翡翠一品 (Closed)

喺香港大學附近左揾左一間新餐廳有唔同既點心選擇，覺得比想像中冇咁好食，雖然價錢相對便宜，但食物質素就一般 同平時茶樓一樣都有相同嘅點心，喺晚市黎講都算係幾平黎嗰包飯一般般，建議可以選擇其他飯 套餐就包埋一碎中湯，但湯嘅味道就好似豉油一樣，味道怪怪哩嗰糕點就比較特別平時喺餐廳少有燒賣算係正常菜亦無特別餐廳整體一般…Read More

喺香港大學聽完講座，夜晚去附近睇吓有咩餐廳食。附近環境都係茶餐廳居多，所以就試吓呢一間點心店。店內環境比較細小，大概只有十幾20個座位。食客都係以附近居民同學生為主。點心紙預設好多套餐精選，價錢都幾實惠抵食。我同友人二人點了一個荷香籠仔飯套餐，配有一個原忠燉靚湯及白灼時蔬。瑤柱荷葉飯味道一般，荷葉味唔夠香，而且飯粒比較硬，瑤柱亦比較少。原忠燉靚湯味道似加咗味精同豉油味甘，啲豬肉湯渣亦煲到乾晒，似放咗好耐。點心方面就叫咗兩個蟹籽燒賣皇味道不錯，魚肉夠彈牙原籠蒸黃金糕正正常常黃金糕味道，不過不失買單約$130左右，價錢尚算實惠。…Read More

週末連續食左幾餐西式、日式，係時候食返中式平衡一下！今晚決定食點心！識食一定係睇下點心紙仔上面有咩特惠餐。岩食既話，叫孖寶/三寶一定經濟實惠過散叫～＊－。－。－。－。－。－。－。－。－。－＊【精選孖寶】 $46🔸原隻鮮蝦腸➕🔸金珠咸水角腸粉夠滑夠薄，鮮蝦大隻爽口彈牙咸水角外脆內軟，呈金黃色，糯米皮帶煙韌。餡料唔算太多，不過整體幾好食。＊－。－。－。－。－。－。－。－。－。－＊【優惠三寶】 $60🔸灌湯小籠包➕🔸蒜香鮮蝦春卷➕🔸黑糖蜂蜜糕小籠包唔算多湯，皮薄易穿漏哂汁，食落較乾身，好一般。鮮蝦春卷賣相吸引，上菜方式特別。咬落好脆口，有唔少蝦肉，沾黑醋食唔錯。黑糖蜂蜜糕第一次食覺得幾特別，黑糖味好出但唔會過甜。口感唔似馬拉糕咁軟棉鬆軟，反而扎實得黎帶種煙韌、彈口。糕身微微溼潤唔會好乾，值得一試。＊－。－。－。－。－。－。－。－。－。－＊🔸竹笙灌湯餃 $22平時酒樓唔係頂點就係特點，$22的確吸引！灌湯餃好大隻，雞湯入味，餃皮薄。味道清鮮，餡料豐富漲卜卜，加紅醋食令人開胃。＊－。－。－。－。－。－。－。－。－。－＊🔸順德雙皮奶 $25面層雖未能做到皮奶效果，但奶味濃郁，入口香滑。微微帶甜，作為飯後甜點都OK。＊－。－。－。－。－。－。－。－。－。－＊…Read More

夜晚經過見到有套餐，就叫左個鳳爪排骨飯加一款點心，我選擇左菜芯，但係返到去公司，食第一條菜芯就發現完全唔熟，甘簡單嘅野都甘求其，客人已經唔多，大部份食品都係蒸啦，人手又足夠，點解連菜芯都可以洽到甘生就比客人食，佢以為佢洽緊生菜？ 好趕時間咩？？？46蚊個餐，單叫個鳳爪排骨飯只需27蚊，即係菜芯值19蚊！ 最後我只係食左兩三條，之後唔敢再食，掉左！ 另外，鳳爪唔係好得，唔太似酒樓甚至包點都好食過佢。 一句講晒，唔會再光顧！…Read More

翡翠一品 #西環喺hku附近，除咗新興之外，其實仲有好多點心店。今次呢間係hku B1同b2 exit之間，價位都ok，味道亦唔錯，如果平時想食點心都可以去下。嗰日我哋六個人食每人買單只係$80左右，但係起碼嗌咗多過15碟，而且大家都食得好飽。佢哋提供點心都係一啲平常茶樓見到嗰啲，蝦餃燒賣腸粉就不在話下，另外仲會有小籠包牛柏葉雞扎鴨扎流沙包等等，款式選擇都算多。食咗咁多樣特別推介佢哋嘅雞扎，入面嘅魚肚真係好滑，仲要有埋螺片！另外佢哋嘅沙嗲金錢肚都好入味！另外佢哋仲有一啲特別嘅甜品，例如黃金糕、燕麥糕，仲有傳統啲嘅桂花糕、番薯糖水、楊枝甘露、湯圓，甜品嘅質素整體來講都唔錯，特別鍾意佢哋嘅黃金糕同埋楊枝甘露。不過當然有啲就相對上冇咁好味啦，例如流沙包入面啲餡一啲都唔流，所謂嘅魚餅就係普通煎鯪魚，而且小籠包入面都冇汁。但係整體來講所有點心甜品嘅味道都不俗，而且價錢唔貴，如果得閒想同一班friend食吓點心都可以考慮下。味道:3.8/5性價比:4.2/5…Read More