The Square

喺中環，依一間中高檔次嘅茶樓一向定位唔錯，坐得舒服嘢食又精緻，枱同枱之間個距離都大，唔驚傾生意俾人聽到。叫咗幾個點心炒飯同埋小菜，嘢食如常精緻幾好食，價位亦都如常偏高。炸嘢少少過油，但係幾好食，配埋個沙律醬幾開胃吓。豆腐煲煮得幾入味幾嫩滑，加咗冬菇都夾都入味。炒飯就普普通通，賣相同味道都一般。另外有少少敗筆嘅位在於服務態度真係弱咗，感覺上樓面啲人係少咗，雖然食客好似都係少咗，但係揮極手啲職員都好似睇唔到，問多佢兩句就開始唔耐煩……Read More

最近我哋一家去食咗一餐美味嘅青海菜，我哋成家都食得好開心，侍應姐姐佢哋仲同仔仔玩，超nice今次我哋試咗青海系列- 四人家宴特別推介掛爐蜜味藏羊排唔重羊羶味，小朋友都鍾意有機藜麥氂牛肉羹：加入氂牛肉碎煮成牛肉羹，牛肉味香濃雞樅菌露筍炒氂牛柳：避風塘青海三文魚（虹鱒）扒：枸杞魚湯水耕生菜：高原枸杞桂圓糕：…Read More

今次喺翠玉軒食飯，真係俾我感受到一種美味同傳統嘅完美結合，成個聚餐都係讚聲不絕。包房設計幾靚，弧形玻璃令到空間感十足，環境又舒服，仲有獨立洗手間，私隱度高，真係好適合聚餐。鴻運金豬：肉質多、皮薄，出菜時仲保持住皮脆，搭埋糖同乳豬醬，真係好味。翡翠帶子蝦仁：西蘭花煮得啱啱好，保持住鮮脆感。蝦仁又大又爽口，帶子新鮮彈牙。百花蟹鉗：口感鬆化，又有馬蹄嘅爽脆，仲有少少芫荽提升味道，好正👍🏻發財蒜子瑤柱脯：質量超高，粒粒都好似五蚊硬幣咁大，髮菜又冇碎濕濕，食落好有口感。蒜子煮得入味，豆苗鮮嫩，成體味道好好。海皇竹笙燴燕窩：湯底又鮮甜，加埋足料嘅燕窩，係高級嘅味道😌唔會好似漿糊咁杰塌塌。原隻南非（八頭）鮑魚拌玉掌：鮑魚同鴨掌炆得啱啱好，鮑魚肉質彈牙，唔會硬到擦子膠咁，鴨掌入味得嚟入口即化。古法蒸大沙巴龍躉班：魚肉新鮮，冇腥味，大量蔥加蒸魚豉油，鮮味十足。當紅炸子雞：雞肉又嫩又香，完全冇雪藏味。瑤柱金菰炆伊麵：伊麵滑得嚟又唔黐，食落仲有Q彈嘅感覺。飄香荷葉飯：荷葉嘅清香增添咗風味。炒飯雖然有汁，但都保持住乾爽，好味🤤 就算飽都想食多兩啖🤭紅棗蓮子桂圓茶湯丸：湯圓嘅芝麻餡很香濃，紅棗同蓮子嘅軟硬度啱啱好，飲落覺得好滋潤清甜薑汁糕、奶皇炸煎堆仔：芝麻奶黃棗外皮鬆脆，奶黃餡嘅甜度啱啱好，完全冇油膩感。薑汁糕嘅甜度都適中，味道唔錯。整體嚟講，翠玉軒嘅食物水準中上，無論係口味定服務都令我覺得滿意。今次我哋15人嘅份量仲有好多可以打包，絕對係一個值得推介嘅用餐地方！…Read More

臨近生日 梗係帶屋企人同埋好辛苦生我出嚟嘅媽媽去食餐好 媽媽鍾意食粵菜 我特登上網搵到翠玉軒最新推出「青海珍味・家宴」系列菜式，將青海食材直送香港 勁新鮮嘅食材 青海高原位於海拔地帶，原始無污染嘅生態環境，孕育出獨有食材，包括氂牛、藏羊、三文魚(虹鱒)、藜麥、枸杞、冬蟲夏草等等。呢啲青海獨有食材直送到餐廳，再透過粵菜烹調手法炮製出一系列限定佳餚! 我哋今次點咗掛爐蜜味藏羊排、避風塘青海三文魚(虹鱒)扒 、雞樅菌露筍炒氂牛柳 、青海氂牛肉湯拉麵同祁連黃菇氂牛肉酥餅掛爐蜜味藏羊排：一上枱散發濃濃嘅羊肉香味 表層微微焦脆 油脂入口即化 配合埋以粵式叉燒方式用大火爐燒 令人垂涎 小朋友都食唔停口 仲話要日日過嚟食避風塘青海三文魚(虹鱒)扒 ：龍羊峽虹鱒魚係青海著名水產，肉質細嫩，再配上「避風塘」烹調，三文魚非常香口惹味 雞樅菌露筍炒氂牛柳：青海氂牛高蛋白低脂肪，肉質有嚼勁，配上雞樅菌和露筍 鮮甜又爽口 令口感更豐富青海氂牛肉湯拉麵 湯底選用新鮮嘅氂牛肉，經過長時間的熬煮，湯汁濃郁，鮮香四溢，搭配上手工拉製的麵條，彈牙爽口，吸附了湯汁的精華，每一口都讓人感受到滿滿的幸福。祁連黃菇氂牛肉酥餅： 一道令人垂涎嘅傳統美食，外皮金黃酥脆，內餡則融合了鮮嫩嘅氂牛肉和香氣撲鼻的黃菇，口感豐富，風味獨特。餐廳內嘅環境寬敞舒適，佈置雅致，讓人感到放鬆 ，適合家庭聚會或朋友相聚，有興趣嘅朋友，千祈唔好錯過食之前登記咗Eatizen 會員先！因為Eatizen 會員惠顧 「青海珍味・家宴」單點菜式3份或四人家宴 1份，獲贈$100美心中菜電子優惠券，同時自動參加 #終極大抽獎，有機會贏取青海雙人來回機票！推廣日期 : 即日起至 2025年3月31日推廣分店：全線 #美心皇宮 (沙田分店除外 )、全線 #翠園 (旺角分店及廣場飯店除外 )、全線 #八月花、#映月樓 及 #翠玉軒 …Read More

青海高原風光迷人，土地肥沃，物產豐富，而且無污染，產出稀有優質食材都已傳入香港，包括：氂牛、藏羊、三文魚(虹鱒)、藜麥、枸杞、冬蟲夏草等，喺香港都可以享受青海嘅地道滋味😋去咗 #翠玉軒 食晚飯，佢哋用咗青海直送食材精心烹製成別出心裁嘅菜式。試過每一款菜式後，深深感受到青海獨特嘅風味同鮮美食材嘅搭配。🍴避風塘青海三文魚(虹鱒)扒三文魚油脂豐富 但唔油膩，肉質嫩滑，帶有豐富口感，經過避風塘烹調法，上枱時已散發香味，入口已經好滿足！🍴蘿蔔清湯氂牛腱青海氂牛肉質鮮美，低脂肪又有咬口，配上香港地道風味嘅清湯腩方法烹調，蘿蔔清甜，係囡囡最鍾意嘅菜式！🍴枸杞魚湯水耕生菜 枸杞先熬魚湯，再浸熟生菜，清甜搭配，帶來清爽口感又滋補！🍴香菇氂牛肉拌麵拉麵彈牙，配上氂牛肉醬烹調後嘅青海香菇及肉質鮮香厚實嘅牛肉，入口濃郁，辣味可以刺激舌尖，更惹味可口！🍴高原枸杞桂圓糕 用糖水先浸青海枸杞加入以雪棗、桂圓及黃糖熬水做成嘅凍糕玲瓏剔透，Q彈而清香軟滑！今次用餐令我更認識青海呢個地方，每一道菜式都展現咗青海美食嘅獨特風味🩷由於菜式係期間限定，想試就要把握機會喇！🧡著數！Eatizen 會員專享惠顧「青海珍味．家宴」，即送$100 美心中菜電子優惠券，仲可以自動參加大抽獎，有機會贏取「青海雙人來回機票」一套兩張 推廣日期 : 即日起至 2025年3月31日推廣分店：全線 #美心皇宮 (沙田分店除外 )、全線 #翠園 (旺角分店及廣場飯店除外 )、全線 #八月花 #映月樓 及 #翠玉軒#青海珍味 #味遊中國 #天賜食材 #高原禮物 #青海氂牛 #藏羊 #青海三文魚 #全新粵式菜單 #美心中菜 #Qinghai #Maxims @maximschinese…Read More