Mom's Dry Noodles (Shun Tak Centre) (Closed)

今次嗌左私房花雕雞拌面🍜同鮮奶抹茶🍵，仲有新鮮生菜🥬呢間係做外賣多既，配合返上環啲OL啦夜晚六點半嚟到，見到收銀台面一袋二袋好多袋咁擺住，應該係啲人打電話訂左先，然後返工/放工先直接過嚟攞，係方便的外賣店～嚟到嗌左之後，都好快整好，本身以為會要啲時間，點知幾分鐘就有得攞😙唔洗等～最討厭等～紙袋好隔熱，搞到我一開始仲以為係冷麵嚟🤑攞返公司，諗住做完少少嘢可以開餐，攞嗮啲嘢食出嚟先發現菜同拌麵都好有溫度🥰啱啱準備開餐，老細就急call要去做嘢，忍痛同嘢食講轉頭見，點知一轉頭就已經三個鐘頭後先得閒食😫返到嚟，最驚喜係嘢食就咁擺係有冷氣嘅office居然仲有少少餘溫！！！但係我鍾意熱食，同事幫手叮熱左，順便打開新世界大門：紙盒可以入微波爐叮🔔！講完咁多廢話，正式開餐私房花雕雞拌麵（粗麵）🍜$78花雕雞雞肉嫩滑，啖啖雞髀肉，一共有7塊左右；酒味淡香怡人；最驚喜係粗麵依然保持有咬口，仲有花雕酒既香，同麻油醬油等既味，雖然因為放得太耐，啲麵得底嗰啲有色，面嗰啲冇上到色，但係無阻麵真係好食！溏心蛋又係非常出色！！！我好鍾意最期待既擺最後食，呢半隻溏心蛋冇辜負我對佢嘅期望！開心～🥳睇番人地食評先知有得免費加麵底，照我嘅大食程度應該會想加加加！！！（其實唔加都夠曬）生菜🥬爽脆，啱啱好彌補返平時出街食唔會有既纖維，同埋生菜份量都唔少，唔係平時碗邊多兩條嘅份量鮮奶抹茶🍵$35放得太耐要瘋狂搖勻再飲，因為冰塊🧊都溶曬，所以味道略淡，但係唔會太失望，始終係我自己嚟唔切品嚐最好的它😖🥢總的來說～係好味既套餐，信德中心嚟講，你唔想日日食嚟食去都係茶餐廳/連鎖店，想追求有要求嘅一餐，老媽拌麵係一個唔錯既選擇，之後有機會都會再試下其他既口味～…Read More

老媽拌麵呢個名聽就聽得多，但係真係未食過今日喺上環做嘢經過信德中心見到佢間店餐牌上好多款式我都啱食仲有埋台式飲品同小食添我叫咗地獄麻辣牛伴麵，可以選擇粗/幼面+阿里山高山冷泡茶，而家仲有全單九折不得不讚佢哋外賣包裝非常好，完全冇滴漏。果然係地獄麻辣，又麻又辣非常惹味，牛肉口感好好，雖然外賣，麵條亦都唔會太林，完全保持到麵嘅質感，仲有一份菜而高山冷泡茶就好清香，仲可以解辣係呢個冇得去旅行嘅情況底下，食咗呢一餐真係好有台灣嘅味道…Read More

老公有約，一個人食又唔想落廚煮飯，所以打算揾間餐廳食埋晚飯先返屋企，最後就比我入左去信德嘅老媽拌麵 。大約六點零鐘左右，人流唔算多，餐廳有小量坐位，可以堂食，但最後都係太攰外賣返屋企。私房花雕雞拌麵 $78 + 升級套餐 $28 （青菜🥬+ 鮮奶茶）最開心係佢地7月做緊9折優惠。返到屋企都成半小時，好彩佢地個粗麵依然keep到煙韌，唔會因為時間耐左就淋晒，第一時間就忍唔住一啖食咗半隻滷水蛋，蛋黃溶溶地好正😋。雞肉、菇都充滿濃郁花雕酒香味。青菜好新鮮，估唔到+$28蚊會有咁大份。飲品揀咗鮮奶茶系列嘅老媽黑糖珍珠鮮奶茶，台式飲品都係覺得珍珠奶茶最好飲，加左黑糖，甜啲好味啲，加上未搖之前嘅漸變色夠晒吸睛。…Read More

位於上還信德中心這間”老媽拌麵”, 主打台式健康麵. 這間雖然主要係外賣店, 但鋪內仍有幾個座位可以俾客人堂食.（清燉牛肉麵)$72, 另加$15可以轉套餐, 會配埋一個菜& 飲品一杯. 麵可以選擇刀削麵或幼麵. 我選了幼麵, 口感好而且硬度適中. 牛展份量多, 厚切得來算腍. 配上蘿蔔及菜感覺很健康. 雖然係清燉湯底, 但湯好入味飲品選了荔枝綠茶, 好解渴得來但又不甜, 好適合夏天飲既飲品.💕餐廳 : (老媽拌麵)💕地址: 上環信德中心202號舖…Read More

去上環唔係淨係得海味街架！其實都有好多好嘢食，不論係返工一族定係經過嘅，都可以係信德中心呢到揾到正嘢。老媽拌麵就係其中一間啦，門面裝修都幾台風架，仲有大大個Screen Menu，夠晒方便。私房花雕醉雞拌麵 我見呢個係推薦嘅，一於就試下啦，果然係無推薦錯呀。有超多件雞件，食極都有，係雞髀肉，非常入味，雞皮好薄，完全唔肥。仲有啲配菜，估唔到會有溏心蛋，切面見到有幾流心。同埋有粟米荀同小棠菜，夠晒營養同靚呀。麵底係用左汁同菇撈嘅，每條麵都有醬汁，好均勻，啖啖都咁正呀。燙青菜 高山冷泡茶每個麵都可以加錢轉套餐，加十五蚊就有嘢飲同菜，抵呀。唔好以為係普通灼菜，佢仲加埋蒜蓉豉油，超好味！同埋份量都好多。佢有好多款茶可以揀。高山冷泡茶用好得意嘅膠樽裝，仲可以循環再用添！茶味清香，食飽晒之後就啱晒啦！…Read More

Lunch去信德中心揾食疫情下真的非常冷清好多店舖都轉換，食完行到近天橋見到有間老媽拌麵但堂食只有3個座位，有個banner外賣自取有九折，同事就提議收工一齊去買外賣返屋企做晚餐:)，我選擇私房花雕雞拌粗面套餐~有麵油菜加飲品~個雞有淡淡嘅花雕酒同麻油香味好滑好入味還有半隻糖心鹵水蛋，麵質好滑又煙韌真的唔錯份量都好足夠再加埋個蒜蓉生菜~正飲品我就選擇了阿里山高山冷泡茶，直得一讚是個冷泡茶是用樽裝一定唔怕漏，見佢個茶包有好多茶葉仲怕會有苦澀味原來一啲都冇好香好好飲…Read More

台灣已經興咗一段日子嘅乾拌麵，一路都只會去超級市場買嚟番屋企煮，今次知道喺上環開咗一間實體店，決定自己一個都專誠搭車過上環試吓！去到門面細細，但都一張bar枱仔可以俾食客堂食，但我自己就take away...睇到menu, 都幾多選擇，初時以為得乾伴麵，原來仲有臺式飯食同小食，由於我自己一個人食，就叫唔到小食，所以就點咗一個2020人氣No.1 嘅私房花雕雞拌麵再加$15轉餐，就會多碟燙青菜同一杯飲品！食完個私房花雕雞拌麵真係明白點解佢會係2020年 No.1，首先雞身好嫩滑，唔會煮得過老，至於花雕酒味除咗夠濃之外，味道係入哂啲雞肉度，醉雞確實唔錯，至於個麵都係重點，雖然平時喺屋企都可以自己煮，但由於每人煮嘅方式同時間唔同，所以會有唔同口感，想食最正宗嘅口感，當然就係嚟呢度試吓，果然真係同自己煮嘅唔同口感，麵條一條條，咬落有口感，唔會過淋，而且醬汁同自己調嘅都有分別，唔會過鹹，再加碟青菜，成餐真係好豐富，最後，餐飲我點咗冬瓜檸檬，夏天飲真係一流！…Read More

It’s not easy to find a delicious and clean taiwanese restaurant in Sheung Wan district. Mom’s dry noodle is one of the best here. During this hot summer, it’s better to eat some dry noodle with a nice Taiwanese drink. I ordered chicken dry noodle with Huadiao Liquor and Grass jelly drink. The chicken is very match with Huadiao Liquor, it tastes refresh and it’s so good for summer. The grass jelly drink is a very nice sweet drink for summer =] I would come again if I pass by. …Read More

唔知幾耐無去過上環，最近有野做經開信徳山心，記得附近返工既朋友話老媽拌麵幾好食，所以就過去睇下，俾個招牌私房花雕雞拌麵吸引住🙊我點左個套餐外賣拎走HKD78+15就有埋青菜同飲品仲有9折份量十足，好抵食感覺好健康呢！好鍾意呢杯金羅漢果海底椰完全無添加糖，原汁原味入口甘甜滋潤青菜新鮮爽脆麵最吸引我，睇到流口水花雕雞真係好正，入口唔會過鹹，入口完全充滿花雕酒味道，加上雞肉嫩滑，仲要係我平常鍾意食啖啖肉帶點實個種，哈，因為平時唔鍾意食有肥肉個種，所以十分合我口味半隻蛋既蛋黃入口即溶，望落去雖然不是流心，但真的好軟滑拌麵係刀削麵加上粗身，岩曬我鍾意食有口感既人，花雕汁完全滲入麵條入面，好食到難得令我食得曬全部，真的要再食！…Read More

位於上環信德中心嘅老媽拌麵❤️😍單點一個麵食或者飯，加$15就可以升級套餐，配埋燙生菜同嘢飲，仲可以免費加面底添！和牛炸醬拌麵～有一隻太陽蛋喺面，和牛肉碎，配以木耳絲、青瓜絲、紅蘿蔔絲，用上粗條嘅波浪形手工麵條，好有口感👍和牛肉碎甜甜地好開胃👍套餐包埋蒜蓉生菜🥬煮得啱啱好，就算外賣返嚟，食落都爽口，份量好足🔆今日有少少熱氣，見佢個茶飲可以選擇仙草飲，啱哂😄，杯裏大大嚿仙草，由第一啖開始，啜到尾都有，味道有點甘苦，好清熱✨…Read More

呢間鋪平時食lunch時間都排長隊，今日5點鐘時間路過😆見冇乜人，順便外賣返去做晚餐🥣 位於上環信德中心嘅老媽拌麵❤️😍⭐️第一次食，試吓佢個人氣No.1私房花雕雞拌麵～配有一隻滷水蛋，花雕雞有麻油香、薑和花雕酒味，煮得好入味，配上杞子和幼麵，感覺好養生😄套餐仲有蒜蓉生菜🥬爽口兼份量足👍👍今日天氣咁熱，配上一杯凍冰冰台式嘢飲，真係好正😆，餐飲～荔枝綠茶，我選了少甜，味道剛剛好，荔枝味好出，杯裝仲有一粒新鮮荔枝添😄…Read More

放工要過一過上環，走果時經過信德中心，見到老媽拌麵原來有外賣店，近年好多台灣牌子都推出拌麵，但我一款都未試過，咁岩今晚屋企無飯食，一於買外賣返去試下。雖然舖仔細細，但除左拌麵，仲有湯麵、飯、台式小食、滷味小食、手工水餃、台式飲品，都幾多款式。我叫左人氣No.1私房花雕雞拌麵，HK$78唔平架，另加HK$28升級鮮奶茶系列套餐，跟生菜同鮮奶茶，驚唔夠食仲可以免費加麵底，不過我唔加都夠飽。🍴私房花雕雞拌麵日曬手工關廟麵比較耐煮，即叫即煮要等10至15分鐘，好彩當時已經8點，得我一個客，唔算等好耐。我揀左有彎曲波紋ge關廟刀削麵，煙韌彈牙，唔會爛蓉蓉痴埋一齊。雞肉係雞髀肉，未至於嫩滑，但唔鞋口，幾入味。溏心蛋太熟，有d可惜。花雕醬汁偏鹹，酒香爭少少，可能改成花雕雞湯會較好。跟餐生菜幾鮮甜爽口。🍴老媽黑糖珍珠鮮奶茶叫左少甜，唔會太甜，奶味偏重，黑糖味同茶味唔算突出，珍珠幾煙韌。📍老媽拌麵上環干諾道中168-200號信德中心2層202號舖…Read More

最近雖然本地0確診同有回落趨勢，但都係唔可以掉以輕心！所以外買就成爲左打工仔既抗疫首選！最近又經過上環信德中心既【老媽拌麵】外賣店，記得上次價錢都幾抵，而且本身又鍾意食老媽拌麵，所以今次再戰一次、叫左一份外賣套餐啦！Basic套餐係叫一個麵加$15就包一杯飲品（不包括鮮奶/奶茶類）同青菜。川味紅燒半筋牛肉麵：因爲上次叫左乾拌麵，今次就試下湯面，湯同面係分開裝，唔怕泡到D麵發曬！分量都好多，有大概5/6塊肉，非常軟又好入味，麵軟硬適中。湯有少少麻辣，但唔會太辣，正常可以食辣都接受到、而且唔會太鹹！ 青菜：分量都ok多，新鮮，不過D汁有少少鹹荔枝綠茶：清甜荔枝味搭配綠茶，非常解渴。而且無甜！仲有一粒荔枝！…Read More

成日見人食老媽拌麵，今日終於到我試😍外賣返屋企食，現場都有4個座位可以即場食原來都有飯餐選擇，但拌麵最出名🔶秘房花雕雞拌麵 $78麵用了刀削麵，令食落口感滑得黎又有質感！拌麵的調味好好味，味道剛剛好，香口👍🏻個花雕雞都係重點，淡淡酒香味，雞肉嫩滑仲配上半隻溏心蛋同埋一條菜，健康🥬不過份量唔係太多😛🔶燙青菜～唔係白灼，有啲蒜蓉味，好味啊！🔶荔枝綠茶～荔枝好出綠茶味濃，唔會太甜，夏天飲好清新解熱（以上菜+飲品需加$15）個外賣都唔係等好耐，落單5-6分鐘就有👍🏻快靚正…Read More

老媽伴麵自從上次食過老媽拌麵真係一食愛上呢日去左上環準備返屋企之際見到有分店即刻買外賣返去今次揀咗冧巴溫招牌菜私房花雕雞拌麵而且毫不猶豫選擇粗麵因為真係好有口感 超彈牙而且花雕酒味濃淡適宜雞塊入味之餘仲好香滑飲品方面就揀仙草茶佢同平時外面飲到既好唔一樣因為佢冇落糖漿所以第一啖飲落去會覺得有少少苦但係反而更加突出仙草香味而且夠晒解渴清涼今次體驗到除咗堂食之外連外賣都一樣咁出色無條件encore下次再試其他味道…Read More