Green River Restaurant (Castle Peak Road) (Closed)

老實說我試過哂翠河既中餐 ;午餐 ;下午茶同晚餐,係佢個早餐A吸引我再去幫襯,因為佢個通粉係有質素既通粉,有咬口唔係林滋滋,幾正~!相反佢既午餐,下午茶同晚餐都無俾過好印象我,午餐食過魚香茄子燘米配例湯,碟野油到哩,渣得出油呀⋯⋯啲燘米仲黏埋一舊舊,下午茶我叫左炸魚薯條配熱奶茶,薯條就正常味,個炸魚薄ee,炸後無咩肉感,好乾!我諗住加多啲茄汁就無咁乾,真心覺得支茄汁勁奇怪呀⋯⋯一吱出黎好似水咁,食落仲拿拿地喉,佢一定唔係用地捫牌茄汁,(我試過2次,支茄汁依然係咁既味,真心想佢地檢查吓先俾客人用)晚餐同寶寶食過,咸魚雞粒炒飯;星洲炒米配例湯及熱奶茶咸魚雞粒炒飯完全零味道星洲炒米就香味撲鼻但勁辣......一碟辣味,一碟無味,相映成趣!!!嚮長沙灣下午茶時段,見到好大間翠河,諗住再試多次,心諗可能唔同區會有分別,就叫左豉油皇午餐肉炒麵配熱檸茶個餐肉外面燶,內裏油,係成個麵都好油!!!個熱檸茶仲要濁同澀...無論我加左幾多糖,佢個味依然濁苦澀,我成杯無飲過,所以我自製左熱檸水去麵既油,茶既苦......…Read More

可樂一杯17蚊，係咪當我傻仔先，垃圾，狗也不deal比盡你有少少良心，賺我10蚊咪算，堂堂上市公司，獅子開大口。係啲窮屋村，欺詐小市民嘅金錢，喪盡天良紅豆冰，12蚊可樂，17蚊！！！！！！！！今生今世唔會再食翠河，醒未呀，你連個名都係抄人咖咋，扮咩大公司，扮咩高質，憑乜嘢收我17蚊你話有少少誠意，大支啲都話呀，一罐夠你飲定夠我飲唔知我以為自己去咗半島酒店飲汽水你嚟食，啫係認自己係傻仔，甘心比人壓拃。…Read More

咪話賣花讚花香，講真四小龍真係幾好住，早幾日有老友黎搵我，我就帶佢去中高檔食府，一啲都唔失禮 ！今晚食自己簡簡單單去茶記，附近又有唔少選擇，正所謂鹹魚青菜各有喜愛， 屋苑附近食肆多對我們呢一班無飯夫妻或者無飯家庭多幾個選擇總有好處的……因為由細睇賽馬睇到大，所以用呢個一代馬王嘅名字做茶餐廳名即刻倍感親切。 正因如此，每當我一支公諗唔到食咩嘅時候，都會不由自主地黎呢間茶餐廳醫肚！講真個餐牌都係寫食評參考之用，因為今日雖然我點咗個A餐,但茶記阿姐同我講話A餐而家改咗做肉片炒意粉，所以同乾炒牛河完全無關！ 我問下阿姐係咪冇哂牛肉，跟住阿姐話總之就而家係肉片意粉叫就快啲，唔叫就你自己慢慢睇， 果然係茶餐廳服務水平,即係冇服務啦！不過幾十蚊一個晚飯又應該對佢又有咩要求呢？！可能附近有幾間茶餐廳嘅關係，所以而家選擇多咗，翠河茶餐廳夜晚冇以前咁多人！ 講真其實46蚊一個晚餐，有湯有凍飲再加個炒粉麵飯真係好抵食， 大x樂都未必做到咁嘅價錢啦! 碟意粉嘅分量一啲都唔失禮超大份，其實兩個人食都足夠！ 而且意粉好足料， 今日廚師亦都炒得唔錯,不會超多油，意粉亦都夠乾身，色水夠又唔會太咸，所以今日絕對係水準之上！ 46蚊嘅晚餐超值之選！！！最後值得一提翠河嘅早餐係至到午間十二點鐘，所以各位遲咗起身又想嘆早餐嘅朋友可以嚟呢度食個晏晏早餐！！！…Read More

陪同友人在這區買了需要的東西後，已是下午時候，二人未吃午餐，隨便找家餐廳落腳，誰知道是伏的……😯小食：炸魷魚鬚不可說不脆，但甚為油膩，魷魚過軟，失卻應有的口感，醬汁又不夠甜，難食也。小菜：肉碎炒豆角同樣很油，肉末肥膏多而靭，豆角不甜，兼且似乎下了很多師父，咸到無朋友！粉麵：廈門炒米撻成一塊，既濕且油，一點也不乾身，更別說鑊氣了。配料僅是數粒小蝦仁、數條窄火腿絲、一些蔥及洋蔥等，好像吃了一碟齋炒米。以為是甜甜酸酸的，竟然又是偏咸的，令人口渴難奈，喝多少水都解不了。太重口味了，小人敬而遠之，難有下次。…Read More

因為有個人食完晏都仲好肚餓🙄所以又走咗去食下午茶。行過見到翠河有好大張脆脆奶油豬張相就直接走咗入去啦。入去當然係食脆脆奶油豬加雜果沙律$28。餓果位朋友呢就叫五香肉丁加脆豬半隻$31。一黎到滿心歡喜，望落牛油同奶都夠多，一咬～～😑淋既⋯⋯唔脆仲凍既。咬埋肚餓果隻都係一樣⋯⋯我個沙律呢就溝咗啲薯仔都係罐頭什果～份量唔多。五香肉丁面肉夠大粒，個麵係公仔麵都好，雖然唔係丁不過至少唔係褔😌。反而杯檸茶就幾好，奶茶唔夠奶。…Read More

滑蛋蝦仁炒河無蛋！同侍應講仲叫我斯文啲似返個女仔之後唔彩我！我叫佢拎入廚房比廚師睇下，我都已經專登撈啲河炒落去比返個侍應，竟然拎返入廚房加隻蛋出返黎，仲有啲河粉係度！…Read More

餓餓地。去就近茶記。叫個咖哩雞扒飯。賣相Ok。不過。好鹹！好鹹！好鹹。遮住曬D咖哩味。份量尚算岩岩好。價錢都係咁啦。不過咖哩冇下次。真係好鹹。我覺得我算係吃的鹹嘎人。但都覺得鹹。下次試下其他…Read More

2016年7月30， 晚上9點15分， 原本想去對面莉x餐廳收11點的食个晚餐小扒， 但是9：10分去到就話收工了， 前面的餐廳好多也差不多關門所以去了這裏翠河餐廳， 諗住呢啲茶餐廳間間差唔多， 唔知食乜所以求其叫咗個呢啲常餐， 諗住去到邊度茶餐廳沙爹牛米都好少差， 因為沙爹醬牛肉買返嚟都唔使點整淨係煮熟， 但是這裏的 牛肉真的沒有味，好難食一啲沙嗲味都冇，只有少許沙嗲顏色的油就像白烚沒有牛肉味的肉片…Read More

工作繁忙，午餐要兩點幾才吃，今次幫襯翠河，貪佢兩點後減五蚊餐牌有八種選擇，有中有西免費例湯隨餐奉送，送完即止 節瓜煲排骨，味道不錯主菜咖喱雞飯，汁偏咸，無辣味，雞件有四件，肉質很鞋，似煮過籠餐飲凍檸茶，檸檬新鮮茶亦夠味，不俗埋單特價$40,味道整體黎講是普通。…Read More

早餐menu 好悶，都係普通火腿通粉，個湯唔濃唔淡，份量亦都足夠飽肚，其他餐早餐冇咩野好揀，唔吸引:(。凍檸茶少甜亦好普通，同埋唔夠淡，仲係好甜。但個蒜香多士好正、外脆內軟！同埋個炒滑蛋都好滑！我中意！…Read More

四人飯局，各自點一款小菜，再share一齊食，跟餐連白飯一碗，再加一杯飲品：鹹蛋蒸肉餅肉餅質感鮮嫩，伴以咸蛋，送飯最啱！瑤柱肉鬆蒸水蛋呢碟最清淡，水蛋夠滑，瑤柱同肉鬆都唔夠入味，似未醃過，要撈勻水蛋面啲豉油，先至有少少鹹味。蝦球花枝片西蘭花蝦球新鮮美味，口感佳，花枝片韌咗啲，西蘭花夠爽口。粟米斑塊粟米羹濃而不黏，斑塊炸得香脆可口，油少。…Read More

我突然有興致去長沙灣買三點半開賣的豆腐花.但到達長沙灣只是2點45分,想找一間坐得舒服的茶記.眼前就見到呢間翠河,大部份的位也是卡位.環境面積相當大,大約可容納百多人.下午茶選擇也多.除了飽類,小食,還有燒味瀨粉.價錢,不會太貴.三十多元有交易.店員服務,不會過份熱情.但有效率.亦不會罵人..凍華田:落單後聽到位女仕投訴,的飲品咁甜.點飲?的確飲品太甜.我般凍華田味道猶如飲糖膠,或似大量砂糖開水般十級甜.應有的奶味.華田味完全失蹤,感覺遠離水準.切雞瀨粉:湯底熱辣辣的.瀨粉當然偏少.湯亦是嚴重的味精湯,喝後會超級口乾.至於雞,上枱時見到雞脾,還開心了幾秒,怎料雞肉不單止無味.無比鹹,肉質比硬糖又硬又要考牙力,之後我望住店內掛起的雞.十分乾身,都不知放了多久?埋單31元.飲品和食品.都遠離水準.給予喊臉.呢間店也當之無愧.…Read More

剛巧經過長沙灣, 隨意選了一間茶餐廳去食個早餐就是火腿煎蛋加奶油豬, 火腿輕微略煎過,煎蛋太熟了, 而奶油豬仔包烘得夠熱但牛油塗抹得很求其食物實在很一般, 可是凍咖啡是不錯的, 有咖啡香來又不會苦澀…Read More

20.11.2011今早返隊, Madam請食早餐. 由於太肚餓, 所以揀了份量豐富的B餐($24). 不過我們等了足足45分鐘之後, 餐廳先送到外賣來, 於是個個餓上加餓了. :(我的早餐B包括了:牛油方包: 是兩片白方包, 已塗了很多牛油. 不過可能和蛋放在同一個膠盒裡, 所以方包已經淋了. 茄汁珍寶腸: 原來是兩片細細的脆皮腸, 加了少少茄汁. 脆皮腸有少少脆, 但只有少少茄汁味, 而且只有兩小片好像太少了.煎蛋: 是一隻荷包蛋. 煎得好香, 蛋味濃, 也不是太燶, 但就咸了一點.雪菜肉絲公仔麵: 一打開膠碗, 就看到公仔麵有少少發脹, 而且湯已經不多, 相信公仔麵已浸了一段時間, 所以公仔麵已經很淋, 幸好麵也不是太碎. 雪菜肉絲份量是出奇地多, 感覺很抵食.熱好立克: 熱好立克好夠熱, 但杯底還是有一舊舊的好立克粉, 可見到沖調時比較馬虎.以$24的價錢可以吃到這麼多東西, 又飽肚, 雖然味道只屬一般, 但都可以給OK吧.…Read More

前幾晚同左女友同兩個fan去左呢間店食晚飯,都好多人,但大部分都係男的,因為個個都睇緊波,好似去左bar咁,地下比較污糟,垃圾多,可能d小二唔太得閒.食物方面,食左個xo海鮮炒河,都幾大碟,而且有鑊氣,河粉亦炒得乾身,但味道一般,偏淡,d料好少,要$40一碟,都比較貴,話曬呢到係長沙灣.…Read More