Ha-Ne-Sushi (Closed)

夜晚上完堂，餓餓地，就求其入間食肆醫肚，勢估唔到會中晒伏炭燒雞肉串正正常常，係冇炭燒風味。典型雪藏雞肉串咁味。燉蛋:)正正常常。隻匙羹會係題外話/補充資料度有另外故仔。豬軟骨拉麵和海鮮拉麵雖然響壽司舖叫拉麵係有D怪，但碗拉麵都唔致於難食成咁呀嘛!?淋bat bat冇咬口，味精湯底，自己煮仲好食過佢。雞軟骨餃子:):)依個好少少，炸得都香脆。柑桔檸蜜真係冇蜜糖甜香，冇檸檬清新，連柑同桔嘅味都係有D奇怪。總之奇怪!!…查看更多

同老婆仔買完傢俬電器就過隔離羽壽司開飯！門口要等位，冇問題！因為老婆仔鐘意食三文魚剌身，等！5分鐘入得，仲係卡位，正！立刻叫三文魚刺身先，因為買一送一！突然睇到迴轉帶有D得意壽司，我就攞碟試試，都幾好味，顔色又靚！仲有叫左三文魚海鮮炒飯，炒得好香！總括樣樣都好新鮮，好好食！落到新蒲崗有多個選擇！…查看更多

天朗氣清之下無端落大雨被困新蒲崗，遲曬大到之下唯有放飛機，已經係late嘅lunch自行解決，被困之下已經冇咩選擇，求其入一間當避雨。叫咗個set lunch，有烏冬／刺身／三文魚手卷同飲品。烏冬唔掂，湯底唔得，叉燒好硬，手卷又係唔得，紫菜已經腍晒，咬唔開，三文魚好細舊，裝住手卷嘅木架甩皮甩骨，好核突。刺身就ok，但刺身新鮮就得，冇咩特別。全set野食完都好似冇咩落肚，收60幾蚊係唔抵食。…查看更多

岩岩見到做promotion~~~即刻去食....泊係附近既咪銀, 7點幾都好多位...一行入去...e? 冇咩人wor~~正!坐bar台, 睇到d師傅點整! 好多人叫火鍋...不過我地冇叫...淨係叫左醬汁燒三文魚壽司~~冇影相...因為太好味~一黎到就即食....外熱內凍...d醬汁岩岩好~唔怕咸, 甜甜地~~我覺得係呢個羽壽司最好食既野~~之後再叫左燒三文魚骨腩...$20~~(有相)嘩...好大碟...兩個人每人兩大件.........味道一般啦....乾左d, 但係如果大食既就岩晒!三文魚壽司ok, 好肥味~又大塊...軟殼蟹手卷有好有唔好~~唔夠熱...只係暖暖地...如果熱辣辣就perfect但ok好食架d味~~好多肉~~紫菜都ok~~仲係脆唔係淋~~另外食左劍魚腩壽司...一般般...好少壽司店好食因為唔夠新鮮~~冇咩味~~~…查看更多

我同朋友去,我俾佢宣傳特別平食物吸引..同朋友去試下...首先講一下食物既水準,朋友叫左個鰻魚炒飯,一拎到出黎已經嗅到好香,急不及待咁不左一碗黎食,好正好好味,而且幾大碟!同朋友都食到Lum LUM利佢d炸墨魚咀.幾好味.大家可以一試^^皇帝蟹柳,好大絛!!加上本人好中意食蟹柳,覺得好好味.自己食完一客再order多一客黎食,正!!仲有其他壽司都唔錯!!原條大海鰻，真係大條，又抵食!!!蟹子沙律不錯,而令我最難忘既係刺身盛同燒三文魚頭個刺身好令 個三文魚頭就好香 正~~而且d服務員d服務都好好~仲有""珍珠蠔壽司"",$20, 又大又鮮,包你食過番噚味..by the way,環境不錯，坐得幾舒服~d服務生都有禮貌，值得一讚個晚真係過得好開心, service又好, 食物又ok, 我地會再唻食. …查看更多