老三火鍋 (Closed)

4人食咗$998 仲有2位唔知飲咗幾枝酒前菜叫咗雞腳 正常嘢 見到條小青椒以為個雞腳好辣 但唔覺辣全湯最得係個鴨湯 上枱滾起後店員會先斟一碗給你之後先開始落料打邊爐炸響鈴 熱辣辣炸出嚟就咁食 唔浸湯都得如果個甜酸醬 可以傑身啲就好啦浸湯食 我會浸到好冧先會食我自己一個食咗三條🙂🙃 胖是有因炸雲吞 一啖咬落去 熱汁bi咗去我手指尾辣到我🥲 證明咗佢炸完 都唔會乾爭爭多汁配沙律醬 我覺得配甜酸醬就冇咁漏牛 還好吧～正常無特別 疫情期間 平日嚟呢度飯聚都幾好無爆座 同埋坐嘅空間感都夠大仲有好大隻貓貓俾你任摸😍…Read More

今日要十點後先有時間食飯，搵到呢間火鍋店開到12點，嗱嗱臨去到食個零鐘過下火鍋引～睇左OpenRice 有人介紹呢間有鴨湯湯底，$88 半隻鴨，咁平既湯底，唔使諗,即叫😂都幾多鴨肉，不過啲鴨肉好鞋😂個湯比較淡，不過$88 蚊，你唔會要求好高，算係咁啦！同埋要讚下佢服務極好又幫我哋分湯又好有禮貌咁介紹所有嘢。$88 蚊一個湯底佢仲要有專人嚟服侍我哋分湯真係幾好服務。叫左普通既手切牛半份，睇個樣幾靚，但食落係幾普通，我哋煮得好生都太過韌，咬左好耐都未咬晒😂🥲冰荳腐，$38 （好似係），唔貴，所以唔好期望好食。係真係普通野。牛心椗，似係x 寶既貨😂係平既，不過都係唔好太有要求。呢個醉雞丸竟然出奇地非常有驚喜。佢已經提左我哋小心燙口，但我哋冇為意以為普通一粒丸，一咬落去原來爆汁！佢原來裏面係包咗啲酒喺裏面。食落係真係幾特別！！！最後俾我哋撞到肥貓店主😆總括嚟講我哋每人消費200零蚊，夜麻麻有嘢食又咁平算係咁㗎啦～…Read More

本身係邊爐精，成日周圍去唔同嘅地方食火鍋，最注重嘅係湯底。第一次去老三火鍋，係朋友介紹佢個鴨湯一流，所以就去試下。湯係第一樣嚟到嘅嘢，係火鍋配料未黎之前先飲湯。朋友介紹嗰陣講過呢度嘅湯係清而濃，一般來講形容湯可以係青淡或者濃郁，清而濃我完全唔知佢想講乜，不過飲咗一啖之後就明咗，全個湯嘅味道的確好濃郁，但係絕不油膩，有一種清新嘅感覺，呢個就係清而濃嘅來源。至於火鍋配料，我個人覺得比較一般，無論係牛肉、牛骨髓、芝士蝦丸、芝士墨魚丸、韭菜餃、魚皮餃花枝片、魷魚都冇乜特別。唯一值得讚賞嘅係粟米真係好甜，響鈴亦都香脆。仲有最緊要嘅就係佢隻PR貓九萬😍😍，隻貓絕對有滿分。…Read More

老鴨半隻湯底，湯底採用老鴨、黨參、紅棗、圓肉、蟲草花、沙參、杞子熬製，味道獨特，味道甘甜、鮮香。辣雲耳小食，口感爽滑，味道香辣、惹味。豬肚，口感爽彈，食落好有咬口。黑牛百葉，口感厚身、爽口。蟹子鮮蝦滑，蟹子口感脆口，鮮蝦滑食落彈牙味鮮。水魷魚，口感厚彈，味道鮮甜。魚肚，口感薄身、滑口。金菇菜，份量多，食落好新鮮。墨汁芝士魚餃，皮薄餡多，餃皮墨汁味濃，芝士、魚肉比例恰當，食落咸香帶鮮。生菜，口感爽脆，味道清甜。豆腐丸，外Q彈內滑嫩，食落充滿豆香味道。烏冬，口感煙韌，好掛湯。魚肉芝士餅，魚肉甜鮮，芝士味道鹹香。…Read More

今日約左個老友食生日飯，地點就決定係佢屋企附近啦，係佢強烈建議下，我地去左老三火鍋打個靚邊爐啦，去到個場都幾爆。望下個湯底先，其實都唔洗點揀，當然係選擇佢個招牌秘製老鴨鍋啦，我地兩個人就叫左半隻。好啦，湯到啦，飲啖湯先，啖湯非常香濃，而且就真係有鴨味，另外就重有d藥材，我地每人都飲左兩碗湯，另外就試下d鴨肉，完全唔係湯渣感覺，好滑，就連鴨胸都係，我相信係煲湯嘅鴨同食嘅鴨係分開黎煮呀！食完隻鴨之後就加湯打邊爐啦，首先係本港手切牛肉，我地兩個人就叫左個大嘅，牛肉好滑同埋好香牛味，大約過一過熱水8至10秒就最正，完全無根，基本上個牛就停唔到口。必食推介。跟住到水魷，感覺上同出面食嘅水魷係有好大分別，係好滑同埋彈牙，爽而不韌，同埋都真係幾有魷魚味。大蜆，係新鮮同埋無沙，隻隻都大大粒肉，新鮮。最後我地兩個男人食埋個皇帝菜就飽飽啦，不過建議如果加湯就加清水就可以啦，因為個湯會愈滾愈濃，最後會變咸，一定會再黎幫襯。…Read More

朋友早於上星期一就訂左上星期五（18/10/2019）晚上7：45兩位諗住撑枱腳。我地7：30到左問有冇枱定要等到訂枱時間先可以有枱。個女職員同我地講暫時冇枱，要等有客起身，想嚇死人呀，7點幾個個都係剛剛開始食又唔限時，即係唔洗食啦，仲話有客交枱會打返比我地。臨出門口聽到職員打比啲客問來唔來，唔來就放枱，咁點解我地兩位都唔留細枱？即係book左都唔會有位留我地唔想嘈都周圍去搵野食，幾間打邊爐既睇落有位但問左係留哂枱，預約哂。最後好在搵到間有位終於可以打邊爐。如果係冇得book就一早講聲，到最後我地食哂成餐飯都冇人打來話有枱，長沙灣選擇好多，呢間食過幾次好食先返去食佢，咁冇誠信唔會再去。…Read More

打邊爐除咗要d料新鮮同埋有無江湖地位攞到d靚配料之外，最重要就當然係個湯底啦，呢間火鍋店最出名嘅就係個老鴨湯底，基本上次次黎都會叫呢個湯底，因為真係稱得上「和味」，而且店員都會叫你先飲「頭啖湯」，然後先正式打邊爐。配料方面，個人覺得中規中矩啦，牛肉要靚兼肥瘦均勻就當然係指定動作啦，手打丸同埋水餃雲吞都算唔錯，咁多樣野之中我覺得最出色嘅就係佢嘅即炸腐皮卷(即係響鈴)，始終新鮮即叫即做就係唔同d嘅，可以就咁食或者落湯打邊爐都得，值得一試。…Read More

機緣巧合 見呢間出名鴨湯打邊爐唔洗排隊就揀左呢間食門口有隻肥貓訓左係到 唔驚人同佢玩左一陣 都幾好脾氣 無反抗入座後嗌左半隻鴨湯2個人食唔到咁多講返個湯底先湯頭係濃既，但飲左碗之後口腔有少少苦澀既感覺可能落左藥材煲掛？不過呢個湯底碌菜食幾好唔洗點鼓油都夠味本地手切牛好正又新鮮又有牛味田雞：唔係個個人都中意食但呢間啲田雞真係好新鮮上菜個陣 啲田雞仲係到郁肉質爽口 40幾蚊有4隻 好抵食！同埋呢到啲價錢都算平仲要份量多最後都係食唔曬…Read More

#mk放工後成日穩美食6餐廳: 老三火鍋 ❗😍湯底飲完可以養身有益的打邊爐✨嚟到呢度絕對要試下 #老鴨湯底🦆🎐估唔到成半隻鴨〰️湯底都好入味😂我同男朋友各飲左3碗😙🎶而且有個好好方面😜,大部分配菜可以Order半份半份上呀～甘就可以叫多好多款火鍋料🎉…Read More

平時食老三，叫開半隻鴨，今次叫一隻，點知湯既份量同半隻一樣，下次都係叫返半隻就算。唔知係咪因爲食嗰日係星期日，總是覺得個手切肥牛好細碟，平時2人食細碟，今次4人就叫碟大，點知份量好少，數落去得16片，仲要有d好細片，下次叫返碟細既數下先…Read More

又係時候同朋友一齊食鴨煲每次嚟到一定要叫一隻鴨然後飲三碗湯然後叫火鍋配料打邊爐但其實最需要食係炸魚片頭嘢食好味價錢偏貴很好夜啲去有折扣所以每次我都會去到10點半後才同朋友一齊重點想講佢嘅鴨煲用鴨煲真係非常入味當然我唔知道當中有沒味精 但係仲有覺得唔飲蝕抵同埋飲極都好濃郁…Read More

老三火鍋最愛的湯底就是老鴨湯底，五個人半隻鴨便足夠，先飲湯後打邊爐。老鴨湯十分入味，有大量的薑，飲的時候可以加蔥，令到湯更加香。如果愛吃海鮮的話，他們每日也有新鮮的選擇，大蜆12隻都只是88元，而他們亦有手打蝦丸、醉雞丸等食品，醉雞丸吃的時候耍特別小心，因為裏面有酒，蝦丸十分新鮮，每粒都吃到蝦肉。另推介的就是本地肥牛。肥瘦適中，打邊爐的最佳配搭。唯一缺點就是他們店舖十分空曠，遇上其他人高聲談話，你會覺得耳朵很受罪。…Read More

打邊爐通常都係，清湯底、麻辣湯底、豬骨湯底或其他湯底，去老三的時候我特別喜歡叫鴨 ，他們的老鴨湯底真是太原汁原味了！先上老鴨湯底，然後加蔥，飲了大約一半的湯，再加上湯打邊爐 。他們的火鍋配料也是十分新鮮，例如: 手切肥牛、花甲等缺點就是他們的店舖設計比較空曠，經常有人大聲談話，如果希望靜靜地食飯有一點困難。…Read More

香港人一年四季都甘喜歡打邊爐嘅，特別約班朋友聚會，打邊爐就更方便，基本上各自點自己鍾意嘅野就得，所以我覺得打得邊爐，最重要就係個湯底，而家嘅天氣又真係唔係每個人都接受到麻辣嘅，甘就不如去呢間，試下靠得住嘅老鴨湯底！其實今次一行5人，所以點左半隻鴨都夠，重點當然就係打邊爐前，好好品嚐下個湯啦！味道濃郁，有dd藥材味透出黎，完全唔覺得加左味精，飲一碗係唔夠嘅，點都要飲多碗！如果一向都鍾意食埋湯料嘅朋友，其實隻鴨都幾好肉，又夠「林」，唔錯ga!打邊邊料，其實間間都差唔多，所以講嘅都係夠唔夠新鮮，好多時上碟牛好反映到，呢度嘅本地手切牛，上檯係粉紅色，唔會係雪死嘅紫紅色，涮一涮，入口係「林」而且夠肉味，唔新鮮係冇呢個效果ga!而我覺得必食嘅仲有醉雞丸！🙈🙈小心爆汁…Read More

一行12人book左8点，去到話上一張枱未走，因為之前冇話要幾點交枱，所以唔可以趕人走👎🏼終於9点先有枱，一開始叫左個鴨煲，咸到死，要飲汽水解喝，叫左2份2級靚牛，物非所值，其他食物係正常野，老闆經已俾左折頭，因為等左好耐，埋單都成5000蚊，有點不值👎🏼…Read More