美孚冰室 (Closed)

快食個即炒乾炒牛河下午茶只需$40，加埋凍飮$2，共$42上枱鑊氣夠，聞都聞到陣味，估佢唔到咁多片牛肉，河粉係幼果款，好似特別嫩滑，韮王，蔥同洋蔥少不得！仲有其他下午茶選擇，平日下午二時起，星期六日公眾假期就2:30pm才開始下午茶時間…Read More

係荔枝角游完水，沖完涼行出去已經濕曬， 返屋企嘅巴士仲要等成廿分鐘， 不如去茶記坐下。今日揀咗呢間美孚冰室， 座位寬敞 ，重點係開冷氣外， 仲有強力嘅風扇吹住 ，喺35度嘅高溫真係透心涼。今日叫咗芝士火腿扒多士 ，材料好簡單，但食落去充滿住牛油香味 ，芝士都好厚下 ，咬完一啖好似有拉絲嘅感覺，唔錯。唯獨有樓面姐姐態度唔友善， 就畀我扣咗啲分。 事緣人哋一個女人， 帶住兩個細路入座， 細佬推開咗門後冇閂好， 就畀樓面阿姐不停鬧…… 好小事啫 :(做咩搞到成埸人望住啫，行多一小步，大家就可以 輕輕鬆鬆嘆下午茶。…Read More

香港地，乜都要快，工作要快，行要快，連食飯都要快，口頭禪就是「趕時間」，所以港式茶餐廳、冰室越開越多，提供快、靚、正之選擇！美孚呢間冰室，早午晚餐都好多選擇，今晚去幫襯佢食小菜。椒鹽鮮魷，都炸得好惹味，夠乾身，咸味適中，份量十足，可以送二碗白飯，好滿足喔⋯⋯👍🏻👍🏻👍🏻檸檬🍋雞，酸酸甜甜，超級開胃，口水自然咁係口腔流出，雞肉好嫰滑，我和朋友每人都食左二碗白飯😂整體來說，不過不失，美孚呢邊都唔算貴，勝在方便，快捷👍🏻…Read More

打電話叫外賣，閒日三點下午茶時段，仲要係美孚，照計都唔係好忙，但聽電話個阿姐語氣就好差。落單時好似唔想接單咁，佢問係咪自取，我話『送上樓。』阿姐突然一句『我鬼知你住邊咩！』吓，你又冇問我又未講喎。後來又話『咁你想點？我唔係喺到同你打牙骹㗎！』我先好奇到底佢想點，唔想做外賣咪收起個電話囉，好簡單啫。外賣送到上來個外賣又唔包好，交收時兩杯飲品就係外賣佬手中跌晒落地⋯⋯唯一要讚係外賣杯個蓋蓋得好實。最後叫阿姐畀張外賣紙都係冇畀，可能佢地其實唔係好恨接外賣單。…Read More

今日lunch 食咗個D 餐焗葡國雞飯，跟餐有湯及餐茶，點解要來依間食個飯呢?因為呢間餐廳焗嘅飯， 焗出嚟嘅飯仲系好濕潤，唔會學其他餐廳，啲飯局都乾爭爭D餸鋪滿晒全個碟面，十分足料嫁…Read More

發現新大陸，一直以為係美孚搵早餐食選擇很有限，不外乎連鎖快餐店。不為以間發現有間不太起眼的美孚冰室，厭倦了沒新意又機械或的ＡＢＣ餐，好的，就讓我們重拾本地茶餐廳情懷！愛人點了火腿奄列，沙嗲牛肉公仔麵，熱奶茶；我則點了最基本的早餐，腸仔太陽蛋，火腿通粉；熱檸茶。沒想過整份早餐這麼優質，比很多同類或連鎖店做得好！我最愛那個太陽蛋，蛋黃新鮮香滑，蛋白滑不留口！多士略嫌燙得過火了點，但是還可以接受的。真開心，我們又多一個早餐好選擇！…Read More

搬進來美孚好幾年了，一直都沒有試過這家茶餐廳，這天剛好有空就過來一試~下午茶時段，客人還算多，想了一會就點了乾炒牛河和炸雞比沙律兩個茶餐，再加一個午餐的焗豬扒飯乾炒牛河在我們點單後不到兩分鐘就極速上枱，還沒吃就已經心知不妙，一吃之下果然是只有微暖的，明顯是一早整定，河粉死實沒有口感應該是放過雪櫃，牛肉經過過分化學處理，毫無味道可言，是我今年吃過最差的炒牛河接著是雞比沙律，沙律以大粒薯仔為主，沒有亮點，雞比夠脆但炸得很乾，令人難以咀嚼最後是焗豬扒飯，汁是一般正常茄燴汁，但茄味欠奉，豬排只有正常大小一塊，這可是四十二蚊的正價午餐哦，其他茶餐廳一般都有一塊半到兩塊的份量，豬排同樣也有過分化學處理的問題，唯飯的份量是足夠的回家的路上，不斷被家人責備，說為什麼帶他們來這兒吃…Read More

第一次到美孚冰室食下午茶我叫了＄29的炸脾薯條炸脾超大個 又超好味十分多肉又汁 而且真是淡淡肉又十分厚肉起正雞油都有小小 可以令到肉汁更滑更鮮甜 薯條我覺得就多油多啲 應該要比啲隔油紙放係薯條底但都十分好味一來到時很熱所以可以先食炸脾但味道等都不錯 而凍檸水都不錯檸檬不怕太酸…Read More

係美孚食Lunch已經別無他選，又要平，又要快，就只可以選擇美孚冰室。係餐廳裡面，完全係美孚打工仔的食堂。通常我都會叫米線，因為價錢比較平，$30就有一碗，如果加埋飲品就要$37, Lunch黎講都算抵食。我今次就叫左“味菜豬肚米線”，米線可選擇大中小辣，而我怕辣，所以要唔辣。而米線仲會有配菜，如： 肉碎、芽菜、芫茜、蔥及辣酸菜（要辣米線先會有，就算唔辣米線，而你想要的話都可以叫酸菜令上的。）我覺得“味菜豬肚米線”的湯味道唔算好濃，而米線都煮得唔軟唔硬岩岩好，豬肚都好入味同有咬感，Lunch黎講算係抵食之選。…Read More

今日同幾个兄弟飲下午茶，行過呢間巴林茶餐廳，入去坐低叫左冬可力，鸡比薯條,可力來到冇x洒冰,鸡比反炸到好難食，冇洒胃口，點可以咁難食，比都唔會有下次！！！！！！…Read More

美孚冰室似乎大部份時間都在服務現正囚着許仕仁郭炳江的荔枝角收押所，所以幫襯前要好好準備被呼喝被飛單，有時在受氣時想想付錢還要比階下囚待遇更差，真箇哭笑不得。沒放棄他因為這裡的豬膶米線很美味，中辣已足夠你辣得滿面淚痕，湯是用豬骨敖，濃鮮，咸酸菜芽菜葱芫茜夾着米線吃，啖啖爽脆，七八片不小的起沙膶淥得嫩滑，外賣湯必分上，是對食物質素有堅持，我每次也把湯都渴光，碗底一大堆辣椒子，熱呼呼，十分滋味。…Read More

拜年拜到黎美孚, 唔知點解妹妹話要食下美孚冰室, 由於唔識路, 都兜來兜去搵左一大輪先去倒.下午茶都有不少款式, 標價亦唔算好貴... 之不過侍應話新春期間每個餐要加三元囉:(我叫了一個煎餃子沙律, 女友吃炸雞脾薯條, 妹妹則叫了西多士. 妹妹的西多士先來, 多士夠厚, 色澤均勻, 牛油一大片, 看來不錯, 比較差的地方是糖漿竟已預先落到包面和碟子上, 西多士最重要的一部份就這樣沒有了. 妹妹把它切開後我也嘗了一口, 味道真的讓人大跌眼鏡, 首先多士不夠熱, 花生醬很少, 糖漿味道很怪, 稀稀的沒甚麼甜味, 我吃了一件便不想再踫了.女友的炸雞脾炸得太燶, 外皮黑黑的實在不能吃, 幸好去皮後的雞肉還算可以, 不過部份薯條就炸得太乾了, 感覺像在吃薯片一樣. 至於我的餃子沙律, 則等了很久才送來, 更差的是送上來的竟是餃子薯條... 但我也不敢說要換, 只怕不知又要等多久呢. 餃子味道一般, 是熱呼呼的, 我的薯條則炸得比較好, 當中大半也是脹脹的, 有薯味. 特別一提這裡的茄醬, 是舊式快餐店那種, 酸味比較濃的, 可吃出懷舊的滋味呢.…Read More

每一次準備出發去旅行，總會決定在美孚留宿一天，而晚上就不煮飯了，一家人輕鬆地在美孚找一家茶餐廳，把這個晚上的一餐了結。我們選了《美孚冰室》，因為其套餐算得上是經濟實惠，而環境寬闊，以屋苑內的茶餐廳計，《美孚冰室》算是一間坐得夠舒服的。我們雖然只叫了三個小菜套餐，但湯就照人頭分配。是豬骨雞腳煲鱆魚，味道十分之濃郁，不過一飲就知道，鹽、味道同蜜棗都落重了，完全是傳統茶餐廳的弊病。我們一家人都是愛味濃的，食小菜，點都要一味濃郁的，於是就點下一個牛腩煲，紅白蘿蔔、腐竹、牛腩、牛筋齊集於一煲，而且落足了柱候醬，牛腩、牛筋入味，尤其是筋入口時已經可以說是軟綿綿，再者汁夠多，鍋夠熱，是送飯食的美物之一。餐牌上有滑蛋蝦球，亦有大蝦炒蛋，兩者有什麼分別，店員說一個是炒半熟滑蛋，另一個是全熟炒蛋，因為要給小孩食，我們要了大蝦炒蛋 (全熟)。蛋雖然全熟，但並沒有炒過老的感覺，而且全熟的炒蛋，味道甚香，更好的就是蝦肉新鮮爽口，頗有水準。鱆魚煎肉餅，在茶餐廳食小菜晚飯，不知為何，總會點上肉餅這一類很容易在家自製的東西。但奈何地，茶餐廳的出品，永遠做得比自家製的美味，也許味道落得比較濃吧。再者，他們也把鱆魚找成肉泥，令到豬肉餅多了一雒膠質的煙韌感，這一種感覺是家庭肉餅少有見到的。南乳粗齋煲，料是用足的，全蔬食的煲，完全符合了粗齋的原意。菇香，菜香，粉絲也夠香口，惟是南乳味不夠。不過，很香是沒有錯的，但庶何吃入口又不夠南乳味呢?飯後，又來一人一糖水。這糖水時椰汁西米露，但當中加入了南瓜，感覺到份外的甜，而且這糖水絕對不是稀水一碗，充滿了西米，而且是熱的，令本想飯後去轉角的糖水舖食甜品的我們，立即取消了念頭。街坊式的小菜，家庭式的口味，這一種飲食感覺，向來都好受那些回到家也未必有飯開的人歡迎。輕便的一個晚飯，吃飽才回家，是都市人的生活啊。…Read More

到美孚到處逛逛，找到了這間冰室叫午餐焗豬扒飯，想不到竟有意外驚喜！豬扒十分入味，加上大量芝士，炒飯乾爽，環境尚且可以上菜速度算快焗飯只等10 分鐘左右如果再到美孚會再次光臨 …Read More

美孚區都已經有唔少茶記，集團式經營有金裝燉奶佬、太興 ，其他嘅仲有味味佳、金龍泉、荔苑、金利銀輝、味小館、美味小廚……，不過以一個美孚新村咁大型屋苑，加埋周圍嘅屋村私樓，只以間茶記嘅出品唔差，生意絕對有得做:)，就好似依間隱身晌村內嘅街坊茶記「美孚冰室 」，感覺咩時候嚟都有唔少人，星期六、日唔使講就更加旺。又喺兩公婆懶煮落嚟食早餐嘅日子，雖然多客，但茶記勝在搵位唔使講規矩，隨意搭枱。枱面玻璃下一大張A4紙印備所有早餐款式，精美早餐、出前一丁麵餐、美式扒餐、三文治餐……等等，我哋就瞄準精美早餐部份，分A-G其7款，款款$24包啡茶。（B餐）雪菜肉絲米粉配餐肉煎蛋本來老婆叫咗G餐（是日靚粥配煎蘿蔔糕 / 炒粉麵），點知咁快買晒，改要B餐嘅雪菜肉絲米粉配餐肉煎蛋，另配烘厚多士半件。雪菜肉絲米粉，雪菜唔多，點知肉絲更少，湯頭「清淡」:(；厚多士搽牛油「求其」，煎蛋唔喺滑蛋亦唔喺荷包蛋，煎到好似塊蛋皮，加埋薄薄半塊餐肉，但求快手，屬於好無要求嘅水平，味道好一般。最好，可能喺杯熱檸水同奶茶。（F餐）牛尾湯螺絲粉配腸仔煎蛋比起個雪菜肉絲米粉，個牛尾湯螺絲粉自然嚟得濃味，加上加入唔少甘筍、洋蔥、西芹……等等，味道調校得酸酸香香，螺絲粉亦煮得差唔多，幾好食；腸仔煎蛋，前者無過鹹毛病，而後者嚟到見佢個蛋漿已溜走晒出嚟，所以搵件多士沾蛋漿嚟食，一樣咁好味，又唔使嘥嘢。西餐廳餐飲要熱咖啡，茶記餐飲要熱奶茶，漸漸依個已成為小弟諗餐飲嘅不變定律，奶茶味道芳香沉實，口感挺柔滑，奶茶始終茶記好！奇景分享一則，見近門口張枱，枱面上放滿咗幾十杯飲品，每杯都「獨立」包裝，又見有一兜二兜湯粉麵，再加埋枱下幾箱一盒二盒外賣早餐A、B、C、D……，心諗咁早邊鬼個訂咁多份早餐，八卦問一問，先知原來送去附近嘅荔枝角收押所，喺啲囚犯訂嘅早餐。嚴格嚟講，都唔可以叫嗰啲人做「囚犯」，因為晌得荔枝角收押所嘅（留意，唔喺監獄），都喺啲未判刑嘅人，訂多都只可以叫「疑犯」，犯咗事無得保釋而要收監嘅人。仲以為佢哋只有皇家早餐食，估唔到可以叫外賣，但具體守則喺點就無八得咁詳細。如有邊位知得更詳細、準確，不妨幫忙補充！…Read More