1
2
2
5-min walk from Exit B2, Sham Shui Po MTR Station
continue reading
Opening Hours
Mon - Sun
10:00 - 22:00
Above information is for reference only. Please check details with the restaurant.
今日晚上唔煮飯，又再出街覓食。不過又唔想食得太飽，又想食肉，諗諗下屋企附近有間燒味飯，外賣飯盒都係２７蚊。之前成日都想試，成日都見大排長龍，一到大時大節，個個都黎呢間斬料，今日一於黎試一試。係門口企左一陣，諗緊食雙拼定單拼，諗諗下都係食單拼，食叉燒飯算，因為我鍾意食叉燒，唔想食雙拼分薄左Ｄ叉燒數量。先買飛，然後係門口等，等左約５分鍾就有。返到屋企（約十分鍾路程），仲熱既，而且有湯送，都不錯。叉燒全部都係唔肥，顏色係靚既，食落都係好味，唔係擺左好耐同諧口。Ｄ飯都算多。以２７蚊叉燒飯，絕對性價比係高。
continue reading
貼錢買難受!! 叉燒拼燒肉飯，叉燒唔喺甜甜蜜蜜個隻，反而係好咸又好硬，肥瘦一啲都唔均勻，仲要喺又瘦又乾硬，燒肉嘅皮都唔脆口，冇叉燒咁難食，不過都係好salty。青紅蘿白煲豬骨湯，一個正常人部都唔會失敗嘅湯，可惜完全冇老火湯煲出嚟嘅味，只係感覺似飲緊鹽水，比一般家常煲嘅湯仲要差，可以話差唔多冇得再差。店裡面環境污糟邋遢，行落去覺得地板喺油笠笠，好鬼唔自在。呢間燒臘飯店，正一頹到一個點! 貼錢請我食，我都唔會再入去食!我唔喺打手，只係講出真話。
continue reading
下午茶優惠 原先想幫襯金寶燒臘下午茶炒粉麵 $34送例湯 係抵食啲嘅 但 清明時節 是日廚房冇供應下午苶炒粉麵 只有燒臘飯 /湯瀨粉河粉供應惟有轉場過隔離 ……“翠苑燒臘飯店“枱枱之間好密 用咗分隔膠板 保持少少距離收銀有啲忙 都冇忘記幫客人量體温下午茶 唔算太多客 有招呼嘅 下午茶餐牌 有啲肥膩冇得改粉轉麵……真係抵食嘅 “燒鴨湯麵“ ~ 單併$22 双併$26燒鴨件份量多 上脾位 脆皮 香味 較淡口比較其他酒樓餐廳 下午茶畀少量瀨粉米粉 翠苑係用生麵 大大碗麵爽脆口干炒牛河~ $39 送靚老火湯 或 熱飲夠鑊氣 味香 炒河份量不大 1人份星洲炒米粉~ $39 送靚湯 或 熱茶好普通 咖哩味淡 料唔算多 份量不大結論係 燒鴨湯麵 翠苑 優勝炒粉麵飯 就係金宝較抵食
continue reading
今日去深水埗，食一個叉燒飯叉燒我叫咗半肥瘦，但係其實一般般啦，唔係好夠蜜汁味，同埋口感唔係好好叉燒飯包埋一碗湯，價錢都要40元。下次應該唔會再食喇環境都係一般般
continue reading
話說前幾日我去買個肥叉燒肉飯外賣自取，因為曾經幫襯送外賣個時，比啲樜揸叉燒。所以今次特別order肥叉。一打開盒非常之有驚喜，樜揸叉燒再現，個燒肉更加唔洗講，係啲頭頭尾尾位，全肥膏，想搵個位咬下都無，$26一盒飯係平，但$26食樜揸同頭頭尾尾，就真係諗清楚。個叉燒乾到，咬落去食緊擦膠咁，點咬都唔爛，但攞嚟練牙力一流。燒肉就全肥膏，個皮係黑色，我唔敢食，淨係食咗啲白飯。不可一不可再說好的肥叉燒肉飯呢？
continue reading