Ha-Ne-Sushi (Closed)

係旺角做完D野想搵野食下就近近地搵間野食下啦一望就望到羽壽司，照去啦唔諗啦其實佢既位置就幾方便但上去個門口其實唔係好正上到去又唔係易搵，所以都無咩人坐係度是但點左D野食下啦忘記左咩手卷...飯太軟身，平平無奇柚子牛仔骨 - 好油......肉好韌三文魚刺身 - 最可以接受亦都最難唔好食好少俾喊喊，不過香港就係會有呢D餐廳，唔明白點解佢仲可以生存相反係日本食飯真係可以唔駛諗，去咩餐廳都好都唔怕唔好食，對自己既要求好高唔好想彈自己本地人，不過呢個文化應該要學習一下，自己食得落先食得落人…Read More

27/5/2014 Tue男友接放工，然後出旺角dinner ;一早plan咗用埋 "羽壽司" 張$50 coupon, 月尾到期 ;7點幾入座，安排近走廊的window seat卡位，餐廳大概6成滿座，我地可以靜靜地享用晚餐;兩個人點左個SET A 晚市套餐+另點小食SET A - $78 : 壽司拼盆(指定)、章魚丸、叉燒手打烏冬 (自選)壽司拼盆不過不失叉燒手打烏冬好細碗，湯底夠味，烏冬都算彈牙，叉燒偏廋~卷物天婦羅一口甜薯 $24入口夠熱， 蕃薯甜甜地，可以食多幾個~帆立貝蟹柳PIZZA $43材料豐富，口感唔錯~黃金焗青口 $28幼滑既蒜蓉，香噴噴~…Read More

平時見就見得多依間羽壽司喇,不過咁多間咩壽司,就真係未去過依間,仲記得之前銅鑼灣有一間,不過都係未試過,所以今次就決定一試,因為都好少黎依邊,見到又唔洗等位,可能係下午茶時間喇,所以無咩人係裹面食野,平時應該唔會咁靜既,所以就入左去喇,我自己就叫左幾個壽司,因為都算太餓,炙燒三文魚壽司,真係正既,夠大件,又唔會話大得好過份,而且有D地方會燒得有陣怪味,佢就無,不過舊三文魚就唔係好夠厚,不過味道都係好鮮,另外就係蟹棒壽司,呢個真係有D嚇親我上黎既時間,佢舊蟹棒真係大得傻傻地,真係應該無地方有佢咁大件,而且唔會太粉咁蟹棒,真係啖啖都係蟹味,值得推介。之後食多個手卷,都唔算太好,又唔係太差,正常水平喇。比起出面黎講我覺得佢算唔錯。…Read More

簡直係不知所謂！尋日同幾個fd去羽食野，最激氣既就係距地黎既唔係我地order既野，我地唔知，食左。到埋單果時發覺多左好多野原來我地食左我地無order既野，個經理靜鷄鷄甘入翻翻又唔同我地講！我覺得個經理好無恥，簡直不知所謂，我地食左我地會比錢，只係唔底得個經理點解靜鷄鷄甘入落我地條數？！！之後隔離果檯人同我地講，果d壽司係距地order既，但係落錯檯，而羽壽司竟然無幫距地cancel翻，。之後距地同羽吵先可以cancel！我真係成肚氣，發誓以後唔會再去羽食野！…Read More

食評睇就睇過好多, 今晚我忍唔住要寫, 因為真係不吐不快!!!今晚本來諗住同老公去食元氣, 但經過旺角銀行中心羽壽司時, 我諗起幾年前係CWB食過(已經結業), 質素唔錯. 所以我提義食羽壽司. 一行門口唔洗等位, 因為入面好少人.我地叫左半打生蠔, 做緊特價$78.味道不過不失, $78的價錢可以接受食完生蠔, 再來就是食雞肉串蕃茄烏冬, 我們第一個失望及O 咀. $56外觀看似好有蕃茄味, 但一試D湯, 不但一D蕃茄味都冇. 放左幾分鐘後D烏冬開始變冧, D湯已經唔係水狀而係似羹. 雞肉就係直接係串燒拆出黎. 可能用難食形容!!!! :(仲要係湯入面搵到一小塊由其他碗跌出黎ge碎片. (可惜冇影低).食壽司又點可以唔叫刺身, 我們order 左:黃鰭吞拿魚刺身 $45, 油甘魚刺身 $55, 三文魚刺身 $45極度不新鮮, 連其本ge鮮味都冇. 最過份的是: 三文魚刺身已經開始唔係一整塊, 用筷子一夾差不多散. 係白色位置裂開.三文魚刺身如此恐怖, 花之戀壽司也同一命運. 難食呀!其他order 就冇咩特別唔算好食, 但也不會令人反感.今餐total $412雖然我同老公都未算好飽, 但也不再order其他食物. 同店員反應, 佢好有禮貌道歉同多謝我地ge意見, 更offer 全單9折畀我地. 但張單出黎, 只減$29. (但唔計加一, 我地食左$401.) 問店員, 佢地話有d冇得9折. 真係O咀到爆. 唔想晒氣同佢地理論, 埋單走人. 以後都唔會再食羽壽司!!!!…Read More