Symphony by Jade (Closed)

昨晚與朋友晚膳，得6，7剩滿。但一个部長或經理也沒有，等了十分鐘才有人落單，過後有人同我們講炸子雞賣哂後，我們想改其他餸，等了十分鐘也等不到人。我們8時到，落單用了廿五分鐘，居然9時半要求我們埋單趕人走。要知翠韻軒都是美心集團，價錢並不便宜（茶錢也要16蚊位起），但服務質素9流，茶水涼了，我也沒有要求加添，因此真係冇下次…Read More

朋友一家拖男帶女攜幼從廣州來香港周末遊，離港時約了在尖沙咀餞行。他們在廣州也算是是金領，不想讓他們隨便吃一頓，但當天早上打爆電話，尖沙咀的名氣中菜館全部爆滿，要不就要限時埋單，自己只有親自提前去拿位，後來走到文化中心就看到了翠韻軒（前身為映月樓），這還是它裝修後第一次來。它的地點極為便利，座落核心旅遊商業地帶，從半島酒店過馬路就到，就在文化中心上蓋，旁鄰太空館和香港藝術館，然而餐廳的確較少，人們說起或走過這邊，主要都是想到文娛活動，早午喝茶也絕少想起翠韻軒。翠韻軒共有三層，入口處和電梯口較為擠迫，桌椅都十分寬敞，不會椅背貼椅背，飯市又不限時埋單。其中有一邊的座位，更可以正面望著維港中環段的無敵海景。當時朋友一家還沒到，不好意思一人佔了海景窗口的四人桌，但想不到侍應竟也招呼我上去。我入座時，酒樓沒有太多人， 非常清靜，我獨自坐了半小時也沒人催我點菜，但後來人多，每層只有一位服務員，好像忙得沒影，也漏了下單，但服務總體也算殷勤親切有禮 。茶位包括了碧螺春 / 鐵觀音或其他花茶，和一小碟咸菜豆腐青瓜。然後朋友來到，我們都是看餐牌散叫點心，炸豆腐和牛柳粒都軟腍，三文魚酥酥皮鬆脆但有點乾，腸粉和排骨則略感一般，黑松露和牛炒飯的炒飯乾身但黑松露味道稍淡。以這樣的環境，埋單比預期便宜，算是物超所值，這頓值 4.5 星，肯定再來。[環境] 一流海景，但要早到才有海景位[服务] 總體可以，但繁忙時會有錯漏…Read More

一早book咗套餐，7點入坐，但8點3先黎第一個菜. 上菜極慢，食完要等半個鐘先再上，可以同我講話隔離擺酒所以無人上菜。三吹四請先上一個菜。仲有3個菜未上就過黎埋單。人又無，菜又無。垃圾中嘅垃圾！叫十次侍應都無一個會理你. 個個都扮睇唔到。其中有一個侍應仲話唔係佢落單所以佢唔知，但明明追過佢幾次。個餐有橙汁，但竟然無人知，最後先上到。去到9點半先真係有人過黎理下我. 但其他客都走得7788。總之就垃圾到不得了。唔會再有下一次！…Read More

1. 岀菜慢， 等咗成30分鐘至45分鐘先有第一碟2. 餸菜超級細碟3. 廁所呀姐態度極惡劣，佢要洗廁所，見我未出嚟就好大力拍我度門，仲要格硬開我度門。 超可怕非常不愉快不會再去…Read More

家人生日 咁岩HSBC有promotion 菜式如下：芝士上湯焗原隻大花蝦(伊麵底)蝦就真係好大隻 不過落得太多洋蒽同椒 影響左口感同味覺黑椒珍珠爆雞球正正常常既菜 無咩特別金衣花枝球應該係成場最好食既菜 炸得岩岩好 同埋從顏色睇落D油好係好新錦繡冬瓜盅好足料 不過食完好口乾蠔皇鮑螺片D螺片完全咬唔開 陳皮欖角蒸原隻吉品鮑魚又係好un口 好難咬開 同埋墊底既粉絲都好生 唔入味瑤柱杞子泡菜苗D苗搵水恰完就算 好大草青味 薑都唔落片黑白胡椒雞完全失望 搵D黑椒水浸 又細隻 無肉食…Read More

大約兩年前，美心集團推出過「星潮尋味」系列，主打星洲菜和潮州菜，有幸一嚐，個人覺得很不錯。兩年後的今天，美心集團推出新的了「嚐味星洲」系列，以星馬菜為主，結合美心粵菜，為大家帶來另一次的新鮮感。 文化中心上的映月樓一直都是我這一輩的婚宴勝地，差不多每一次來都是因為親朋飲宴聚會。這天美心集團在這裡安排了一場博客晚宴，我才知道映月樓在去年裝修後改名為翠韻軒，環境也變得更好更舒適。 這一晚的「嚐味星洲」旅程，由一碟肉鬆黃金脆魚皮開始。其實炸魚皮從小已經吃到大，吃潮式魚蛋粉不時會點來吃。這一兩年新加坡兩大炸魚皮品牌進襲香港，配上咸蛋黃後更邪惡，令這香口小吃再一次變得大熱。美心這一次「嚐味星洲」當然少不了炸魚皮，除了咸蛋外更加入了肉鬆，味道更香！最重要是端上桌時還是暖的！真的停不了口！ 除了炸魚皮，另外兩款餐前小菜分別是大巴窯鹵豬腳和芽籠鹵豬粉腸，前者膠質豐富，後者滷得入味，作為小吃，淺嚐不錯。 新加坡另一名物必定是肉骨茶，這客鴛鴦蒜黑豚肉骨茶經過改量，特別加入了黑蒜，運用粵式火候，胡椒香仍在，但味道較溫和，也讓黑豚肉變得更軟腍入味。 要數這晚的主角，必定是獅城甘香蟹。繼「星潮尋味」後，這一次「嚐味星洲」再次邀請當地資深名廚張偉忠師傅擔任客席大廚，他和美心中菜團隊以星洲醬料「甘香醬」入饌，推出了有別於新加坡馳名胡椒蟹的甘香蟹。 甘香醬以不同海味及香料混合而成，包括咖喱葉、炸蝦米、蝦膏和各種香料，微辣中帶誘人芳香，惹味濃郁。配合肉質彈牙的菲律賓大肉蟹，每一口都鮮、香、辣俱全。如果人多吃飯，而大家都喜歡吃蟹，這道菜是必然推介。 先吃蟹，再吃蝦，之前「星潮尋味」的麥皮金絲蝦，麥皮和蝦基本上是分開的，這一次「嚐味星洲」的新加坡麥皮蝦則再走多一步，把蛋汁金絲、麥皮、牛油和大蝦同炒，做到麥皮黏在蝦殼上，更加香脆惹味，和上一次相比更好吃。 星洲菜怎能少了海南雞？個人覺得星洲海南雞的特色是酸辣醬、俗稱黑油的甜豉油和薑蓉三款醬料，「嚐味星洲」一應俱全，而且更有揉成圓球的雞飯粒！這種比乒乓球還大的雞飯，我上一次在聖淘沙的馬來西亞美食街嚐過，那時就在想如果能配一客海南雞就更好，現在終於如願以償了。 經常在星馬菜聽到「亞蔘」，其實亞蔘就是中國人稱的羅望子。亞蔘帶有酸味，和咖哩同煮，既酸且辣，非常醒胃。這道亞蔘咖哩龍躉球配合彈牙龍躉肉，入味之餘不失龍躉鮮味，好吃。咖哩如不想浪費，配以之前的雞飯粒也是一絕。 蝦麵可能是港人最熟悉的馬來西亞代表菜，美心的地道檳城蝦麵貫徹豐富材料和賣相，讓人一看已經食指大動。味道方面也非常不錯，充滿蝦味的濃郁湯底，和大蝦、五花腩和蛋都非常配合，個人覺得比海南雞更吸引。 最後的甜品時間，榴槤凍布甸我雖無福消受，但身邊吃榴槤都齊聲讚好，原因是選用了貓山王作為材料！我不吃榴槤，但也嗅得出那強烈的榴槤香，真材實料這四個字應當之無愧吧。 另一款特色甜品是斑蘭椰汁糕，送過來的時候原以為下層白色的是普通的椰汁糕，細看之下才發現原來是椰汁糯米！非常有新意，但始終去到尾聲，太飽已經吃不下糯米作甜品了。 「嚐味星洲」供應期至9月14日，全線美心皇宮、全線翠園（尖沙咀、美心‧翠園除外）、翠韻軒、海逸軒、怡翠軒、八月居、八月花、八月軒、全線八月供應。一如以往，部份信用咭有折扣優惠，這一次使用匯豐信用咭惠顧「嚐味星洲」晚市自選菜式可享85折優惠。…Read More

第一次等上菜等到無聊要寫食評發洩下😡😡😡😡😡6點半入座 坐到差唔多9點都仲未上齊菜追咗幾次 啲菜都未上8點鐘追單 到9點都仲有一碟飯未上最好笑係追單時 啲職員仲問我地係咪上得甜品 正餐都未食完 點上甜品呀？打電話去book枱又懶係旺場咁要我地一早6點半入座無得揀 仲以為好多人食要分兩輪 又催我地上甜品想趕我地走 但啲嘢又上唔齊 其實嗰場都唔係咁full 我見都有吉枱 點解都仲可以等咁耐？無下次 時間多都唔係咁等法…Read More

一向愛吃濃香惹味的食物，所以星馬菜一直是我杯茶。美心中菜最近推出了「嚐味星洲」系列，特別邀請到新加坡名廚張偉忠師傅坐鎮，向粵菜大廚團隊親授獨門秘笈，炮製出多款招牌星洲菜於全線美心中菜推出，那個辣椒蟹與榴槤布甸，至今仍叫我回味無窮！ 大巴窯鹵豬腳 ($48) 芽籠鹵豬粉腸 ($48) 先來兩碟鹵水小吃，豬腳滷得軟腍入味，粉腸很有口感，外層爽口，裡面粉嫰。 肉鬆黃金脆魚皮 ($78) 香港的新加坡鹹蛋魚皮狂熱還沒有過去，那兩個過江龍品牌，對於我來說味道都偏甜，那不如來這裡吃新鮮即製的黃金魚皮吧，剛上桌，鹹蛋的香氣已經隨風飄散，熱辣辣，香口鬆脆，而且味道鹹香，很好吃。 鴛鴦蒜黑豚肉骨茶 ($208) 鴛鴦蒜即是白蒜和黑蒜，大廚將胡椒原粒炒香打碎，加入豬骨與香料同煲，很有胡椒香，值得一讚的是選用了黑豚肉，入口更軟腍香滑。 獅城甘香蟹 ($698/隻，約900克)我最懷念新加坡的美食之一，一定是蟹鉗大過雞脾的星洲蟹。餐廳採用了菲律賓大蟹，巨型、肉質彈牙；用甘香醬去炒，材料包括：咖喱葉、炸蝦米、蝦膏和香料等，味道既甜且辣，十分惹味，還吃到粒粒炸蝦米，鹹香又脆卜卜，錦上添花。 新加坡麥皮蝦 ($218/六隻)麥皮蝦是另一絕，除麥皮以外，蝦上還有「金絲」，即是將蛋汁以慢火快炒成細絲，更添口感。大蝦充滿了牛油香氣，蝦肉鮮甜爽口，必吃。 星洲海南雞 ($348一隻配四球油飯；$178半隻配兩球油飯) 這碟海南雞飯，我覺得飯比雞更出色。雞飯以珍珠米加上雞湯煲成，軟腍入味，搓成球狀，據說是因為以前方便工人帶走，可以隨時拿出來吃。 亞參咖哩龍躉球 ($218) 地道檳城蝦麵 ($72/ 位) 榴槤凍布甸 甜品必吃這個榴槤布甸，使用貓山王製成，果味香濃，質感creamy，每一口都是幸福。 斑蘭椰汁糕 上面是斑蘭椰汁糕，底下是糯米，頗為飽肚，喜歡吃的要先留肚啦！…Read More

翠韻軒今晚同小朋友去文化中心睇劇所有餐廳爆滿好好彩，翠韻軒有客cancel booking先有枱食飯咋😭😭😭😭因為時間關係，只求小朋友食得飽所以，簡單叫咗幾樣嘢燒味拼盤雞，玫瑰露的味道很重，有點像醉雞鵝，有D硬，幾難咬燒腩，皮脆，但較肥上湯麵，啱小朋友食，個湯底清甜炒飯，應該加咗啲薑落去炒，所以小朋友話有啲辣，不過個人認為幾好食。最後叫咗個菜，其實都算幾好味，有菜心有菇有黃耳（份量係正常，想係已經食咗幾條菜心😂😂😂）佢有個無敵海景，由於時間嘅關係，都冇乜時間欣賞，下次如果睇劇，建議大家book咗枱先。…Read More

呢間 腸粉 做得好滑，軟硬度适中，所以叫左樣腸粉，牛肉腸粉 同呢個車仔腸粉 都是特點。不過牛肉腸粉賣相就 縮水啲，味道以下是剛上碟的荷葉飯 油雞 及蜜汁叉燒。份量不多，四人份量 覺得少。每件雞 皮及脂肪比教厚 雞肉薄但滑。蜜汁叉燒 蜜汁好味，火後燒得不錯有肉汁。因為我地四位 呢啲點心 得三件，今次我冇試呢個紅豆墨魚，但試左白兔棉花糖，都係三件 棉花糖好食 甜度适中。白兔仔好得意，伴上粉紅色floss candy, 好fancy, 令我回味緊童年時的味道…Read More

好友囡囡終於考完試，小朋友輕鬆之餘，好友也說自己終於「放監」。由於大家冇見一排，佢建議去呢間 - 坐得舒服可以慢慢傾計。這前身映月樓我有食過，改呢間後是第一次，所以對我嚟講，又試新嘢:)我哋四個人叫左五款食物，食物的賣相很吸引，味道也很好，個人最喜歡係貴妃脆蝦球，蝦球大且彈牙，特別醬料酸酸甜甜有D似千島醬很開胃 畢竟四位女仕食量不大，最後嚟的飯炒得好香好乾身，可惜實在太飽，大概食剩一半，但傾得忘形沒有打包，浪費了。…Read More

由於有某某信用卡的關係，我都會傾向揀美心集團嘅餐廳用饍。上星期就帶咗兩老黎到以前叫做映月樓嘅翠韻軒食飯。裝修過後，餐桌之間有更加多空間，整體上會坐得舒服。不過，如果撞正大時大節或者有飲宴，就可能會有點嘈。今次想介紹兩碟餸菜比大家。第一碟係荔芋香酥鴨。印象中係第一次食，表層好鬆脆，連埋鴨肉食都幾特別同好味。另一碟，就係貴妃脆蝦球。依碟餸果sauce超好味，好岩用黎餸飯一流。整體感覺：用黎食家庭聚餐的一個不錯選擇。…Read More

原本諗住book映月樓，原來已經改咗做翠韻軒， 今晚試左 😋一行13人捨棄套餐，揀咗散叫，原本睇餐牌以為好貴， 但其實埋單價錢都ok喎， 我哋都叫得好豪㗎😊😄全隻乳豬600蚊，皮脆肉滑正😏片皮鴨 3xx蚊， 每人有2至3件， 有D肥有D唔肥， 大家各取所好🤗片皮鴨第二食 (+80蚊)，用涼瓜爆，好好味👍咕嚕肉丸完全係冇得輸😍龍蝦、爆蝦球、牛肋骨、 南乳齋煲、 乳鴿。。。都好有水準😁最後梗係唔少得甜品啦，超級推介豆腐花，78蚊一大桶，13個人都分到呀😃仲有楊枝甘露、紅豆涼粉。。。今晚個個都食得好滿足，長輩們超級滿意，埋單只係 HK$3300，環境清靜，坐得舒服，侍應服務態度都幾好，物超所值。…Read More

今晚與家人去了翠韻軒晚膳(前身為映月樓)，一共3人，安排了對住門口的窗口位，擁有一個靚夜景，環境算唔錯，上菜時間都算合理，至於食物方面，我覺得一般，我地叫了3個小菜，第一道是瑤柱貴妃雞，肉質都算嫰滑，第二道是菜遠清炒上素，因有老人家，故落單時已叫菜要煮淋d, 可惜上菜後完全無煮淋D囉，菜心非常硬，第三道是黑醋咕嚕肉團，都好勁黑醋味，肉團就似肉丸！總括來講，食物質數一般，環境不錯，唔會椅貼椅，有一種坐得很迫的應覺！…Read More

菜式一般般，還是以前映月樓好 d。貴妃雞冇乜雞味，普通過普通，咕嚕獅子球好似有番 d 創意，但味道一般般，不值得推介，反而個菜 ＆ 菇就幾清新，可以試試。整體感覺，還是以前 d 菜式好 d。…Read More