Green River Restaurant (Ping Yan Shopping Centre)

本身喺熟客，經常落去幫襯，但自從裝修後，Meun轉左，好似無加價但其實變左模式加你錢，叫個小菜要+$12先有飯同湯（之前係跟埋）。係咪即係只想招呼一大班叫幾碟餸又唔駛要咁多飯嘅家庭，咁一條友去食餐飯想叫個餸（本身好似係$7x)咁加錢要飯同湯就變成$9x！唔係比唔起，係性價比問題，覺得唔值者，$9x可以有更好嘅選擇，只係諗住食餐便飯，啲人話想平可以食午餐，但我唔係要平，係講值唔值，午餐$58有湯有熱飲，但啲餸係少得可憐，所以係唔值！！咁當然佢有權點加點改都得🤷🏻‍♀️所以我咪寧願去隔離一品囉。…Read More

今天來到屏山天水圍圖書館朝聖，期間覺得肚餓，於是便在附近搵食，走著便見到這個翠河。座位多，一個人也可以坐四人卡位，還可清楚看到美麗的圖書館呢～～我只是簡單點了雪菜肉絲米加凍檸樂，因為口痕才捨得加九元要特飲。凍檸樂先到，雪菜肉絲米久久未見，於是她立即幫忙跟單。之後另外有兩個職員跟我說抱歉，服務態度非常抵讚。雖然食物很普通，但由於坐得舒服，看書又可以滿足心靈，這餐下午茶感覺也不錯。最後發現很多踩單車的人會把單車泊在門口，然後便進來用膳，方便哦！…Read More

乾炒牛河 牛肉大大塊有10塊，鑊氣份量十足，就油左啲啲，收貨。 咖喱雞 估唔到佢薯仔出色過雞扒，薯仔軟硬適中，份量十足，飯同餸分開上。午餐跟例湯。凍檸茶今日水準也不錯，有茶香帶回甘。餐廳座位闊落，大玻璃座位視野開揚。…Read More

翠河餐廳全港有好多分店，應該好多人都食過.我本來對呢類集團式茶餐廳冇乜期望，純粹飽肚同夠快就得.今日嚟開屏欣苑食lunch，見附近一兩間食店都幾多人，見到呢間翠河空間大又多卡位，所以就入嚟醫肚.一坐低侍應已經放低咗碗西洋菜例湯（似乎人人都會送？）我叫咗個是日午餐：鮮魚湯豆腐海鮮泡飯。估唔到賣相又幾好！好多地方的海鮮湯飯只係比蝦毛仔、蟹柳再加兩三粒雪藏海鮮粒，但呢碗入面有兩隻大蝦、魷魚片、魚肉，仲有白菜仔同豆腐，份量都幾大碗，蝦同魷魚都算爽口亦唔梅，魚湯亦幾鮮甜，唔錯！$52有湯、有飯有熱飲，份量亦唔少，而且一個人都坐到卡位，舒舒服服唔駛夾硬要搭枱同人逼埋咁坐，我覺得以茶記來講完全對得起呢個價錢！…Read More

今日去天水圍探表弟咁我問佢有咩嘢好食啦佢就話其實都冇乜嘢好食咁呀唯有我隨便搵間茶餐廳喇。翠河喺香港都係一個老字號嘅茶餐廳香港亦都好多分店，價廉物美之外仲有好多選擇都係佢成功之處。每日都有唔同嘅精選套餐，我今日點咗佢個德國腸雞扒意粉表弟就點嗰個京都肉飯。我點知分嚟到我以為覺得個腸真係好大條原來同廚師香腸一樣都係咁細條冇特別，我即刻笑咗😂，係我幻想太多，味道還可啦都冇乜特別啲飽個肚就算表弟個京都肉飯還好，新鮮即煮嘅熱辣辣，味道大眾化差唔多冇乜特別，酸酸甜甜擺得落口囉😂既然冇乜特別點解要寫呢，咁其實我主要其實係想講下佢杯奶茶，奶茶係茶餐廳嘅靈魂，叫咗佢杯茶走係唔錯嘅，比大家樂好飲，飲到杯好飲嘅奶茶都可以去試下🤭環境質素🏚：❤️❤️❤️❤️🤍衛生程度🧽：❤️❤️❤️❤️❤️美味程度😋：❤️❤️❤️❤️🤍抵食指數🤩：❤️❤️❤️❤️❤️回頭指數🤩：❤️❤️❤️❤️🤍…Read More