Brotherhood (Closed)

呢次係早一排食既，而家諗起就要記錄下。同媽咪行完街市，係時候補充體力，先有力搬D餸同家庭用品返屋企。油渣麵之中，識食梗係食脆渣，配粗麵係指定動作啦！ 脆渣真係脆，size岩岩好，唔係碎濕濕既話，喺湯上漂浮要撈黎食，就係好攰既事 😂之前食過大角咀名大過實果間👎，呢度無油益味、上檯脆得黎仲有微暖，老闆娘又有禮貌，非常不錯。見隔離檯既辣汁魷魚，就叫碟試下，欣賞佢唔係大大舊剪開果種，細隻D幼細D其實仲掛汁，呢度整得恰到好處，辣度剛好，正！…Read More

屋企樓下呢檔油渣麵我成日都幫襯😋呢度啲豬油渣每日自家新鮮製作，所以食起嚟特別香脆可口，油香四溢！同埋超鍾意食呢度啲辣菜脯，加埋落油渣麵度真係一流😚#招牌油渣麵 $38呢度個油渣麵價錢親民而且超！大！碗！滿滿的豬油渣，大大塊蠔油冬菇片和鮮甜蘿蔔真的超高性價比👍麵底可以揀粗麵或幼麵，我自己就好鍾意食幼麵，幼面會吸收左湯底嘅清甜，而且仲keep到有少少彈牙，食起嚟特別好味😋我最鍾意加埋豬紅落去，呢度啲豬紅又係鮮甜彈牙，配埋豬油渣一齊食真係冇得彈㗎！#海魚魚肉撈蝦子麵 $48麵身超多蝦子🦐食落夠晒鹹香👍 呢度啲蝦子麵全部用豬油撈，所以提升咗本身蝦子麵嘅口感，食落特別香滑😋魚肉另上，份量十足👍#滷水豬大腸 #滷水豬肚絲最近呢度做緊加餸優惠益街坊，加倍大腸滑豬肚絲等滷水小吃只需加$12，我次次黎都要食埋呢度個豬大腸，大腸乾淨企理，滷水滷得好入味之餘大腸仲keep到爽口彈牙👍出邊食唔翻咁好食😋#皇牌餃子🥟$32/6隻餃子可以選擇鮮肉韭菜餃或者鮮肉椰菜餃or 雙拼。呢度啲餃子皮薄餡靚，一咬開啲肉汁仲會bit出嚟,推介放少少辣菜脯落去一齊食更好味😋…Read More

行過長沙灣無意中發現呢一間油渣麵店，平時都好少見，覺得好新奇趣，所以就入嚟試下啦。點咗3樣嘢，招牌油渣麵，懷舊小食四式拼盤同埋炸黃金蝦仁棗。招牌油渣面好好食，因為佢有新鮮嘅油渣。食落去好香脆，而且有淡淡甘香，麵底我揀咗上海粗面，一樣好唔錯，因為佢嘅口感非常爽口，而且粗幼適中。傳統小食拼盤有韭菜豬紅豬大腸同蘿蔔，湯係用清湯底，更加可以特顯出蘿蔔嘅鮮甜，豬紅都非常之彈牙。個人都幾推薦黃金蝦仁棗，因為佢係新鮮炸，所以熱辣辣，而且我覺得落料都好足，食得出蝦仁口感。支裝豆漿乾淨衛生，清涼健康好滿足。…Read More

今日順道探訪居於長沙灣的親友，她極力推介這家開業近一年的小店，何以如此推介，她解釋第一賣懷舊的粉麵店越來越少，第二是在現今講求健康的年代，還有賣豬油渣的店子可說是碩果僅存，第三就是店家早在土瓜灣紮根，累積不少好評，絕對是實力的成果。小店地方不大，但夠光猛，環境呈長形，左右兩排位子，整潔企理。食物主打當然是豬油渣麵，其次豬油撈蝦子麵亦甚具特色，還有不少懷舊小食、滷水小食及一般的車仔麵，而加配飲品亦有優惠。見其推介滷水小食，而且定價很便宜，就先來一客「滷水豬肚絲」（$12），滷水的味道很香酴，而豬肚絲質感十分爽口，並且非常入味，伴麵條很好，頫路經過的朋友也可以不妨買一點拿回家當「斬料」。懷舊小食亦是我們很感興趣的食物之一，既然可以雙拼，那就來一客「即炸南乳雞翼、炸黃金韮菜角」（$30），前者因為即炸，感覺特別香口，而且充滿南乳香味，後者則入口甘脆，咬下卻是滿滿韮菜香。主食我就要了「招牌豬油渣麵」（$38），麵底可揀上海粗麵、幼麵或米線，而除了豬油渣，還包括了蠔油冬菇片及鮮甜蘿蔔，的確，以豬油渣伴着麵條吃，味道份外香，而且，豬油渣沒有半點油膉味，冬菇及蘿蔔亦用料不賴。親友就鍾情店家的豬油撈蝦子麵，所以，選了「炸雙拼豬油撈蝦子麵」（$48），餸料跟麵條是分開上的，炸雙拼親友要了炸黃金蝦仁棗及墨魚丸，兩款炸物都做得出色，香口不油膩，尤其前者好有鮮蝦味；而主角豬油撈蝦子麵果然香味十足:)，再者，麵條彈牙亦記一功。既然飲品有優惠，我們要了熱檸茶、熱檸水（+$9），當是支持一下小店多些生意吧！多謝親友的介紹，不單食物有質素，定價又相宜，怪不得親友都說不時會過來吃碗麵，也是值得再光顧的店子。…Read More

邪惡的豬油渣😈🍜招牌油渣麵好味指數：👍🏻👍🏻👍🏻👍🏻👍🏻呢間店嘅豬油渣炸到外脆內軟，食落口咬到香脆外層之後就會慢慢係口腔溶化。店員仲好細心咁俾左個碟仔💓，如果想食到脆卜卜口感就俾特地另外放豬油渣。另外，仲有蠔油冬菇片麵好正，超級入味。蘿蔔就清甜，冇特別加調味料去煮。朋友加叫左韮菜餸子，入面有超多韮菜，岩哂韮菜愛好者❣️。🍜三餸+一餸麵好味指數：👍🏻👍🏻👍🏻👍🏻小編今次試左灸燒芝心包、椰菜餃子、花枝丸同生菜。當中灸燒芝心包非常令我意外，我諗住佢都係普通芝士丸一粒，點知佢入面啲芝士係真係有香烤味，好正😍。仲有椰菜餃子一樣皮薄餡靚，椰菜同豬肉嘅比例岩岩好，咬落去會有椰菜嘅爽脆口感。店家仲會落好多配料，例如炸蒜、蔥同埋菜脯，當中小編就最鐘意菜脯啦，撈住啲麵食，好好味。🍗即炸南乳雞翼好味指數：👍🏻👍🏻👍🏻👍🏻👍🏻小編見到店家用南乳炸雞翼已經覺得好特別，一定要試下。店家碟碟新鮮炸，皮脆肉繳，南乳嘅份量調節得岩岩好，食到香濃嘅南乳味，但絕對唔會膩😋。大推❤️（小編隔左一陣食第二隻，個皮都仲係好脆👏🏻）🍤炸黃金蝦仁棗好味指數：👍🏻👍🏻👍🏻👍🏻小編第一次食呢道菜，佢嘅味道有啲似炸花枝丸，但佢就比起花枝丸更加彈牙。店家仲會放啲泰式甜辣醬係旁邊，鐘意食呢個醬嘅朋友仔一定心心眼😍🍹凍檸檬菜蜜（左）及凍奶茶（右）好味指數：👍🏻👍🏻👍🏻👍🏻凍檸檬菜蜜甜度岩岩好，有三片檸檬，都夠檸檬香。另外奶茶都好重茶味，唔會好似平時個啲餐廳成日都淨係飲到好甜嘅奶味。🪑 裝修以一般車仔麵檔泥講，店內裝修麵乾淨企理，座位麵舒適，設有卡位。同時都有放置電視，岩哂鐘意電視撈飯嘅朋友仔。以下係餐牌俾大家參考一下：…Read More

人生未食過油渣麵 ， 聽聞呢間 係香港懷舊味道 ， 就專登入嚟長沙灣一試。 地鐵站一出五分鐘就到非常方便。招牌油渣麵 💲38餐廳用自製豬油渣， 配上蠔油冬菇片(超香蠔油味!) 同鮮甜蘿蔔。 唔食得辣嘅我當然係走辣啦( 另外仲有大中小辣可選擇)。湯底清甜唔太咸， 豬油渣脆卜卜 ， 再配埋上海粗麵 彈牙，口感一流。人生第一次食油渣麵， 一試上癮🤤鹵水豬大腸同豬耳絲💲12＋💲12鹵水非常之重味， 豬大腸唔會太肥， 食落冇咁邪惡， 豬耳非常爽口， 鍾意滷水嘅你一定要食👍🏼雙拼餃子(鮮肉韭菜餃及鮮肉椰菜餃) $32韭菜餃皮薄餡靚， 多汁， 唔食韭菜嘅老婆都忍唔住食多咗粒。 椰菜餃入面都多椰菜口感一流。炸丸雙拼(黃金蝦仁棗及黃金墨魚丸) 💲30蝦仁棗一啲唔手軟，落大量蝦肉去整，入口陣蝦肉味沖出泥，超級彈牙。墨魚丸有咬口，配 泰式辣醬剛剛好。蠔油生菜💲15生菜好新鮮，咬落去 索索聲。…Read More

想起油渣麵 第一次食應該係大角咀某間店舖 一食便愛上 今日我發現到一間油渣麵店 同樣好有水準位於長沙灣的 一個自己成長的地方油渣麵 係呢度嘅招牌 當然要試一試 麵𥚃有冬菇片和蘿蔔 冬菇炆得入味蘿蔔鮮甜當然唔少得 豬油渣 炸得好乾身 入口香脆而不覺油膩 令人食唔停的豬油渣小食有多款選擇：炸韭菜角 意想不到外皮炸得香脆味道不錯，韭菜味濃秘製辣汁魷魚加魚旦 秘製辣汁很好吃配上魷魚魚旦好爽 味道辣辣地 好好食 四拼 ：豬紅、韭菜、蘿蔔及豬腸，豬腸都是店裏招牌 嘩 呢個本身自己最愛 因為夠邪惡 並且食得出心機的味道 老闆娘好好 介紹本店另一心機美食 自家制包餃子 韭菜及椰菜豬肉餃 食落口皮薄喊靚 一食再食 還有老闆娘對食物的執著及堅持 絕對值得讚賞有機會的話一定再來 值得一提的是 幸好仍有有誠意的小店 沿用傳統方法煮美食給大家…Read More

油渣麵係香港平民地道美食，老三絕對係當中嘅表表者，長沙灣新舖係土瓜灣舊舖其中一個老闆娘開，質素當然有保證，懷舊美食愈嚟愈少見，大家要多多支持先至可以保留得到❗️招牌豬油渣麵($38)，豬油渣係自家製，即叫即炸，見到外表咁金黃已經好吸引，果然入口好酥脆，完全冇油膉味，蠔油冬菇片炆得好入味，蘿蔔鮮甜冇渣，湯底仲可以自選辣度，叫小辣啱啱好，唔會蓋過本身個湯嘅清甜味，上海粗麵好有咬口，辣菜甫都好好食秘製餃子豬油撈蝦子麵($48)，餃子可以雙拼，有鮮肉韮菜同鮮肉椰菜兩款，餃子幾足料飽滿，豬肉同菜嘅比例都啱啱好，口感非常豐富，外皮唔會太厚，豬油撈蝦子麵好香，完全唔會覺得油膩，麵條都好爽口彈牙食完麵唔多夠喉，再嗌咗幾款小食試下，叫炸雙拼($30)就可以試多幾款啦，炸物全部都即叫即炸，新鮮熱辣辣，炸南乳雞翼鹹香惹味，炸黃金墨魚丸食到有墨魚粒粒，口感爽脆炸黃金韮菜角好香口，餡料十足，炸黃金蝦仁棗好重蝦味，質感厚實啖啖肉另外仲叫咗個鹵水豬大腸($12)，食落都幾煙韌彈牙，就咁食略嫌鹹咗少少，放落油渣麵食就啱啱好啦…Read More

今日過了長沙灣做野，個客就介紹我去食這間老三油渣麵，本著一試的心態，誰知食物質素不俗，而且價錢便宜，值得翻兜。先叫了個懷舊小食四拼-韮菜、豬紅、豬大腸及蘿蔔，豬腸洗得好乾淨，中間只有少許油脂，豬紅嫩滑，蘿蔔清甜無渣。炸黃金蝦仁棗拼墨魚丸，蝦棗較為彈牙，有蝦肉，墨丸就略為遜色。不得不試這裏的招牌油渣麵，店員說這裏的油渣是每天即製，炸至金黃香脆，油渣麵配上些菜莆、冬菇及主角油渣，中辣確實幾惹味，辣度十足，有豬油香味。秘製餃子撈蝦子麵用了豬油撈麵，麵質較爽而且有豬油香，餃子餡料十足，非常新鮮。最後飲返支豆漿中和一下油膩感。…Read More

香港已經好難食到正宗油渣麵，因為工序太麻煩，長沙灣老三油渣麵就是最傳統的豬油渣麵，豬油渣香脆但不油膩，還有以前最喜歡的韭菜朱紅豬腸，環境比很多茶餐廳乾淨，非常值得一試…Read More

食過土瓜灣店十分回味，得知長沙灣開左店好開心。D油渣真係冇得彈，湯又唔口渴，冬菇蘿蔔炆得入味，又唔會太冧，好好味!另加了豬腸，同樣好味，軟冧度剛好，唔會洗到D豬腸冇哂味但又冇臭味，抵讚。店家服務有禮又友善，一定會再來!…Read More

每日於店內炸新鮮豬油渣 長沙灣的人有福了之前去開好多次土瓜灣嗰邊吃。有一日路過發現長時間青山道有間食油渣麵，行近一些望下，發現原來是老三。 入去見到熟口熟面的老闆娘，就知道原來是出於名門，其實當天已經吃了午飯，但現在不用再老遠跑到到土瓜灣，立即坐下了。樓面姐姐問我碗油渣麵好唔好食？我話老闆娘在場，進行品質控制，所以一定冇問題。吃完發現比舊鋪頭還要好食，優質，份量足，地方闊落，又好坐丶冷氣又夠，真係正到冇朋友。店家每日自己炸的 新鮮豬油渣 鬆脆 炸得夠透 酥酥脆脆又唔燶 完全沒有油＂益＂味 冬菇炆煮得剛剛好，炆冬菇大小形狀也切得很用心，不是一般餐廳咁樣一一亂咁嚟，湯底味道清香撲鼻。下次去的話，一定要試吓佢啲炸雞翼同辣魷魚。…Read More

油渣看似簡單，但做得出色好難兒時愛看媽咪在廚房煮豬油渣煮好儲起一罐，加落麵，煮菜，食粥媽咪身體唔好，豬油渣係屋企絕跡靚嘅豬油渣成品外觀要脆、乾身唔油咬落去要有油香有時睇廣告見到介紹有豬油渣嘅食店，都會去試，但止終食唔番媽咪味。今日係長沙灣發現老三豬油渣麵我媽咪是家中老三因為一個情意結，我就行咗入去就係打開門果一刻就係呢陣豬油渣味碗豬油渣麵，湯底清甜，豬油渣有油香，乾身，冇燶味，完全忍唔到口。一路食，即時影相send 比媽咪同朋友睇，頭先去药房買口罩又推薦比店員。個人認為老三油渣麵係我現時食過最好食嘅豬油渣。最近身邊用KETO飲食嘅朋友，都有食豬油嘅集慣，所以好油係唔怕食。…Read More