紅葉茶屋就藏在D2 Place的喧囂一隅。下班後和好友逃離煩囂工作，一同走進這間主題日式餐廳。坐底即時被門內的熊貓公仔瞬間治癒疲憊心情，馬上打卡一番。見到現在有季節限定二人前，就不用多想馬上下單。最先送來係前菜紅葉四點盛：分別有刺激開胃嘅山葵八爪魚，酥炸蝦酥脆而唔油膩，鮮甜肥美嘅三文魚/吞拿魚/帆立貝刺身，以及清新嘅日本枝豆。另一款小龍蝦沙律亦都彈牙開胃 。主食方面揀咗牛肉壽喜燒：香濃壽喜燒醬汁同米飯簡直係絕配，牛肉軟熟得來又唔膩口。另一款吉列豬扒配廣島蠔，做到外脆內嫩，蠔味鮮香十足。兩杯抹茶飲品都揀咗忌廉抹茶拿鐵，抹茶味濃厚配上淡淡忌廉奶油香，中和了抹茶嘅苦澀味。最後甜品係抹茶提拉米蘇及抹茶白玉，抹茶提拉米蘇層次豐富、香甜溫柔帶點回甘，令人一啖接一啖。抹茶白玉就煙軔可口，配上紅豆蓉帶出傳統和風口味。最後喝上一口溫熱綠茶，十分滿足。兩隻「日本胃」全日嘅工作壓力都被紅葉茶屋呢個角落治癒一回。…Read More
