ENISHIYA Original Rich Shrimp Broth Ramen (Shun Tak Centre)

同同事放lunch行到上環信德中心黎 大概1230 到 等左5 分鐘入得 好多人食 叫左個一人set 主菜：元祖叉燒拉麵 首先試左啖湯 好出色 濃厚既蝦味 加埋d櫻花蝦一齊食 叉燒得一塊 不過不失 拉麵粗身 叫左硬面 好爽口 半隻蛋同兩條corn 整體黎講都出色小食：炸雞估唔到炸雞都咁出5舊 都幾多肉 炸皮好薄 肉汁多 即炸好熱 加埋醬好夾 餐仲跟杯烏龍茶 大大杯 因為驚唔飽仲叫左個白飯 真係好大碗 建議兩個人share 加埋一 大約140 蚊 講真 真係交夠功課 會再黎…Read More

緣屋 札幌元袓蝦湯拉麵 ENISHIYA Original Rich Shrimp Broth Ramen📍上環干諾道中168-200號信德中心2樓228-230號舖有一晚約咗朋友喺上環附近見面，我叫佢搵定餐廳先，但似乎喺港澳碼頭附近都只係得一啲大型連鎖店，所以佢就問我有無興趣試下上一次經過見到嘅拉麵店。 對上一次見到嘅時候，我哋喺餐廳門口研究咗好耐，最後決定唔入去食，因為當日我哋唔算太肚餓，驚一人一碗食唔晒好浪費。今次難得再嚟到，我哋揀咗坐吧枱嘅位置，可以望到拉麵師傅即叫即煮我哋碗拉麵。大家要留意番餐廳係有截單時間，我哋好彩趕得切喺截單之前十幾分鐘入去，先食到咁正嘅蝦湯拉麵！我同朋友研究過Menu，二人餐望落好似好抵食，但其實嗌單人餐再散叫拉麵更化算，睇吓我哋今晚叫咗啲咩啦。[價錢 Price] 💰$118セットメニュー２.０🍜☕️呢個一人餐可以揀一款拉麵、一款和風料理同飲品，我揀咗味噌蝦濃湯拉麵配唐揚炸雞同檸檬柚子蜜。味噌蝦濃湯拉麵 🍜 Miso Rich Shrimp Broth Ramen呢個人氣第一嘅招牌味噌蝦濃湯拉麵真係無得輸，扎榥味噌湯底香濃不在話下，加上濃厚甜蝦湯底嘅鮮味，令人一試難忘。拉麵麵質較粗身，特別掛湯，食每一啖麵都索到好多湯汁。我最鍾意啲櫻花蝦，除咗增加口感之外，亦都令都碗拉麵多咗一重蝦香味。我揀嘅呢款除咗有一片叉燒，仲有半隻半熟蛋、玉米荀同少量大蔥。半熟蛋嘅蛋黃香醇，顏色好深好好食。惟一美中不足嘅就係片叉燒，一夾就散，肉味亦唔太鮮，扣咗少少分。唐揚炸雞 🐓炸雞賣相無話好靚仔，但應該係用雞脾肉整嘅，所以雞肉嫩滑多汁，調味亦好足，點少少沙律醬已經好好食，果然日本嘢就係要食唐揚げ！[價錢 Price] 💰$85焦香醬油拉麵 🍜 Flame Soy Suace Ramen朋友揀嘅呢款係醬油拉麵，師傅收到order之後隨即動手烹調，喺爐頭度炒啲料頭，炒到火光熊熊，不過可惜我捕捉兩次都捕捉唔到嗰幕，所以大家只可以睇到我景住佢背影，哈哈。焦香醬油拉麵嘅配料好唔同，佢有本耳、芽菜、洋蔥同香蔥等。呢款醬油經焦香處理，加埋厚厚嘅油脂，令湯底比一般嘅醬油湯底更香更濃。同樣用上較粗身嘅麵條，所以掛湯力十足，唔刻意用羹𢳂都享用到香濃嘅醬油湯！…Read More

信德中心呢間拉麵聽講係北海道過江龍🇯🇵 網上亦唔少好評 但係中上環平日食飯時間都唔full 可想而知質素如何😉 鋪頭都係正正常常拉麵鋪頭裝修 而我同朋友就被安排喺吧檯位～✨醬油蝦濃湯拉麵💲 75碗拉麵嚟到其實賣相都ok 配料有叉燒 粟米仔 糖心蛋同埋大量櫻花蝦🦐 咁到底好唔好食呢？係就係好多櫻花蝦 但係湯底蝦味欠奉 偏油 但係又唔係蝦油味 係純粹油🫣 叉燒無咩味 溏心蛋好食 麵質都ok 但係湯底實在太失望 食完一次無下次了😹…Read More

上環黎講，呢個拉麵真係唔錯，午飯時間經常選擇佢。麵質有咬口彈牙，且而個湯夠濃夠香，真係食到有好濃既蝦湯味。個人比較推薦辣味，相當惹味，我比較食得辣所以揀中辣。然後佢個煎餃子都出色，又脆又香，食得出係即時煎，味道都ok, 推薦…Read More

鹽味蝦濃湯 同滾水冇乜分別真係少少味都冇。。。好失望拉麵嘅硬度已經揀左軟，但係一放入口真係唔覺有軟到。。。同埋得一塊叉燒有少少失望唯一覺得ok嘅係個炸雞都ok嘅，起碼夠熱同脆口嘅餃子一般般冇乜特別…Read More

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗去上環做嘢，因為時間唔多，就去試吓呢間拉麵店。開頭以為得門口見到嘅位置，原來唔係，入面仲有唔少檯嘅。🍴味噌蝦濃湯拉麵（$78）呢個係店入面最有人氣嘅拉麵，作為唔常食拉麵嘅我，因為冇咩特別取向，就直接點呢款，拉麵揀咗正常硬度。等咗10分鐘鬆D 拉麵嚟啦，碗麵嘅大細係正常，有一片叉燒、半隻溏心蛋、一堆櫻花蝦、兩條粟米仔。我第一件事係試櫻花蝦，數量上幾慷慨，放響面冇濕嘅仲有少少脆口感。跟住試吓個湯底先，質感好厚，一啖飲落去有好香濃蝦味，亦都飲到有味噌嘅味道；拉麵好彈牙，因為湯可以掛上麵身，就咁食都有蝦味；將櫻花蝦 + 拉麵 + 湯一齊食，會再增加咗蝦味。叉燒、溏心蛋正常發揮，蝦濃湯到中後段會感覺到少少咸，尤其凈飲湯底嘅時候，不過我都飲咗半碗😂整體上個拉麵係好食嘅～因為之前試過被大肆宣傳「過江龍」字眼誤導，今次又上網搵吓資料先，雜誌鱔稿：「來自北海道札幌，首創蝦濃湯拉麵，於1999年新橫濱拉麵博物館舉行的比賽中，打敗其餘344名參加者，勇奪第二名...」開頭，我都諗緊又係咪會中伏又響度扮過江龍，後尾我係的確地搵到「元祖海老そば」係響北海道札幌有店嘅，英文名都係 Enishi-ya，係賣蝦濃湯拉麵嘅～ 新橫濱拉麵博物館係一個拉麵主題樂園，未太搵到呢個主題樂園攪嘅比賽有幾勁，不過我睇到有一個台灣人寫嘅內容：「很多日本拉麵店都以能在這裡（新橫濱拉麵博物館）開店營業為目標，並認為是至高的榮譽...」當係知道吓咁啦～☆follow my IG @tracyloveliving ☆…Read More

嚟到信德中心,見到有間寫住元祖蝦湯拉麵,半信半疑咁走入去試下囉。因為大多數寫魚湯米線、魚湯拉麵之類,湯底都係冇乜味,有樣冇味,所以今次膽粗粗咁走入去試一下。叫咗海老拉麵味噌味,同埋辣味噌。嘩…呷一啖,蝦味勁濃嘅湯底,真係名副其實! 拉麵就成卷曲形,有啲似公仔麵feel,叉燒就淨得一塊,孤寒咗啲,仲有半隻半熟蛋,蔥花就得幾粒…除咗個湯底,樣樣都係爭少少喎。如果你好似我咁,冇追加叉燒、葱花,唔係就會有啲失望囉,咁靚嘅湯底應該配上足料嘅配菜先至食得滿足㗎嘛。下次去食就識得追加喇,如果計埋追加,計落就要一百蚊一碗,其實佢落足料,賣一百蚊一碗,都係坊間好味拉麵嘅公價,條數咪喺番度囉!…Read More

我其實係抱住滿心嘅祈待去食，但係我真心勁失望😮‍💨明明見到咁多的好評，lunch hour都多人食，仲要有人排隊添講反我今餐食咗啲咩先，一個(勁失望)灸味噌蝦湯拉麵(硬) + (真心讚)煎蝦餃子。灸味噌蝦湯拉麵(硬) 半隻溏心蛋🥚：無蛋味🙄一片叉燒：油脂豐富，好淋身嘅，但係比豬肉干薄三份一，無咩味，唔香🥺烤粟米仔：不過不失🧐櫻花蝦🦐：真心大方，不過無加工炒過，所以都係唔香🙃麵質：好有韌性，唔易浸淋，好掛湯，100分嘅👍🏻湯頭：味精到爆炸！！！有蝦味嘅，不過唔濃唔鮮。味噌味道欠奉。真心勁失望！煎蝦餃子(係一間比拉麵擔誤嘅食肆，如果做餃子店，應該會變長龍網紅店)外皮：非常薄，帶有小許面粉香肉餡：非常juicy鮮美😍，包咗蝦膠，豬肉，韮菜烹調：煎係幾好，香而唔乾。如果冰花個粉漿可以校得厚身小小就完美啦😚櫻花蝦🦐：都係果個問題啦，真心大方，不過無加工炒過，所以都係唔香🙃其實我係睇咗超過20個comment先去食呢間餐廳，但係我唔明點解咁多人都話個湯頭煮得好似喺日本食咁正，仲有人話成碗湯都飲得曬。老老豆豆，價格係正常水平，但只係中間貨色。其實真心唔明好評點解咁多，仲要有人排隊😬奉勸各位，淺嚐即可，為咗健康著想，千祈唔好飲咁多湯😅味精×100000000000 thanks…Read More

上環附近其實都有唔少拉麵嘅選擇，而呢間緣屋係小編最想推薦比大家嘅一間。緣屋1998年於北海道開業，以甜蝦頭混入獨有嘅秘方湯底，與一般拉麵店有別，湯底充滿住自己嘅特色。———————————————🌟辣味噌蝦濃湯拉麵 $88小編其實都食過唔少次呢間緣屋，但食過唔同嘅湯底，覺得最值得推薦就係呢個辣味噌蝦濃湯拉麵。小編叫嘅係中辣同正常硬度拉麵，一上台建議大家真係要試一啖湯先，個湯係超重口味，有好濃郁嘅蝦味再連同蝦油，個種口感係超豐富，再加上個辣度非常夠，成個湯真係要用「惹味」嚟形容。叉燒方面佢一般都只會有一塊，雖然望落好似唔多但其實您一邊食就會一邊發現湯底入面都有好多燒香咗嘅叉燒肉粒，當您一開始以為得一塊肉但之後愈食愈多，個感覺真係會又驚又喜！麵嘅份量食落都會發現非常多，而且個煙韌程度都煮得啱啱好，非常啱我口味。.🔶整體評價🔶真心推薦呢種充滿特色嘅拉麵店，不過個湯底確實係會比一般湯底偏咸少少，所以大家都要預食落係會覺得口乾，餐廳內都有水提供返比大家享用。.🔸味道：8/10🔸環境：7/10🔸服務：8/10🔸打卡指數：6/10———————————————🍽️緣屋 札幌元袓蝦湯拉麵 (信德中心)📍上環干諾道中168-200號信德中心2樓228-230號舖Shop 228-230, 2/F, Shun Tak Centre, 168-200 Connaught Road, Sheung Wan———————————————👉🏻#hkchiller美食地圖_上環👉🏻#hkchiller午餐推介👉🏻#hkchiller日本菜…Read More

今日lunch同同事試左呢間起上環順德嘅綠屋扎幌元祖蝦湯拉麵平時lunch hour都見要排隊，今日遲左出去（大約 1:00pm左右）所以無人排隊就入左去試今次試左個lunch set：醬油蝦濃湯拉麵+炸日本赤蝦 （＄118）醬油蝦濃湯拉麵湯味濃郁，好有蝦嘅鮮甜味，拉麵麵質彈牙，叉燒就比較一般，不過不失。濃湯夾櫻花蝦連拉麵一齊食係真係正嘅。至於個小食炸日本赤蝦就幾香口，不過味道鮮味就不多，分量都算適中。抵食指數：8／10環境： 8／10…Read More

📍HONG KONG📍#味噌蝦濃湯拉麵是非常重口味嘅湯頭 上面重浮住一層蝦油 🥰一喝就知道好足料 蝦嘅香味都無話蓋過味噌 🤤味噌嘅鹹味 加上 蝦湯嘅鮮味 湯非常好喝出色🥰上面重有好多櫻花蝦 🦐每一啖都有蝦嘅鮮味 果然係日本第一👍🏻拉麵用嘅係北海道嘅粗曲麵 非常掛湯🍜口感彈牙夠滑 就算食到最後都無話淋左 但中意淋麵就要諗下喇$78係香港食日本拉麵真係一d唔貴 重要同日本嘅水準好接近 我絕對會再去🤤…Read More

General:- 蝦湯底濃厚濃郁，色、香、味俱全！- 麵為太麵 可選軟硬度 軟硬煙靭度真的剛好適中- 湯掛倒上麵 就咁食麵唔飲湯都有該湯底嘅香味- 每碗麵雖然有唔同配料 但有叉燒嘅唔單止只有一片叉燒 仲會有一堆燒香左嘅肉⻆ 太有良心了🥹.焦香醬油蝦湯拉麵真係好意外 咁諗過焦香味可以做得咁出色1. 焦味唔會過火2. 焦香味濃郁 真心為成個醬油蝦湯底昇華至另一個層次3. 焦香味真係由頭帶到落尾 唔會食到最後冇左.淺賞左朋友碗 味噌蝦湯拉麵 一啖湯1. 唔會搶咗蝦味嘅味噌香2. 就算我先飲咗焦香醬油蝦湯底都唔會覺得依個味噌蝦湯底失色😦👍🏽3. 相信如果揀火炙味噌蝦湯底一定更正！.好味到就算飽到想嘔都繼續食埋啲配料同飲多兩啖湯嘅程度！🤭🧡（同 海 三碗麵 旗鼓相當🎏）…Read More

中午來到上環信德中心，本身聽同事說這間有伏，上次經過沒試，之後上網看一些評語，又不是太差，也是由日本過來的，所以今次也去試一試是不是傳聞中的伏呢？叫了招牌的辣味濃厚蝦味噌湯拉麵，配以一件叉燒，翻開後竟然還有叉燒粒，略為用火烤過，焦香味明顯，配料有青蒽，洋蔥，紅椒絲，半熟蛋。麵條是中太麵，有咬口，但不宜久放，放久了便會腍和發脹。湯低有濃厚的蝦味，不過辣味稍為蓋過了蝦鮮味，有人會覺得湯底較咸，但拉麵就是要這樣才能把湯掛麵。…Read More

好中意食拉麵, 今次特登去呢間來自札幌既蝦湯拉麵地點夠方便, 平日夜晚去完全唔使等位~本來落柯打紙單叫左2個麵同幾個小食, 但店員好好, 即刻幫我地轉左做2人餐話甘樣抵D, 服務抵讚!2人餐本身有個沙律, 無諗過甘大兜, 而且有D柚子汁伴底完全打開左個味蕾, 超級開胃自選拉麵選2款, 揀左呢度最特別既焦香醬油湯同火炙味噌2個都好正, 湯底極之濃, 蝦味好正火炙味噌會更感覺蝦既香味但相較之下更愛焦香 因為層次感實在太強 非常令人深刻真係可稱係食過數一數二既蝦湯拉麵小食叫左蝦餃子, 蝦多士同蝦雲吞3樣都炸得好好最中意蝦多士, 乳酪同蝦膠味道非常match~ 而且好鬆脆餃子上面佈滿櫻花蝦仔, 入面都仲有蝦膠, 爽彈好夠味真係會令人想再去既好食拉麵店!…Read More

今日lunch 同老公 拍下拖，唔使湊小朋友，朋友介紹去上環食拉麵緣屋 enishiya 勁濃郁的蝦味拉麵，個湯好好飲，好好飲，好好飲。 （要重複三次）🤣🤣🤣🤣我老公成個湯飲曬👍👍👍👍價錢大約$100性價比高有五粒星星…Read More