義香荳腐食品

Open Now

Now Closed

已經食過好多次，今日帶埋媽咪嚟食❤️今日下晝三點幾都差唔多坐滿晒，可能因為今日30幾度嘅關係，個阿姐都好好火，我哋叫遲少少個豆腐花，你都感受到嗰種壓力。不過為咗唔好影響自己食豆腐花嘅心情，就加多啲體諒啦。 我哋叫咗兩個熱豆腐花，同埋一個雜果芒果豆腐花，豆腐花其實都真係幾好食，因為比較實在啲，唔會咁稀,有獨特嘅豆香味😋 另外，我覺得最好食就係個魚蛋同埋個煎豆腐，所以最後order都買咗魚蛋同埋煎豆腐返屋企當加餸，個魚蛋又彈牙又新鮮，都真係幾值得食。

最近喺網上睇到義香今年九月因為重建要清拆，聽咗咁多年都未食過，終於嚟試一次！一向好鍾意豆漿豆腐花嘅我，呢間真係好正老闆娘好得意，好有禮貌🥰叫咗個水晶珠雜果豆腐花、綠豆豆腐花、煎釀豆腐，黃糖加白糖自己落，最鍾意想甜啲就落多啲，人大咗想食原味豆腐花，呢個真係好香。但最令我驚喜嘅係佢哋煎釀豆腐，個豆腐真係好好食！好大粒豆味好濃郁！同埋好平呀 先$11希望我仲有時間會過嚟幫襯佢多一次或幾次，再買個腐乳送俾屋企人食

今天去了九龍城也是要去這一間必去的豆腐店-義香豆腐店。因為聽說他好像是做到這個月，所以現在我去九龍城就一定回去吃一下，也順便買一些外賣。這次單純買了一些外賣。豆腐花：還是很香濃的，都會加上一些焦糖味青椒三寶：他的魚肉很有彈性，再加上豆腐的濃味非常的好吃豆腐：買回家煮了酸辣湯，用這個豆腐真的是非常紮實，也特別彈性又濃的豆味把整個湯的層次都增加。黑豆漿：這個黑豆漿是我喝過最香濃又好喝的。希望他可以繼續開，讓我有機會繼續吃那麼好吃的豆腐

【2024 年 10 月】去開九龍城都會嚟飲杯豆漿食碗豆腐花隨著九龍城區嘅重建 ...唔知呢啲老店又做到幾時 ...趁仲有得食就要好好珍惜啦 ~~義香豆腐食品係九龍城僅存嘅豆腐廠前舖後工場，開了近三十多年嘅老字號豆品廠豆品係每日現磨現做架豆腐花豆味香濃又嫩滑豆漿除了豆香仲帶點微微焦香味仲有青椒三寶也係必食，啱啱煎好熱騰騰最好食最鍾意煎釀豆腐外面脆脆地又夠豆味食完仲會買啲豆品返去 ~~** 以上分享是以我的口味、體質和情況作出分享及感受，一試 / 合用與否請自行決定

九龍城義香 一 帶樓宇將被收購重建，義香呢類傳統豆品店將買少見少。 行開九龍城，去幫襯吓，感受老鋪情懷、風味和順道見吓老闆鳳姐嘅風采。熱豆腐花$10豆腐花嫩滑，灑上黃糖，比較配用糖水嘅豆花，口感更豐富。如豆味在濃郁些，就更完美囉！煎釀豆腐$11豆腐紮實，豆味比豆腐花濃郁，煎得香脆內軟，讓上新鮮魚肉，美味可口，真的不錯！最後，外賣了一支無糖豆漿$15，豆味尚算濃郁順滑，特別之處，豆漿大一點點，柴火蕉香味，皮特別。整體來說，價錢合理，味道不錯，如有興趣幫襯要把握機會囉。

然後我又走過去了，義香豆腐店，繼續買我的外賣，這是我第三次來這間店買外賣吃🥳🥳🥳🥳🥳🥳說實在這一間店的豆類產品真的是做得比較出色,知道他們即將會關閉，所以我想說就多來幾次.這一次買了豆腐皮回家煮湯麵可以配來吃,跟外面的豆腐比起比起來，這一家是特別好吃豆味好香好濃喔,再來就是豆腐花跟豆漿,他們家的這兩款產品，因為有加一些焦糖的元素，所以會有一個焦糖味,我覺得特別的回香，超愛。結尾我在叫了一個青椒三寶，豆腐真的是炸的特別脆，再加上我要求多甜汁，味道真的很好很紮實的魚肉碎，好吃。

行開九龍城，好幸運，今天泊到錶位。在周圍行吓，去到這老店，不約而同地停吓及見到唔多人有位添，老闆娘話有位就入去吧！因已差不多下午4點半，吃吃馳名豆腐花就滿足！熱豆腐花熱騰騰加上黃糖，好滑，有豆味，大滿足食完就走等老店多做生意。坐上客有叫三寶、豆腐花雙拼、紅豆豆腐花、豆漿等等。老闆及店內幫手的人習慣大聲招待，配合老店沒裝修，另有一番懷舊的風味。也有柔和的一面：有學生小女孩在門外等候，老闆娘柔和叫她們入面坐，好似已習慣老店的文化😅

這次又來九龍城，因為要幫媽媽買一些泰國食物的材料，我就順便去了義香豆腐店吃下午茶。青椒三寶：釀豆腐好濃的豆腐味、釀青椒小小的辣味我喜歡、釀茄子他們把魚打得很有彈性，所以吃下去口感非常得好。凍豆漿：還是一樣很濃的豆味、跟陳陣焦糖味很好喝魚翅羹：很多的魚滑及海鮮味，非常鮮美紅豆豆腐花：他的紅豆非常的不甜又很沙，加上很濃豆味的豆腐花、配走的時候我又買了一包他們手工做的生根、打算回家吃麵來配，跟市面上的豆跟很不同，他的是厚實。

今天去了期待已久的九龍城義香豆腐食店，因為之前看到報導，他們可能會不做了，我自己也從來都沒有吃吃過，所以今天特別走路過來買外賣。買了一支黑豆漿，好濃的豆漿味還有一種焦糖味在，好喝又特別。還有買了青椒三寶，我覺得這個魚漿應該是他們自己打的吧很有彈性、還有他的豆腐真的是很新鮮，又特別有彈性，我在香港很少吃過那麼好吃的豆腐。熱豆腐花，他們的豆腐花是比較實，沒有像外面那麼桸，他是屬於比較綿密的，再加上那個焦糖味有點像台灣的豆花。我還買了魚皮回家配湯飯，他的魚皮真的是特別好吃，味道，調得好好，希望他可以開久一點，我有機會可以再過來買。

食物質素唔錯，尤其豆品，但堂食炸物味度普通，其實可以外賣豆品店食品，老闆老闆娘好多時鬧d客人，俾錢慢，食完唔早啲離開，阻住做生意，以前我只買豆漿，發現唔到這店對客問題

必須講 剷青咗短頭髮女店員態度嚇親我😅惡過訓導主任咁嘅款 嗌嘢好似嗌慢啲都有錯咁😌🙂‍↔️嚇親嚇親 不過又咁講，都係另一番風味嘅 鍾唔鍾意/習唔習慣就因人而異炸釀豆腐$11豆腐好好食😋😋腸仔三寶 $22最鍾意食粒魚蛋，好實淨好彈牙 其他就正常發揮豆腐花 $11🤗😋😋豆腐花豆味濃郁，好好食😍🤩😬👍豆味好重，好新鮮嘅感覺，唔係山水豆腐花嗰隻清甜，真係好重黃豆味，滑捋捋係基本，質地比較實淨，有一種好踏實嘅感覺🤣😄餐牌店內環境係懷舊老店😊簡單一餐又報告完畢啦🤭

搵位度：🌟🌟🌟抵食度：🌟🌟🌟🌟🌟好食度：🌟🌟🌟🌟其實住喺九龍城嘅街坊都知呀，呢間最緊要就係買佢嘅豆粉煮餸啊打邊爐簡直係一流，堂食小食，只不過係佢嘅副線。我自己打邊爐一般會買一磚$5豆腐，再加一盒廿零蚊嘅腐竹，真係好食啲。講返堂食，講緊仲係$10嘅價錢，講到好食到有幾飛天都係呃人，每次我去都會嗌釀豆腐同埋豆腐花，釀豆腐屬於接近臭豆腐嘅質地，的確係其他地方食唔到，加埋佢嘅辣醬真係龍城好滋味。可惜收到風，由於舊樓清拆，佢去到2025年過年前就會執笠，希望佢可以喺第二度重開啦，不過之前聽過啲YouTube嘅訪問佢就未必會。

很久沒寫食評，只想簡單告訴大家及店家，不要以為老店就一定要光顧，或店家本身自以為老店客人就自動送上門。我也是從舊機場工作看著九龍城變天的其中一員。。。已好久沒來，服務態度一絕差，食物質素愈來愈差，當天入店叫熱豆花話無，要就兩點後先黎(語氣當然麻麻)我平常理解通常熱就一定有，凍就可能雪唔切。。我當時就像乞求一碗豆花一樣，既然行入去就算啦要碗凍豆花再加碟釀豆腐，凍豆花不知道是不是前一日已雪，已死實實，豆腐也死實實，兩樣都沒有豆味，一般豆腐攤檔的豆腐和豆腐花也比它香。我觀察到其他客人都好不了，點小吃被呼喝。其實，九龍城和深水埗很近的，我寧願去光顧深水埗那家老店。難道店家不知道現在社交媒體網站也是可以作為參考指標?店家不想做可以直接關掉，不用苦了自己，也苦了客人。

久唔久有幫襯買豆腐但好少堂食，知道就拆就想堂食感受下老舖情懷。店員依舊都係大聲但正常，特別係老闆娘態度好好，以前都有聽過佢地同啲客粗聲粗氣，可能人多心急，但依家好有禮貌又客氣。有客人要凍豆花遲左叫“走糖”老闆娘即刻話“唔緊要，換過碗” 。 有嘢食遲左少少上枱“唔好意思，慢慢食”。外賣豆漿既人一定提佢地“唔好過夜，飲得哂先買”。豆漿有焦香味，唔係間間豆花舖都有，唔接受到既人就可能會唔鍾意有陣燶味，呢啲係特色。

d 店員服務態度超差，好聲好氣問嘢，無端端換來一肚氣～雖然豆漿同豆腐花都幾好味，但咁樣態度真係唔會再有下次!!!好食豆製品又唔係只有呢一間，如果係要去食要做好準備接受惡劣態度！😡😡