Lo Kwan Fat Noodles Food Shop (Closed)

等位不算太耐在等位時已經諗好叫咩食一入去就叫阿姐落單叫o左阿姐幾次都無理我再叫多幾次，另一個阿姐(應個係老闆娘)先出聲話：你再等陣丫，呢個阿姐唔識落單架。睇報導都知呢間野唔夠人手又請唔到人咁我唯有靜靜地等見老闆娘四圍幫人寫單都無理我我先再叫落單前後等了有十分鐘先落到單，都預o左d 食物好耐先會黎架喇 炸雞翼2隻 ($15)即炸雞翼，好香脆，味道ok，其實無咩特別 胡椒豬肚豬骨雞腳湯配上海粗麵 ($23) 好味，湯底好濃，好熱，好辣，如果自己真係煲唔到呢個湯呢個味一邊食一邊聽到老闆係咁講"人手唔夠, 大家等耐d呀" 好nice但相反老闆娘就無老闆咁好禮貌不可以在呢種食店追求"服務"希望有一日可以再飲番"胡椒豬肚豬骨雞腳湯"啦香港始終係需要保留"香港色彩"的小店…Read More

曷日途經花園街, 路經此店, 突然記起這間店就係早前報導, 月中將會光榮引退既羅坤發麵店, 既然黎到, 就試試門外已有數人等候, 睇黎都係因為最後一日營業而慕名而黎, 就有如早前既祥利 / 興記由於單刀赴會, 等左唔係好耐就有得入挑選左胡椒豬肚雞腳豬骨湯配上海粗麵.胡椒豬肚湯做法看似簡單, 但店舖亦落足百二分心機.湯既胡椒味濃淡適宜, 作湯底既味道不俗; 濃稠也恰到好處, 到最後真係要將湯一飲而盡作為配料既雞腳, 長時間熬煮下好腍; 豬骨則用上脊骨, 肉就無乜, 可惜此店已走到最後, 唔係既改用筒骨會更正希望暫時唔會再有老字號引退........…Read More

這個食評要搶閘先出, 因為大家要吃的話就要快手, 今天之後就「蘇州過後無艇搭」了!為什麼我會遠道過來旺角花園街來吃羅坤發呢, 就如很多這天一同來排隊等位的人一樣, 看了某報的報導, 慕名而來。(其實很久之前, 飲食雜誌報導過之後已經想來, 但始終地點對我來說也算不便, 結果不了了之; 還真是要到人家臨結業了, 才的起心肝來湊湊熱鬧!)平時是不是那麼多人等位就不得而知, 但初時我的確被那條人龍嚇了一嚇的, 買了些蝦子麵和菠菜麵之後, 就想打退堂鼓; 但既然一場來到, 沒理由就此放棄吧, 過一兩天再來也不見得會更少人, 所以就乖乖地加入排隊行列了。好在也不用等太久 (10 分鐘算不算?) 便有位。也由於人太多, 單是堂食也已教店員做到無停手, 所以店家也不接外賣生意了。同檯共 6 人 (當然是搭檯!), 有 4 人是點胡椒豬肚雞腳豬骨湯麵 ($23) 的, 另外兩人就是點另一款馳名麵食 - 蝦子撈麵 (好像是 $33)。之前自己已買了蝦子麵, 而且一心為前者而來, 自是不能變心。麵要了上海粗麵 (可能這種麵太受歡迎, 已經沒有生麵賣了)。另加碟油菜, 要了通菜 ($6)。報載店家因為請不到人洗碗, 因此堂食都要用發泡膠食具。胡椒豬肚雞腳豬骨湯麵, 豬骨湯底奶白色, 濃郁如日式拉麵湯底, 還搭舊豬骨可以吮; 湯底的胡椒香而微辣, 還下了鹹菜和豬肚絲, 非常足料, 愛喝胡椒豬肚湯的我非常喜歡, 除了吃雞腳要吐骨比較麻煩, 不過有得吸收骨膠原也在所不計了。上海粗麵也不錯, 白雪雪韌性足, 好吃。油菜是椒絲腐乳通菜, $6 一碟很抵食, 賣相也不馬虎, 就是油多一點也不計較了。需買回家的乾麵, 有粗及幼的蝦子麵, 還有菠菜麵各 4 個, 蝦子麵好像有分 $36 和 $46 一斤的, 搞不清我買的是哪個等級了, 只知是多人買的那種。一共 12 個麵餅已經要 $98 了!煮了一個幼蝦子麵做早餐, 麵質幼細彈牙, 蝦子鮮味雖然不太出 (看來真是要自行再加蝦子才成), 但沒有鹼水味, 也總算有點水準。雖說麵廠生意仍會繼續, 但始終覺得堂食的麵較佳, 只能歎句相逄恨晚了!…Read More

睇報紙話呢間做到星日吾做把握最後機會去食麵上網睇話開11點,11點幾去到都仲未開就係到等陣門口有得買,都ok多人買11點30到入得去喇點知有個呀姐講左句"痴線"初初以為佢吾知話咩喇點知佢放d調味料落黎又講多聲"痴線"同埋幾大黎放,姐係話緊我地但我地都係一直係門口等,又冇話好耐個d,都吾知佢咩事吾至咁多,嗌野食,不過個到人手吾夠,要比d耐性蕃茄牛根魚蓉麵本身係波菜麵的試左一啖麵,幾滑,加埋湯底好味個湯底感覺上好膠,應該係牛根ge關係酸酸地,好正,食完又吾會口渴,冇咩味精我食個舊牛根吾壴好淋,但都吾會好un,一般喇胡椒豬肚生麵d生麵好爽口,我中意食呢隻個湯都辣,食食下就覺得ok個雞腳有剪到腳甲,好驚個d冇剪a_a淋就吾算淋,一般喇豬肚得好少,味道一般,不過洗得幾好個餃好好味夠清,多菜少肉~不過份量少,$18得5隻一隻都吾算好大見好多人都嗌豬排咁又嗌兩件喇炸得幾好味,吾un但吾係好淋,都幾dry不過好入味好快就食曬lu仲嗌左碟生菜黎呢到吾好諗住有d咩好ge服務,環境不過d野食真係幾好味又平2個人食左5樣野都係$88不過遲d吾做,想食佢d麵都可以去廠買不過d湯底就冇...…Read More

當日在太子"一點心"等位食午餐期間, 上OP見有此店, 決定稍後時間一試. 約六時到. 叫了胡椒豬肚豬骨雞腳湯配上海粗麵 ($23) : 湯底嘅胡椒味非常濃郁, 豬肚爽口, 雞腳剛剛好, 有咬口. 上海粗麵唔會發脹. 但啲湯涼後會失去胡椒辣味. 記得要趁熱渴炸雞翼湯拉麵 ($23) : 雞翼係另上, 熱騰騰外脆內軟, 味道剛剛好. 拉麵煙煙韌韌. 湯底有大地魚味茶走 ($6): 出奇意外地好味. 紅茶味濃, 沖調剛好. 健談的老板話當日的紅茶非常好味, 加了煉奶會蓋過紅茶味. 心想, 齋紅茶就唔係奶茶啦…Read More

以前經常路過, 卻從未有留意要不是看到開飯的食評可能是會錯過了胡椒豬肚雞腳麵$23: 就是這裏的招牌吧! 胡椒湯很夠味, 剛剛好, 而豬肚咬起來很帶勁兒也沒有臭味, 雞腳不是那種煮到又軟又爛的﹝它是很扎實的﹞, 配著QQ的上海粗麵, 在寒冬下品嚐可是最適合不過的, 又飽足又温暖 炸韮菜餃$13: 這個是普通啦~ 皮太厚, 很油膩蕃茄牛筋菠菜麵26: 一看就知道是真材實料!!! 湯頭是用新鮮蕃茄煲的, 有點杰杰的, 喝起來酸甜酸甜的, 牛筋有點過稔, 菠菜麵很爽口但吃不出有菠菜味腐乳通菜: 另外加$6一份, 通菜很爽脆, 可惜腐乳過咸總的來說, 來這裏單點麵品來吃就對了!!…Read More

羅坤發被多間女裝店包圖著，見門面就知道是香港舊式麵店了。環境是一貫舊式食店，勝在衛生算好。上菜全都是慢慢來，大多數要等五至十分鐘，大家也慢條斯理，老闆也笑言如果即點即到，會多賺不少。胡椒豬肚雞腳豬骨湯加上海粗麵，湯底胡椒味極重，所以每一口也挺辣，飲完會很暖身。上海粗麵甚是煙韌，很有咬口。豬肚外層軟淋中間富彈性，雞腳和豬骨滿足到我啜骨的喜好，可以這樣說，大部份的味道也是強胡椒蓋過，個人覺得沒問題的，挺特別一碗。蕃茄牛筋菠菜麵，牛筋是軟淋且有膠質，是好吃的。蕃茄湯底較杰身，因為上面那碗的辣令我分不清湯底味道，所以不多說了。菠菜麵其實沒什麼菠菜味的，有彈性，整體還算可以。這樣的晚餐，真的可以省不少。努力中 : http://kingofseeker.blogspot.com/…Read More

很喜歡這店的胡椒湯，有時會專程來這裏買淨胡椒湯的外賣，湯夠辣，夠甜，冬天喝完很溫暖。喝不完的話放入雪櫃，湯冷下來便會凝結，可見真材實料，雞腳的膠質真不能少看，這些膠質應該也相當有益吧。這次堂食叫了炸豬扒麵，豬扒好像比前一次來吃的薄，是食材加價的關係嗎? 不過豬扒也是炸得很香趣的，湯也很香很甜，好像有大地魚味。近期店鋪轉用了發泡膠容器，很多食客都很奇怪，因為不環保啊，其實上次我聽見一位食客問老闆，老闆說請不到人洗碗，真係生意難做。…Read More

行完花園街，想平平地食餐晚飯，試了這間羅坤發。叫了兩個粉麵，價錢平，味道好，覺得不錯！粉麵套餐$25 的墨魚丸河 - 墨魚丸大大粒，有墨魚味，河粉夠滑，湯底也好味跟餐的腐乳通菜餐飲熱檸蜜，甜度適中蝦子撈麵 $28 - 麵不會有濃烈鹼水味，混著鹹香的蝦子，好味~用餐時聽到健談的老闆，跟員工和顧客吹水，妙語連珠，很有趣呢！…Read More

以前行花園都知有間麵舖係到但一直都冇諗入去食...係開飯見到原來有個咁出名既胡椒豬肚湯加上我又好鐘意食..所以點可以唔試呢..大約7:10去到等左一陣就有位la..不過d位好迫...真係好迫..全場坐滿哂..d阿姐忙到枱都唔閒執...我地望到差唔多每枱人都叫胡椒豬肚...可能佢唔跟飯...相公又想食飯...所以叫左淨湯加白飯胡椒豬肚豬骨雞腳湯 好白好足料...有2舊豬骨..2隻雞腳..豬肚可以多少少就好la...一飲落去都幾辣...好重胡椒味真係feel到用心製作絕對唔係味精答夠.蕃茄牛筋波菜麵 蕃茄最抵讚..係中size蕃茄...佢地半個半個咁切..總共有3個...好美味...半個咁切又唔會溶哂流哂d蕃茄出黎..牛筋好淋同埋份量都唔少食極都仲有牛筋..不過波菜麵就................失望la....冇味唔爽唔知食緊d咩..分量係好多但唔好食比幾多都係唔好食..再講個汁真係"傑"左少少...唔似蕃茄個d"傑"豬扒 我諗係史上最薄既豬扒...應該改名叫做超薄切豬扒...真係薄到呢...我眼都凸埋......仲要有少少乾身..下次一定唔會食!!!冬天真係要多d黎lee間野食番個胡椒豬肚暖下身先...食完成個人暖哂外套都可以唔著住....陣陣胡椒香味仲回味緊~~~…Read More

很久沒有來這店了, 很懷念這裡有少許咖哩味的湯底和多種選擇的麵底, 抵食的套餐.火災後的店, 有一部份重新裝潢, 不過還脫不了老型像, 簡單, 骯髒, 還有是採用發泡膠餐具, 甚為不環保, 可能是老細為了應付最低工資立法吧!精打細算永遠坐鎮門口的肥老闆真了得. 想叫粉麵套餐, 不過抬頭一看, 有一頁A4紙寫著不供應套餐, 問一問在一旁的阿姐, 她說有, 我指一指那 A4紙, 她說假日才不供應.真笑話, 她答問後也不去移走告示.當下抲打了套餐, 包括了牛筋生麵, 跟生菜, 熱奶茶, 廿三大元.阿姐隨手拿來糖盅, 遍找郤不見辣椒油, 要阿姐拿來, 不過用後郤立刻拿走, 這老細認真是精打細算得很.談到食物, 味道是不錯的, 先來的牛筋麵, 湯水很多, 有一撮芽菜, 五粒指頭哂士的牛筋, 夠腍, 好味, 不過太少了.生菜落了蠔油, 沒有油, 不過不失, 奶茶是用小紙杯上, 味道普通, 假如有機會經過的話, 是會再來的, 專程嗎? 大可不必.…Read More

10月3日, 出旺角睇戲前, 行咗入花園街睇野~ 行下行下見到呢間麵舖, 門口舊舊地, 有好多個透明箱裝住各式各樣嘅麵餅. 原來佢就係羅坤發麵家~ 一於入去試下!::: 鮮茄牛筋菠菜麵 ::: $24鮮茄同菠菜麵呢個配搭十分健康~ 啱晒呀菲! 呢個麵真係好堅~ 足足係原個鮮番茄切半咁上, 咬落juicy啖啖肉! d牛筋好軟, 近乎入口即溶~ 湯底味酸帶甜, 係好杰身有少少似獻汁咁嘅質地. 而且溝咗d腩汁, 更添惹味! 不過最驚喜都係個菠菜麵!!! 翠綠色嘅外表已經好討好~ 雖然菠菜味唔算好濃, 但就超級爽口~ 一定係好新鮮嘅麵先可以做到咁! 成個麵, 太好味啦~ 連湯一齊食到一滴無剩!::: 胡椒豬肚雞腳豬骨湯麵 ::: $21本以為這湯麵以豬骨湯做湯底, 材料係胡椒豬肚同埋雞腳… 哈哈完全錯了, 應該係胡椒湯底, 材料仲有豬骨添! 咁樣一個3餸麵都真係好超值wor~ 首先不得不說這胡椒湯底, 真係用料十足! 胡椒味道簡直超級攻鼻, 辣得嚟仲好嗆喉, 但係完全有助增加口水分泌, 越食越食得出佢嘅甘香~ 麵條用上上海粗麵, 質素好唔在講, 麵條煮得剛熟, 彈牙得嚟索埋湯底好入味~ 而嗰3餸方面, 以豬肚算最好, 又爽口, 胡椒味濃~ 反而雞腳, 豬骨太少肉, 啱晒d鍾意吮骨嘅人, 可惜唔係我…羅坤發裝修平實, 價錢公道~ 重點係食得出佢d麵係用料新鮮天然. 食完佢舖頭d麵, 真係好有衝動想買埋佢門口d排列整齊嘅麵餅返屋企試! 真係好出色~~~ 聽講蝦子麵都好出色, 下次再來一試~…Read More

家中魚缸不知發什麼瘟,竟然一下子死了一大半,就找個閒日出花園街逛逛,看看有沒有好貨色.畢竟要先行醫肚,唔係邊有精神掃街.羅坤發本身就是粉麵廠,麵食出品自然有保證,而且位置適中,所以任何時段都有七八成客.韮菜餃粗麵 : 麵條是自家出品,柔韌有彈性,唔覺有鹼水味,加上混入少許芽菜,令口感帶點清爽,雖然湯底過咸,都尚可以接受,韮菜餃包得未夠實淨,但切得夠幼細,再加上灑有少許芹末,增添香氣,算是一碗有水準的湯麵.另加油菜亦不過多幾蚊,既化算又飽肚.…Read More

好耐都無黎 唔止門面光鮮左白白淨 連檯面都唔同哂原來全部轉哂用發寶膠餐具 (係咪應該環保D呢)不過老字號配即棄餐具 總係有點格格不入 一坐底最緊要"胡椒豬肚湯麵"湯底照舊胡椒味十足 但唔知點解無左肉湯應有果種味道有點兒失望添:(…Read More

燒後餘生....之前花園街火災，燒了我喜歡的羅坤發粉麵店。重開後的它更加光鮮、亮麗。粉麵店，它的甚麼甚麼豬肚、餃子可以不吃，但一定要吃他的麵，你會喜歡的....亦要吃他的豬扒、雞亦，你會喜歡的....吃畢後再坐一會，你會喜歡的....坐在收銀伯伯旁邊的位置，你會喜歡的...今天點了蝦子撈麵，沒有伴上餃子，這裏的餃于並不是主食......再點了生菜.....爽口的生菜、香氣迫人的蝦子....彈牙又沒有「簡」水味的麵條...吃畢，肚子已經填飽了...看見對面食客的豬扒和雞亦，我也很多要32元的...3 塊豬扒，2件雞亦～香脆，美味...臨走前，伯伯跟我講：「這麼快就走？為甚麼不多坐一會啊？下次一定要坐久一點啊！」嗯...我會的！看著各式各樣的麵餅，很有衝動，想要買幾塊回家...hhahaha古老...簡單...就是美味～…Read More