The Room (Closed)

老實講，如果衝動地買團購coupon前有上來睇下近幾篇食評，我就唔會買喇，不過都衝動地買左！上星期訂位昨晚食，一行同事八人食半自助餐，貪團購個介紹幾吸引，價錢唔錯，又近返工office，如果搵到個好餐廳，就可以方便D得閒就出來聚一聚，減下壓。上到去，個好清靜，其實環境係舒服的，只是戥佢有D慘...開始去巡自助bar，感覺都唔錯，我地無去數係咪團購介紹咁多樣種類，但一百出頭的價錢，樣樣有d都算ok喇。食落...熱葷、冷盤、沙律的質素都可以丫！跟住叫主菜...失望、勞氣！同事們對牛排的評語係...差過大家樂；豬手就唔好食；遲來的一位無中伏，選左青口意...過得去但唔吸引！有d同事對主菜只係咬左幾口就放棄，轉戰甜品，兩款蛋糕都係好看不好吃，糖水本來唔錯，但偏甜，好彩有豆腐花，水果就有切橙、西瓜粒和鮮波蘿粒，我鍾意食波蘿，所以最後都食飽！原本可以好好經營的一家餐廳，用團購價吸引人流來試，結果變成趕客，真係唔知講乜好！…Read More

人數: 7個大人, 1個10歲, 1個兩歲幾 ~ 家庭聚會價錢: $107 每位, 再加一 (由於知道10歲小朋友食量不算少, 自動買張大人COUPON, 都無打去問有無小童價)致電訂位: 態度十分之好, 仲remind我記得帶團購COUPON, 看完前食評才買, 抱有希望.頭盤: OK, 不過買COUPON時有寫但好多野無, 無川辣口水鷄, 無煙三文魚沙律, 無水牛芝士蕃茄, 無加拿大青口, 沙律吧分開6個名寫... 即係12樣野實得5樣 主菜: (1) 西冷 ~ 一口筋, 無肉味 (2) 豬柳 - 鞋拾拾 ~ 無味 (3) 燒春雞 ~ 鞋拾拾 (4) 豬手 ~ 最抵食, 夠味, 好大碟 (5) 千層麵 ~ 傑撻撻 熱食: 寫出6款, 無紅米飯, 無芝士焗蕃茄, 無炸薯條 ~ 即係6樣無3樣$107 加一沒有奢望有咩好野食, 食物與價格成正比; 但做生意手法極差!:(…Read More

星期五約好班朋友食自助午餐,因為上星期來試,食物非常美味價錢還十分低~$100唔到,食物有很多款有沙律有粉面檔任食,有十款熱盤,仲會一直轉款好正,甜品有五至六款仲有好多水果,豆腐花好正.可惜今星期再來要等位,我們已經行到身水身汗,為有等!個樓面小姐已經安排好,後來有個好似老闆上到來,叫個無著制服的女人趕我地走!行到身水身汗上到來,我都唔介意等,你趕我走!!一間有水準的餐廳,食物好,環境好,都要服務好,可能個老闆唔休做,可惜可惜!!!…Read More

買團購第一係要諗就唔就腳, 吸唔吸引, 見又吸引又就腳, 即官買黎試吓. 星期三上到去就係有點驚, 因為七點到達都係第一枱客黎架, 不過成晚都係得五枱客啫. 自助bar枱的食物唔算多, 但真好彩, 樣樣都啱我食, 口水雞, 藍殼青口, 煙三文魚沙律, 烤川魚, 甜品..... 主菜都唔差架, 巴馬火腿意粉好正架, 朋友話比九十分, 燒波蘿烤雞都好味, 真係食得好飽, 好滿足, 呢個團購係我最滿意的一個, 因為食物味道真係唔錯…Read More

我諗住係開係我公司附近, 咪係團購買左 $338 之後要即場再比加一 既 for 2人既情人節套餐 (6pm-8pm)試下囉冷盤係果餐牌係有四款呀...但係去到係無 " 川式烤全魚" & "泰式鳳爪沙律"囉.. 我同老公係無選擇之下食左 " 川辣口水雞 " & " 白酒煮青口" ok woD 沙律都好似無佢所寫咁多款... 我食選左車厘茄, 火箭菜, 紅葉生菜(加千島醬)之後仲食左薯仔沙律, 但入面d雞肉大舊及硬主菜我老公 叫 左 " 扒美國安格斯西冷扒配紅酒汁 " 五成熟, 但碟上送到時係全熟....=_= 咁請問洗咩問人幾成熟 姐..我就 叫 左 " 秘製法式烤雞伴香煎鵝肝粒汁 " 雞肉好硬無雞味哈哈 d "鵝肝粒 " 細粒到隔離枱位小姐問待應 " 我d鵝肝粒呢 "......待應話 " 鵝肝粒係汁黎嫁 "......好彩我老公之前攞左 "意大利芝士蛋糕"食 ja, 味道ok香滑, 但去到7pm左右 無晒甜品又唔出囉...想再食都無服務 : 待應都算有禮貌, 整體上都ok。環境 : 空間感好大, 幾舒服, 潔淨, 算靜…Read More

俾咩價錢...自然有咩食呢個道理真係好岩....今日lunch 同一班同事就來左the room 食個lunch buffetthe room lunch buffet 88+10%, around 96/97蚊一個人啦....價錢算唔貴唔平...食物既choice 叫做合理啦....應有既都有..至少有西冷...豬手...雞扒. 仲有幾隻唔同口味既salad... 今日仲有個打邊爐檔口tim...講番一d 比較突出既食物啦...雜菜湯 : 幾多料...味道唔錯日式雞扒 : 出奇地唔太硬...仲幾滑tim...個汁唔會太鹹, 其實真係處理得唔錯豬手 : 覺得肥左少少...可能個盤熱力唔夠...有少少油定左係面咁羊扒 : "蘇" 左少少...但可以接受, 都煎得幾軟身西冷 : 本身佢prepare 個d 唔太夠熟...佢番煎之後又過熟...不過都可以接受$88 來講真係唔預佢有咩好特別既野食....只係覺得只要唔太難食就可以...所以我覺得the room 已經算做得唔錯...番工番到悶又想係附近食下buffet 既...不妨一試…Read More

好多時d人都會話自助餐冇野好食...食物款式少....但其實應該係要諗下你俾左幾多錢去食呢個自己餐先...the room lunch buffet 88+10%, around 96/97蚊一個人啦....價錢算唔貴唔平...食物方面本人覺得以88來講都算俾得幾足ga la...有兩至三款salad, 基本既薯仔salad, 有個意式雜菇同埋泰式鳳爪主菜有咖喱牛腩, 黃薑飯, 豬手, 豬脾, 白切雞, 日式雞扒, 芝士焗蕃茄, 芝子焗薯仔另外仲有一個打邊爐檔....除左呢d 仲有西冷扒無限量供應(因為食到走個時都仲有) ... 另外呢期仲有醉蝦, 不過自己就冇食到啦..講番d 食物質素...西冷唔錯, 唔駛太鞋, 外脆但入面仲有肉汁...講真...呢塊扒係有驚喜既...之後大部份主食都中規中矩啦...到最後甜品, 有jelly, 芒果布丁, 中式糖水感想...其實都會encore 既, 間唔中一次係番工時去食去係唔錯既...但唔係懷住一個食5星級酒店既buffet 去囉...但玩下, 一班人hea 一個lunch 係唔錯既choice…Read More

以前都係食樓下茶餐廳，快快手食完就走。今日有D時間，可以上3樓THE ROOM食下西餐。當然，貴過樓下好多，不過坐得舒服，靜D食物都好似幾靚。因為已經過左2點，就問WAITER姐姐有下午茶未，佢好有禮貌話問下經理先。跟住聽到好大聲驚叫:「無呀!2:30先有。」得得，甘叫午餐，唔使叫到半個場都知....當我正在享受緊我個好味日式吉列豬扒嘅時候...「拉張枱!」「甘拉唔得架」.... 一時間好似坐左係G/F茶餐廳，我唔懷疑個經理之前係做樓下，升上黎。D野真係幾好食，但真係要安靜D。…Read More

今晚約咗一班朋友敘舊，午飯時段打去The Room book今晚8：30食飯，當時店員都幾好禮貌，仲即時confirm添！點知，晚上八時多，朋友首先到達The Room,先知當晚有客人包咗場，不招待其他客人！成件事好過份，本人中午訂位時，又無講有人包咗場唔得，打去又唔聽電話！咁嘅態度真係好離譜！以後都唔會再去！…Read More

與同事做冬，想轉轉口味，試下食西餐，最後選了這間，都幾ok本來想食buffet，但原來星期二是沒有buffet 供應的，為滿足大家食 buffet 的慾望，我們五個人叫了六個餐，放在中央扮 buffet餐湯&蒜蓉包：無特別；西班牙火腿火箭菜沙律：不太好食:(海膽三文魚魚生飯：三文魚同海膽都好新鮮，三文魚好厚好大塊龍蝦汁大蝦意粉：正牛肝菌扁意粉：普通；安格斯肉眼扒：好好味，叫了兩份，一份五成熟，一份七成熟，七成熟好食好多好多環境都幾好，下次打算試buffet:)…Read More

估唔到係官塘lunch time 都可以食到buffet,有生蠔,青口,壽司等,我最鍾意食生蠔,生蠔係即開既~好鮮甜丫~勁食左5隻~白汁吞拿魚長通粉都好好味~食左2大碟~甜品就麻麻喇~$88一位,有生蠔食都算抵喇~環境唔錯丫~朋友細食，佢要左個ｓｅｔ　ｌｕｎｃｈ，我試左個芒果沙律,好味丫!顏色以深紫色為主+有音樂,都幾浪漫&有情調啊~仲有WIFI可以上網,好方便~特別在呢度可以唱K~好攪笑~下次要試下唱先!難得官塘區有如此水準的餐廳,一定會有下次光臨!…Read More

我個保險AGENT話來同我食飯,咁梗係想揾個地方係坐得C服GEI地方LA可惜成個KT你想揾間都無,THE ROOM都是堡僅有的餐廳.果日我哋好早12奌去到,有張靚卡位坐,入到去得我哋一枱客,知道呢度有BUFFET食都幾抵才88元,但係是日想坐吓唔想行來行去,都係選擇咗個58蚊什菌意粉LUNCH SET湯有龍蝦湯以雜菜湯,可是一個太咸一個又太希,唔得蒜容多土幾好夠香脆雜菌意粉又是太咸了幸好最後的咖啡夠甘香埋單每人唔駛70蚊都OK LA…Read More

返到黎觀塘辦事, 而且正值是中午飯時候。心想在工業區呢頭很難發現有質素的餐廳。於是在鄰街的鴻圖道有間紅圖樓。見有西餐吃（3/F The Room），心念還好在這頭可以找間較舒服的餐廳.入去侍應都好好照呼.而且裝修不錯.我點了半生熟吞拿魚他他飯.味道及得上中環的高級餐廳，尤其系吞拿魚。很野味而唔腥 .出菜也較有效率.下次來觀塘也會來返試下其他也食 。:)…Read More

今日去左鴻圖樓吃lunch buffet.款式很多:)。尤其系日式三文魚炒飯，煙三文魚薯仔沙律，煙鴨胸扁意粉。都很美味。賣相都算很不錯。甜品方面有cake，糖水，sala,和水果。尚屬一般。:)此外，buffet每人都有一個翡翠螺同一杯飲料送。味道不錯且十分抵吃…Read More

前幾日落場同幾個同事去左就近的鴻圖樓吃lunch.除左飲茶還仲有西餐吃:)。於是乎試下三樓的西餐(the room)。設計不錯。果度o既員工都好好招呼。落好單大概3分鐘就有湯來。享用完隔約1分鐘就來主菜。我點了泰式海南雞飯。雞油而不膩，且很香滑。油飯洋溢濃濃的雞味味，十分香軟。 看見友人點的安格斯肉眼扒賣相都不錯，味道應該不差。。試了一下。果然不俗。。 最重要系也食夠美味之余,仲要夠效率。值得推薦一下。 …Read More