣的份量和質素真的沒投訴了片脆脆的，也燒得很香這裡帶肉，我覺得鴨肉也好吃青瓜和京蔥和薄皮比鴨的量少吃到最後可以多夾點肉吃😙高力豆沙必吃即叫即炸，上桌熱辣辣的蛋白軟綿綿的，中間夾的豆沙不太甜整體非常出色，可以單點一球餐廳在商場的盡頭一角開放式設計，甚有氣氛順帶一題，這裡不收加一茶錢$5一位，只收現金…Read More

一直都覺得好之戀嘅餐廳全部環境都好好，因為可以對住過海，一直都好想試呢間東北菜館，但係每一日都好多人，好彩今日早到，終於小人所以就嚟試吓啦。片皮鴨半隻估唔到咁平嘅價錢都有咁大嘅份量，而且鴨肉好多，片皮鴨嘅皮都好脆，襯埋青瓜真係好出色。醉雞本身以為頭盤應該份量好少，但係佢嘅份量非常多，而且一上枱已經聞到酒味好濃郁，而且雞肉都好嫩滑，就算係雞胸嘅位都好嫩，非常推薦大家試吓。高力豆沙平時唔係好鍾意食甜品，但係見到好多人推薦呢個高力豆沙，一上枱見到有四舊，而且每舊都好大粒。上面沾滿咗砂糖，而且外皮好濃郁嘅蛋味，入面嘅豆沙餡都唔會太甜，非常適合做飯後甜品。三鮮水餃拼上海麵本身唔係太鍾意食上海麵，但係覺得食中菜一定要試吓水餃同上海麵，估唔到咁好食。佢嘅湯底就算唔落醬料都好出色，完全冇味精，而且水餃皮好薄，而且餡料好多，襯埋上海麵真係一流。…Read More

老掌櫃一向高CP值聞名，部分座位仲享有海景，真係好舒服，唔怪得要排隊等位。酸菜鴛鴦（鱸魚拼牛肉）酸菜湯底夠酸爽，魚片嫩滑，牛肉也入味，吸飽酸菜湯汁後特別開胃，配飯一流。分量足夠2-3人分享。如果食唔到太辣，可以一開始挑起上面的辣椒，辣度巖巖好。煎韭菜豬肉餃 餃子也是必點之一，煎得金黃香脆，內餡飽滿多汁，韭菜味濃郁，一口咬下去，滿嘴都是肉香和菜香。還貼心地提供了醋和辣椒油，可以根據自己的口味調味。豆沙鍋餅 鍋餅外皮酥脆，內餡豆沙綿密香甜，建議搭配茶水一起享用，可以解膩。老掌櫃東北菜館大河道100號海之戀商場2樓2006號舖…Read More

老掌櫃東北菜館：一場正宗又暖胃的東北美食之旅！話說上個週末同朋友一齊去咗荃灣搵食，搵到呢間「老掌櫃東北菜館」，真是一個意外驚喜！一入到餐廳，環境已經畀到我哋好舒服嘅感覺，木製桌椅加點懷舊裝修，似足喺東北小城入面嘅飯館，仲有陣陣菜香飄過來，已經令人好期待！環境：簡單樸實，充滿東北風情餐廳唔算好大，但佈置得幾有心思，牆上有啲東北特色嘅裝飾，感覺好親切。枱同枱之間距離適中，唔會覺得逼。服務員態度都好親切，雖然有時忙起來會稍為慢咗少少，但整體服務都好有禮貌，仲會主動幫我哋推介菜式，畀到我哋一種好似去咗朋友屋企食飯嘅感覺。菜式：正宗東北風味，份量十足！我哋一行四人，叫咗幾款招牌菜，真係款款都令人回味！以下係我哋試過嘅幾款菜同我嘅食後感：鍋包肉呢個係我嘅心頭好！外皮炸得金黃香脆，肉質嫩滑，酸甜醬汁調得啱啱好，酸得來唔會太嗆，甜得來又唔會太膩。一咬落去，嗰種「吱吱」聲同埋醬汁嘅濃香真係令人停唔到口！份量都好足，夠我哋四個人分來食仲有剩。地三鮮呢道菜真係東北菜嘅經典！薯仔、茄子同青椒炒得火候啱啱好，薯仔軟糯，茄子入味，青椒爽脆，醬汁濃郁得黎唔會太咸，食落好開胃。我朋友話呢道菜好似佢細個喺東北食過嘅味道，滿滿嘅回憶感！東北酸菜白肉鍋冬天食呢個鍋真係無得輸！酸菜嘅酸爽同豬肉嘅肥美搭得天衣無縫，湯底濃而不膩，飲一口暖晒心頭。白肉切得薄薄的，入口即化，仲有粉絲同豆腐皮一齊煮，吸晒湯汁嘅精華，食到我哋差啲連鍋底都飲晒！份量多到我哋四個人都食到好滿足。東北拉皮涼菜方面，拉皮真是一個驚喜！爽口彈牙嘅拉皮，配上黃瓜絲、紅蘿蔔絲同蒜蓉醬，酸辣開胃，食完一盤重口味嘅熱菜後，呢個涼菜真是一個完美嘅平衡。唯一小缺點係蒜味可能稍為重咗少少，唔鍾意蒜嘅朋友可能要同服務員講聲。飲品同甜品：簡單但有驚喜我哋叫咗罐裝酸梅湯同埋一碟煎餅。酸梅湯冰涼解渴，甜度適中，飲落好舒服。煎餅外脆內軟，帶點微甜，係一個好簡單但好滿足嘅收尾。價錢：抵食又實惠四個人食咗咁多菜，加埋飲品同服務費，每人平均百幾蚊，份量同味道都畀到我哋覺得好值！同荃灣其他餐廳比起來，性價比真係幾高。總結：回味無窮，值得一試！老掌櫃東北菜館真是一個好地方，無論係想試正宗東北菜，定係想同朋友聚餐食頓熱辣辣嘅飯，呢度都好適合。菜式味道正、份量足、環境舒服，服務又有心，絕對係荃灣嘅隱世美食寶藏！下次我仲想試下佢哋嘅羊肉串同燉菜，聽講都好正！有無同好一齊再去呀？😋…Read More

#🐒😋── ✦── ✦ ── ✦ ── ✦ ──ʚ #上湯雲吞 (10隻) ɞ 呢個清清地 都算大粒食落唔似豬肉 不過都幾好食ʚ #口水雞ɞ 雖然係叫口水雞 但食落有醉雞嘅味道加咗啲口水汁 估唔到都夾到ʚ #鴨兩食茄子炒 (半隻) ɞ 份量都算多 全部帶骨嘅 味道都幾好ʚ #乾煸四季豆 ɞ 仲有啲肉碎同辣椒一齊炒辣辣地幾惹味 不過對唔食辣嘅人嚟講可能會辣咗啲ʚ #高力豆沙 ɞ出面有好多都變哂係香蕉高力豆沙無咗香蕉先係我小時候食嘅味道 ── ✦── ✦ ── ✦ ── ✦ ──…Read More

今日去咗海之戀呢間「老掌櫃」食東北菜, 性價比真係好超高!價錢平之餘, 食物又有質素🥰先講個白菜豬肉餃,有10隻，咬落去有嚼勁，餡料塞到滿一滿，白菜清甜夾埋豬肉好香口，點少少醋已經好正😋跟住叫咗半隻北京填鴨，師傅片皮手勢唔錯，皮脆肉嫩，脂肪唔會過多, 用塊薄餅包住青瓜絲同甜麵醬，一啖咬落去，鴨油香同醬香撞埋一齊，滿足到暈❤️個四川擔擔麵都有驚喜，麻醬勁濃郁，辣度啱啱好，仲有肉碎同花生碎增加口感，撈勻之後每條麵都掛到汁，食到停唔到口🥰最後嗌咗高力豆沙做甜品，外層炸到鬆軟，入面豆沙餡熱辣辣又唔會死甜，幾岩我口味😝呢餐夾埋都係三百蚊，真係好抵食👍…Read More

第一次黎荃灣海之戀商場🤪 因為親戚附近返工 呢間又出名大件夾抵食😏就黎一於約埋佢試下東北菜喇！星期一黎晚餐都full 晒滿座！建議book 位唔洗等🤗茶位每位$10～ menu好多菜式選擇！1️⃣北京填鴨（半隻）$168我地兩個人 當然只叫半隻🤣🤣menu寫明半隻係20塊 但實際上係好似唔止! 感覺即刻覺得好抵😍我地仲以為係得塊皮既片皮鴨🪿 但好驚訝原來係啖啖肉！好香必須讚👍🏻2️⃣京燒羊肉 $138 呢個係超好食！！更加係必點既東北菜！羊肉夠SO🐏🐏 外脆內軟！大家放大幅相睇下個layers 😋😋3️⃣蒜蓉炒時菜 $68 有四/五款菜可揀🫛都係一樣價錢～我地揀左油麥菜！炒得好靚 唔過分油膩～兩個人食咁多野真係超飽😆😆…Read More

香港出名大件夾抵食既東北菜人均兩百多，食飽飽既東北小館，份量大份得驚人！肉三鮮餃皮薄餡足，韭菜、豬肉、蝦仁比例完美，蘸點陳醋一口爆汁，$52有10隻既價格平絶全港！花膠鮑魚紅燒肉煲驚喜之作，濃油赤醬燉得膠質黏唇，花膠厚實、鮑魚彈牙，紅燒肉肥而不膩，性價比炸裂。 京燒羊肉外皮酥脆帶蜜香，羊肉嫩而不羶，香口有羊味。蝦蛋炒飯鑊氣十足，蝦仁爽脆，雞蛋包透米粒，但建議店家唔落三色豆，用蔥花更好。豆沙鍋餅現點現煎，外脆內綿，皮夠薄，紅豆餡微甜不膩！ 環境雖樸素，但味道扎實、價錢親民，飯堂之選。…Read More

今晚的胃，被荃灣「老掌櫃東北菜館」的濃濃鍋氣與地道風味徹底征服！三款經典，款款精彩，分享給同樣愛紮實美味的你：🦆 **「北京填鴨 (半隻)」：脆皮多汁的經典演繹！**片鴨師傅手勢了得，鴨皮烤得晶瑩透亮，**脆如薄紙**，入口瞬間化開豐腴油香，卻**毫不膩口**！鴨肉緊實飽滿，**嫩滑多汁**，肉香十足。最驚喜是搭配的荷葉餅，**蒸得熱乎軟韌**，包裹著鴨皮、鴨肉、青瓜條、甜麵醬與蔥段，一口咬下——脆、嫩、甜、鮮、辛在口中完美交響！**鴨香四溢，層次分明**，絕對是讓人停不下筷的必點之作！🍜 **「蔥油肉絲拌麵」：香氣撲鼻的樸實誘惑！**一上桌，**濃郁的蔥油香氣**就霸道地佔據嗅覺！手擀麵條**粗細適中，口感極其Q彈筋道**，掛汁力滿分。炒得火候剛好的肉絲，**嫩滑入味**，帶著醬香與鑊氣。靈魂的蔥油熬得極香，均勻包裹著每根麵條，**鹹鮮中透著蔥的甘甜**。簡單一碗，卻將蔥油拌麵的精髓發揮得淋漓盡致——**香、彈、潤、鮮**，吃得人大呼過癮！🍖 **「紅燒肉燉粉條」：濃油赤醬的暖心慰藉！**這道絕對是下飯神器！選用**肥瘦相間的五花肉**，燉煮得**酥軟入味，入口即化**，肥肉部分**甘香不膩**，瘦肉則**鬆化不柴**。醬汁是經典的東北濃油赤醬風味，**鹹甜交織，醇厚濃郁**，完美滲透每一寸肉與吸飽湯汁的粉條。粉條**晶瑩剔透，滑溜彈牙**，吸盡了紅燒肉的精华，味道比肉更吸引！每一口都是**滿滿的膠質感與家的溫暖味道**。**老掌櫃東北菜館** 的出品，份量實在，味道地道，將東北菜的豪邁與細膩平衡得恰到好處。今晚的每一道，都吃得出廚房的用心與對傳統風味的堅持。如果你也鍾情於紮實、濃郁、充滿鍋氣的家常美味，這裡絕對值得一訪！📍 地址：老掌櫃東北菜館 - 荃灣大河道100號海之戀商場2樓2006號舖#老掌櫃東北菜館 #荃灣美食 #東北菜 #北京填鴨 #蔥油拌麵 #紅燒肉燉粉條 #海之戀美食 #香港美食 #地道風味 #食好西 #美食推薦 #igfood #foodiehk #hkfoodie #抵食之選---…Read More

以前去開大角咀食，因為近日裝修，所以黎荃灣試下，順便行下海之戀啦。一早係openrice訂左位，去到同佢講左係openrice訂位，佢對左電話ok之後就帶埋位。坐低左一陣之後收到email話我同意取消左openrice 訂位？？？即刻問返員工係發生咩事？我幾時有同意過？明明都到左啦，仲點會話同意取消訂位？員工表示佢問左我，話係我同意（十萬個問號？？？？？？）因為一行6人，openrice 訂座會有回贈$6架嘛，咁樣無啦啦比佢取消左都有？🫨之前睇食評都有見到人講會取消左訂座，真係好奇怪。講返食物同環境先。位置係donki隔離，都好隱蔽下，我地坐收銀對開既第三張大枱，一直全程都有3-4隻烏蠅係咁飛黎飛去。。。真係好影響。。坐低左又無人拎水過黎，叫侍應過黎佢地又好忙咁唔得閒理我地，要我地自己出去拎壼水。但當時加埋我地只有兩張台。成個環境好似food court 咁。食物方面樣樣都普普通通，片皮鴨略鞋，無以前大角咀既咁好味。叫左d餸係會一次過一架車咁推黎，所有野一次過上。總結：我係唔會再黎架啦。…Read More

真心ok 喎呢間東北菜！片皮鴨$168份量好多，皮薄得黎仲有油脂香，雖然有啲位鞋咗少少，但整體ok！芹菜豬肉餃香，麻醬冷麵都幾好～ 🤍北京片皮鴨 $168 - 份量超足，2-3人share都得 - 皮薄脆身，油脂分布平均 - 附送薄餅同醬料，包住食好正 🤍芹菜豬肉餃10隻 $52 - 皮薄餡多- 芹菜清香中和豬肉油膩感 🤍麻醬冷麵 $66 - 麻醬香濃但唔會太膩 - 麵質彈牙，夏天食好清爽 - 可以叫店員額外比麻醬🤍茶位 $10 - 有熱茶無限refill - 環境乾淨…Read More

老掌櫃一向高CP值聞名，部分座位仲享有海景，真係好舒服，唔怪得要排隊等位。酸菜鴛鴦（鱸魚拼牛肉）酸菜湯底夠酸爽，魚片嫩滑，牛肉也入味，吸飽酸菜湯汁後特別開胃，配飯一流。分量足夠2-3人分享。如果食唔到太辣，可以一開始挑起上面的辣椒，辣度巖巖好。煎韭菜豬肉餃 餃子也是必點之一，煎得金黃香脆，內餡飽滿多汁，韭菜味濃郁，一口咬下去，滿嘴都是肉香和菜香。還貼心地提供了醋和辣椒油，可以根據自己的口味調味。豆沙鍋餅 鍋餅外皮酥脆，內餡豆沙綿密香甜，建議搭配茶水一起享用，可以解膩。…Read More