Hong Kong Lao Shang Hai Restaurant

成日同公司同事去食lunch，佢個中午套餐好抵食，銀絲卷，炸饅頭都好好味。佢屬於濃味之選樣樣嘢都比較重味道，但係非常之啱我呢種重味之人。不過佢個饅頭冇得配煉奶，非常之可惜。以前可以配煉奶，唔知幾時開始佢唔再俾我啦。…Read More

同幾個朋友咁啱經過灣仔搵嘢食，諗起呢間想試好耐嘅經典上海菜， 又好好彩咁啱有位！環境坐得舒服， 服務員有禮貌， 服務周到，睇得出其他檯都係熟客，同服務員有傾有講 。 菜單比較多選擇，令我哋忍唔住叫多咗嘢食煙燻蛋 賽螃蟹酸辣湯蔥油大餅上海炒年糕炒豆苗黃金蝦酒釀丸子掛住食，成日都唔記得咗影相😅整體嚟講 食物味道出色 ， 冇令我地失望 👍🏻個人最欣賞蔥油大餅，鹹香度剛剛好！ 另外上海炒年糕嘅煙韌度都拿捏得非常好👍🏻 就連最簡單嘅炒豆苗都好食，因為夠新鮮😁…Read More

今日 Honey 想食上海菜，於是在附近找到這餐廳，中式裝潢，員工都是有些年紀的人，一問之下才知道原來這裡前身是老正興，原班人馬轉過來，所以是傳統的上海菜，真是找對地方了。晚餐時間已有不少顧客，但都是斯文人，說話輕聲細語，只有一台日本人比較嘈。🫣好想試這裡的東坡肉，可惜遲了一步，賣完了。😬於是點了百葉紅燒肉，青椒絲炒牛肉，最普通的菜式最能試出酒家的水平。💪有點奇怪酒家沒有問我們要甚麼茶，是否全部都是香片茶，不得而知。🤔青椒牛肉絲很快送到，炒得香口嫩滑，青椒牛肉筍絲的組合非常協調，不油膩，不重味，開胃下飯。👍百葉紅燒肉連瓦鍋上桌，熱氣騰騰，香氣撲鼻，紅燒肉半肥瘦帶皮，燜得入口即化，香鮮肥糯，百葉和筍尖吸收了豬肉味汁，減低了油膩感，配合得很好，只是味道稍重，可以淡一些更合我們的習慣。😉這頓飯找回了老上海的味道，也有人情味，老員工在埋單是還不忘講個爛Gag，讓我們會心一笑。😁😁…Read More

和朋友冬至敍餐，又再幫襯老店老上海飯店，2個女仔點咗$358/ 3款套餐，有肴肉、青椒牛肉絲、獅子頭，好多肉，再配埋個菜飯，好好味😋其實份量好太，係典型上海菜偏重口味，對女仕嚟講有一定罪惡感，但繁忙lunch time都坐得舒服，老員工又服務周到，仲留埋糖水畀我地，耐唔時幫襯下都好開心😁…Read More

早年好友曾在這裏攪過飯局，水準非常出色，而且價錢合理，一直令我和太太念念不忘；早前得知好友今年再攪，當然立即報名參加。今次同樣選在有獨立衛生間的「英皇」VIP房間內，朋友更特別帶來陳年花雕酒及甜酒，感激不盡。首先上場的五小碟前菜，分別係肉質嫩滑帶濃濃酒香的「醉鴿」、鬆軟又有彈性的「烤麩」 、清新不膩的「香干馬蘭頭」、呈溏心狀的「水晶燻蛋」及 爽脆鮮味的「蔥油海蜇蘿蔔絲」，每一樣也各有其特色。鮮嫩爽彈的河蝦仁跟著上場，配上翠綠圓潤的甜豆，出色又好味，不消一會已吃個碟底朝天！火瞳雞燉翅～超大煲的雞燉翅，立時吸引在場的每一位，一梳梳的魚翅、頂級的金華火腿、雞肉，慢火熬煮多個小時而成，湯底質感濃稠，微微黏口，味道甘香甜美，香濃且潤喉，每一口也吃到爽滑彈牙的魚翅，超級滿足；火瞳皮充滿膠質，軟熟有彈性，令人忍不住吃完想再吃，超級美味。😋雞米鍋巴卷～大廚先把鍋巴炸脆，在未成形前捲成手卷狀，吃時把切好的食材放入鍋巴之中，既好味又酥脆，賣相及味道也非常吸引；期間食友不停追問攪手，雞米中有什麼材料，據攪手說會根據時令及大廚喜好，而作出調整，未必每次也一樣，就今次眼看有雞肉、芹菜、青瓜、松子、紅蘿蔔、蔥花等。勝瓜黃雀～單看名稱，怎會想到這是一味素菜，原來是以腐皮包裹着木耳、牛蒡、竹荀及甘荀等食材，腐皮留尾，形成像雀鳥的外表，配上勝瓜、紅蘿蔔、草菇及雲耳，味道清甜又滋味。油炆茭白豆苗～茭白水分多，纖維含量豐富，但熱量卻相對 低，對想減肥的人，是很不錯的食材；茭白外形很像竹筍，吃起來鮮嫩爽口；豆胚是豌豆種出來最鮮嫩的部份，食店更在豆胚中挑選最靚嘅選擇，真係豆胚中的冠軍，怎會不好吃。乳腐方肉～乳腐方肉，外形有點似東坡肉，口感軟腍滑溜，因加入香濃的乳腐醬汁，味道感覺比東坡肉更佳；墊底的白菜仔，在吸收了醬汁後，滋味更好！😋椒鹽八寶鴨～傳統八寶鴨使用蒸熟然後澆芡汁的做法，雖然好味但過於油膩，沒有一定人數，根本難以消化；但椒鹽八寶鴨，使用椒鹽酥炸方式烹調，不但吃起來比較香脆，鴨肉皮酥肉嫩，釀餡濃惹香郁，真係食多幾件也不覺膩，真覺比原版提升了不少檔次。之後還有素菜包、蔥油拌麵、八寶飯 及 合桃露，全部也有一定水準，尤其素菜包外皮做得非常鬆軟，好味又飽肚，值得一試！#老上海飯店地址: 灣仔軒尼詩道288號英皇集團中心1樓101-104號舖電話: 28279339…Read More