Sheep General (Closed)

自從贖回左我張回鄉証之後,我每個月總有1-2次北上尋覓我既至愛羊羊!而呢一間係我試過港人至愛既小肥羊、蘇武牧羊、肥羊王等店後,覺得最好味而且又唔洗排隊既一間,已經食左十幾次,又推荐過俾好多朋友,個個都讚好,係度不得不推薦一下!A級羔羊肉($2X):同小肥羊既冰到未解凍就送上抬既羊肉好唔同,呢度色澤鮮紅,而且好明顯係解曬凍之後先片落黎,所以無一層薄冰係面,肉質嫩滑,10級推介!羊粉($1X/份):應該係用羊既脂肪混合而成好似寬粉既粉,呢度既羊粉唔會整得太碎,好完整既一條,浸落佢個清湯底度十分鐘左右便變為淋身,煮到半透明狀態就可以撈上黎食得,吸曬湯底既味道,煙UN爽口羊肉鍋貼($1X):成盤餃既面俾一層薄薄既蛋漿鋪面,餃子大小適中,每一隻都皮薄多汁,肉涵份量岩岩好,比起香港不少鍋貼專賣店好味得多!註:1.有一壺免費豆漿送2.持會員卡享有85折,每月10號憑卡仲有65折3.持會員卡+$2有羅卜/$3有大白菜/$4有炸腐竹值得推薦既仲有羊串($2/串)同羊排($38),成餐都係羊肉宴咁XD每次同我個食超多野先飽既老公2個人去食,食到勁飽都只係$110左右埋單!近排仲有食$100送$50優惠卷送,最衰最近果次食左$96,只係獲得$30優惠卷,要1個月之內用...不過唔緊要啦,呢個月放大假,我會同老公月尾之前用左佢,yeah!又可以北上!my lovely june!!!…Read More

呢晚同一班同事上深圳食飯!!打電話 book 位, 竟然... 因為係星期 5 既關係, 所以 6 點前到既就可以 book, 過左 6 點先到既就無得 book :(成班人一收工就殺上去, 去到已經 7 點半左右好在!! o岩o岩有個箱房走左, 有房坐 :)一坐底就好肚餓, 快快剔左好多野....等左大約 20 分鐘, 湯底到步!! 好香~再等左大約 10 分鐘, 野食到步!! 開動~ 湯底感覺無小肥羊咁油膩, 比小肥羊清香...讚!鮮肉亦好新鮮, 讚!不忘一提, 如果早去既, 有免費豆漿送 (送完即止)豆漿味唔太濃 (免費嘛...哈哈)整體上, 個人覺得佢比小肥羊好味, 會再黎 …Read More

環境方面因為呢度唔似小肥羊咁多人，所以冇咁嘈雜。:)其實打邊爐度度都差唔多，湯底既蒜頭辣椒味好濃，已經蓋過晒其他味道，所以其實去小肥羊或呢度都係一樣。除左普通火鍋配料外，仲叫左幾款小食：麻辣皮蛋：幾香幾好味。烤羊串：比較失望，冇燒烤味冇羊味，只係灑左一ｄ調味料o係面，得個鹹味。:(羊肉鍋貼：不過不失，雖然餡料唔算豐富，但外皮煎得幾香。:)…Read More

囡囡上次去食過，話唔錯又抵食，仲俾咗 RMB150 蚊優惠券我，今日去完開平睇完碉樓返到深圳，一共 12 个老友一齊食餐勁嘅。去到離遠已睇見大大个招牌，上二樓但無 12 人枱，於是將兩張 8 人枱拍在一起，叫佐 2 个鴛鴦煱，幾碟前菜、羊肉片、牛肉片、烤羊架、烤羊腿、羊排、各樣肉丸、菜、啤酒汽水等等。食物好鮮美又好味，酒水又平，抵食。總數 RMB 752 - RMB 150 優惠券 = RMB 602…Read More

上幾個星期 , 原本打算同朋友去樂園路食海鮮 , 但在巴士上見到個招牌 “羊門小將”都幾吸引 , 又標榜健康內蒙火鍋 , 就係咁就同朋友提早o左落車 , 試下呢間又有個 “羊” 字既火鍋店 ( 真係唔明白 , 到底係咪國內D火鍋店一定要有個 “羊” 字先會出名D o既呢 , 哈哈 ) . 上到二樓 , 環境可以算叫過得去 , 坐底睇完個餐牌之後 , 發覺價錢同火鍋料選擇跟其它連鎖火鍋店都無咩唔同 :(. 我就立即問o下個服務員點解你地叫健康火鍋 , 點知個服務員就即刻叫o左個女經理過來 , 用超快既普通話同我o地講 , 佢地o既湯底係不加味精 , 用羊骨加幾十種配料煲十幾個鐘出來的 , 另外招牌羊肉係來至內蒙古的 , 多吃不燥熱的 ( 坦白講 , 我o地咁問得就肯定預o左佢係咁答 , 信佢囉 :)) .是晚火鍋料及小食辣烤蒙古羊肉串 : 羊味100分 , 不過就超so , 頂得信先好叫呀 清湯鍋底 : 真係好多配料 , 龍眼 , 大蔥 , 蒜頭等等 . 個湯好香蔥蒜味 , 飲落好有羊味但係唔so喎 ( 下次可以試下麻辣 ) 肥牛片 : 牛味算一般 , 落鍋後縮水約一倍 ( 可能切得太薄 ) , 兩塊當一塊食先有番D口感 招牌羊片 : 羊味十足 , 不so喎 , 好啃口 , 奇怪地落鍋後無咩缩水喎 , 如果喜歡愛羊o既朋友 , 真係要試試 , 再俾D意見 脆肉鯇魚 : 小心 , 好多細骨 , 好淡魚味 , 脆感一般咋 :(貢圓 , 唐生菜同大支老青島 : 貢圓好爽口 , 但味道一般無咩大驚喜 , 唐生菜賣相好 fresh , 最驚喜係大支老青島只係八蚊支咋食後評語及注意 : - 1 ) 食得多小肥羊 , 可以試下呢間羊門小將作比較 , 價錢跟小肥羊平三分一左右 2 ) 有好多冷盤前菜 , 服務員會經常拿過來問你要唔要3 ) 醬油叫先有 , 因為佢地標榜不用醬油食鮮味4 ) 我地當時做緊優惠 , 食100蚊送30蚊 , 下次用 , 係幾抵o既…Read More