GREEN TEA (Olympian City 2)

# #大角咀新店速遞！這次試了這間主打清新江浙菜的「綠茶餐廳」，菜式輕盈又有特色，完全適合需要追求健康又愛美食的我! 薺菜碎肉千張包 ~ 豬肉、薺菜、豆腐皮組成, 千張皮包着滿滿的薺菜香，口感紮實又不膩，江南經典小菜必試! 三色雞涼麵 ~ 菠菜麵、紫薯麵、南瓜麵 配以雞胸肉絲! 四色拼盤好吸睛！🍜 雞胸肉絲，清爽低卡又飽腹，麵涼涼的配上麻辣汁, 夏天吃超適合！松露松仁烤菜心 ~ 上海青、松仁! 上海青烤得剛剛好，松露香氣＋松仁脆口，簡單卻高級感滿滿龍井烤雞 ~ 龍井茶香滲入三黃雞，皮脆肉嫩還帶淡淡茶韻！🍵 這道絕對是必點招牌！餐廳內佈滿綠植、以木、竹製成的傢俱, 完美切合 “綠” 的主題! …Read More

同屋企人三個人嚟食晚飯，環境都算唔錯，星期一都唔使等位就有得入去食。我都同大陸嘅餐廳好相似，又將聽牌但係都要自己掃QR code落單。有一壺龍井飲都要收返茶錢。松露菜心喺一碟冷盤嚟嘅，如果鍾意濃味嘅小菜可以考慮，個味道幾特別。黑松露牛肉炒飯價錢嚟講都算幾大碟，牛肉就唔多，不過吵得幾香濃，都幾有黑松露嘅味，整體都係比較重嘅調味。粉絲裹鮮蝦呢啲都幾靚，佢會有個爐喺你面前煮5分鐘，然後有職員會幫你撈勻啲粉絲，調味好食，份量非常大，而且個蝦都好爽口，不過就會比較油。龍井烤雞呢隻雞都相當唔錯，幾抵食，都幾大隻。雞髀烤得非常之嫩，又多汁，雞皮都幾脆，而且真係食到淡淡的茶香味。綠茶煎餅非常之香脆，煎得幾好食，入邊有啲芋泥，不過冇乜芋頭味，所以整體係芝麻同綠茶嘅煎餅，$28有四塊都幾抵食。三個人食咗五百零蚊，晚飯嚟講都算幾抵食。…Read More

五個人用了千一至千二蚊晚餐，一肚氣，野食咸到成晚要飲水，六點半入座，八點前，3次催趕夠鐘交枱!冇人等位!如果不是老人家用餐慢，我也不會在這間又嘈,地下又滑，茶又冇味的餐廳逗留多一分鐘!永不光顧!商場有很多其他選擇!…Read More

奧海城新開中菜🤩今次去咗間新開嘅餐廳試菜，真係有啲驚喜想同大家分享呀 粉絲裹蝦係我第一道食嘅，啲蝦鮮甜彈牙，粉絲吸收咗蝦嘅鮮味，口感好滑溜，食落去好有層次感🦐跟住係蔥香脆皮烤鴨，鴨皮炸到好脆，入口即化，仲帶有濃濃嘅蔥香味，鴨肉嫩滑多汁，配埋啲蔥段同甜麵醬，味道好豐富，真係令人一口接一口停唔到口🦆土豆芝士塔係我最驚喜嘅一道，外層嘅塔皮香脆，入面嘅土豆蓉同芝士融合得好好，芝士味濃郁但唔會膩，土豆蓉軟滑，整體口感好柔和又有層次，好適合配茶或者做小食🧀蝦湯泡飯係一道好有心思嘅湯飯，蝦湯鮮甜清淡，唔會太油膩，泡飯吸收咗湯底嘅精華，粒粒飯都好入味，食落去暖笠笠，好適合冬天或者想食啲輕盈嘢嘅時候🍚最後嘅茶香奶凍係完美嘅甜品，奶凍質感滑溜，帶有淡淡嘅茶香味，唔會太甜，好清新，食完之後口腔好舒服，係一個好好嘅ending🍵整體嚟講，呢間餐廳嘅菜式唔單止味道好，仲好有創意同心思，食材新鮮，烹調手法用心，環境舒適，服務亦都好貼心，係一個值得再去嘅地方，下次想約埋朋友一齊嚟試多啲其他菜式，真係好期待呀😊📍 綠茶餐廳 (大角咀)大角咀海庭道18號奧海城二期1樓105A號舖…Read More

呢間綠茶餐廳已經唔係第一次幫襯，最近發現佢地越開越多分店，咁啱奧海城食飯，又可以再次光顧。餐廳一樣充滿古色古香嘅裝修，以「風清竹影」作爲主題，當日就算8點左右到達餐廳，門口依然有多位等候入座嘅客人，但唔算等太耐就可以入座。另外，餐廳門口招呼客人的店員十分有禮貌。東坡肉東坡肉作爲名菜，當然要試下啦。四件大大舊嘅東坡肉，估唔到下面仲鋪左一層薄薄嘅白飯。肥瘦相間嘅五花肉，肥而不膩，肉質軟嫩，色澤紅亮，食落味道濃郁。老紹興蔥油腰花一上枱，鋪滿翠綠嘅蔥花，蔥花嘅香味撲鼻而來，好濃郁。腰花處理得好乾淨，沒有異味，腰花口感爽脆。底層仲有大量芽菜，蔥花、芽菜、腰花一齊入口，層次更加豐富。蛤蜊絲瓜蛤蜊絲瓜之前已經食過，因爲覺得味道唔錯，今次 再encore。水準依然能夠保持，翠綠嘅絲瓜軟腍清甜，有大量蛤蜊同蝦米提鮮，讓菜式更加升華。南乳醉鮑魚切至薄片嘅冰鎮鮑魚片，鋪滿成個碟，賣相十分吸引。鮑魚口感彈牙，南乳醬同鮑魚亦好搭配，第一次試南乳醬配鮑魚，口感新鮮，保留左鮑魚嘅海鮮鮮味，亦增添了不同嘅風味。江南綠茶餅綠茶餅又係再 encore，我覺得係綠茶餐廳必食，金黃香脆嘅外皮，包住芋泥餡，真係每一次食都停唔到口。總括而言，綠茶餐廳越開越多分店係有原因，同埋接近座無虛席，黎緊就快父親節，啱曬一家大細，快啲去 book 枱啦。…Read More

途經大角咀奥海城，亞女話要試新開打卡餐廳🥰入座後當然要試佢地打卡名菜😋西湖雷峰塔(冷)(位)一上枱巳覺好靚👍不算太甜！野菜腐皮卷腐皮味幾突出杭式片兒川麵條味道稍淡龍井烤雞必食👍皮薄又脆口👍雞肉嫩滑東坡仔排陳醋味道突出！嫌太的骰！西湖桂花藕粉江南綠茶餅芝麻好香口👍綠茶餐廳嘅食物味道係唔錯😋👍…Read More

絕美打卡地，烤雞必試餐廳以江南茶園為主題，翠綠植物與木質裝潢營造清新氛圍，IG打卡一流。招牌**龍井烤雞（$138）**絕對必試，選用三黃雞以龍井茶烤製，外皮金黃酥脆，肉質嫩滑，茶香撲鼻，令人回味無窮！其他菜式如三色雞絲涼麵色彩繽紛，開胃清爽。服務親切高效，上菜快，平均每人$100-$200，性價比高。提前訂座是明智之選，假日尤其爆滿！評分：• 環境：★★★★★• 食物：★★★★☆• 服務：★★★★★• 整體：★★★★★#綠茶 #龍井烤雞…Read More

近排好多餐廳新開，呢間餐廳我成日經過啲大商場都會見到，今次到我試下先🫣呢度既環境好似瞬間穿越到江南叢林，牆身投射住每一句嘅詩句彷彿去左另一個世界咁，令人忘卻身處鬧市。呢度有個必試招牌菜「龍井烤雞」喺呢個綠意盎然嘅環境中更顯風味。師傅每日用新鮮龍井茶湯醃製三黃雞，慢火烤到皮脆肉嫩。咬落去雞皮”咔嚓“作響，肉汁豐盈得來帶住淡淡茶香，配搭窗外搖曳嘅竹影，彷彿置身杭州茶園。「粉絲裹蝦」嘅即席烹調更係一場視覺盛宴。店員會喺鋪滿綠植嘅半開放式廚房即席用鐵板炒香，蒜蓉同蝦膏嘅香氣混雜著周圍植物嘅清新，令人食慾大開。大大隻虎蝦開背去腸，鋪係金黃色粉絲上面，粉絲吸盡蝦汁精華，食落爽口彈牙。夏日必點「蛤蜊絲瓜」喺綠意包圍下更顯清爽。精選肥美花蛤同嫩綠絲瓜，湯底用蛤汁加薑片熬成，鮮甜得來又清爽。坐喺藤編座椅上，慢慢品嚐這道夏日佳餚，疲憊盡消。「黑松露牛肉炒飯」嘅香氣會隨風飄散於綠植之間。用安格斯牛粒同日本珍珠米即叫即炒，上菜嘅時候滲透住珍珍嘅黑松露味道，菌香慢慢滲入飯粒。坐喺綠蔭下享用這道鑊氣十足嘅炒飯，別有一番風味。飯後嘅「江南綠茶餅」更係不能錯過。外皮酥脆、配埋茶香與綠意交融，為這趟叢林美食之旅畫上完美句號。綠茶餐廳將江南園林嘅雅緻與熱帶雨林嘅活力完美融合，等客人可以喺城市中心享受難得嘅寧靜與美味。…Read More

係奧海城發現呢間新餐廳，見到好多人係門口等位一定有返咁上下魅力😛😛入餐廳宛如行入竹林，裝修精緻舒服！食物種類繁多，仲見有香港限定嘅菜式薺菜碎肉千張包用上湯浸住，豆腐皮入面包住肉碎同薺菜吸咗湯嘅千張包咬落充滿湯汁簡單但表現出食材風味👍🏻👍🏻土豆芝士塔外表好似葡撻咁，鬆脆外皮配搭軟糯嘅薯仔加上芝士調味，將中西合璧嘅優點集於一撻😋五花肉炒鹿茸菇比較少見有鹿茸菇做主角嘅菜式，通常飲湯先會見但炒都係咁惹味！少少辣吊出香味五花肉唔太肥幾好🤟🏻龍井烤雞百多元就有整隻烤雞，煙熏味十足店員會幫忙剪到一件件，點埋附上嘅辣粉香料更加好味！😍陳皮菜蒲頭老鴨湯湯好清甜🥰🥰好足料！味道唔會好咸，係鮮味嘅感覺西湖西峰塔見到形狀咁可愛、打卡十分之一洗奶香味十足，配上甜甜地嘅汁都唔錯😉每道菜都有特色，仲有好多款未試過！會想再encore呢😚😚…Read More

自搬家後已很久沒有到奧運站一帶了，前陣子陪媽媽回去處理事宜，順道到奧海城走走。在商場內走著走著，發現綠茶餐廳在這裏開了分店，二話不說就帶著媽媽開餐。茶位$12/位，喝的是九曲紅梅，茶味挺芳香，色澤如紅梅般偏紅。野菜腐皮卷 腐皮卷內包著馬蘭頭春筍、細芹菜及香菇等配料，馬蘭頭有著特殊的氣味，與腐皮的豆香交織在一起，口感爽脆清甜。龍井烤雞 烤雞外皮薄薄的，金黃酥脆，內層雞肉嫩滑多汁，基本上輕輕一撕就能脫骨，細嚼時有淡淡的龍井茶香。雪菜酸湯魚片 魚片份量多，零骨絲，口感爽脆，一點魚腥味都沒有，而酸菜金湯非常惹味，微辣中又帶點蒜香，酸辣醒胃。黑松露牛肉炒飯炒飯送上來時有濃濃的黑松露香味，飯粒香軟乾身，粒粒分明，配上牛肉碎粒及粟米青豆等配料，口感層次豐富，讚。…Read More

路過呢間餐廳見到好長期滿座，星期五早收工終於有機會嚟試吓。九曲紅梅 茶香濃郁，但不會過於苦澀，仲有一絲絲嘅回甘，好飲。龍井烤雞龍井茶香滲入雞肉，雞肉質感好嫩滑，雞皮烤得微脆，內裏又幾juicy，高質。杭式片兒川 湯底清鮮帶有一點點豆腐乾同雪菜嘅香氣，麵條爽滑彈牙，有d似手工意粉，前後叫咗兩碗鮮肉包包子皮鬆軟，肉餡鮮嫩多汁，咬開嘅時候，肉香撲鼻，$38 5粒好抵食。 雪菜酸湯魚片 呢道菜係我今晚嘅最愛！酸湯味道非常開胃，辣度適中，魚片滑嫩，完全冇腥味。仲帶有少少溫暖嘅麻感，粉絲同炸枝竹都索汁，幾夾。西湖藕韻擺盤好靚，食落爽脆微甜，外層有炸蓮藕片，中間嘅蓮藕仲有加入糯米，幾考功夫。綠茶餐廳 (大角咀)大角咀海庭道18號奧海城二期1樓105A號舖…Read More

龍井烤雞$138台台都會點既菜式，其實食落真係好震驚 因為佢成隻都整到好嫩滑入味😍😍就連雞胸位置都係勁滑 好正！🤤唯一要講佢就係同龍井無咩關係😂麵餅醬香五花肉$108呢個幾有創意！呢個就係五花肉版本既片皮鴨 啲餡差唔多，五花肉炸到脆卜卜，外軟內脆正😋😋～食落又唔會覺得好肥既五花肉👏江南茄子煲$78味道惹味 茄子入味！唔錯👏蝦湯泡飯$88泡飯會跟埋一碗脆米，一定要落脆米食先正😍😍口感超正！ 原本以為蝦湯會好濃 但又唔係好濃 真係啲失望😔味道一般江南綠茶餅$28呢個好有趣係 啲餡係芋泥 幾得意😋外層好多芝麻 口感都唔錯 唔會覺得好膩，雖然以為佢係成舊都係濃濃綠茶味 …Read More

之前喺大陸成日都好鍾意食呢間餐廳，因為環境好靚好中國風，而且食物好好食價錢都好平，開咗嚟奧海城之後，一直都想約朋友嚟食，今日終於有機會啦。呢個龍井烤雞真係最出色，因為比較特別，而且佢嘅雞肉好嫩滑雞皮都好脆，而且有少少茶味，食落竟然好夾。另外呢個粉絲裹蝦係會有職員過嚟幫你整，有表演睇佢嘅食物都好好食。佢嘅蝦非常新鮮，而且好大隻，沉埋粉絲真係一流啊。另外今日仲嗌咗呢個章魚芋頭煲，本身唔係特別鍾意食芋頭，不過朋友好鍾意食，我試咗一舊原來真係好開胃，拎嚟撈白飯真係一流。呢間餐廳環境又靚又抵食，好適合朋友聚會同打卡，希望香港可以開多幾間啦。…Read More

近期香港開咗好多間綠茶餐廳而奧海城分店係以竹林為主題🦥平時每次經過都會勁多人喺出面排隊今日咁啱晏左少少未食嘢又經過 唔使等位等咁耐就嚟咗試佢啦😝✨龍井烤雞$138呢個菜式簡直每一張枱都係必叫嘅首先職員放隻雞喺台for你打卡隨後就會收走幫剪開晒再方面食👍🏻份量大之餘 雞好滑皮好脆🍗仲要有兩隻髀位㖭✨粉絲裹蝦$108成煲粉絲上枱啲蝦其實係未熟㗎佢會喺你面前放一個爐再放一個計時器開火加熱5分鐘後職員會幫你炒勻再焗2分鐘就可以食粒粒蝦都勁彈牙新鮮大隻又多唔知點解粉絲永遠配蝦都係冇得輸嘅💁🏻‍♀️✨蔥香脆皮烤鴨$128話明蔥香 當然成碟就以蔥為主用蔥加類似XO醬配上烤鴨 十分惹味✨黑醋脆皮牛腩$118脆皮牛腩呢款菜式好新穎原來牛腩都可以炸嘅唔肥唔瘦嘅牛腩再加黑醋再加上底下一啲米通 感覺非常新鮮✨江南綠茶餅$28一碟四個 相當抵食而且啱啱上盤是熱辣辣脆卜卜有好多芝麻喺面 而且內餡係滿滿嘅芋泥散發出淡淡嘅芋泥香 …Read More

說到浙江菜餐廳，還是綠茶餐廳性價比最高，不枉我和媽媽專程去奧海城吃，簡直化算，而且綠茶餐廳亦有香港的限定菜色，綠茶餐廳既有傳統的浙江菜，又有創意的組合，綠茶餐廳既懷舊也創新，吃出記憶中的浙江味。直接跳到我今晚最愛的龍井烤雞，為了龍井烤雞我可以再來一次綠茶餐廳，外皮烤得酥香焦脆，裡面的雞肉多汁軟嫩，咬下去有滿滿的濃郁茶香，雞汁都保留其中，輕輕撥開就能將骨肉分離，龍井烤雞相當有誠意。龍井烤雞是我心中的第一名，那麼粉絲裹蝦則是第二名，綠茶餐廳將調好的醬料淋在粉絲上面，再放上蝦去蒸煮，色香味俱全，鮮蝦肉質甜美，富有彈性，從背面切開蝦肉讓醬汁充分入味，粉絲裹蝦實在好吃極了。鮑魚小炒肉利用豚肉、鮑魚配上綠茶餐廳獨門的調味料，炒出一道香噴噴的鮑魚小炒肉，令人生津下飯的好肉，半肥半瘦的小炒肉嚐起來肉汁豐沛，小炒肉搭配著新鮮嫩彈的鮑魚一起放入嘴裡，這組合超級完美。真心推薦這道薺菜碎肉千張包，大口嚼下的瞬間就能感受到千張的極度彈性，隨後內餡交織出薺菜的爽甜和碎肉的肉鮮，豐盛的層次在口中堆疊，薺菜碎肉千張包嚼上來好不癮，深得我心，薺菜碎肉千張包底部還有滿滿的雞湯，薺菜碎肉千張包吸附湯汁濃而不膩。茶香奶凍茶味與香氣均挺濃郁，奶凍的牛奶濃醇帶點茶葉的甘味，茶香奶凍質地軟滑，輕彈柔嫩，入口即化，茶香奶凍的茶甘在嘴裡化開的滋味真棒。茶香奶凍上薄脆微焦的焦糖脆脆亦為茶香奶凍增色不少，可口迷人。…Read More