41
6
2
3-min walk from Exit B1, Tsuen Wan MTR Station
continue reading
Telephone
34864428
Additional Information
Vegetarian restaurant
Opening Hours
Mon
12:00 - 20:00
Tue
Closed
Wed - Sun
12:00 - 20:00
Above information is for reference only. Please check details with the restaurant.
真漢子大年初二嚟到荃灣出名嘅素食車仔麵「素悅軒」朝聖,老闆話因為比人捉到要罰 $6000 所以而家冇得坐巷仔,坐返入細鋪仔所以搭枱係在所難免。新春期間每碗麵多收 $10(營業時間唔記得睇添,sor 😅)。第一次食但由於餸嘅選擇唔多,所以都冇選擇困難嘅問題。餸清晰哋分開為純素定蛋奶素,炸薯片個個都話要食,梗係要叫啦。另外叫咗平時車仔麵較少食到嘅素叉燒同牛蒡扒。湯底揀咗肉骨茶,麵底就食河粉。☺️真漢子並冇食過正宗嘅肉骨茶,呢度嘅肉骨茶冇想像中咁咸,但有濃濃嘅藥材味道,可以直接飲,配埋索湯嘅河粉食非常好味。不過河粉就煮得超淋,未必人人鍾意。🙃叉燒就唔算好驚艷,口感亦較淋唔似叉燒,但味道都 okay 嘅。牛蒡扒應該煎過所以好香口,食落亦好彈牙,非常推介。👍🏻嗱到戲肉就係大家都讚嘅炸薯片喇,爽口嘅薯片即叫即炸,薄薄嘅外層脆卜卜,可謂外脆內爽。加咗啲椒鹽响面,初初食覺得好惹味,但後尾覺得似乎冇咗啲鹽冇咁咸,更食到薯味。😋唔知有冇人食到想 encore 呢?問咗老闆另外叫多份都係 $15,麥當勞散嗌一塊薯餅都係差唔多喎,但呢度有三塊,好抵食呀。😛當然仲要提吓佢哋好有善心,會定期派飯盒比有需要嘅人士。店內亦貼滿咗有份捐款善長嘅名字,所以如果有能力都可以幫手捐助吓㗎。❤️🙏🏻
continue reading
探險荃灣,會心一笑,搵到間素悅軒。內裏風氣熱鬧哄哄,幾盞燈照得温馨又舒服。麵條選擇好多,我揀咗沙嗲湯底幼生麵同三樣配料,重未夠喉,叫埋份新鮮炸薯片。嘗過嗰粉嫩色泽嘅南瓜湯,真係滋味,係咁滑咁甜,完全無得輸。沙嗲湯底微辣,正中下懷,椰香四溢,重點料足,豆卜、素菇,食落咬落嘴感覺鬆軟得嚟又有少少彈性,勁。要讚嘅係嗰薯片,香脆得黎熱辣辣嘅口感😍,加咗點椒鹽,薄脆到喺呢度都聽到聲音,諗起啲薯片,口水直流。坐外邊大排檔咁,吹住自然風,味道似乎更加提升,對面嘅街坊笑嘻嘻咁同我哋打招呼——呢度真正係有香港嘅社區味道🌆。總結,素悅軒得閑去食,實在係梗係好抵食之選,以平民嘅眼光,呢度絕對值得再黎棧落。下次想試下佢哋素蘿蔔糕,睇落都好吸引!🤤🌿🥢
continue reading
第一次食素車仔麵,麵底和湯底都好多款揀,配料有純素&蛋奶素店面小小,不過都幾快坐滿,證明受歡迎喇沙湯底 (小辣)叉燒都幾似,平時我唔中意素食加工食品都覺得唔錯必點炸薯片,即叫即炸,熱辣辣第一次食車仔麵有薯片,幾厚身喇沙湯底 (微辣)素鴨吸曬湯汁正,蘿蔔香菇都好入味整體都好好食,不過朋友食開話覺得份量少左,我地女仔食都覺得唔太夠飽唯有去附近食多個糖水><
continue reading
個肉骨茶好掂, 味道香濃, 飲完之後成身滾曬,一碗三餸米粉已經夠飽,因為飲晒碗湯。環境如果收拾得整潔D會好好多。服務員有礼,食飽飽走嘅時候,佢會同你講‘’阿彌陀佛‘’
continue reading
我在西方寺禮佛完,往上圓玄學院小巴總站搭下來,81號小巴往荃灣去返終站落車,就會見到。今次叫的三餸素車仔麵是:公仔麵比出面茶餐廳好吃 ,素牛腩像真度很高,素牛丸爽口彈牙,菜都非常嫩口,用了素牛腩汁,湯很好味,加上熱檸檬茶很有茶味,整體總結很美味,服務態度親切,平民化價錢比酒樓更高質的服務質素。聽伙記說最馳名的其中一樣餸是薯片,可惜是我吃完後才聽到,唯有下次再光顧時再點。仲有派飯給老人家,非常善心,值得一讚!
continue reading