翠湖(嘉爵)園林酒家

Open Now

Now Closed

今次系第二次光顧中式酒樓食晚飯，雖然環境一般，但菜式選擇多樣，非常令人滿意。當晚點咗一個套餐，仲加咗四道餸，每一道都各有特色。套餐包括龍蝦伊麵底，小炒王，沙巴龍躉，燒鵝，酥炸生蠔，龍蝦非常新鮮，肉質鮮甜配上煙韌嘅伊麵，口感非常豐富。而沙巴龍躉嘅魚肉肥美嫩滑，味道濃郁，絕對係一大亮點。燒鵝則皮脆肉嫩，烤得恰到好處，令人回味無窮。加餸方面，蒜蓉蒸帶子加入粉絲，鮮味十足，每口都充滿蒜蓉香氣，係一個唔可以錯過嘅選擇。而鮮菠蘿咕嚕肉更係讓人驚喜，菠蘿嘅酸甜同肉嘅嫩滑完美融合，令味蕾跳舞。不過，豉椒炒蟶子加面底這個餸，蟶子可能煮得太熟，口感比較韌，稍為可惜。至於避風塘通菜，香口惹味，令人一試難忘。最後，酒樓貼心地送上桂花紅豆椰汁糕作結尾，紅豆同椰汁嘅香氣濃郁，加上桂花嘅點綴，味道清甜而不膩，完美為整餐畫上句號。整體而言，呢間酒樓嘅菜式非常出色，值得一試，就算環境一般亦無損用餐體驗。如果再改進個別菜式嘅細節，絕對會成為我心目中嘅首選！🍴😊

相隔一年多，再到酒樓晚膳。其間有很多酒樓捱不住食客稀少而結業，又或食材贵而酒樓轉用較平食材，令點心小菜品質差了。晚膳時，我和朋友們仍用之前所訂標準去評此食肆水準。首先服務方面，女店長依然笑容可掬，很有禮貌地招待我們老饕，也不硬銷小菜，值得讚許。食物方面，小菜也是色香味俱全，平民價錢。朋友們又享受非常滿意的一餐。唯一希望的是大厨可以再觀摩其他同行的新菜式，煮出更新更具創意小菜，以吸引更多老饕來試新菜式。

昨晚一家到上址晚飯，其間加了一碟乾炒牛河，要求不能加蛋，因家庭成員中有人有雞蛋敏感症，後來發覺牛河中混入了蛋絲，要求取消。埋單時發覺並沒有取消，再要求取消，有位女部長，態度非常差，說我們已吃了一半，其實只吃了一口，就發現有問題，試問不吃又怎麼發現問題呢？好在有敏感症的家人沒有吃，否則出事又由誰人負責呢？這種態度我就不會再幫襯了。

今天我和婆婆和公公到藍地翠湖酒家飲茶，呢間酒樓我認為係屯門區最好食的酒樓，我們已經嚟過好多次了。我們今天三個人吃了六樣東西，合計$305 ，價錢合理，一般市民都負擔得起。我們點了兩隻燒鴿，一隻$48 ，兩隻$96，都算抵食，燒乳鴿有濃郁嘅油香味，肉質非常鮮嫩，非常美味強烈推介大家嚟食！我們也點了尖椒釀魚肉，尖椒釀魚肉屬於大點，有四條，魚肉非常新鮮，味道不錯，也推薦。不過唔食得辣嘅朋友注意一下，青椒都幾辣的。我每次來到都必點的紫薯流心球，新鮮熱辣辣非常好味，強烈推薦大家來吃這個！婆婆還點了她喜歡吃的馬蹄糕，味道不錯，值得一試。我哋仲嗌咗燒賣，非常好味，但係忘記了影相。整體嚟講，呢間酒樓嘅所有出品都算係尚佳，服務人員嘅服務態度都幾好，環境都幾寬敞，幾舒服，非常推薦大家嚟呢度約朋友飲茶。順帶一提，呢間酒樓我最喜歡吃的是別有洞天脆皮腸，但是今次沒有吃，大家去的話也可以點來吃吃啊！

我們一家14人打算到「嘉爵」食端午節晚餐，因為方便泊車、價錢實惠，出品也不錯。第一次致電訂位接線女士已粗聲粗氣的回答，我心想唔緊要…..最近要訂到位😌 今日再打電話去預留乳豬，又係上次的女士接聽，態度一樣差😤 我先說我訂了邊日、時間、幾多位、姓名…..她即用不耐煩的語氣說…「咁點吖？」 我：「想預留一隻乳豬」她：「得啦、得啦⋯⋯」我：「你貴姓？」她不回應，我再問：「你貴姓？」她仍不回答……我繼續問：「你貴姓？」她即收線😡 真是不能怪香港人北上消費，今時今日點會有人接受這樣的服務態度😪 希望酒樓管理層多加留意，不要因某一員工已流失客人，香港做生意真的不客易。

評一間酒家好不好，有兩種標準作為考量：主觀和客觀標準。換句話說，除了要看烹煮炒炸工夫是否了得，還要看樓面的服務素質。英諺說：The proof of the pudding is in the eating. 意思是親自品嚐才能下判斷。昨晚本人親身到酒家，叫了幾道小菜，得到的印象是色香味俱全，完全合乎老饕所定標準，而且收費合理，是一般街坊所負擔。再看客觀標準，樓面服務是值得一讃的，比起一般附近酒家高幾線，更難得是營業經理親力親為，招呼週到。美食加禮待，已經超過本人所期望，享受一頓晚餐，夫復何求？

呢間酒樓 一直都有同屋企人食開都唔錯，最近屋企人生日想搵個地方食飯都即時諗起佢！但因為我地人數多想一圍坐曬又想房，都係一個唔錯既選擇！世事係無完美，我一向預訂位都會問清楚價錢 免得到時大家有爭議15人一圍有房，原來依家收費好恐怖1）最低消費 - 呢個係絕對無問題！ 就算最低係4/5千都覺得合理， 因為佢符合左我地人多又唔想分兩枱坐2）加一服務費 - 基本啦 都明白既！ 邊到都有都正常3）茶芥 - 係酒樓有茶芥都正常4）重點！ 一係叫套餐， 唔叫套餐想散叫既話每樣小菜額外加多$20 呢個係我諗最唔明既野🤷🏻‍♀️ 我有問到$20 原因，我以為餸係大碟d😂😂（自己呃自己），但佢答我無分別！！ 係因為我散叫同有人拎餸入房😅 我都有反問到，人地唔坐房都係有人拎，佢都係答公司規定！總括：要坐房樣樣野都係錢 連食碟菜都要貴過坐出面既人而唔係一樣，我真係諗唔明！！！好啦！我都明白每個地方都有唔同既要求，只係好想分享比大家訂枱時最好問清楚～～ 唯有再搵其他餐廳啦😂😂

諗住普通酒樓一間，一試有驚喜🥳菠蘿咕嚕肉，必食👍🏻骨肉均勻粉漿唔厚，因為係拔絲咕嚕肉，所以外面咬落有啲脆脆地，碟邊仲放咗幾舊新鮮嘅菠蘿，一嚿咕嚕肉一嚿菠蘿解油膩，好食😋雜菜煲湯底有蝦乾，所以有淡淡的蝦乾味，冇揸流攤入邊雜菜嘅種類都唔少，食得過環境比起同區酒樓乾淨好多，坐得舒服，就算貴少少都值得服務當天招呼我哋嘅姐姐，當時有sale我哋買月餅，不過我哋冇幫襯😁，但佢態度依然親切，唔會因為冇買月餅而西面，之後仲好好招呼，唔錯唔錯總結如果住喺附近開飯，值得一試$3xx

1️⃣豉汁蒸鳳爪（大）雞皮彈牙，而且好入味！2️⃣沙嗲金錢肚(特）沙嗲味濃，牛肚好爽，好易咬開！3️⃣潮州粉果（中）粉果皮彈牙，花生、沙葛、韭菜等餡料口感豐富！4️⃣蜜汁叉燒包（中）蒸得好軟，一啲都唔乾身，叉燒量足，叉燒醬唔會過咸或過甜！5️⃣原籠馬拉糕（中）黑糖味唔會過甜，重好鬆軟！6️⃣韭黃鮮蝦腸(頂)蝦🦐都幾彈牙，好滑溜！7️⃣福建炒飯好正好足料！樣樣新鮮！必叫！8️⃣楊州窩生麵呢個又係另一樣非常足料嘅佳餚，乜都有啲！

翠湖嘉爵喺屯門係一個極具特色嘅餐廳，佢嘅食晚飯同家庭小菜選擇非常豐富。例如有翠湖招牌烤乳豬，菠蘿咕嚕肉，脆皮炸子雞，黑椒牛柳粒，香煎魚等等，每款都充滿風味，適合全家大小享受。特別想推介嘅係佢嘅雞湯翅，呢碗湯底濃郁，雞翅滑嫩多汁，伴隨住一啲獨特嘅香料同調味，令味道更加突出。佢嘅湯底經過長時間熬煮，呈現出豐富嘅雞鮮味，令人一試難忘。無論係親朋好友聚餐，或者家庭用餐，呢道雞湯翅絕對係一個吸引眾人嘅美味選擇。

同朋友定期飯聚在假期前夕，佢轉咗手之後都係第一次嚟食晚飯😃 晚市6點去到都爆滿，聰明的我當然訂了位啦～門口排長龍都是沒有訂位的。每次必點都會有龍蝦，燒鵝，脆皮乳豬，菠蘿拔絲咕嚕肉是必點的，其他的會睇當日menu, 其他小菜份量十足，大大碟，份量十足，聖子當天真貴，唔建議點，不是最大size的，要$1000多元，還是留這個$點其他先係精明，朋友要求order, 中伏了，其他菜式都夠火候，最後每人都有糖水送，但係送完就冇，所以要早點order喔！

今次係呢個月第二次嚟食味道唔可以話好good但服務幾好兩次嚟都係坐花園大枱冷氣較大問侍應可唔唔以轉另一張枱佢就話幫我熄一部冷氣其實得我一個凍😅人未齊想叫住啲嘢食先侍應話啲嘢食上得好快落咗先但唔洗入單住怕凍哂咁又係呀冷氣咁大😂龍蝦伊麵加芝士+$80我哋三兄妹最愛炒飯呢個我一般茄子再淋啲我會開心啲燒鵝半只好味小炒王我淨係食腰果咕嚕肉脆卜卜好食但我食咗兩舊都係肥肉原來我影漏咗條東星好滑好好食呢間啲分量都幾大好滿足下次都可以再食

#搞串個pantry今次帶大家去到#屯門 #藍地 一間酒樓飲茶🫖。呢間酒樓嘅地點相對比較唔方便😖，臨近#嶺南大學 🏫，從兆康站🚉行過去都一距離。酒樓裝修並唔係行華麗路線✨✨，所有嘢都好實在，同好多圍村酒樓一樣，啲牆、天花板並唔係水泥😮，非常有農家feel🌾。呢度大部點心嘅價錢都介乎$18-$34💰，價錢相當宜人🤗。今次就嗌咗好多點心啦，包括豬骨湯鮮竹卷⭕️、脆皮糯米雞🐤、燒賣皇、雪山叉燒餐包🥯、紅油抄手🥟、煎釀虎皮椒🫑、韮黃鮮蝦腸、時菜鯪魚球🐟、椰香紅豆沙，香芒布丁🍮。所有點心都不過不失😚，呢度嘅豉油幾好味，經過酒樓自己調味🥳，唔會一味死咸，有少少甜甜地。小仙女🧚‍♀️就比較推薦雪山叉燒餐包、脆皮糯米雞啦😜！！叉燒餐包其實只係墨西哥包加叉燒包嘅混合版，但估唔到又幾好味💕。而個脆皮糯米雞，表面嘅糯米飯焦好脆好香口🔥，特別之作！！甜品方面，香芒布丁就偏硬，同埋食到啲粉粉地嘅texture😗。而紅豆沙就唔錯啦，非常足料，好多紅豆、果皮🤤。

我地星日食晚餐首先係難食🫠 估唔到禁大間酒樓d野水烚禁淡而無味.雞煲翅勁重味精炸鮮奶-凍既…素菜 淮山什菇炒茜芹-水烚都冇任何味燒鵝和乳豬-基本冇任何退步空間，大佬呀，呢個都冇咩味係咩玩法，脆係脆既石班兩食-唯一好，魚係新鮮禁白烚重有叫芝士龍蝦同咕嚕肉但我地7點入席跟叫餸，9點都未有餸到就cancel左.中途吹左5次單.到8:30話cut單先講廚房漏單.過左陣，然後我地成家見住對面枱8點後入席上芝士龍蝦同咕嚕肉即埋單走人認真黎呢間食得受氣同做水魚.

我們大約8:45pm到酒樓，坐低後叫完餸，跟住收銀個女人走過來話當上齊餸後，麻煩買咗張單先，當時只係9:00pm，佢哋話9:30pm last order，10:30pm收工之後我們的餸菜還未到齊，又過來叫我們埋單🙄有冇咁趕住收工啊？最後食完都只係9:45pm，只係食咗一個鐘心諗你咁趕住收工，就唔好俾我哋入坐雖然餸菜的味道還算不錯，但係趕客嘅態度，真係令我們有些卻步！