House of Canton

這間酒樓的午市點心是我最喜愛的，不花巧但很美味。很可惜，近期門口帶位阿姐訂咗些難以理解的規例，令我不想再幫襯。她規定兩位及四位以上食客分別只能用饍一小時和一小時半。講真，如果12:15前入座有這要求，我冇異意。但是，12:15後也有此規定，實在難明。上班人仕一般很少在13:15後入座，而非上班人仕在接近下午茶時段多數會等14:00入座。既然1315-1400是不多人客等枱，何必要食客趕快埋單呢？如果是驚14:00下午茶多人等位，我又唔明白為何要迫比正價的食客趕快食完讓枱比食優惠價的客人呢？如果趕住食一小時，我去茶餐廳好過，為何要幫襯這間不是平宜的酒家。…查看更多

我地family gathering 一行16人, 想搵間地點就腳, 環境舒適, 食物質素唔錯嘅酒家, 搵黎搵去港島東區, 最方便都係太古城, 係地鐵上蓋, 算最方便, 搵左幾間book大枱, 就係翰騰閣俾到我地😆我地book枱11點, 大家都好準時到齊酒家門口, 即時入得, 因為人數多, 我哋都叫咗好多款點心, 叉燒包, 馬拉糕, 蝦餃燒賣, 鮮竹卷, 小籠包, 蛋撻, 牛肉球, 鮮蝦腸粉等等假日黎講真係超多人, 上菜速度夠快, 熱辣辣拎出黎, 侍應們都好快手快腳, 禮貌有耐性, 加水加茶都快反應, 長輩們都好滿意🥰👍👍…查看更多

茶錢每位$17，7個人係唔睇價錢嘅情況下食咗$1205，人均消費$170左右，性價比都好高👍🏻 用太古城嘅價嚟睇，佢嘅點心都好抵食，都係$44-48一個點心🥧今次嗌咗呢啲👇🏻蟹籽燒賣皇（四件）$48鮮蝦菜苗餃(三件）$44合桃酥皮焗雞批(三件）$44酥皮焗叉燒餐包（三件）$48安蝦咸水角（三件）$30流沙奶皇包(三件）$44香茜叉燒腸粉 $44 薑蔥牛柏葉 $44脆皮燒腩仔 $115X0醬炒腸粉 $75鮑汁花生鳳爪 $68南京素鵝 $70 欖角一字骨 $75仲有嗰午市超值孖寶$228，可以裝到多個八碗飯，都真係幾抵食…查看更多

服務不行, 食物更差, 其中一碟炸滷豆腐, 又黑又苦, 實在不能下咽. 可能下午茶時段吧, 2:30才入座, 3:15便催着埋單, 吃得一肚子氣。枱隔籬便是垃圾桶及污糟碗碟車, 想不到太古城的酒樓質素可以是這樣!…查看更多

年年豐盛全包宴（$2388/ 4位用)鴻運錦鏽金豬拼盤賣相：🐧🐧味道：🐧🐧🐧拼盤由乳豬、叉燒、牛𦟌、燒鴨和海蜇組成，每樣剛好四片不多不少，擺盤純粹疊在一起，感觀麻麻。各項燒味均屬普通水準，不過不失。碧綠蝦球炒醬皇蚌片賣相：🐧🐧🐧味道：🐧🐧🐧🐧蝦球、皇蚌片各有四大塊，另附上大量碧綠瓜片，賣相不俗。蝦球、皇蚌片十分新鮮爽口，配合醬料十分惹味。瓜片爽甜清脆，十分不錯。發財大利添好市賣相：🐧🐧🐧味道：🐧🐧🐧🐧餸菜由菇類、蠔豉以及生菜組成，滿滿一大碟份量十足。醬料非常足本，菇類、蠔豉和生菜都非常入味，香而不膩，味道理想。花膠海皇燴魚翅賣相：🐧🐧🐧味道：🐧🐧🐧魚翅按人頭預先裝好在碗呈上，另附上紅醋一小碟供調味用。魚翅內裡餡料份量一般，花膠不少但魚翅不見多。味道方面，花膠爽滑彈牙，翅湯調味不會過鹹，質素一般。清蒸沙巴老虎班賣相：🐧🐧🐧味道：🐧🐧🐧🐧老虎班原條原整呈上，頂端以蔥花作點綴，冧上的蒸魚豉油略顯肥膩。味道方面，魚身香嫩細滑，新鮮不腥，配搭蒸魚豉油共食，滋味之選。脆皮炸子雞賣相：🐧🐧🐧味道：🐧🐧🐧炸子雞四人餐只提供半隻，排列尚算齊整呈上，另附醬料供調味用。炸子雞外皮薄脆香口，脂肪肥肉不多，雞肉略為老"鞋"不夠嫩滑，醬料鹹度調味一般。香蔥臘味炒絲苗賣相：🐧🐧🐧🐧味道：🐧🐧🐧🐧炒飯夾雜不少香蔥、瓜粒以及臘腸粒，紅綠相映頗為吸引。炒飯一大碟呈上，可裝滿二至三飯碗。味道方面，炒飯乾身不油，臘腸粒肥美惹味，鹹中帶甘，配搭清爽瓜粒，整體令人滿意。吉祥炆伊麵賣相：🐧🐧🐧味道：🐧🐧伊麵與三絲兜亂呈上，份量足夠裝滿二至三飯碗。味道方面，伊麵略嫌油身，配菜不多略嫌單調。鴛鴦美點賣相：🐧🐧🐧味道：🐧🐧🐧🐧甜品由四件桂花糕和四件柚子糕組成，八件正方糕點呈米子狀送上。糕點精瑩通透，可見內裡夾雜的杞子/柚子，頗為吸引。味道方面，桂花糕清新幽香，味淡不會過甜。柚子糕柚子的酸甜突出，非常開胃。鴻運慶團圓賣相：🐧🐧🐧味道：🐧🐧甜品由紅豆沙和2粒湯圓組成，紅豆沙紅豆占三分一碗左右不自太稀，湯圓一口大小。味道方面，湯圓內為豆沙餡，餡料份量很少，加上味道不突出，一度讓人誤以為是無餡湯圓。紅豆沙紅豆夠冧，甜度適中，中規中舉。輪候時間：🐧🐧🐧🐧🐧可預先致電酒樓預約坐位，到達時能馬上入座。等候上餐時間：🐧🐧🐧🐧🐧餸菜上餐時間距合適，每品嘗完一度菜就有下一度菜送上。服務：🐧🐧職員主要關顧熟客，對待生客頗為消極無禮。在提供甜品糕點時，在明明有叉的情況下，為求方便只提供牙簽供客人使用，極不理想。🐧❤️結語：食物質素一般，服務有待改善。P.S. 點以上套餐無需額外支付茶芥和加一服務費。P.S.2. 以上套餐額外奉送汽水4罐、一枝紅酒以及甜柑4個。…查看更多

今日同朋友一起，見天氣都幾好，我滴買咗外賣去公園散步食飯。老火湯清甜，火鴨絲燜米粉好入味，蝦餃燒麥必點兩樣都好好食，餐廳工作人員落單時仲提我滴外賣也要加一留係度食啦，態度非常友善，會再來…查看更多

雖然已打針，但因為老人家不懂用安心出行，遇到知客無禮對待，一直眼睥睥。若然員工對客戶身份有懷疑，可以在門口拒絕接待，甚至叫執法人員協助處理身份認證，但服務員先入為主，自以為是，一直自行以惡劣態度對待，卻未有針對事情要求身份認證，導致整餐飯都食唔安樂。希望老闆跟進員工惡劣態度，否則食物質素再好到無用，被個別員工趕客。…查看更多

臨近歲晚，都好明白飲食業同仁有賣糕券嘅壓力，但都唔係強搶咁架？話說我媽媽如常去飲茶，知客S小姐帶我媽媽坐低左，然後拎岀張$4xx嘅糕券放低係枱面，問我媽媽想點俾錢。🤯作為熟客，幫手捧場都係應該嘅。但唔係一岀就要迫人買最貴個款呀？完全唔俾人揀，同強搶有咩分別？媽媽話唔係好想買，知客S小姐就即刻西面，好唔客氣俾說話我媽媽聽😤😡😠作為知客，講嘢圓滑少少是基本吧？話晒都叫服務業丫？難得放假想同媽媽飲餐茶都因為個知客搞到媽媽好唔開心！…查看更多

以前好鍾意嚟飲茶，事關呢度點心款式多且高質素，全部點心熱辣辣上十一至十二点半早茶優惠時段，大，中，小点一律以小点計，另外重有特價点心同蒸，以太古城商場內酒樓嚟講係好抵食疫情改去其他地方，已經好耐無嚟過。今日應朋友邀約嚟飲早茶一樣有特價優惠，点心併盤等價錢貴咗四至五蚊，但都OK嘅。不過，點心質素似比以前遜色咗同縮埋水红棗雞粒飯嘅红棗得一點，雞粒亦好少，多少餸，合桃焗雞批變咗迷你版，入面係菠蘿碎同雞蓉，味道同以前一樣好味點心熱上，但唔係熱辣辣蝦餃皮比以前厚啲，味道正常👌红油抄手叫佢分開辣汁上，味道正常四式甜糕最後上，唔記得影，但同樣好的式。此時段人手嚴重不足，等咗好耐都無人嚟埋單，最後，惟有自己出去埋單。整體嚟講，食物熱度稍遜，質素雖無以前咁好水準，但亦不過不失，價錢雖然比之前貴咗啲，以地區論，早市仍然最抵食 …查看更多

翰騰鮮蝦餃拼鮮蝦菜苗餃(點心雙拼特價$35)- 蝦餃好鮮味, 蝦肉大粒爽口彈牙, 餃皮厚度適中。- 菜苗餃餡料多外型飽滿, 鮮味濃郁。 蟹籽燒賣皇拼乾蒸牛肉燒賣 (點心雙拼特價$35)- 蟹籽燒賣真材實料, 啖啖肉, 豬肉肥瘦適中。- 乾蒸牛肉燒賣呢類懷舊點心唔係好多地方有, 見到要即叫, 牛肉香味濃又彈牙, 肉汁豐富, 好好味。 脆皮燒肉飯 ($45) - 燒肉外皮脆卜卜, 肉嫩多汁, 肥瘦均勻, 咸香味適中, 唔錯。焦糖西米焗布甸 ($25)- 即叫即整, 西米軟淋, 甜度適中, 上面既焦糖脆卜卜好好味, 份量剛剛好, 大推!皮蛋瘦肉粥 + 野菌雞絲腸粉(早餐孖寶 $48)- 粥底都幾綿滑, 但可惜皮蛋同瘦肉既份量好少, 但味道係唔錯既。- 腸粉皮薄煙韌, 餡料份量足, 配上甜豉油一齊食好味。海味煎蘿蔔糕 + 富貴煎年糕 (早餐孖寶 $48)- 蘿蔔糕太淋唔夠實, 不推。- 年糕好軟糯煙韌, 甜度適中, 可以一試。翰騰閣太古太古城道18號太古城中心一期5樓506號舖…查看更多

今日放假同朋友飲個茶，佢介紹我嚟呢間因為就佢方便我亦冇乜所謂。所有點心都在預期之中不過不失但令我有驚喜的是盅飯都幾大如果兩個人好夠飽！食太多要去太古城中心shopping下消化卡路里😆平日都座無虛席相信禮拜六日一定要排好長龍，服務不像評語那般差一遞手服務員已經幫我們加水👍🏻…查看更多

今日與好友傾計，諗住可以坐得耐啲傾偈又唔洗趕，加上我哋兩個都好鍾意食點心，一於就選擇了翰騰閣，之前經常幫襯又一城個間，但自從已經關門之後，就要係太古城先食到我不嬲對叉燒包係麻麻地，但係佢哋嘅雪山叉燒包，就真係一定要試！外脆內軟，叉燒選了唔係所有都係跟出邊一樣肥豬肉，我哋啲叉燒肉質新鮮而小籠包嘅包皮，略為比較厚，但入邊啲湯料不錯！牛肉乾蒸燒賣，沒跟出邊落咁多粉漿，伊麵沒太油！紅油抄手，辣味調得啱啱好！服務質素不錯，可以一試…查看更多

食物可以。就因為太古城內可供飲茶的地方不多，所以排隊情況嚴重。我當日去排隊的時候，發覺有幾位似乎是熟客，同服務員寒喧幾句後，便被引入座，完全未見排隊。我等了一個多小時後入座了，食緊嘢的時候，亦看見有幾個客戶在茶水位附近站着等安排位置。令人感覺到好像熟客可以不用在門口排隊。所以如果想食好D，又唔介意等位等耐D，同受少少氣，此店可以選擇。…查看更多

首先唔好評論入座後對食物的評價，如果你唔係熟客，等位只會係等極都未有位，因為帶位女職員只會優先所有座位給熟客，其他生客就只有呆等，就算訂咗枱都要等最少45分鐘，因為你會見到帶位女職員不停與熟客打招呼，再問他們有幾多位，然後就帶他們入座，所以如果人多來飲茶，一定要預早搵人來等位（就算訂咗枱），免得一行8人訂咗了位都要在門口呆等。我在呆等期間，最少見到有兩枱已訂位的客人跟經理投訴，另外如果你想查問門口帶位女職員為何遲遲都還未有座位，她會以極差的態度回答：「她早就不應該接受任何人在優惠時段訂枱！」我個人認為她這個建議應該是跟貴洒樓事後檢討，不應該此刻回答客人！因為她肯接受客人的訂位，不是客人的錯！　完全沒有服務可言，我終於明白為何這間洒樓執浄一間，真係要自求多福！…查看更多

食物不太新鮮，蝦餃皮是爛，賣相差，怎可能拎比客人！腸粉唔夠熱，皮厚，另外如果你唔係熟客，就算訂咗枱都要等最少45分鐘，因為職員只會將所有枱優先安排比自己熟客，所以如果人多來飲茶，一定要預早搵人來等位（就算訂咗枱），免得一行8人訂咗了位都要在門口呆等。我在呆等期間，最少見到有兩枱已訂位的客人跟經理投訴，職員只會安排座位給熟客，但門口帶位職員態度極差，她回答客人：「她早就不應該接受所有人在優惠時段訂枱！」這個建議應該是貴洒樓事後檢討，不應該在此刻回答客人！完全沒有服務可言，我終於明白為何這間洒樓執浄一間，真係要自求多福！…查看更多