素悅軒

Open Now

Now Closed

勁耐冇去荃灣食嘢luuu，聽講荃灣有間素食車仔麵，亦是💛，就嚟試下(>^ω^<)✨米線配鹵水蛋、魚蛋、牛蒡扒✨每碗都會有多幾條菜，餐湯原來有得任裝😋講返碗米線先！鹵水蛋嘅鹵水味偏淡😂😂而素魚蛋方面，當然冇真魚蛋嗰種味，都幾香 唔係彈牙嘅口感，我幾鍾意素魚蛋嘅🫶🏻而牛蒡扒係特別嘅，咬落去好有素肉嗰種質感，食落都有牛蒡絲( ´▽｀)勁短嘅食評😂～總括而言，如果以$50三餸一麵都還可以接受嘅。記得之前食過幾次麻辣同喇沙湯底都係偏鹹 今次就叫清湯，清湯米線都唔錯👍🏻餸方面不過不失啦(o^^o)

真係估佢唔到咁好食，特別係出邊搵唔到嘅姜油撈飯，好食到震，我本身諗住見到佢地有素食車仔面，但係去到現場個個都叫三餸飯，可能lunch time, 所以試下，我平時覺得素食好寡淡好難送到飯，但係佢地個味道，咸甜，鑊氣一切都剛剛好，你系feel到每一啖餸都好有心機去煮，而且椒鹽茄子係即炸，超香超惹味，個例湯係蕃茄薯仔湯，完全冇味精，好輕盈。係唔似得一般茶餐廳嗰種例湯飲落去好重負擔，我覺得呢一餐真係好健康，絕對推介

在香港想食素車仔麵，首選荃灣這間巷仔小店，麵底和湯底都好多款揀，配料有純素也有蛋奶素，必定要吃的是炸薯片。唔想食麵亦有三餸飯，只要你唔介意坐後巷就OK。小店距荃灣地鐵站不遠，過天橋再所幾步就到，不過位處巷弄裡，一不小心都容易錯過。食車仔麵可以自己畫紙仔，選擇都幾多甚麼都想試一下。室內座位不多，食飯時間通常都要坐出面，三餸飯的菜式就寫在餐牌上。我選了時菜、冬菇和牛腩撈生麵，另外附了一碗好鹹的湯是要倒落去自己撈下的。今次吃腩汁撈麵我覺得一般，上次來吃湯麵更正。這牛腩吃起來比較像羊腩，雖然都係素肉鍾意叫咩都得。一定要食的炸薯片，即叫即炸要等一陣先有得食，非常香口脆卜卜，中間薯仔片薄得來還有一點厚度，不會只吃到脆漿，上面灑的椒鹽更有提升作用。來這間記得一定要食呀！

噚日(19-9-2022 Mon)我放假,自己送完可回收嘅塑膠後食晏,由於熱氣同唔想食肉,於是走嚟呢喥(上次食評係2021年10月23日刊登嘅呢篇: https://www.openrice.com/zh/hongkong/review/yeah-%E7%B5%82%E6%96%BC%E9%A3%9F%E8%BF%94%E9%BD%8B-e3934352),嚟到時,可能係平日,所以唔full,我坐低後睇車仔麵menu,決定要$60.00嘅三餸撈麵,要鹵水大腸,牛丸,紫菜米粉,沙爹汁.一如以往,坐低後會自動送上素湯,今日係紅蘿蔔菜乾湯,正,可以解熱.不過由於太熱,所以我唔飲住.而撈米好快到嚟,紫菜係跟湯分開另上,食吓牛丸先,質感同口感同真嘅牛肉好似,而味道係充滿豆味.鹵水大腸外形唔似唔緊要,口感可以就得.米粉好熱,口感都係爽,米味濃.紫菜份量亦夠,唔錯.而沙爹汁對我嚟講有啲辣,下次都係唔揀沙爹汁lu.4.2分 好喇,食完至飲湯,菜乾味好濃,但個湯唔會好鹹,啱啱好,之後我都添多一碗.4.5分環境:本身迫夾冇問題,但我坐嗰個位係冇冷氣,而因為個撈米係熱,到我飲第二碗湯都已經大汗疊細汗,男伙記

入左素食青年搵食，好多人都推素悅軒，等我又試下揀食車仔麵。鋪頭唔算難搵，環境未必係最好但相信出品係好既。七點幾去到，老細話做埋我地就收工，因為食材已經賣曬喇。我地真係lucky!其實都好多選擇素鴨紫菜大腸米線，肉骨茶湯底肉骨茶淡左小小，素鴨吸曬湯汁正，大腸一般叉燒蘿蔔炸薯片粗麵，麻辣湯底叉燒惹味，蘿蔔甜炸薯片真係幾好食，即叫即炸。鋪頭好善心，定期都會有派飯盒俾需要人士值得支持。

另一間想寫下嘅車仔麵係素悅軒，佢喺荃灣去圓玄學院既小巴站附近，其中一條橫街窄巷，要細心搵先見到～車仔麵配喇沙湯底，超正：炸薯片，即叫即炸，好好味：有機會出開荃灣再食～

自從葵涌邨疫情爆發後，路過葵青區係死城🥲住喺隔條德士古道就到嘅荃灣區亦出現爆發無一倖免🥺荃灣/荃灣西站附近每間商場商店及餐廳都拍晒烏蠅😪作為街坊可做嘅，就係多幫襯呢區嘅素黃店，希望佢地捱過結業潮，保住自己可揀嘅選擇💛素悅軒，素食車仔麵界算是舉足輕重嘅代表，亦是版主熱愛二人世界嘅地點🥴後巷坐街邊撐枱腳，冇野嘛？呢度食嘅係人情味同良心，除左佢夠黃、免費例湯夠足料，呢度仲會免費派飯盒俾有需要嘅基層，值得支持💛配料一半純素一半蛋奶素，素友可以根據自己需要自由配搭。無論係咩素食流派都唔怕冇材料可揀。麵底例如幼麵粗麵都含有蛋，喇沙湯底就有奶⋯order之前記得小心啲揀😀麻辣湯三餸車仔麵 坊間麻辣米線9成9都係肉湯底💩香港素食米線除左三哥都冇乜，喺素食青年好多人最多人推薦呢間就當然試下😆麻辣湯夠味偏鹹，就算叫小辣都好夠辣，以麻辣湯佢算唔多油，健康人士都唔驚，唯獨唔夠香料香味，只有辣味略嫌單調。叉燒夠香賣相亦唔錯，冇螢光色👍🏻麵筋質感幾腍滑有輕微肉感，只係唔夠燶邊🤣冬菇唔會太韌，但偏細粒又有啲菇腳冇剪就減分🥴用素蠔油炆煮，味道同普通蠔油冇太大分別，味道唔差如果用返大隻啲嘅花菇就更好。至於私心想試多啲原

非常高質素嘅素車仔麵，麻辣湯底好正，炸薯片超好食，樣樣餸都好好食又抵食，仲有湯可以任飲，健康又好味，仲會定時定候派飯俾公公婆婆，真係好好心，好值得支持嘅小店！！

今日係初一又見Openrice好多好評，同2個朋友黎試吓素食。鋪頭細細，裡面有2張4人檯，外面巷仔有4張檯。我同朋友坐裡面，突然有陌生人坐落黎，我話疫情關係唔想同人搭檯，但侍應話「呢張係4人檯坐4個人」。但啱啱走果堆人有大有細最少6個。搭檯搭到隔板都無塊，隔離張檯坐左3堆人，要同陌生人面對面咁食嘢，好難會有下次。不過我由2:30等位到食完離開，佢都好多人幫襯，好受歡迎。食物係正常素食，但可以做到車仔麵係少有。

今日(23-10-2021 Sat)晏晝,同老公食個晏先,由於我想清吓腸胃,於是嚟食素車仔麵,我哋嚟到啱啱重有位,同樣,坐低後會即刻俾一人一碗湯,今次係南瓜湯, 我哋揀完車仔麵後就飲.好好味,清得嚟又唔會太淡,而且都有粟米, 飲完後我都添多碗.今次我哋要咗鹵水大腸,雲耳,蘿蔔肉骨茶油麵,同響鈴,金菇,牛腩,牛腩汁油麵.鹵水大腸,雲耳,蘿蔔肉骨茶油麵一上枱就嗅到好濃嘅肉骨茶油味;鹵水大腸口感幾似;雲耳正常冇問題;大大舊蘿蔔甜同冇渣.響鈴,金菇,牛腩,牛腩汁油麵呢,頭兩樣都正常冇問題,牛腩嘅質感亦似,而佢其實都係豆類製品嚟.味道係4.7分環境:呢日天氣涼涼地,我哋坐入面,但好似冇開冷氣,唔緊要,但門口係有塊膠片,所以享受唔到清涼嘅天氣,有少少焗.服務:好好,好親切.其他:呢喥逢星期一,三至五都免費派120個飯盒.上次食評係2021年2月15日刊登嘅呢篇: https://www.openrice.com/zh/hongkong/review/yeah-%E7%B5%82%E6%96%BC%E9%A3%9F%E8%BF%94%E9%BD%8B-e3934352

純素車仔麵專門店 街坊小店 煮得用心 人情味十足素悅軒距離荃灣地鐵站不遠 環境很乾淨 氣氛充滿香港地道風味車仔麵配料有純素也有蛋奶素選擇 基本款可選3種配料 湯底有清湯,喇沙,麻辣汁選擇蘿蔔、豆卜和炸薯片，沙嗲汁有幾塊素肉片 湯底有點辣味,味道充滿家既味 完全無味精脆薯片好食,新鮮即炸,另有例湯係全素既,好滋潤清心消費$80荃灣兆和街25號海晴軒15號舖

之前聽fd講過呢間素食店。居然車仔麵有特別湯底，同埋有d特別未聽過既餸，己想黎試不過就唔啱時間，終於揾到機會啦。見d commt 話呢間肉骨茶同喇沙湯底出名，今次我就試左肉骨茶，叫左以下既餸。其實overall 味道幾好，份量個人黎講覺得都唔細。蘿蔔：都幾甜，但係有少少渣。牛蒡扒：好得意，第一次聽，食落感覺似素扎肉，幾好味。冬菇：都幾好味。環境：唯一唔好係鋪位細，得兩張枱迫少少。而且環境係後巷仔差少少，不過鋪入面都有冷氣。

好耐無黎素悅軒呢頭，咁岩今日黎到，黎食下麵先見到外面坐滿曬人，以為無位諗住調頭走，但廚房姨姨好nice叫我入去坐入到去同樓面戴眼鏡個個姐姐對左眼，但佢扮睇我唔到，之後又無比例湯寫完揀餸紙之後比左佢，唔知係咪佢無交比廚房，好耐都無野食，反而係廚房姨姨同男仔見到我好耐無野食先主動問我落左單未 ，仲問我要唔要例湯原來佢地無收到我張揀餸紙，之後要再寫過再寫過之後好快有得食味道ok不過比樓面姐姐咁對待之後有啲谷氣好彩廚房姨姨同男仔有禮貌，如果唔係真係嬲到爆，差啲想比服務一星，好彩廚房姨姨同男仔中和返

𝒩𝑜𝑜𝒹𝓁𝑒 𝒮𝒽𝑜𝓅 𝒾𝓃 𝒯𝓈𝓊𝑒𝓃 𝒲𝒶𝓃呢間係一間金黃既荃灣素食小店💛，位於兆和街一條唔起眼既小巷入面，都係朋友帶路先識黎。店面唔大，見到牆上痴左海量既愛心飯盒既資料💕幫助有需要既人。佢既𝓂𝑒𝓃𝓊好簡單，揀三樣餸、面底同湯底就搞掂。湯底除左有沙嗲、麻辣、牛腩，仲有好少見既肉骨茶。今次叫左外賣，自動分左湯。三餸揀左2個炸薯片同一個牛蒡菇扒，米粉同喇沙湯底，埋單$48。炸薯片特登用錫紙包住，保持熱度，所以番到屋企仲係熱既。佢既炸薯片炸到金黃色，上面加左椒鹽，外表熱辣辣脆卜卜，而入面既薯仔都唔算薄身，有薯仔口感得黎又有薯片果種脆度，勁有驚喜🥰（雖然我影得勁唔吸引😌）好彩朋友提我叫兩份🤣🤣🤣牛蒡菇扒似用豆同牛蒡整成，口感好實淨，唔似食緊素，喇沙湯底配好吸味既米粉就非常夾，成餐食得好惹味滿足😚😋，絕對係荃灣既平民良品。📍  素悅軒荃灣兆和街25號海晴軒15號舖

坐落在荃灣兆和街，一間在後巷靜靜地開著的車仔麵店，彷彿像一個小毒毒，沒有太多人發現它的存在。但事實上，它一點也不毒：恆常性的長者派飯活動，令它在區內有一定知名度。而它的另一個賣點，就是素食車仔麵。甫坐下來，店舖姐姐有禮地擦乾淨桌面，又遞上一碗素湯，照湯內的材料來看，應該是茶樹菇和百合湯。聞說這間店舖有名的問喇沙湯底，故點了油麵配喇沙，加上素叉燒、牛腩、鹵水蛋和炸薯仔🥔。有曰素肉不能跟真正的肉比較，因為大家的食物成份和組織不同。但其實素叉燒和素牛腩的味道也不差，它們主要成份是蛋奶素，相比真牛腩和叉燒，少了一份油膩，卻有一陣陣豆香味；鹵水雞蛋🥚正正常常；最美味的是炸薯仔🥔，新鮮即炸，再灑水蒜份，不但脆卜卜，還非常鹹香；喇沙湯底則不夠香味，有少許失色。除車仔麵外，這間素食店也會提供飯食，為食客提供麵食以外的另一選擇。