羊屋道全羊四季火鍋 (Closed)

朋友知道我鍾意食羊，特別帶咗我黎一間食羊肉嘅火鍋店。一入到去已經見到佢哋好旺，接近坐滿晒人，佢哋可以選擇羊腩煲，又或者羊骨湯打邊爐，我哋就揀咗後者，仲叫咗佢哋招牌嘅羊肉，羊肚同埋羊腩，佢哋嘅羊肉係用新鮮羊肉，唔係急凍羊肉片，只係簡簡單單用咗油同小小嘅生粉去醃製，食落去非常之嫩滑，而且臊味亦都唔算好勁，所以就算唔鍾意食羊嘅都可以接受到，羊肚好爽脆而羊腩係事先煮熟過嘅，所以非常之淋，一邊打邊爐仲可以一邊飲羊肉湯，入邊有小小嘅中藥材，非常滋補養顏。…Read More

今日係奧海城收工，聽聞大角咀開左間食羊肉嘅火鍋店「羊屋道」就同朋友黎試下啦地址：大角咀中匯街51號門面係新裝修，大約十張枱，坐滿都可以接近80人左右。店員都好好服務，由於今日揸車，無得飲酒，店員都沖左壺靚茶比我地，並經常加水，服務唔錯，仲會推介店家自制嘅醬料：薑蔥油、秘制腐乳醬。餐牌方面以火鍋為主，亦都有羊肉嘅小食。今日入店試左個秘制炆全羊$368等左十分鐘就上菜喇，羊腩有10幾舊，仲有羊肚，羊蹄，羊皮配菜有紅羅白、芹菜、粉葛，配料種類夠多，可以試到唔同羊嘅部位醬汁方面唔係出面好濃嘅醬汁，佢依隻醬汁較為輕盈，可以帶動到羊肉嘅鮮味，羊肉有小小羊騷味，對於鍾意食羊嘅朋友會覺得唔錯，唔鍾意食羊嘅朋友亦可以一試，整體黎講依個煲好高分，仲可以用湯底繼續做火鍋，$368黎做湯底黎講真係無得輸。京蔥羊肉$128京蔥羊肉好有鑊氣，炒出黎京蔥鮮甜，羊肉唔老，食落香口有羊鮮味，食落羊肉係新鮮嘅，果然係主打羊肉嘅餐廳，羊肉亦都有好多塊鮮羊肉$128羊肉用油撈過，落湯底打邊爐，有滑牛嘅感覺，但有羊肉鮮甜味，就算滾得耐咗，都唔會韌，食落就知係鮮羊肉嘅味道蔬菜拼盤$88蔬菜種類多：油麥菜，生菜，旺菜，白菜，菜心，全部菜都好新鮮，索哂啲羊湯正呀總結：今餐食左783蚊，鋪頭適合約埋三五知己飲酒傾偈，食好羊，喜歡食羊肉嘅知己快啲試下喇…Read More

朋友住大角咀，邀請我一齊去呢間新開嘅羊肉火鍋專門店，主打四季都可以食到羊肉火鍋，滿足到鍾意食羊嘅人🐐🐐💕💕餐牌食物選擇唔算多，勝在咩都有啲黎得嘅，主要都係食羊啦😋就到冬天，食完一定暖笠笠！環境光鮮整潔點餐之後，飲杯靚茶慢慢等滋補羊肉湯底飲啖靚湯，夠晒滋補！煮完羊肉之後，味道更加濃，更加正！新鮮羊肉色澤幾靚，已經調咗味，完全冇臊味，又夠滑，唔錯，唔錯！鮮羊排骨份量都幾多！而且排骨有肥有瘦，可以各取所需。帶有白色肥膏嘅排骨，咬落去超爽！至於得瘦肉嘅排骨，肉嘅味道就比較濃郁，仲可以食到少少軟骨或者筋😋😋鮮羊雜錦有羊柏葉、羊肚同埋羊皮每樣有啲，可以試吓唔同嘅特別位置我個人就比較鍾意羊皮，厚身爽口，有滿滿嘅骨膠原！至於羊柏葉，煮完之後，比較煙靭，慢慢咬，突然會有濃郁嘅羊味散發，都幾特別 所有配料都洗得好乾淨，處理得好好，依樣好抵讚唔夠喉，再加多一碟新鮮羊腩有唔少羊腩都帶有羊皮，正！煮耐少少，羊腩肉質柔軟，唔會太肥或者太瘦，如果唔想就咁食羊肉，羊腩係唔錯嘅選擇😎😎成餐飯九成九都係食緊羊真係超滋補，最重要係夠簡單，夠好食！…Read More