綠仙子台式餐廳 (Changed Hand)

星期六係深水埗做完義工之後友人即刻提議去綠仙子食lunch，極力推薦呢度新竹米粉！雖然我麻麻地米粉，不過我都決定叫碗小排骨新竹米粉試下！新竹米粉質感同廣東米粉有所不同，新竹米粉沒有把麵條發脹，反而把小排骨的濃郁醬汁滲入，味道唔錯！仲叫左豆沙蕃薯酥同香炸南瓜餅兩個小食。先講香炸南瓜餅，與其係南瓜餅，不如話係南瓜波，上碟時呈現球型，咬口頗為油膩，南瓜香味不十足。反觀豆沙蕃薯酥讓我們有驚喜！可能因為本來蕃薯甜，加上豆沙豐富了口感，以沾粉油炸方式又不失兩種材料的甘甜。以平民食店來說，實屬加分之作。值得一提的是，店外擺放了懷舊小遊戲機，一個係夾公仔，一個係彈乒乓球機，令小朋友玩得津津樂道！…Read More

有事要到深水埗,又到下午茶時段,肚子餓了,之前食過呢間都覺得OK.那今次再食....下午茶選擇頗多,價格也唔算昂貴...看了餐牌後最終決定了要混醬吐司$17.滷水雞脾加薄荷珍珠奶茶$30坐了一陣子,吐司上場.望著那份吐司,心知不妙...那份吐司是好像平日在家吃的麵包加花生醬牛奶...問題係入面的醬勁乾.真係乾到好難食....為了唔浪費食物,真係唯有夾硬食左佢..我覺得店方還是把醬放在麵包上比較好,唔會乾得咁離譜..滷水雞脾加薄荷珍珠奶茶...雞脾整得太熟,唔洗用太大力都可以切開了,滷水汁唔夠入味.又細隻,望落去都覺得營養不良..食完真係唔夠飽.加了錢的薄荷珍珠奶茶,與其話茶,倒畢如說是水,淡而無味,小小味道也沒有,珍珠也沒有味道之餘也過淋.又是不合格之作.經過今次恐怖經歷之後,以後也唔會再去了...服務:店員成日在附近,未諗到食乜又企在隔離,真係好有壓迫感..環境:比較殘舊,尚幸清潔程度尚可...…Read More

是日蘿拔妹成家星期日罕有地到深水埗區行下鴨寮街！行到下午茶時間之際，一家就去到西九龍中心睇下有咩好食啦。見到水牌話二樓有台式食店，看樣子好像不錯哦。在西九龍中心食野，當然要做好expectation management，餐廳燈光暗、裝修殘舊都是正常的吧，只要環境乾淨就ok了，這裡的地方衛生程度還可以，長長的卡位四人坐還蠻舒服的。下午茶的選擇真多，由飯面類、吐司、炸物沙律等等都應有盡有！蘿拔妹選了比較有台式風味的棺材板配上茉香珍珠奶茶。棺材板用的吐司比較薄身，相比起當年在台北夜市吃的真的有薄了一半！但餡料確是不錯的，有煙肉、薯仔、粟米、沙律醬，有少許黑胡椒調味，惹味。而且值得一讚的是這份棺材板是用烤的方法製作，比起台灣用油炸的方式健康多了。這份棺材板烤得非常酥脆，包邊和蓋都是非常香脆的。茉香珍珠奶茶叫了少甜，甜度適中，帶有少許苦澀味，茉莉味嘗不到了，但奶味卻是有點過分濃郁！珍珠是非常chewy的，所以算是合格。能夠免費跟餐，這杯飲品算是能勉強過關！一份下午茶不過30元，一向在中西區覓食的蘿拔妹覺得實在太便宜了！而且質素也是ok，好過經常到連鎖速食店下午茶吧！…Read More

下午休假去到西九龍中心等考車嘅筆試, 考試前除咗要臨急抱佛腳咁溫書之外, 當然第二重要嘅就係要醫飽個肚. 見係有間靜靜地嘅台式餐廳係上場角落, 又唔駛等位, 就決定試下啦, 都過咗standard 食lunch時間, 所以應該可以任坐, 溫多陣書. 有lunch set, 好! 叫咗個香茅豬排米線加杯珍珠奶茶香茅豬排米線 – 香茅豬排炸得好熱, 但係好油, 眼見塊豬排d油係碗米線湯慢慢浸出黎, 漫延到成碗米線湯面都有一層油, 令到我覺得有少少嘔心同可惜, 豬排雖然香茅味唔夠重但都係好食, 如果香炸嘅豬排係另上, 唔係浸埋係碗湯面, 咁就可能會更佳. 珍珠奶茶 – 呢個like! 好台式, 奶味十足, 但係d珍珠唔夠硬, 但overall 都好飲!!!…Read More

陪女友去運輸處考筆試﹐經3/F條通度直達西九呢間店﹐方便﹐兼有員工出黎介紹﹐以為服務會OK想去右邊﹐員工指我哋去左邊﹐算了﹐下午茶﹐人手集中D都係好事﹐點知再中計坐低想叫食物﹐完全冇人﹐要行番去右邊先至落到單加份小食鹽酥雞﹐完全同上﹐行多轉野食黎到﹐想要辣椒油﹐再行多轉﹐不過我去到收銀位旁的調味架左找右找﹐終於有員工幫我講番食物﹐鹽酥雞碎兼無味﹐D麵質唔得﹐平時我會食埋女友食淨的﹐今日我都沒有衝動這樣做﹐兩個冇食早餐﹐冇食午餐的人連兩份茶餐+1碟小食都食淨好多…Read More