Green River Restaurant (Closed)

星期日朝早間間餐廳都排隊，最後選擇翠河買早餐返屋企食。叫咗個沙嗲牛肉通粉餐，當我返到屋企打開個時，見到碗通粉D湯好滿，心諗咁多湯通粉一定好少，最後我倒咁D湯，真係比我估中，通粉加牛肉一半碗都冇，一半都冇，點食得飽呀😒😒😒，其實你地可唔可以比外賣最少比七成呀？大過份囉😑😑…Read More

是晚去左機場接老爺奶奶機番到大圍已經8點幾去左翠河晚餐，點左幾個餸點知好幾知都賣曬🤦🏻‍♀️菜就得番油麥菜不味道都算唔錯火候夠晚餐送既湯好好飲唔太似味精湯仲大大碗飲完都飽左1/3😆…Read More

今日早收工行過美林 睇到翠河覺得開張甘耐都無去試下第一次去翠河餐廳大圍美林分店。 8月26號中午11點22分。叫左一個G7 梅菜扣肉套餐。 過左一陣飯黎左。 先發現係凍飯。 完全係凍嘅。 梅菜又好少。 無咩味。 之後仲有一杯凍檸檬茶等到20分鐘先黎。飯都食完啦 杯野先黎。總體黎講第一次光顧貴分店總體好差。 無話可說啦:(:(:(:(…Read More

食物質素差 最差係飲品 服務 做水吧吾知咩叫茶走 冲出黎杯野好明顯表示冲果個人係發脾氣兼冇經驗 待應服務差 舉高手當睇你吾倒 尤其著黑背心恤衫嘅一男一女簡直不知所謂 男嘅只會講電話傾偈 女嘅做野冇程序扮醒 完全冇人管理 太求其 同旺角果間比相差好遠…Read More

星期日中午去食。頗多人。相公叫了肉餅飯，不過不失，薄薄地，咁上下。龍皇肉絲炒麵先絕，肉絲完全無味之餘個汁都無味。麵只係淥咗個麵，煎一下個麵餅.似撈麵。可能我孤陋寡聞，以為係炸過的肉絲炒麵。嗚。。…Read More

其實大圍市絕對是食店林立，但美林村和美城苑兩個屋苑的居民就只得美林商場6間食肆，因為今日唔係好想行，就諗住「是旦」去最近一間，即美林商場的6 間食店選一間，大家樂的是日精選不合意；正餐唔想食麥記；一個人冇理由去酒樓及中菜館，淨番一間西餐及翠河，最後喺沒選擇下去咗較多選擇的翠河茶餐廳，其實之前試過喺度食親都有唔愉快經歷，因為呢間嘢真係極度唔夠人手，好多時D嘢煮起好耐先送俾客人，試過碗即食麵係「糊」嘅，重點係永遠食物同飲品一齊叫，但總會係喺食到尾聲時先嚟杯嘢飲，我研究過呢個問題，應該係水吧唔夠人，所以好多時等到有咁上下ORDER先唔知喺邊度抽個人去沖嘢飲啩？？今日，見到場面冇乜人諗住冇咁大鑊，又實在唔係好舒服口啖啖想飲杯凍檸茶，於是入咗去……起碼六、七分鐘先叫到個侍應埋嚟，我要咗碟干燒伊麵同凍檸茶…侍應寫完就坎，我就又等咗5分鐘先搵到個侍應要杯水…等呀等…有個侍應拎住一盤例湯派俾我…但完全唔凍…湯的瘦肉黐住凍到變白色的肥膏，梗係唔飲啦…又等呀等…我碟干燒伊麵終於來了…奇怪嘞！個款咁似去「砍」完打包番屋企咁嘅款？熱都唔熱喎！搵隻叉new new佢，又有煙出喎！算……照食，但真係唔係熱，頂多算係暖，估計又係煮好擺好耐，出菜位對住冷氣風口，所以吹到凍晒先拎俾人食…啩？後來因為唔覺意落多咗辣椒醬，所以再搵侍應同我跟跟杯凍飲，但…最後我係食完埋單杯飲品都未出現過，算啦～最多以後唔去囉！無謂投訴了，因為根本都冇人俾我投訴…點知張單照有我杯飲品…我話我冇飲，收銀都肯幫我取消，但就唔可以用八達通埋單，原因係要等經理取消杯嘢飲單…omg…我諗住懶行，所以淨係袋張八達通就落街…好在後尾醒起自己習慣放張50蚊紙落電話套，否則我會勞氣到當場噴血………Read More

翠河餐廳是座落美林屋邨，前身是茶餐廳，不知道幾時翻新，今晚路過看見昔日茶餐廳，搖身一轉名號為翠河餐廳，餐廳環境光猛，服務良好，餐牌的選擇頗多，兩人晚飯楝了$58椒鹽鮮魷、$65芝士大蝦伊麵，兩款都可以改套餐+$9可跟白飯和熱飲。芝士大蝦伊麵，芝士汁很杰身比較糊口，稀身少少更好，芝士汁裏有少許洋蔥，如果加少許西蘭花或蕃茄伴碟更佳。大蝦嘛！有些誇大了，算中蝦大少少咁啦，新鮮度都尚可嘅！椒鹽鮮魷，很超迷你的鮮魷鬚，脆漿雖然很香脆，但就係妹仔大個主人婆，將就價錢，第一次見識鮮魷體型咁迷你，鮮魷口感尚可！餐飲是檸水和奶茶。人均消費$72，吃得夠飽，覺得食品有改進空間！…Read More

西炒飯 $45一黎到 一望 以為啲職員偷食左一半飯🙄個份量勁少！ 少得過分！一食落口 就咬到一大舊鹽 成個西炒飯都凍凍地😕 同埋冇咩味😐 又乾乾地應該放左好耐😐洋蔥豬扒拼漢堡扒意粉 $45正正常常 冇咩特別個洋蔥汁都係正常呢個餐算係好個個😂菜肉餃子牛腩湯米線 $45因為舖頭冇晒米線 就轉做米粉😐牛腩有3大舊 餃子有2隻餃子都okay😋但係個湯底完全冇腩汁🙄💀應該再吾會選擇連鎖餐廳😟又貴 食物質素吾值呢個價錢😟…Read More

翠河 - 這個名字不期然令人聯想起昔日馬王。今天隨隨便便找一間茶餐廳午餐，選了個$45午市套餐，咖哩雞飯配送熱飲一杯。價錢算是中等，店鋪裝修算是企理，當然味道沒有馬王的級數，但是以這個價格對比環境，食物味道，性價比高，值得推介。…Read More

今次係我第二次嚟美林食翠河餐廳，亦係第一次嚟翠河食晚飯。婆婆、媽咪同我一共叫咗三個小菜，每個小菜另加$9轉套餐 (有例湯/熱飲同白飯)。This is my second time to dine at Green River Restaurant at Mei Lam. And my first time to have dinner here.Grandma, mum and I ordered three dishes, each of us added $9 for the soup/hot drink and rice.味道 Taste：8.5環境 Environment：8服務 Service：8整體評分 Overall：8.2金銀蛋浸時菜，有兩款菜揀，我地揀咗菠菜。味道唔錯。Golden and silver eggs with spinach: golden eggs are salted eggs while silver eggs are preserved eggs. Not bad.菠蘿咕嚕肉，酸甜適中，送飯一流Sweet and sour pork: good balance of the sweet and sour taste, it stimulates our appetite. 仲有馬碲土魷蒸肉餅，份量比一段餐廳食到嘅大，味道亦都好得Steamed mince pork with water chestnut and squid: big size, the taste is also good.埋單每人$60都唔洗，非常超值！A total of $178, cheap but good value.…Read More

環境不錯，坐得舒適。點了兩客小菜，菠蘿京都雞翼，梅菜鯇魚，加9元有飯有湯或熱飲，冷飲加三元。說回食物，京都雞翼甜甜酸酸，味道近似生炒骨，份量中等，六件雞翼，加上洋蔥菠蘿，開胃之選。梅菜鯇魚，梅菜多，魚肉蒸得算嫩滑，從魚肉的嫩滑程度看得出蒸魚時間火喉控制得好，這是一般中餐廳，茶餐廳都做到的吧！湯沒飲不知，要了熱華田，和其他茶餐廳一樣。這餐價格和味道尚可。…Read More

周日黎食個早餐先出發去玩~叫左蕃茄薯仔湯早餐, 入面有蕃茄薯仔湯通粉配豬柳漢堡和蘑菇腸, 再有一塊蒜香牛油多士, 飲熱奶茶. 食物個樣都唔錯, 湯通粉入面都幾多粒蕃茄薯仔, 蘑菇腸我初時以為一條條既, 點知原來好似火腿咁一塊的, 味道都OK. 蕃茄薯仔湯湯底都好香蕃茄味, 幾濃郁唔錯的, 又唔會太過酸, 幾開胃, 做早餐不錯的. 通粉的軟硬度亦OK.蒜香牛油多士唔係脆既, 略嫌太林身, 不過食落係暖暖地, 而且蒜香味好夠. 還可以啦.熱奶茶味道就一般啦,  奶味唔夠香濃, 而且個糖樽實在太麻煩喇, 每次熱飲落糖都要"鄧"十幾下先得.....好心換返普通既砂糖"晏"或者一包包糖就算吧... …Read More

叫左豬扒包+瑞士雞翼下午茶餐 ($30), 份餐黎到後有點驚喜, 因為比想像中要大份~ 有切開兩邊都幾大件既豬扒包 再加兩隻瑞士雞翼全翼....$30都幾抵食!! 至於味道, 豬扒包塊包都幾鬆軟, 唔係太乾太硬, 入面有D沙律醬同生菜, 有D似公司治既感覺! 塊豬扒都幾淋身幾juicy!瑞士雞翼色水幾靚, 不過就唔算好入味~ 只有雞翼塊皮有瑞士汁味! 但呢個餐整體來說都算唔錯, 性價比OK!…Read More

D野洗得唔乾淨，我叫咗碟乾炒牛河食落去得浸窿味，之前有食過其他嘢味道都係嘛嘛，之前食個早餐嗌咗佢幾次，結果都係等左成個幾鐘先到，甚至叫咗幾個唔同嘅服務員態度都係一樣…Read More

經過呢間新開的翠河覺得d裝修幾好，座位好舒服，又見到唔少人食五香肉丁公仔麵( my favourite ) 就入去試下，叫咗下午茶五香肉丁面有半個豬仔包,好香脆！ 個面好夠熱，算唔錯，凍檸茶都幾好飲。呢度d waiter 的服務態度係幾好，尤其個女主管( 應該係) 我一叫她攞叉立刻笑容滿面，熱情地攞咗俾我，呢種工作態度我十分欣賞~ 總括而言環境好，地方又幾乾淨,下次會再黎食！…Read More