Read full review
2024-02-12
520 views
真漢子大年初二嚟到荃灣出名嘅素食車仔麵「素悅軒」朝聖,老闆話因為比人捉到要罰 $6000 所以而家冇得坐巷仔,坐返入細鋪仔所以搭枱係在所難免。新春期間每碗麵多收 $10(營業時間唔記得睇添,sor 😅)。第一次食但由於餸嘅選擇唔多,所以都冇選擇困難嘅問題。餸清晰哋分開為純素定蛋奶素,炸薯片個個都話要食,梗係要叫啦。另外叫咗平時車仔麵較少食到嘅素叉燒同牛蒡扒。湯底揀咗肉骨茶,麵底就食河粉。☺️真漢子並冇食過正宗嘅肉骨茶,呢度嘅肉骨茶冇想像中咁咸,但有濃濃嘅藥材味道,可以直接飲,配埋索湯嘅河粉食非常好味。不過河粉就煮得超淋,未必人人鍾意。🙃叉燒就唔算好驚艷,口感亦較淋唔似叉燒,但味道都 okay 嘅。牛蒡扒應該煎過所以好香口,食落亦好彈牙,非常推介。👍🏻嗱到戲肉就係大家都讚嘅炸薯片喇,爽口嘅薯片即叫即炸,薄薄嘅外層脆卜卜,可謂外脆內爽。加咗啲椒鹽响面,初初食覺得好惹味,但後尾覺得似乎冇咗啲鹽冇咁咸,更食到薯味。😋唔知有冇人食到想 encore 呢?問咗老闆另外叫多份都係 $15,麥當勞散嗌一塊薯餅都係差唔多喎,但呢度有三塊,好抵食呀。😛當然仲要提吓佢哋好有善心,會定期派飯盒比有需要嘅人士。店
第一次食但由於餸嘅選擇唔多,所以都冇選擇困難嘅問題。餸清晰哋分開為純素定蛋奶素,炸薯片個個都話要食,梗係要叫啦。另外叫咗平時車仔麵較少食到嘅素叉燒同牛蒡扒。湯底揀咗肉骨茶,麵底就食河粉。☺️
真漢子並冇食過正宗嘅肉骨茶,呢度嘅肉骨茶冇想像中咁咸,但有濃濃嘅藥材味道,可以直接飲,配埋索湯嘅河粉食非常好味。不過河粉就煮得超淋,未必人人鍾意。🙃
炸薯片,叉燒,牛蒡扒,肉骨茶湯底,河粉
44 views
0 likes
0 comments
叉燒就唔算好驚艷,口感亦較淋唔似叉燒,但味道都 okay 嘅。牛蒡扒應該煎過所以好香口,食落亦好彈牙,非常推介。👍🏻
炸薯片,叉燒,牛蒡扒,肉骨茶湯底,河粉
47 views
0 likes
0 comments
嗱到戲肉就係大家都讚嘅炸薯片喇,爽口嘅薯片即叫即炸,薄薄嘅外層脆卜卜,可謂外脆內爽。加咗啲椒鹽响面,初初食覺得好惹味,但後尾覺得似乎冇咗啲鹽冇咁咸,更食到薯味。😋
炸薯片
13 views
0 likes
0 comments
唔知有冇人食到想 encore 呢?問咗老闆另外叫多份都係 $15,麥當勞散嗌一塊薯餅都係差唔多喎,但呢度有三塊,好抵食呀。😛
炸薯片
61 views
0 likes
0 comments
當然仲要提吓佢哋好有善心,會定期派飯盒比有需要嘅人士。店內亦貼滿咗有份捐款善長嘅名字,所以如果有能力都可以幫手捐助吓㗎。❤️🙏🏻
Post