老川皇

Open Now

Now Closed

呢間餐廳係聽同事推薦既，話味道都夠濃、夠正宗🥢。不過，由於疫情關係，小心為上，所以今次就叫左外賣㴝試下🦠餐廳主要是賣四川麻辣菜式🌶，選擇都幾豐富，只要$30以上就會外送，外賣盒需另收加$1既🥡外賣速度都好快⚡️，唔洗30分鐘就已經送到👍🏻；而且，外賣哥哥態度都好好啊，正值我離開左office一陣🙈，都唔介意多等我幾分鐘今次就叫左雞煲飯/小辣（$60），因為冇乜餐廳會提供一人份既雞煲，好奇之下就點左㴝試試🙉事實上，醬汁辣味都濃烈🧂，但是仍然唔係好遮蓋到雞肉既冷藏冰鮮既味道⋯⋯而且雞肉係以骨既部分為多🦴，整體令人大失所望😢不過，聽我同事成日都推薦呢間餐廳，我會再比多次機會佢，相信佢其他菜式係good既🤔

我收工突然好想食土豆絲，男朋友(顎巴Oppa)見佢樓下間老川皇有得食，即刻二話不說帶左我入去🤣坐低左先發現原來老川皇仲有串燒食，即刻落單點返串燒韮菜 燒菠蘿 燒茄子 再加樽啤酒嘆嘆佢先😋 麻辣土豆絲👍👍👍👍好好味！係我想食既味道！麻辣好麻唔會太辣，麻麻痺痺既感覺好正!越食越上癮😋土豆絲爽口，條身唔會太厚太薄，食落口感岩岩好😋👍醬汁分量配合土豆絲既份量非常好，食完唔會剩太多醬汁係底，每條土豆絲都好好味🤤🤤完全大大滿足我今日對土豆絲慾望😋👍 三絲炒米粉👍👍👍原本叫哩碟係為左填飽個肚，但係竟然有驚喜😂米粉好彈牙煙韌 蛋絲好香蛋味 蔥絲有爆香過既香味 紅蘿蔔絲唔太粗唔太幼，三絲切得好平均，易放入口唔會一大一小好難先食到，味道我覺得有小小偏咸，不過鐘意食濃味野既男朋友話好正，仲清晒成碟米粉😋 串燒系列：燒韮菜 燒薯片 燒菠蘿 燒茄子 燒羊架令我地刮目相看既竟然係燒薯片！！！薯片燒得唔太乾，食落仲有薯仔既Juicy，加上孜然粉 糊椒粉 鹽等等既配料！超。級。好。味。！！我地食完最後Ancall多次燒薯片！正正不得了！原本以為同普通薯片差唔多味，點知食到有驚喜😋😋推薦👍👍👍👍👍 燒韮菜我本身鐘意食燒

今日想揾d 重口味嘅野食， 經過間砵蘭街見佢門口咁多人等外賣， 就入黎試下。餐廳位置不大， 都等咗十五分鍾先有位。先叫個麻辣雞鍋。半隻雞嘅麻辣雞煲份量很多，賣相吸引。雞10分香滑， 麻辣的汁深深地滲入雞肉入面， 洋蔥同青椒爽得來吸收了辣汁。 雞腳都損埋， 夠入味。再叫了個蔥爆牛肉， 牛肉都好多， 配上大葱，好夠鍋氣又炒得香嫩， 很不錯。送飯一流。可以同侍應講小辣，啱返香港人口味。朋友再叫了個酸辣粉， 小辣，價錢超掋， 28 蚊大大碗， 酸辣粉個湯底夠濃， 好QQ. 疫情之下呢間餐廳都排晒隊， 可見品質有保證。

很久沒有來吃老川皇了，今天特別想食辣，所以就同友人來到。餐廳依舊還有串燒和小菜可以食!燒墨魚丸，每次食串燒都會食墨魚丸，因為口感彈牙，而且加上辣粉和孜然粉特別好吃!燒大倉魚，燒倉魚原來也不錯，倉魚大骨居多，不用怕細魚骨，魚皮燒得脆口，灑有辣粉，魚肉算嫩滑，而且食落辣辣地，幾香口!夫妻肺片，第一次食這裡的夫妻肺片，醬汁的辣度剛剛好，不會太少辣或過辣，而且牛舌牛肚爽口，食落很開胃，加上芫茜味道更惹味!干煸四季豆，四季豆看上去有很多辣椒很像很辣，但食落味道只有少少辣，而且味道很下飯!酸菜肥腸，這道菜酸酸辣辣非常開胃又惹味，用上大量酸菜跟豬腸一齊炒，少少辣，豬腸不算太肥，口感爽口彈牙，也是一道下飯的菜式!

今日好夜先收工，趕唔出去食飯，就唯有叫外賣，喺旺角好多間餐廳都閂咗門，究竟幾時先可以10點後都喺餐廳裏面食嘢。首先講吓個三絲炒米線，整體感覺太過鹹，同埋米粉炒得太過林唔夠爽口。另外個水煮肥腸好油膩而且得酸味唔夠辣，最後個炒牛肉感覺葱味太過重，而且啲肉乾爭爭冇咬口，整體加埋都係覺得性價比唔高，唔會想再幫襯Tong再食，唯一係收錢嘅職員態度都OK同埋地點都算就腳，已埋單二百幾蚊來講個人感覺覺得不太值得，應該不會再幫襯。

天氣開始轉涼，突然好想食辣的野。知道砵蘭街有間出名食正宗四川菜的老川皇，就同朋友過來試下。等左幾個字先有位，店舖比較迫，坐位比較少，一入舖見倒好多人食緊水煮魚，勁吸引。我們當然都照跟風order。另外嗌左個蒜泥白肉和重慶酸辣粉。蒜泥白肉好多蒜好正！有別於外面比較傳統的薄肉，呢間白肉係厚切的，但原來厚切白肉+青瓜絲+蒜泥，都幾好口感，可以一試。重慶酸辣粉味道唔算濃，個人感覺可以再重手d酸d, 但薯粉質感做得幾好，$28咁大碗算抵食。重頭戲水煮魚等左幾個字先到，但好值得等，因為真係好食，嗌左小小辣的，味道剛好，唔洗驚太辣食唔倒。個湯底唔會好油，辣椒味香，咸度ok，魚片煮得剛剛夠滑，而且勁多魚片，2個人一盆真係大滿足，一定要叫個飯來撈大豆芽食。唯一覺得魚有d多骨，鍾意食魚的可以試下貴點的海鱸，相信會更好食同少d骨。最後嗌左個燒茄子，味道跟我當年去四川旅行食的相似。整體菜式味道ok,下次會再來。

滕椒魚，我每次都只食佢，因為全個老川皇最好食就係佢，一定要試，同埋火爆腰花，但腰花經常無貨。論佢地服務，真係唔好，但為左個魚，我會接受，而且價錢一般，又唔洗加一，無服務都無所謂啦。一分錢一分貨。

呢間老川皇已經食第二次，上次不錯，但今次服務同食物都好差。擺位好密令到我地坐得好逼好唔舒服。店鋪人手極不足，見到我地啲串燒已經燒好，但店員又要聽電話、收銀、落單，完全忽略我地啲嘢食，搞到凍晒。店員語氣極不耐煩。食物質素：叫了牛肉、豬頸肉、雞軟骨、雞腎等串燒，全部燒到極乾，完全唔好食。水煮魚極油，超級多骨，除紅油味外無其他味。叫了個水晶粉，煮到出黎成pat嘢咁，極油，只有油味、無其他味配菜同雞蛋完全幫唔到忙。

提到食川菜，依間有川菜風味辣度可以簡，款式也較多，未食過可以試下先推薦干鍋肥腸，仲意食川菜必食連鍋上枱夠晒熱另一推介是燒生蠔、串燒墨魚咀、串燒鱔片想食生蠔睇下好吾好彩，好多時晚市都賣晒😂墨魚咀好爽口，必試串燒之一鱔片有口感，燒得岩岩好另推薦水煮牛肉、水煮魚如果簡水煮牛肉份量較少，水煮魚有幾款魚可以簡，落單前服務員會問講野食其實吾差，係服務員態度一般😑如果講服務好d, 佐敦分店服務員服務比依間好好多

其實之前已經幫襯過旺角呢間老川皇好多次 因為本身自己個人鍾意食辣同燒烤仲有燒魚 咁岩佢哋又收得夜 今日佢叫咗個酸辣粉外賣 本身長頭髮嗰個阿姨都好好 我話要食勁辣 佢話唔好大辣好喇 我驚我食唔到辣得滯 到我拎到個外賣返屋企先見到 原來個外賣未包好 打電話叫佢哋換過新嘅 都冇問題OK 去到同短頭髮嗰個講 我冇開過個袋俾你地睇返 當聽唔到就咁行走左 o左咀 大姐 ！唔係我問題嘛 好彩我唔係做🐼外賣員啫 俾人x死都似 如果唔係怕個粉冧哂 我都唔會咁麻煩😤😤😤

今次係我第一次試呢間店，當初係見到有fd係fb tag咗，我先到呢間店既存在同食野！五點幾黎到，唔係食飯時間，唔洗排隊！我地嗌咗炸饅頭，炸饅頭，有三個黃色三個白色，個人覺得黃色好食啲！第二個食既係涼拌雖然唔係第一次食川菜，但呢間的確係值得推薦既！當然唔可以少咗燒物—燒茄子仲有雞翼、雞腎、雞軟骨、豬頸肉，唔係串燒店燒串燒都特別有水準！仲叫做一個清淡啲既：白菜豬肉餃然後再叫咗一碟一定要叫既酸菜魚，我地叫既係貴少少但多肉啲既桂花魚！

食得老川皇就預左食辣嘢，幾次都系路經冇特登去試系旺角諗唔到食咩好終於有機會試，見到唔少食客捧場，應該味道唔錯，因相對起隔離幾間食店，最多客人就系呢間👉🏻手拍青瓜 $36青瓜夠爽身又算大份，$36都抵食，配辣油去食又辣又開胃，作為前菜唔錯👉🏻酸菜魚 $132酸菜魚有幾款，生魚片、桂花魚、海鱸魚🐟價錢會比就咁叫酸菜魚貴，經濟同想試手藝嘅關係，我地冇叫最平個款，食落酸味偏重，味道系可以，不過魚內太多細骨，食得非常小心，就算食到半手指頭魚肉size都藏上兩枝小骨，食得太辛苦👉🏻重慶酸辣粉 $28辣味足夠只差左些香味，酸辣粉夠軟身夠咬口，如果再系味道上作些改量會更好✍🏻整體來講屬中規中矩，冇話真系過份差嘅地步，只要食物稍作改量就會好好，另外因為小店，店內坐位都真系太窄，出入較難，梳化坐位有容易有沾污情況，建議如果有紙巾🧻提供會更貼心d

到 #老川皇 食晚飯, 因為訂了位, 很快就可以入坐,6點多已好多人, 到老川皇就是想嘗樟茶鴨,因夠正宗,果不其然,很有肉汁,鴨腿部份, 香蘇肉嫩, 帶有樟茶香料香氣,很快就吃光了.另外點了椒鹽軟殼蟹, 超級爆脆口感, 肥美, 香脆惹味,真想叫多盆,但之前已被樟茶鴨 弄飽了,haha，整間店都比食物的香氣圍住，陪伴上店員的熱情招呼，相信再坐下去又會破費，總之是非常值得推介的，我自己會再次去多次嘗試其他招牌菜，到時再拍多些美食照，期待吧

同朋友去過幾次，自己也有去過，因為本人無辣不歡，所以可以吸引到我，但是服務態度差到極⋯⋯⋯⋯特別聽電話叫外賣服務，揀地方都可以理解，遠嘅地方當然唔送喇！但是我屋企都算近的，之前送過好多次了，今次居然唔送還講太遠唔送，咁樣嘅員工老闆你知道嗎？不管你們生意好唔好？是否可以整頓一下你們公司的員工質素，服務態度差差差⋯⋯⋯⋯我決定再也不去了，也不會再打電話叫外賣，香港又不是只有你一間老川光，以後改食『湘肴世家』這是一間湖南菜，食辣的朋友們不妨試試，味道很好👍👍，不過去試之前最好打電話訂位，因為生意太好了，這是訂位電話2986 9932最緊要係服務態度真系好。以後再也不會去老川皇食嘢了

老川皇~我第二次來了，今次特登帶老公來食，我仲要係去另一間分店，睇下他們水準會唔會一樣。果然冇令我失望，老公仲大讚好味道，Yeah !😁因為我覺得食中午餐最抵，所以今日都係選擇lunch time 過來食。老公排行榜第一位~ 酸菜魚片餐 $58 《小辣》魚片超滑小骨， 個酸菜湯好好飲。老公排行榜第二位~ 水煮牛肉餐 $60 《小辣》牛肉大大舊，又夠淋又吸汁。老公排行榜第三位~ 口水雞 $50 《小辣》個醬汁好濃郁，有dd 花生在面，如果再多d 就仲正。老公排行榜第四位~水晶肘子 $50呢款夠凍，入口好滑。個水晶做得唔錯。老公排行榜最尾~ 牛腩煲餐 $58因為d 牛腩仔比較碎，所以排最尾。