Old Store

Old Store 老店大埔墟荳腐花杯仔雲吞細蓉（＄26）雲吞麵懷舊之選，必食推介，大元街市品嘗昔日情懷，有荳腐花同多款中式甜品，有質素值得回味，😋又平又好食抵食。…Read More

【大埔區】【老店】我成日稱大埔呢個地方人傑地靈，而啲靚女又靚又聰明，主要係因為認識親喺大埔住或者長大嘅女性，一般顏值都好似高啲，唔知點解，所以先會有呢個感覺。有時都想多啲去大埔，沾染吓啲靈氣，可能可以改善吓外觀都未定。咁今次就係同一位讀者朋友傾開，佢就同我講大埔有呢間嘢幾好食。我初時都不以為然，但係見到呢排自己少咗寫大埔嘅嘢食，就入去探索吓啦。大元邨我之前都去過，不過好似係街市裝修之前嘅事，所以對我嚟講都新。入到去見到得幾個位仲要拖緊地，以為佢哋已經唔做堂食，鼓起勇氣問吓原來仲有堂食，咁我就唔客氣坐低食喇。首先叫咗 $22 嘅「杯仔雲呑」，即係有淨雲呑六隻，佢係小雲呑嚟，一啖一隻都得，味道幾好，又幾有鮮味。個雲呑用杯裝住咁得意，我叫埋 $20 嘅「豬扒」睇吓係咪都係用杯裝，點知佢雖然都係碎上，但係裝喺隻碟度，有啲失望，哈哈。味道上，佢煎得幾好食，首先佢係煎唔係炸已經贏咗啲新鮮感，其次係味道上都唔錯，係幾好。飲品我飲 $8 嘅「無糖豆漿」，豆味香而易入口，正。點都試讀者朋友推介過嘅豆腐花，$16 買咗碗凍嘅「薏米白果豆腐花」嚟食，有啲似奶皇包嘅甜香，配合埋天然食材薏米、白果同大豆，係好味。夾埋食咗 $66，乜都食過咁。。。（地址：大埔大元邨街市商場401號）#1amfoodie #foodie #hkfoodie #thatfoodiething #hkfood #food #instafood #yummy #foodies #globaleats #tastyfood #foodpics #followforfollowback #love #eat #1am大埔區 #大埔 #大埔墟 #老店 #大元邨 #大元街市 #杯仔雲呑 #雲呑 #豬扒 #無糖豆漿 #豆漿 #薏米白果豆腐花 #豆腐花 #1am0806 #1ambackup…Read More

住咗大埔一段時間，想搵間好食的雲吞麵，其實都幾難，終於遇上依間舖頭，細細間位於街市裏面，毫不起眼，但相信你食過佢嘅雲吞麵 ，一定回味無窮。先澄清個人口味，其實喜歡全蝦雲吞，但依間舖頭的雲吞，應該唔乎合我的口味。 但為何仍然推介呢？重點就係佢嘅湯，完全充滿大地魚的味道，仲加咗一點點嘅韭黃，令 湯底錦上添花，非常非常香。細細粒嘅雲吞內裡只有點點的肉，不多不少，恰到好處， 胃口小嘅可以選杯仔雲吞，胃口大嘅可以選大蓉，總之充滿懷舊雲吞嘅味道， 仲要一陣係個麵質夠彈牙。飽飽哋再加多一個紅豆沙或者綠豆沙真係完美。 唯獨是豆腐花真係好一般，不用試了。 其他推介有炸雲吞，豆漿……。…Read More

同事帶我去大埔太元邨街市嘅大埔墟豆腐花《老店》，試一試傳統嘅雲吞麵。店舖非常擠逼狹小，然而食客不絕，睇嚟應該有番咁上下質素。坐落即叫同事推介嘅雲吞麵 ($32)，雖然已經叫大蓉，不過份量一點都不大。看看呢碗久違嘅大蓉，麵湯上浮著一些韭黃，而麵身亦較平常的幼麵更幼細，食落爽滑彈牙，正！的的骰骰嘅雲吞，拖著大大條金魚尾，咬開餡料，豬肉比蝦肉多，完全係傳統雲吞風味，不比今日的一味大大粒同蝦肉多。舊日情懷，油然而生。我好快咁KO完碗大蓉，然而意猶未盡，再叫多個元貝鷄絲翅 ($20)，金黃色的碗仔翅上枱，一嚟乜調味料都唔落，先呷一口，有元貝嘅鮮味，滋味不俗 ; 跟住再加番少少醋進食，風味更佳。難得品嘗到昔日美食，今餐真係寧舍滿足。…Read More

放工有啲餓，但又要食晚飯，想食少少嘢攝下肚，原先想去大元街巿買燒賣魚蛋啲小吃，但見到呢道有雞絲翅，就叫左試下，加埋雲吞。雞絲翅真係好足料，好多元貝，有雞絲同粉絲，好似酒樓食開果啲感覺，幾滑！雲吞皮好薄，有蝦同豬肉，同平時粉麵店不同，佢屬於小雲吞，有大約4-5隻左右，熱辣辣，好味！雖然雞絲翅個價錢屬中上，但咁足料，都算抵啦！一般碗仔翅而家都要20 蚊了！之前仲食過綠豆沙豆腐花，都好滑好正！推介大家一試！…Read More

十年都唔去一次大埔🤓今次去媽咪朋友屋企打邊爐😆然後我太晏起身冇食lunch，就去咗呢到食豆腐花頂住肚先😩#紅豆沙豆腐花 ($15)😋好味指數：(8/10)紅豆沙甜甜的，紅豆都幾綿😆👍🏻但如果多啲紅豆就好🤓豆腐花食落去好滑啊😙#香炸雲吞 ($23)😋好味指數：(7.5/10)雲吞有6粒，即叫即炸🔥有時出街食啲炸雲吞嘅餡小到爆🤷🏻‍♀不過呢間個餡又幾多豬肉，都算足料喎😍…Read More

下午四點的早餐，我真係有少少睏喇﹗飲太多酒爬唔到起身，失驚無神嘥左日假，食左先講。醫飽肚就慢步過翠屏花園跌打館醫手腳。舖面真的偏細，臉壁自閉位約六個，迷你方檯位四個，吧檯位約四個。我每次都想獨佔方檯，坐得比較舒服，而且我食好多野，迫迫夾夾會好辛苦！望望新菜牌，蝦子雲吞撈、元貝碗仔翅，竟然連煎豬扒、牛筋腩都有，樣樣都想食。全店食客都係細路仔，只得兩三個家長呢。好日唔黎幫襯，一黎就滿座無位。我嘗試問問有無一個位啫，依位阿姐職員唔洗兇神惡煞黑晒面既，惡鬼到死！問另一個肥姐就耐心有禮得多，友善地帶我到吧頭坐低。不過對住爐頭，未食我已經不停滴汗，兩張紙巾濕透，本身血氣方剛又大汗的我有點受不了。師傅雖然沉默寡言，不過感覺親切和藹。廚房黑面阿姐就較兇狠，不友善的感覺。樓面肥姐哥哥、洗碗嬸嬸，大家都招乎周到有禮貌，提供溫暖的食事。而且價錢公道合理，最緊要係出品優質好食麻。調味架，乾淨無鋪塵無油淋淋，發現不到半點污穢，真係有用心清潔，衛生指數高，非常好！辣椒油、豉油、浙醋、辣椒醬、糖水、紅糖、胡椒粉、甜酸醬，非常足夠喇。豆漿，豆香薰芳，清新甜味不重手，幼滑得宜，蠻喜歡。元貝雞絲翅，清香的甜甜雞湯底，泛著元貝海味鮮甜味道，啖啖雞絲肉香出眾，味道一流，加埋夠香夠辣辣椒油無得頂呀！因為要沾麵食，所以胡椒粉及浙醋省去。香煎豬扒撈麵，新鮮出爐油光立立令，煎得兩面金黃焦香，醃味濃郁甜美，醒神開胃。鬆化肉質原汁原味，真係好好食，回味無窮，一咬再咬，有添食的衝動。見到師傅對正我面前即煎，輕煙飄飄香噴噴，吱吱咋咋鬼殺咁嘈！實在誘惑無比，忍無可忍，我又要食！機會絕無僅，非常滾動。隨即掉多塊豬扒到熱辣辣的扒爐上，咋一聲的悅耳慘叫聲，真使人十分痛快，食慾激增！絕無偷懶，慢慢地細心烹調，直頭係您面前生煎表演，請耐心等候。香氣不斷兇猛侵襲過來，快一點吧！口水滴到檯面咯。新鮮出爐油光立立令，煎得兩面金黃焦香，醃味濃郁甜美，醒神開胃。鬆化肉質原汁原味，真係好好食，回味無窮，一咬再咬，有添食的衝動。豬扒已被我消滅，萬事俱備，準備就緒，自創中式沾麵誕生喇！元貝雞絲翅香煎豬扒沾麵，過橋撈麵！添加大量高質辣椒油及麻油，辛辣刺激加麻香，特爽幼麵，食得到的蛋香麵粉香，跟濃郁雞湯翅夾到天衣無縫，天下無敵，味道提升極致！忍不住要大束大束的掛上雞絲翅，直頭想一次過塞晒入口，立即收到肚裡去，無比美味，間直可作鎮店之寶！失控的吸啜，必定要完全消滅殆盡才肯停手。元貝雞絲碗仔翅，不用撈麵食就可以加盡所有調味料，混醬最高興，全部調味料碰撞最精彩。胡椒粉、浙醋、麻油，精髓在於辣椒油呢！整碗質地太厚有點凝固咯，用羮進食都非常困難。最後唯有成隻碗攞起直接飲，味道一流 ﹗雲吞蝦子撈麵走蔥，只供應幼麵？沒有粗麵、伊麵、河粉、米粉、米線，簡單易處埋好多啊。麵條十分幼細，比一般的苗條修長。微暖彈彈，感覺趙得好清爽，不黏不濕不腍，傾盆的蝦子覆蓋著，不孤寒不嗇吝，每注充滿蝦子咸香。一口雲吞的的骰骰而五臟俱全，雲吞皮薄薄滑滑，鮮肉甜美有趙頭，肉汁澎湃，爆出來的感覺，堅好味！雖然跟成仔記鮮蝦雲吞走不同路線不同風格，但我覺得老店更好食，而成仔記就繼續走他自己的下坡咯。羅宋湯，有加入新鮮蔬菜，泛著新鮮菜蔬的清甜味道，亦有已煲到透徹軟棉多汁的炆菜，兩次風味都十分討好。齋湯無落牛肉或牛尾？湯汁欠缺了肉香肉甜，有點失色。茄膏味濃厚，茄甜味強烈，無半點辣味顯得單調不夠惹味，不過適合小朋友及男女老少胃口。雲吞牛筋腩撈麵走蔥，對牛腩完全沒有任何期望，只是抱著一試無妨的心態。老闆您竟然如此對我？實在太過份喇！送給我驚喜的味道，難得的色香味俱全，非讚不可的境地，能夠使人回味的五香牛腩呢。鬆化的質地，濃郁的味道，不乾不鞋，浸著肉汁醬汁，大大舊塞得嘴仔脹卜卜，滿足到飛起拍爛手掌！色香味可媲美太和魚滑粥粉麵的出品。雲吞牛筋腩撈麵走蔥，高質的辣椒油可預不可求！要香辣兼備，刺激醒神，增加食慾，回味無窮！面前既辣椒油都有齊以上的優點，先辣後甜，全身發滾，額頭冒汗，暢快爽乎，越食越想食！掛上大量大量辣椒渣啜得更是有衝勁，不能自拔！極幼爽麵捲上牛腩食，極幼爽麵捲上雲吞食，增添不少樂趣，無從挑剔，滿分﹗濃郁清湯落味剛剛好，不咸不嗆，食完勁辣撈麵清清味蕾非常合適，整碗被我吞掉啊！五香牛筋腩麵，撈辣椒油撈麵好好食，跟辣椒腩汁湯掃入後都別有一番風味！淨五香牛筋腩，比起配湯麵八角味較重。驚見牛筋，竟有供應，謝謝老闆。是我喜歡的質感，超級綿滑，黏膠無限漿住我的嘴仔！不硬不爽不脆，就是您了。濃厚五香味道完全滲透牛筋腩之中，留在味蕾久久不散。炸雲吞，師傅叔叔問要否甜酸醬，我覺得跟清湯係最好味。炸物都未必一定要跟茄汁、泰式雞醬或沙律醬的呢。先試原味後浸湯。炸完的雲吞外脆內濕，味道不錯但有點過咸，因為炸乾而味道濃縮左？再浸辣椒油腩汁湯就更咸呢，受不了。口感一流半濕半脆好香口，換上淡味清湯應該會更好味。雲吞麵細，細蓉夠喇，我仲想食其他野麻。甜美香醇湯汁，掛在高質幼麵撈著鮮肉雲吞，迅間蒸發。蠔油撈麵，蠔油、麻油、蝦子、辣椒油混合一起，味道豐富多姿多彩，有生命地在舌尖上打滾。見男師傅收左工，第一次見女師傅上陣。點解要剪到我啲長壽麵碎濕濕！出前一丁您剪唔剪呢？細路仔怕哽親咩，我要一啖過一氣呵成啜晒落肚架麻！短短一截截，要續小啖續小啖夾極討厭呀﹗銀針粉，菜甫冬菜冬菇大白菜都極為重要，靈魂所在，缺一不可。如果加埋蝦米就如虎添翼，必定欲罷不能。甜美黏稠的湯汁有齊菜甫冬菜冬菇大白菜精華，襯托著滑嘟嘟粿條般的銀針粉，淋上辣椒油更惹味開胃，全收肚裡去，沒半滴湯汁留下。無河粉供應，無鴛鴦食，銀針粉都照殺啦！自製兩溝鴛鴦。蠔油麵撈粉仔有點咸喎，都係沾元貝雞絲翅才是極品。…Read More

放學想食D野，一諗就諗起老店豆腐花，又平又好吃😋！入到舖頭，老闆會好親切甘問你食咩，叫左吳夠兩分鐘就到👍🏻舖頭最出名的兩款食品就係細蓉和豆腐花，兩樣都好好食～學生仲可以用學生價食到添，非常優惠😬…Read More

好少入大埔, 咁岩係附近, 諗起杜汶澤先生的貼地推介, 專程走入大元邨街市商場去搵好野食, 咁就叫左碗大蓉, 聽開細蓉, 咁咩係大蓉呢, 顧名思義, 即係份量多點的雲吞麵,  麵多D, 雲吞多點, 味道呢雲吞D蝦好重味, D蔥花又香,  +本人嗜辣, 加幾滴辣椒油, 哀衣絲~…Read More

翠屏睇完跌打專程黎試一試老店，食物款式不多，舖面不大，略有六個臉壁座位。七點到步已經開始收檔了，見姐姐已經拖緊地，師傅都準備更衣添。幸好仲趕得及 order，如果今次試唔到的話，又唔知要等到幾時先有機會喇。雲吞麵走蔥，食完先見到有大細之分，我都唔知依碗係大定細，收錢時都無留意，哈哈。話咁快就熱騰騰出住煙送到，唔該晒師傅同姐姐，全店計埋我只有兩位食客，寧靜乾淨清涼舒服既進食空間，大愛 ﹗鮮肉雲吞細細粒容易食，肉汁從口中爆開滋潤著舌頭，肉味香濃可口，質地彈彈，雲吞皮滑而不粉不爛，烚既時間剛剛好，內內外外均滾熱辣。湯底芳香非常，有助食慾，輕呷一口，香甜而蝦籽味道突出，清爽不濁，比依家既成仔記更加出色。辣椒油有質數，香口微辣，如果有更多辣椒渣就更好啦，辣度比成仔記低一點。爽爽卷曲既幼麵毫無鹼水味，掛著蝦籽湯底及辣椒油不停輸送，美味極致，啜到唔停得嘴呢 ﹗迅間秒殺，連湯通通無得剩。元貝雞絲翅，無錯！眾裡尋她千百度，終於找到您了！肉絲雞湯碗仔翅晶瑩剔透既湯汁，色澤光亮閃令令，外觀異常吸引。肉絲裝得滿滿，雞湯肉絲味非常濃郁，香甜味美。撈上辣油、麻油、浙醋、胡椒粉，錦上添花，使到味道更豐富，香辣惹味，好食到打冷震！跟童年味道一模一樣！咩大埔碗仔翅大王、咩川滬鍋貼大王、咩上水惡魔之橋小販檔出產既粉絲生抽老抽芡 bye bye 啦！食物質數、店舖環境、姐姐服務，全部蠻滿意稱心！…Read More

此店售賣雲吞麵和中式甜品，以往試過雲吞麵，好味有質素，這次試嚐熱薏米白果豆腐花。幼滑溫暖的豆腐花上，淋上薏米白果漿，漿汁微甜，薏米白果做得軟，與清淡的豆腐花一起吃，清清的，不知怎的，感到溫閑恬靜的簡意，值得回味。…Read More

星期天，買餸天，我們一家人基本上同在外國生活一樣，一星期也許只會買一次餸，而且一買隨時會買足一個星期的食物、食材。這一天，我們在大元邨街市買菜，感覺自從領匯接管了該街市之後，環境比以前，甚至現在的大埔墟街市好多了。不過，這一個街市，說是真正賣菜賣肉的地方，只是佔據了街市的一半，而另一半，就等於一個小型的商場，售賣著不同的商品，而且當中亦不乏有名氣的連鎖商店。我們行到有點兒疲倦，看中了這一個小小而人丁甚旺的豆腐花店，說是一家曾在大埔墟經營的老店，是甚麼老店，那一家老店，不知道，只知道如果屬實，這是其中一家《亞婆》經營過的豆腐花店。既然以豆腐花掛招牌，我們當然是一人一碗豆腐花，普通的一碗凍豆腐花，其薑味極重，重得像有駒風的感覺，而豆花本身，是有一點滑，但絕不是滑得非常的一種，感覺只是普通。另一碗加了芝麻糊，同樣，豆花滑的狀況一般，芝麻也只是一般的香口。要拿來比較的話，我只可以說這店幸運地設館於大元邨，若是在大埔墟，爭不到多少長短。普通貨色，好生意只是地點優勢而已。…Read More

這家店在翻新了的大元街市,買邊爐料時都會到這裡買生雲吞;顆粒小小的,皮薄滑,餡料是傳統的豬肉加芝麻及大地魚;先吃碗杯仔雲吞(淨雲吞),再要了一碗細蓉(細雲吞麵),麵條夠爽夠香,比起區內老店更有驚喜;再加一客即炸雲吞,也是水準之作 。份量不大，連吃三款，也不會太飽呢！一邊傳來烤大地魚的香氣，如在往昔！店是小小的，乾淨企理，顧客多是街坊，吃個下午茶，不會久坐。看見食評中並沒有介紹雲吞或麵條的，也就寫兩句，做個記錄。…Read More

吃完早餐!走到翠屏廣場時突然下雨在這時候我想大元邨街市商場的豆腐花我和母親走到老店買豆腐花時 母親提議外賣 它們凍豆腐花很爽口 需然冇熱豆腐花 那麼滑!但別有風味!!!…Read More

文迪來到街市買雞翼, 我就在這邊四圍走走, 看見這裡有豆腐花吃, 好, 就試試看.冰糖豆腐花 $8: 8分, 一碗$8, 份量是幾大的, 溫度方面, 是相當之熱, 其實溫一點會更合宜. 豆腐花相當滑溜, 豆香濃郁, 用上冰糖, 是健康一點的選擇.見這裡人客實在不少, 加上經濟抵吃, 想吃豆腐花, 在大埔中心這邊也有個選擇了.…Read More