Green River Restaurant (Closed)

我今日返工完全諗唔到食咩，而我又唔想留低喺餐廳裏面食飯。所以我就行咗去翠河睇到中午抗疫餐（外賣）市價$38包熱飲。我覺得幾值得所以就去試一下，我叫咗個咖喱雞扒飯。然後當我拎到返公司食，咖喱汁都係正常嘅，但係雞扒雖然被咖喱汁既味掩蓋，但係好明顯食得出本身應該係黑椒雞扒嘅味道，令到味道10分古怪，應該係本身雞扒已經用黑椒醃好，之後再用咖喱汁林在表面上，試圖蓋過黑椒嘅味道，不過好可惜味道依然要無法完全覆蓋。比我一種感覺係好似賣唔出嘅雞扒，用其他方法重新整出嚟一樣。…查看更多

午餐叫左個胡椒豬肚泡飯，竟然成碗湯飯和胡椒粒混在一起，唔識煮飯都知有問題喇，點食呀！星州炒米材料少不在講，連咖喱汁都未熔，濕炒米粉一樣，絕對稱得上是荃灣最醜惡茶餐廳之首，貼錢比我都不會再來，垃圾中之極品…查看更多

今日去到叫咗個牛肉炒米粉，等咗20分鐘未有，跟著我問待應佢話廚房妙緊，出到黎一睇嗰d牛肉炒到好似塊面咁黑，d牛肉完全食唔落口，又乾又喊，d米粉有冇味，重有杯凍啡竟然冇落花奶…查看更多

每個週未或假日，總會同囡囡去呢頭D屋企學琴。回程坐巴士，D巴士站係正餐廳門口。所以係度食嘢又望住D九巴app，見有就埋站，先至埋單就最好。除左地點外，囡囡好中意食佢地D楊州炒飯。飯粒炒得十分乾身。D餸料同飯比例剛剛好。即炒所以上枱時很香口，好味道。我今次就要左梅菜扣肉。呢樣係心機菜，要用多功夫去整。先講D梅菜，之前處理得十分好，泡過，吾會死咸或死甜，入口甘甜。D豬肉亦處理得十分好，D味好入。應該之前一晚已準備。蒸到D豬肥肉入口即溶，肥而不膩。例湯亦足料。整體感覺良好。大熱天時坐係冷氣等車，爽爆!…查看更多

好耐無寫過食評，加上轉咗嚟新公司半年有多，今日專程去office後面間翠河試吓。坐低之後，要試吓師傅功架，莫過於叫個即炒(唔係set lunch)嘅肉絲炒麵。炒麵一上㭘，香氣十足。火喉絕對嬴哂。食第一啖麵，口感一流👍。鬆脆程度啱啱好，完全無over cook嗰種燶味。麵身沒有過多油脂，做足隔油。豬肉絲ok啦，沒有肥豬肉👍食完一碟都無飽飽滯滯嘅感覺。😋總括嚟講: 讚👍惟獨有兩點可以改進:1. 加多少少冬菇絲，成碟麵會更香😊;2. 個芡汁生粉略嫌多咗d，凍咗後個芡會凝固一舊舊。…查看更多

放工返到屋企已經凌晨三四點，又咁啱知道🤴🏻剛剛起身，就相約六點去🤴🏻公司附近嘅翠河餐廳食早餐🥣！夜麻麻、凍凍地就想食返啲熱野暖暖身子🍲茶餐廳早餐例牌～～～沙嗲牛通粉+火腿煎蛋+蒜香多士（半份）～～～沙嗲牛肉細細舊好有牛味🤗🤗，湯底正常，通粉細細粒但唔夠入味！😶😶煎蛋🍳係流心蛋，煎到蛋邊唔燶但又可以整到好脆口！高招高招👍🏻👍🏻不過賣相就差咗少少😑😑茶餐廳熱奶茶就係要配返個港式厚邊杯黎飲先至夠貼地☕️，茶香濃郁🥰🥰🤴🏻就叫左～～～腸仔+五香肉丁+豬柳漢堡米線🍜～～～米線太‘淋’，湯底亦好淡，好彩豬柳漢堡煎得夠香，味道亦好濃，幫助返個湯底唔少！😋😋腸仔就正常煎得幾靚靚仔仔🙋🏻‍♂️🙋🏻‍♂️五香肉丁嘅特色就係‘柴口’同鹹，呢碗就做到，所以都唔知係讚定彈！如果食過好味嘅五香肉丁唔該介紹吓🙇🏻‍♀️🙇🏻‍♀️叫左杯熱阿華田，味道唔會太甜容易入口😁😁加$5配個奶油豬（半件）全餐最好味呢個😂😂，先塗上金黃色牛油再加多層煉奶，配埋熱辣辣又脆口嘅麵包底，好味到呢！😍😍服務方面一定要讚，門口寫明6:30開始營業🈺️，但我哋6:00去到都俾我哋先入去坐住等，唔使喺街邊食風💨💨！6:10已經幫我哋落單6:20就有得食啦，落單、上菜、收碟都一定會講早晨！唔該！非常有禮貌🤩🤩天空開始慢慢光啦，嘆完個靚早餐，🤴🏻就去返工，我就回家瞓覺啦🤣🤣…查看更多

由boy friend變成EX-boy friend係一個歷史性一刻，就喺呢個畫時代又富歷史性嘅一刻，就在我兩眼昏黑之前，say goodbye前幾多個鐘， 我就係一個人，喺呢間翠河餐廳食呢一個飯。喺呢間餐廳叫grand menu嘅飯係送湯嘅， 今日嘅呢個湯就係"木瓜豬肉湯"，呢個湯好鹹，好多油，成層油喺湯上面，我唔係咁喜歡呢個口感。涼瓜斑腩飯，話喺斑腩，但食得出梗係唔係斑腩，個芡汁打得好杰，個芡汁仲好大陣油味 ; 涼瓜得嗰幾片而且切得好薄，涼瓜冇涼瓜味 ; 魚肉好細嚿，而且好大陣雪藏味，食起上嚟硬掘掘，呢碟涼瓜斑腩飯係唔好食。 大丈夫何患無妻呢， goodbye就goodbye啦，我都唔會留戀妳。…查看更多

荃灣綠悠居翠河我叫了一個普通的飯茄汁雞扒漢堡扒飯，等了三十分鐘還未上餐，餐飲涷奶茶就在10分鐘內到左，而飯就未上餐，本人在十五分鐘後向翠河員工第一追追，他們好似不想做野一樣，他回覆我你的飯整緊，再等一等，三十分鐘後追第二次，我向著黑色背心的經理追，他有向廚房追，但過了四十分鐘還未見我的午餐到，最後夠鐘食唔到，俾了飲品錢就走了，下次唔好攪，我食的是午餐時間，食飯時間一小時，俾他攪彎曬，我提議大家在中午不要去此處午餐。…查看更多

今晚去左翠河食晚飯，貪佢唔使排隊鹹魚雞絲炒飯：雞絲無味，鹹魚粒細到食唔到鹹味，成碟飯好似唔記得落鹽咁，無味嫁干炒牛河：同炒飯一樣無咩味，而且好多油明明是日舖頭唔多客，但叫極都無人理我、同我落order。由於我坐得比較近廚房出菜位，我見到我啲食物做好左都唔上菜，反而由出菜位拎左去佢地嘅工作枱放左一陣先上比我，舖頭冷氣好大，搞到我嘅野食凍晒，變成微暖，唔係熱辣辣今次食得好嬲，服務同味道都欠奉，以后應該唔會再幫襯…查看更多

其實平時一個人食飯嘅話，我多數會選擇去食茶餐廳就算，起碼多啲同路人，一個人冇咁尷尬吖嘛！今日又係冇人陪嘅一日😊，去咗翠河食孤獨lunch🙂~~~~~~第一次食呢間嘅沙薑雞飯，其實質素都OK，$44 一個飯都接受到，起碼佢做到最基本嘅雞肉要嫩滑，沙薑要入味，咁先夠惹味！所以都相當送飯~~ 但啲配菜就麻麻哋，就咁白烚就算😂😂😂😂 同埋如果個飯係油飯，類似係海南雞嗰種，應該會仲吸引！🤤🤤🤤 …查看更多

過來探朋友，出門口趕時間未食早餐。呢到有時間，就揀佢啦屋企樓下翠河餐廳食早餐。餐牌選擇多，最後點左一個$29的三餸麵餐，有沙嗲牛肉，漢堡扒，煎蛋公仔麵加熱奶茶。沙嗲牛肉做得好入味，成個麵的湯底都好香，另外份量也不少，$29的早餐真的超值。…查看更多

同同事相約食早餐，因為公司附近可以食早餐的地方不多，所以就同同事試一試這間餐廳。原本以為會好貴，因為他的裝修也挺雅緻。但也不算太貴，也算合理的價格。我叫了一個吉列魚柳沙律，當中包括了魚柳﹑雜果沙律﹑牛乳炒滑蛋﹑及牛油多士。魚柳是脆脆的，是新鮮炸起，咬開仍然會出煙，原本以為炸的東西會等很久才來，或者很快就上，但已經是放涼了的。但仍然熱熱脆脆的，真令我感到驚喜! 而雜果沙律，沙津醬的份量剛剛好，不會太多太膩，亦不會太少以致沒有味道。同事則叫了蕃茄通粉，味道也是濃濃的，帶給他一個好開始呢!…查看更多

門口同餐牌冇寫新年加一，落單又冇講要加一 。埋單先話要加一，同經理講點解門口冇寫要加一，餐牌亦冇寫要加一，經理態度差話貼左係門口。我叫員工出去門口指比我睇，員工搵唔到，經理即刻叫員工入番店內無視我，經理既解釋係貼左張野，張野比風吹走左，咁on_既藉口都講得出。我同經理話門口冇寫要加一，餐牌冇寫要加一，埋單要加一，可以告佢，佢話唔怕我告，有50間分店叫我慢慢告。D野食好難食，員工態度好差，又會落錯單。…查看更多

求求其其食個lunch，就近既翠河餐廳去到放飯時間通常都幾多人下。—豉椒排骨炒河有冇人同藍妹一樣，習慣分開哂啲餸同料先食😂排骨份量尚可接受，幾林既，炒河油水充足，都夠汁，味道唔會淡。🙂…查看更多

今晚9點半一個人落去填肚。照計仲有成個鐘至收工，幾個女企堂、侍應已經拖緊地扮睇你唔到。好彩仲有個盡責小個子男企堂應我，落單叫咗咖喱雞飯。差不多十分鐘，咖哩雞飯來了，勁肚餓先在咖哩中拮咗舊薯仔食，跟住𢳂咗正中一小舊雞同咖哩汁落碟白飯。但開始感覺唔對路，喺碗咖哩汁中翻一翻，剩下的是五、六舊薯仔。叫個狀似女經理的高大師奶過嚟返映後，她回來說不如俾塊豬扒你啦（之前根本想矇混過骨），我答是但啦（無謂嘈啦）。我食咗嗰丁屎咁大舊雞就等豬扒補上....但15分鐘後都未有動靜，咖哩計都涷晒。谷鬼氣走，只見狀似女經理的高大師奶在收銀處執手袋，仲係收我原價$46！…查看更多