Years (Fuk Lung Building)

網上找到一間以素食為主題的cafe，計劃與吃得健康的老友聚舊，輕鬆放慢聊聊近況。我們大約晚上七點多到達，邊聊邊吃，由主菜吃到甜品，不知不覺，過了一個多小時。這頓飯感覺放鬆、環境cozy😊 加上員工友善、有禮貌、記性好，不用筆錄就記得我們點的菜👍日式咖喱吉列豬扒意大利飯首次見到日式咖喱與意大利飯的配搭，覺得特別，於是嘗試一下。上菜後發現這碟飯份量好大，一個人吃不完，我們二人分享。除意大利飯外，吉列豬扒下面藏著很多薯仔和紅蘿蔔。個人特別喜歡日式咖喱、意大利飯及青豆角的配合，一來喜歡撈汁吃飯，二來爽口，口感很好！而素吉列豬扒，外表有輕輕炸過的口感，內裡有軟軟豬扒的質地與彈性。素年經典不可能芝士漢堡配蕃薯條包有點甜味。素牛肉除了沒有牛肉的鮮味外，質地、口感分別不大。舖著一層素芝士，夾著很新鮮的洋蔥和生菜。這個經典配搭很簡單，卻好好吃！而粗身的蕃薯條像是輕輕炸過，不油膩，蕃薯味重。飲品分別點了熱京都宇治玄米茶和芒果樂園。芒果樂園是攪拌著芒果、西柚、燕麥奶沙冰。喜歡它不會很甜。純素黑芝麻芝士蛋糕份量比想像中大，二人分享。黑芝麻味濃，餅底厚，中間軟綿綿。…Read More

同朋友見面一定要環境舒服，食物味道好，最緊要近我，今次就選擇左特色cafe: 素年生薑紅棗桂圓柚子紫蘇茶這款茶的味道非常豐富和層次分明。生薑帶來一絲辛辣和溫暖，紅棗則增添了甜美的果香。桂圓的味道濃郁，帶有一點蜜糖的甜味，而柚子則提供了清新的柑橘香氣。紫蘇的加入使整體味道更加清爽，帶有一點草本的清香。這些成分混合在一起，形成了一種既溫暖又清新的獨特風味。素年經典不可能芝士漢堡味道非常豐富和滿足。這款漢堡使用了植物基的“不可能肉”，帶來了與傳統牛肉漢堡相似的多汁和鮮美口感。芝士的濃郁奶香與“不可能肉”的味道完美結合，增添了層次感。新鮮的生菜、番茄提供了清爽的口感，搭配上柔軟的漢堡麵包，整體味道非常和諧且令人滿足。香芋番薯波波味道非常獨特和令人愉悅。香芋帶來一種濃郁的奶香和微甜的口感，而番薯則增添了自然的甜味和柔軟的質地。這兩種食材結合在一起，形成了一種既香甜又綿密的口感純素伯爵茶芝士蛋糕伯爵茶帶來淡淡的茶香和柑橘香氣，與芝士蛋糕的濃郁奶香完美結合。…Read More

📍 素年 - 深水埗福華街呢間素食餐廳超高質，位於深水埗，但係份量大大碟，啲份量多到係一個男仔食晒都會嗌飽，而且模仿肉類仿真度極高，以西餐為主，有意粉、燴飯、全日早餐，而且最近餐廳仲做緊套餐優惠特價，上次嚟食都冇套餐優惠，正價飲品仲可以減$12，淨係個意粉都已經平咗$20，真係平到爆啊😗✨ 素年經典不可能肉醬意粉份量超多，而且勁多蕃茄汁，令到啲意粉好掛汁，啲汁多到食唔晒，仲有新鮮嘅蕃茄仔，仿豬肉度超高🍝而家套餐優惠仲做緊$78，必食必食🍝🍝✨ 炸魷魚圈配香辣甜酸醬✨ 泰式春卷配甜酸醬口感真係好似食緊魷魚🦑春卷就不過不失，兩款小食都有甜酸醬，開胃🤤✨ 日式咖喱吉列豬扒意大利飯我覺得最特色嘅係有兩塊青蘋果，炸嘅吉列豬扒同埋有咖喱，感覺上都會比較油膩，但係剛好有兩塊新鮮嘅青蘋果，就可以平衡返油膩感，食落都好清新。呢個咖喱飯誠意十足，唔係求其潷出嚟就係咖喱飯，係真係用咖喱去燴飯，而且超大碟，豬扒表面嘅炸粉，亦都唔會好厚，中間啲豬肉都整得好結實，又真係幾似食緊厚身豬扒🐽每次嚟到都一定會嗌新鮮水果特飲，正價$50一杯，但係而家做緊套餐優惠價會減$12，$38一杯就可以飲到完全新鮮炸出嚟嘅水果，每一杯都各有特色，無論飲邊一杯，飲完之後便便暢通，係我必點嘅飲品🥤🥤🥤🥤✨ 免疫力增強特飲（香蕉，火龍果，燕麥奶）✨ 爆炸維他命C果汁（香橙，芒果，奇異果）…Read More

素年呢間店聽咗好耐，一直都好想試，今次終於同朋友一齊去咗。店舖唔算大，但人流多，佢主打西日素食。非常十九純素藍莓鬆餅全日早餐全日早餐真係好豐富，有機沙律菜、車厘茄、藍莓、牛油果、甘筍、大啡菇、心內美蘿蔔、紫薯、青瓜、歐芹、生菜、火箭菜，樣樣都有。旋風薯片加咗辣粉，有啲辣，純素炒蛋係用黄薑豆腐整，幾特別。藍莓鬆餅口感OK，唔錯。素年經典不可能芝士漢堡漢堡扒食落去真係完全唔似素食，如果唔係喺素年食，我會以為係真肉！番薯條真係好驚喜，甜甜地又唔油膩，好正。純素原味芝士蛋糕芝士味淡咗啲，唔太甜，幾清新。純素黑芝麻芝士蛋糕黑芝麻味好濃，唔太甜，鍾意芝麻嘅可以一試。京都宇治玄米茶(熱）斯里蘭卡伯爵茶(凍）整體黎講，素年嘅素食真係做得好似真，製作用心，值得一試！…Read More

多了人注重健康，所以素食開始變成現時的潮流，而這間位於深水埗的【素年】，主打西日素食，款式多元化而且吸引，味道不單調之餘又可以更健康。先送上跟餐的玄米茶及伯爵茶。超級維他命C金奇異果野莓沙律沙律用了本地有機菜，加上新鮮的生果及自家製芒果汁，酸甜開胃，而且健康好味。日式咖喱吉列豬扒意大利飯意大利飯煮至軟硬適中，咖喱香味突出，吉列豬扒口感跟真肉幾乎一樣，而且炸至金黃香脆。素年經典不可能芝士漢堡芝士漢堡幾可亂真，麵包軟熟，漢堡扒煎至表面焦香，還配上香脆番薯條。純素伯爵茶芝士蛋糕配糖漬蘋果伯爵茶味濃郁清香，而且不會過甜。…Read More

🌿【深水埗秘境！文青必訪の純素小宇宙✨｜顛覆味蕾的新派素食體驗🍴】 推開「素年」木質調的復古門扉，彷彿踏入一座城市綠洲。淺灰牆面映著暖黃燈光，角落擺滿乾燥花與菜單，每個細節都透著低調的文青質感。這裡不只是一間素食餐廳，更是一場對「永續飲食」的溫柔革命——從農場直送的新鮮蔬菜🌽、到顛覆傳統的植物肉料理，每一口都藏著對土地的深情。 ---🍔 素年經典不可能芝士漢堡｜$138 「這真的是純素？」咬下漢堡的瞬間，Beyond Meat的煙燻香氣與焦脆表層完美復刻牛肉口感，卻少了油膩負擔！秘製純素芝士醬濃郁滑順，搭配脆口紫洋蔥與芝麻葉，層次豐富得令人驚艷✨。貼心的是，套餐可將炸蕃薯條換成 「時令蔬菜沙律」。--- 🌼 黃薑焗福花配自家製乳酪｜$58 這道菜美得像幅水彩畫！福花以烤焗保留原味，沾上綿密的手工乳酪——以腰果發酵製成，帶淡淡堅果香與乳酸溫潤感。乳酪中還拌入細碎檸檬皮，微酸點綴下，福花的清甜更顯突出，彷彿在舌尖跳了支優雅的華爾滋💃。 --- 🍵 凍焙茶燕麥奶｜$32 炎夏救星非它莫屬！焙茶粉經低溫研磨，茶香深邃不苦澀，與燕麥奶交融出絲綢般的滑順口感🌾。頂層灑上少許肉桂粉，暖香與冰涼碰撞出奇妙反差，喝一口連呼吸都帶著禪意。 ---🍫 純素特濃朱古力蛋糕｜$58 甜點控請筆記——這塊蛋糕絕對是「黑魔法」！底層是 類似戚風蛋糕的口感，上層朱古力慕斯以70%純素黑巧製成，濃郁到在嘴裡化開時，竟帶一絲紅酒般的醇厚尾韻🍷。---🌱 藏在細節裡的永續心意店內所有菜品皆可客製化，可轉成不含五辛、蛋奶，連醬料也堅持自製。菜單上標註每道菜的碳足跡，用味蕾實踐環保理念。若偏愛亞洲風味，推薦試試「 麻辣手撕雞髀菇」——微辣麻醬，顛覆你對素食的想像！ ---「素年」不只是一餐飯，更是一場對生活的溫柔提案。下次來深水埗，別忘了留個位置給這片綠意盎然的味覺秘境🌿。 📍 素年🏠 深水埗福華街191號地舖 #深水埗隱世小店 #文青素食 #BeyondMeat挑戰味蕾 #農場到餐桌 #純素甜點控 #香港永續飲食 #素年食記 #吃一口救地球 🌍…Read More

今晚好想食素，約朋友去深水埗試下新派素食，這餐廳以西餐素食為主，店面不太大，但洋溢著一種年青與活力。黃薑焗褔花配自家製純素奶酪，以黃薑焗幾有特色，帶黃色，上面鋪上素乳酪和藍莓，感覺相當健康，褔花脆不過硬，配點素乳酪味道清新，帶有黃薑的香味。素年經典不可能肉意大利粉，都幾大碟，賣相與一般的肉醬意粉類似，味道相當接近，如果不預先知道是素食，很可能認為就是肉醬意粉。意大利粉很煙韌彈牙，味道相當不俗。超級維他命C金奇異果野莓沙律，見到都覺得想食，份量足，蔬果好新鮮，舖上芒果醬汁，微酸甜，好開胃，真是維他命C滿滿。日式咖喱吉列豬扒意大利飯，好大碟，吉列豬扒炸得金黃香脆，好惹味，意大利飯軟滑有口感，味道調得不錯，咖喱香濃，辣度偏低。純素黑芝麻芝士蛋糕，賣相吸引，黑芝麻味超香濃，入口冰涼，好有質感，雖然不是很大件，但足以令人回味。…Read More

這間舖仔細細，永遠都係要等位😍所以真係情願行多幾個街口去分店用餐😂今日特別好想食沙律所以行過就睇吓有無位先好好彩祗排2位就入座😁素年經典不可能肉醬意粉👍👍超級維他命C奇異果野莓沙律😋分量超級勁👍👍熱迷你燕麥奶咖啡熱京都宇治玄米茶…Read More

素年是我最喜愛的一間素食餐廳，這天帶一個朋友初來嘗試，連多吃肉的她，也表示甚為驚喜，大讚十分美味！首先不可能肉醬意大利粉，只售$78，十分抵吃！以Impossible Meat為基底，搭配香濃的番茄醬，意大利香料的調味恰到好處。麵條口感滑順，與肉醬的豐富味道相得益彰。而素年經典不可能芝士漢堡，配有番薯條、沙律菜，令人很滿足！漢堡同樣使用不可能肉作為肉餅，並搭配融化的素芝士，口感豐富且多層次。漢堡的麵包外焦內軟，與餡料的搭配得宜。番薯條外脆內軟，散發著淡淡的甜味，成為完美的配菜。另外又叫了素魷魚圈，為蒟蒻製，十分煙韌味美！用餐自然少不了甜品！這個純素伯爵茶芝士蛋糕配糖漬蘋果令我倆很驚喜！芝士蛋糕以伯爵茶為基底，帶有淡淡的茶香和奶香，口感滑順。糖漬蘋果的甜味與芝士蛋糕的濃郁形成絕妙對比，增添清新感。我們分別要了焙茶燕麥奶和抹茶燕麥奶。焙茶燕麥奶的風味獨特，焙茶的香氣與燕麥的醇厚相互融合，帶來溫暖的口感。抹茶燕麥奶則將抹茶的濃郁與燕麥的自然甜味結合，顏色清新誘人。素年 (福隆大廈) (深水埗)地址：深水埗福華街191-199號福隆大廈地下1號舖…Read More

最近依幾年都好講求健康💪🏽偶然食吓素食都係一個唔錯嘅選擇！對我嚟講，素食大多數只係局限於中餐比較多？然而最近發現咗一間素西餐廳好吸引，對我嚟講係充滿創意！而且展現了廚師的用心，令我對素食料理的印象大大改觀👍🏽-泰式春卷配甜酸醬🥠春卷的外皮酥脆，內餡則是新鮮的蔬菜，口感清新👍🏽 搭配的甜酸醬味道平衡-雙層芫荽不可能芝士漢堡🍔對於我依個芫荽控嚟講，漢堡嚟嘅時候勁開心🤣漢堡以不可能肉嚟做主角，認真你唔講嘅話佢嘅厚度加埋佢個樣完全唔似素食！仲要食落去真係有啲牛味同豬味😂伴碟佢用咗番薯薯條🍟炸得啱啱好好脆身-十一種蔬菜魷魚圈青醬意大利飯🍚十一種蔬菜的搭配不僅提供了豐富的纖維，還增添了不同的口感！再加埋成碟嘢都係綠色，好有健康嘅感覺！而且上面仲有魷魚圈～真心味道做得勁似！冇估錯嘅話應該係蒟蒻？-純素特濃朱古力蛋糕🍰底層蛋糕似係蒸蛋糕，朱古力味濃烈🍫，完全不輸於傳統的蛋糕！！-斯里蘭卡伯爵茶☕️凍茶清爽可口，帶有淡淡的香橙味，頗具清新的口感-免疫力增強特飲🥤這款特飲以香蕉、火龍果和燕麥奶為基底，口感滑順，又健康又美味😋…Read More

有一排冇食素食，喺香港嘅素食餐廳嚟講，素年算得上數一數二，今次約咗朋友走咗去素年嘅餐廳度食飯，順手吹下水素年經典不可能芝士漢堡 $138芝士漢堡用咗不可能肉、洋蔥、生菜、純素芝士，配菜就有番薯條，不過番薯條可以轉沙律，而飲品就係京都宇治玄米茶。素年嘅素芝士漢堡令人驚奇，質感整到好似真正嘅漢堡扒咁，而且漢堡入面嘅芝士同埋蛋黃醬都不含蛋奶，蛋黃醬使用天然材料製作比如初榨橄欖油、蘋果醋以及豆奶等，口感豐富，而配菜沙律入口清爽，份量使人滿足非常十九純素藍莓鬆餅全日早餐 $138全日早餐配料豐盛，包括有沙律菜、車厘茄、藍莓、牛油果、甘筍、大啡菇、蘿蔔、紫薯、青瓜、生菜、火箭菜等等，當中有兩樣配料幾特別，早餐入面嘅炒蛋原來係黃薑豆腐製成，而旋風薯片食落去就有啲似扭扭薯條，當然唔少得藍莓鬆餅，食落鬆化美味番薯條配自家製黑松露蛋黃醬 $68一向都鍾意食蕃薯，小食就叫咗番薯條，番薯條份量都唔少，表面灑咗啲偽芝士粉，味道淡淡地，自家製黑松露蛋黃醬畀得好足，有明顯嘅黑松露香，食落好惹味純素黑芝麻芝士蛋糕 $58食完飯點少得甜品呢！叫咗個黑芝麻芝士蛋糕，表面係黑芝麻碎碎，中間同樣係用黑芝麻製成，底下就係餅底，成個蛋糕有濃厚嘅黑芝麻香味，食落唔會好甜，感覺輕盈…Read More

欣賞餐廳支持香港本地農夫嘅理念菜式設計有創意原來食素都有好多選擇!✨炸魷魚圈加秘製香辣甜酸醬🤍推薦!! 有驚喜!!外層金黃脆卜卜內裏真係有彈牙口感🤤原來係蒟蒻製成，蘸上醬汁好惹味!!✨香芋番薯波波 $58🤍推薦!! 炸物出色!! 份量多!!每粒波波都係實心，滿滿餡料香芋同番薯甜味突出飽肚感max，要多人分享✨唐掦猴頭菇純素忌廉菠菜扁意粉 $128(免費配斯里蘭卡伯爵茶)份量十足每條扁意粉都掛滿醬汁醬汁係濃郁嘅蔬菜風味翠玉瓜同菇菇配料有煎香同調味～✨11種蔬菜魷魚圈青醬意大利飯 $128 (免費配斯里蘭卡伯爵茶)青醬味道唔會好厚重意大利飯煮得恰好，偏硬身健康又有營養嘅一道菜式！…Read More

早排要幫媽媽買餸，行到肉檔本身想買舊肉煲湯，但突然之間見到街市豬肉檔掛滿一舊舊有點反胃就走人，然後幾日都唔太想食肉，於是就四圍搵素食餐廳，食過幾間後都係發最愛還是素年。餐廳原來會定時定候更換餐廳上嘅菜式，今次選擇咗兩個主菜&一沙律，另加兩個飲品，包括：超級維他命C奇異果野莓沙律照燒汁南瓜可樂餅竹炭漢堡唐揚猴頭菇純素忌廉菠菜扁意粉紅棗桂圓杞子玫瑰花茶生薑紅棗桂圓柚子紫蘇茶照燒汁南瓜可樂餅竹炭漢堡內配有芥末醬，而南瓜可樂餅有香甜南瓜味，而竹炭麵包好鬆軟。超級維他命C奇異果野莓沙律睇餐牌時已經好靚，實物嚟一樣咁好睇，唔單止好睇，仲好好味。沙律放棄使出傳統沙律醬，改用芒果汁酸酸甜甜，而士多啤梨、藍莓都好甜。唐揚猴頭菇純素忌廉菠菜扁意粉上嘅猴頭菇，口感真係好似食緊肉，如果呢個猴頭菇有出小食就更加開心。紅棗桂圓杞子玫瑰花茶超濃玫瑰香味，而生薑紅棗桂圓柚子紫蘇茶好適合冬天飲，飲完成個人暖笠笠，而紫蘇葉除咗香味特別之餘仲可以驅寒，絕對啱哂怕凍嘅人。好開心香港仲有一間咁用心製作食品嘅餐廳。…Read More

曾光顧素年設於深水埗（2間）同荃灣西的分店，覺得佢的食品質素平穩，整體印象唔錯，今次由朋友提議喺呢度晚膳。假日過嚟，晚市有8-9成客。晚餐選項吸引，但早年推出過、較特別的芫茜意粉經已消失，至於以前食過的漢堡、咖哩豬扒飯同肉醬意粉就仍然繼續供應。晚餐主食最平係沙律、肉醬意粉等，包一杯指定的熱/凍茶。如想點其他飲品，一律係飲品正價-$12。炸魷魚圈：小食，唔記得跟餐有冇優惠；份量唔多，1碟6件；素魷魚圈唔係好大件，帶魷魚的煙靭口感，但唔知係咪自家製作？沙律：賣相吸引，配料算多，牛油果約半個份量；芒果醬味道天然又香甜，提升沙律的整體味道；沙律中的蔬果比例相若，唔係以蔬菜為主，生果亦唔少，有藍莓、士多啤製、紅石榴同金奇異果。不過，餐牌寫有蔓越莓而唔係士多啤梨，可能係餐廳換咗食材？！餐牌話沙律菜係有機菜，如果咁計，以$88的沙律連餐飲，收費合理，外食嚟講，算幾抵添~Dirty：用豆奶沖，唔知餐廳係用邊款豆奶，但飲落似維他奶，佢做到似係用全脂奶沖出嚟果種厚度，口感唔錯，豆奶同咖啡亦夾。咖啡味道濃，nutty，跟餐+$28，值得推介友人點咗我以前食過的肉醬意粉、咖哩豬扒飯同漢堡。我唔敢肯定有冇記錯，以前素年的漢堡好似係用Beyond meat，而家餐牌寫係以Impossible meat製作，如果冇搞錯，兩者價位有差距，前者貴啲，味道濃郁啲，肉味的像真度再高少少。咖喱飯的質素一如以往，賣相吸引，聞落好重香料味，雖然炸豬扒就唔係好大件，但葷食朋友話食唔出係素食，幾可亂真。至於肉醬意粉，製作有誠意，醬料中加咗好多車厘茄，但味道始終大路，未必有太大驚喜，不如留個機會試下其他素食，特別啲~分店地方細細，冷氣唔夠，朋友喺呢種天氣下都一邊食，一邊滴汗。餐廳的洗手間衛生情況理想，空間亦夠。晚餐如選非沙律類主食，再加錢點其他飲品，連加一後，人均消費$150-160，以小店格局加上而家的經濟環境，價格略高。觀察同席友人的用餐情況，因為只得主食同飲品，真係好快食完。題外話，想平少少，可即時加入成為會員，會有3次9折的優惠，抵食啲。…Read More

之前有朋友生日因她對雞蛋敏感，專登去依間餐廳買全素蛋糕，味道幾好。我今次約埋家姐去食以西餐為的素食的晚飯不可能肉醬意大利粉（特價$78）同一般的肉醬意大利粉分別不大，素菜能做到肉醬的口感和效果，我有點驚喜。但不可能肉醬意大利粉的味道是偏甜，但都好味。（美食推薦度10/10）跟餐沙律（$28）及京都宇治玄米茶沙律🥗細細份，一人份量剛剛好。玄米茶都幾香。日式咖哩豬扒意大利飯日式咖哩都是甜甜地，豬扒都有肉的質感，但冇豬肉的味道。我是喜歡食軟身米飯的朋友，我略嫌意大利飯偏硬。（美食推薦度7/10）炸魷魚圈配自家製秘製香辣甜酸醬原原全全做到炸魷魚圈的口感是彈牙！！（美食推薦度10/10）純素原味芝士蛋糕、純素伯爵茶芝士蛋糕配糖漬蘋果跟餐會減$10純素原味芝士蛋糕的芝士偏淡，並不是濃濃的芝士味，但味道正常，試過就算。（美食推薦度6/10）純素伯爵茶芝士蛋糕配糖漬蘋果同樣芝士不是好濃，但伯爵茶的味道就好濃烈，入口充斥茶味。而糖漬蘋果都好好味，偏甜的蘋果配上茶香伯爵茶芝士蛋糕，好好味！（美食推薦度10/10）生薑紅棗桂圓柚子紫蘇茶柚子味較濃會酸酸甜甜，有點生薑、圓肉和紫蘇葉的味，味道有點特別，但有出奇地好好飲！我仲要加左1次熱水，但柚子會變淡，而其他材料的味道反而更明顯。（美食推薦度10/10）今餐素食我都好鍾意❤️，沒有罪惡感的肉食。…Read More