Hung Hom Hot (Moved)

第一次試呢間串燒，之前上網見到係街坊小店，就去支持下，不過就感覺伏伏地。首先，環境就正常，小店模式，無咩特別。串燒價錢正常，唔算太貴，不過我嫌孜然粉太多。所以串燒都係加上大量孜然粉同少少辣粉，同一個味道，根本就蓋過左本身既肉味。成件事就似去深圳東門食果d串燒，喜歡孜然粉既朋友應該感覺好食，但我就不喜歡。加上大量味粉，好似d肉本身質素唔高，似係工廠交黎果d，加入大量孜然而成。炒飯我嫌太咸。總括，價錢正常，但味道一般。…Read More

見到有串燒又幾好坐✨唔使外賣就入咗去嚕🥰（其實係因為佢播緊周杰倫...仲要有雞子食-🐮皇牌牛脷芯（💰28）超驚喜‼️個醬汁超好食甜甜地外面爽身得黎、入邊仲要係軟身嘅！(◎_◎;).📌燒安格斯牛仔骨（💰38/2串）-🐤🐣🐥🐔📌嘢味燒火雞子（💰25）雞子味愈嚼愈出嚟📌燒雞皮串（💰18/2）唔會燒得太乾👍🏻仲有雞皮嗰種香口📌串燒雞全翼（💰26/2）皮燒到脆卜卜✨肉仲係嫩🤤📌燒雞腎（💰10）爽口✨-🐟燒頂級多春魚🐟（💰30/6條）多春多肉到笑...仲要仲又勁多汁唔似出邊燒到乾晒(´･Д･)」-🍆🥬🥦🍍📌惹味蒜蓉燒茄子（💰28）超多蒜！超香超多汁！仲要$28咋‼️我連皮都食(˶‾᷄ ⁻̫ ‾᷅˵)📌韭菜（💰10）調味粉同香料都好足好香(⁎⁍̴̛ᴗ⁍̴̛⁎)📌燒菠蘿燒過分解左啲酵素纖維之後會更加甜所以食串燒都一定要食燒菠蘿🥰店主仲好貼心👉🏻將菠蘿切開離皮切粒 好方便🤤-佢仲有麻辣燙🍜麻辣香鍋🌶紅薯粉米線嗰啲田雞花甲扇貝🐚棉花糖香蕉🍌都有得燒🤤同埋真係好抵好大份🥰香料同汁都好正一路食野一路唱歌🎤♪( ´θ｀)ノ一啖一句-…Read More

夜晚同屋企人來吃串燒💕呢間餐廳有兩層 主要上面一層堂食 環境舒適安靜 唔使好似一啲串燒店冇冷氣圍圍坐好迫咁食得辛苦 幾好 原先只是被串燒吸引 原來還有麻辣燙及麻辣香鍋～我地叫了羊肉串 烤台灣香腸 烤田雞串 仲有烤雞全翼 同好有蒜香嘅蒜蓉生蠔😛 啲串燒真係好野味hehe 自己就最中意食羊肉同雞翼呀 好味 另外叫了份小辣麻辣燙 無想像中咁重味同辣 不過食完亦唔會有口乾既感覺～同埋點了花甲麻辣香鍋 啲料幾足下 很飽肚 值得一提係入面啲薯仔片整得幾香 仲有個烤茄子好大份同好香 食串燒真係唔少得佢～很飽足 下次來的話會叫多啲串燒～…Read More

朋友話紅磡有好多小店，今次嚟到真係別有洞天，行上樓梯有好多坐位我哋叫咗半打芝士生蠔，芝士溶化加上生蠔嘅鮮甜味，真係好食八吋大蝦，嘩好大隻呀，彈牙爽口魷魚，鮮味十足羊架，香騷味濃香蕉，好香甜，好滑海鮮炒飯，好有鑊氣，夠曬火o候…Read More

因為平時都比較少去紅磡食嘢.所以最近都去得多咗.諗法起好耐無食過串燒.好想食.所以就搵咗呢間試一試😋食物方面:⚪️麻辣燙(牛筋丸.八爪魚鬚.金菇.肥牛.蓮藕.薯粉)辣到啱啱好.薯粉爽滑彈牙👍🏻材料都好新鮮.份量都好大碗.正!⚪️錫紙花甲粉一碗有10幾隻花甲份量好多好抵食.粉絲好入味好香🤗⚪️惹味蒜蓉燒茄子必食之選🙌🏻超級惹味好多蒜蓉好好味!⚪️燒泰國BB露筍唔會太老啱啱好.孜然粉好香😬⚪️惹味蒜蓉扇貝帶子燒得岩岩好.超多蒜蓉配帶子好正☺️⚪️醬燒豬頸肉⚪️燒鹿兒島一口豚⚪️燒牛肉串⚪️燒肥牛金針菇卷⚪️燒蒙古羊肉串⚪️灸燒芝心丸⚪️燒黑椒台灣腸.整體方面:入到舖頭要上一樓先係比客人堂食.店舖都幾大唔會坐得好迫唔舒服😌落單後等大概20分鐘串燒就全部到晒.全部新鮮即叫即整.好香👍🏻串燒唔會好乾而且燒得好香.味道各方面都唔錯😋價錢合理.而且堂食有八八折.想食串燒都係一個好選擇🙌🏻…Read More

朋友推介呢間串燒話抵食，特來試試小店。店有兩層，下層是廚房，上層才是食堂。店舖以日式主題裝修，餐具和水杯在樓梯位置附近自行拿取。邪惡芝士茄子和冰鎮波蘿最愛吃烤茄子和芝士，所以一見到芝士配茄子便心心眼，這個配搭平時比較少見，茄子本身的蔬菜甜味配上濃厚芝士，減少了芝士的滯飽漏感。冰鎮菠蘿爽甜好味。燒香蕉要一上桌便吃，因為我放到中途才吃，蕉開始出水，但同伴一上桌便吃所以沒此問題。蕉燒香了比單吃更甜和軟糯。辣酒燒花甲用錫紙包著上桌，沒有很辣，味道很喜歡，花甲雖不算很肥美，但自家醬汁香辣的很惹味。雞翼和原隻魷魚筒都很讚，雞翼燒得香脆，配上孜然粉，很香口。魷魚筒最怕係煙煙韌韌，呢度整得好軟淋淋，好易咬，不錯。埋單除開每位百零蚊已試到很多款色，幾抵食。…Read More

就快可改名 📝可以叫串燒瓜 🍈我好似成日串燒 🍢差唔多每星期都食 🗓呢間位於紅磡嘅串燒 🏠真係上樓入去先知咁大 🏟嘢食唔算好特別但都唔錯 😊最特色係香蕉薯片芝士茄子 🍆先講個茄子啲芝士茄肉一比一 🧀令熟透軟腍嘅茄肉多咗芝士咬口 🤩除咗見得到拉絲仲有啲煙韌嘅感覺 🥰而且上枱嗰陣就聞到好濃芝士味好香 🤤然後就係第一次食嘅香蕉同埋串燒薯片 🥔香蕉燒到啱啱好甜甜哋只係唔算得上驚喜 🍌反而薯仔真心值得一試因為平時好似唔覺有 🤔薯仔啱啱好熟粉同爽之間有啲似炒土豆絲口感 😍呢間店嘅其中一個推薦原因係因為佢真係勁抵食 🤭我哋又飲又食全部十幾至三十幾蚊為主都係幾百蚊 💰而且味道啱啱好唔會偏鹹或者好重孜然粉香料同好辣 🌶加上食串燒最驚佢燒得太乾搞到咬唔開但係佢絕對唔會 😂紅磡串門子：紅磡蕪湖街123號地下C號舖…Read More

放工行過見到88折免加一，立刻走進去，餐廳是在二樓。有麻辣燙亦有串燒。即叫即燒。枱上還有辣椒粉和孜然粉，自己可以加辣。麻辣燙🍜佢有得選擇淨餸同埋麵底，我就揀左薯粉、牛舌，魚腐、金菇、蓮藕， 薯粉比較軟諗，5似有啲薯粉好煙韌，牛舌雖然5係炆既但十分爽口，魚腐薄身，味道香濃五花腩、羊肉、雞腎五花腩香脆可口而且18蚊3串，十分便宜，食羊最怕5新鮮太濃羶味，但這裡的羊肉沒有太大羶味墨魚咀、杏鮑菇、蒜蓉燒生蠔墨魚咀十分有口感，軟身，5會太硬👍🏻👍🏻杏鮑菇是三大件為一串，一般串燒的都是三片的，燒得唔太夠，水份還是很多。蒜蓉燒生蠔🦪新鮮5會有異味，可能係燒得耐左肉質較實，但味道依然惹味鴨胸肥厚的鴨胸燒得鴨皮脆卜卜，沾上蜜糖，外脆內嫩又多汁😍原條燒倉魚🐟魚比我想像中大，份量十足，蒜蓉偏少，如果多啲就好，油脂十足，魚肉新鮮多汁，5會有腥味總結:有折的話還是會再食，希望下次可以能多人去食，始終串燒應該多人食可以有更多選擇😋😋…Read More

有時候，我既朋友就係好麻甩，耐唔時都會想食下一些地道、正宗、麻甩既野食。比如串燒🍢，可以讓佢一解串燒之癮。今次走到黎紅磡，呢區都係屬於舊區，小店比較多。而小店的生存之道，一定比連鎖大集團唔容易，可見能屹立開店，一定靠的是實力💪🏻。呢晚去食都見好多國內人，心想味道一定夠正宗吧。l[惹味蒜蓉茄子]l $28l[蒜蓉焗西蘭花]l $32茄子🍆 係串燒離不開既靈魂食物，燒香至軟淋，加上調味粉，好惹味💜 最愛食茄子 百吃不厭。l[汁燒白鱔]l $38白鱔🐟 肥美多肉，雖然份量不多 但同樣吸引🖤。呢個可以多點啊啊啊。l[燒五花腩肉串]l $18 /3串l[串燒雞中翼]l $26 /2串l[燒金針菇肥牛卷]l $16l[燒紐西蘭羊架]l $38肉肉方面，點左🐥🐮🐷🐏 都有，好豐富。款款都很有孜然入味，金菇肥牛又Juicy，羊架都肥美不太羶。l[燒棉花糖多士]l $28最後甜點，燒至半溶既棉花糖，加上朱古力醬 連同烘過既多士🍞。作最後甜蜜既作結。l[麻辣燙]l $45肥牛、雞翼、娃娃菜、花甲、豆腐。(配：薯粉，蔥、芫茜、碗豆、中辣）自選配料😋：海鮮、肉肉、素菜都有。不過可能揀左少辣，味道唔太出，建議可以揀選大辣一點。最後飲料：王老吉；濃柑桔檸檬 $12飲王老吉最配，罐裝都係$10。而柑桔檸檬酸酸甜甜，$12 已經一大枝，抵飲啊啊啊。..有時候麻甩食下串燒🍡🍢🍡🍢，傾下計 感覺都唔錯。仲有仲有。。呢度仲有啤酒飲架。cheerssss🍺🍺🍺🍻💫..…Read More

紅磡有很多串燒店，之前到過好幾間，這次到這家試試吧。餐牌上款式多，大眾化價錢，最後點了炒米粉、小吃、蔬菜、海鮮類。燒惹味小饅頭細小的一口饅頭，不論型狀或是味道很特別。第一次吃饅頭作串燒的菜式，掃上薄薄一層的蜂蜜，底部卻蘸滿辣粉及孜然粉，味道鹹中帶甜，燒得外脆內軟。燒韭菜、玉子燒、燒脆香卜卜魚腐、燒原味台灣腸個人認為韭菜是燒烤蔬菜之最，韭菜烤熟後擦點燒烤汁，撒上少許孜然粉，韭菜吸收了醬汁及調味粉。玉子燒即是日本那種卷蛋，味道甜甜的，經燒烤過，外皮變得稍為硬身一點，比平日吃的更有嚼口。魚腐及台灣腸也值得一試。扁扁的魚腐，兩邊表皮烤得脆口，入味，魚肉煙靭。台灣腸也是烤至外皮脆香，很想念台灣夜市呢。點了較多海鮮類，如蒜蓉燒美國大生蠔、燒粉絲大元貝、燒頂級多春魚等等。有殼的海鮮，生蠔、元貝加入蒜蓉粒及調味粉燒，特別惹味及多汁。多春魚飽滿，咬下去滿滿的魚子，不會烤得很乾或柴口。另外，還點了一份巴蜀炒米粉作主食。炒米粉略為普通，不算惹味，但是麵條有口感，材料很多。…Read More

一向喜歡上深圳食下串燒和行街的好友，話呢幾個月因為疫情所以沒有得北上食野就捉左我來紅磡食串燒以解佢為食之苦。呢到幾特別樓下負責燒串燒，樓上就比客人座低慢慢食，樓上都幾闊落，分得幾開，我們座得幾舒服咁慢慢吹水。呢到有好多唔同串燒，海鮮，仲有麻辣燙，麻辣香鍋，如果驚食串燒唔飽仲可以叫炒飯真係滿足唔同人嘅需要。今次我們都叫左好多唔同的串燒，我最喜歡惹味蒜蓉燒茄子和燒韭菜，呢兩樣係我食親燒烤必食的，個茄子燒得好淋入哂味，韭菜有濃濃的 孜然粉和小小辣粉，好好味。薄切牛脷好爽口，一口豚，一口和牛粒，羊肉串，雞肉串都燒得好出色好惹味。我地都有叫碗麻辣燙，小小辣，但好味道，因呢隻辣會令人想追住食。估唔到呢到竟然有北寄貝沙律和麻辣皮蛋，幾特別，最後我地叫左玉子燒和燒棉花糖，甜絲絲咁作結尾。…Read More

間唔時就會懷念串燒&麻辣燙而剛好紅磡串門子就可以滿足晒我兩個願望～門外見到全日88折，而且免收加一。串燒款式多，而且價格相宜。燒五花腩串 $16/3 較細串，肥的部分夠爽彈。燒豆卜 $10 完整4粒唔乾柴。皇牌牛脷心 $28 軟稔有牛味燒雞軟骨 $10 有口感燒得唔乾柴，抵食。燒美國特級牛小排 $58 牛排就熟得過頭，牛味倒是有。最有驚喜是這碗麻辣燙（5餸+麵）$45 多達30款配料供選擇！花甲、肥牛份量很多，還點了魷魚鬚、腸仔、娃娃菜。燒流心士年糕 $28年糕外皮軟糯有嚼勁，流心芝士好滿足。叫到成桌都是，埋單都只係二百幾。好味又抵食。…Read More

今日喺紅磡做完嘢，冇咩事都盡量嗌外賣返屋企食，行過呢間串燒店見到好多人排隊，門口仲大大隻寫住堂食全日八八折，真係好抵食，好有衝動想坐低食，不過最後都外賣番企，樣樣都嗌左啲嚟食，拎到返屋企仲熱辣辣❤️🎈串燒雞中翼，燒雞翼我最鍾意食，啲雞皮燒到微焦，好香脆🤤 雞肉嫩滑，仲有肉汁，落埋孜然粉既調味，更加有層次 ，十分滋味😚🎈燒司華力腸😝 唔係間間都燒得好食，哩間燒得外皮脆脆的，重點唔會燒得太乾，好怕乾爭爭，好好味呢🥰🎈 惹味蒜蓉燒茄子💓超推薦️呀，蒜蓉味既燒原條茄子🍆好大條，蒜蓉勁多，辣椒香葱燒成又辣又香，滿滿的舖滿整條茄子，真係超好食，食落茄子肉綿綿的，幾惹味😋🎈 錫紙燒特級肥牛，分量十足，牛肉既燒汁好出色，肥牛好有牛味，完全索晒啲燒汁，開頭以為係普通貨色，點知有驚喜喎😍🎈錫紙燒麻辣滑豆腐 😋辣烤豆腐，口感鮮嫩爽滑，十分滋味，麻辣可口既精華完全俾豆腐吸收哂，雖然外賣仲keep到好燙啊😝🎈秘製燒油金魚餃😚燒過既油甘魚魚鮫更加甘香，魚皮充滿油香，直接更加滲透落魚肉，食落油脂四溢，真係好幸福呀😚🎈 烤原條黃立倉魚，倉魚肉厚少骨多肉，烤魚嘅火候好重要，要鎖住肉汁，要好細心將魚肉烤熟，但又要令到魚皮香脆，仲keep到魚肉鮮嫩，真係皮脆肉嫩，呢間烤魚確實做得不錯🥰…Read More

聽朋友介紹而嚟食嘅串燒舖，一入到去就聞到好香串燒味，點餐紙見到串燒種類都多，好多蔬果類都有。平時去食串燒多數都坐得好逼，而且環境比較惡劣，但呢度都算闊落，坐得幾舒服，空氣都流通。肉類叫咗和牛，牛舌，雞軟骨同羊肉。調味恰到好處，唔會太淡味，亦都唔會蓋過原材料嘅味道。和牛同牛舌肉質都好鬆軟，配上調味非常惹味，亦仲有肉汁鎖係肉入面；羊肉肉質厚實，有少少羊羶味。蒜茸燒生蠔40蚊兩隻都算抵食，加埋檸檬汁食好清甜，同埋隻蠔就算燒過食落都好多汁，用蒜茸燒特別香口，就算本身唔太好食蠔都可以一試。蒜蓉燒茄子落足料去燒，就算食底嗰層都仍然有好多蒜茸同香料，茄子肉多汁同嫩滑，同樣冇乾身同皺皮嘅情況出現，燒嘅時間啱啱好。錫紙燒金菇菜入面仲有少少椰菜，冇咁寡亦都好入味。食串燒特別推介燒菠蘿同蕃茄，鮮甜多汁，攤咗一陣先食外冷內熱，份量唔算多但味道真係值得一試，尤其食咗上面咁多重口味又飽肚嘅串燒，食返啲清甜嘅蔬果即刻無咁油膩，酸酸甜甜又開胃。另外叫咗個花甲粉絲，花甲足料份量多，湯底清甜，都係必點之一。整體都好滿意，食咗咁多款串燒同野食其實都好合理價錢，下次會再同朋友幫襯！…Read More

好耐冇去紅磡喇，食勻港九新界，發現每一區其實都有自己既特色。紅磡系其中一區我覺得系充滿本土色彩既一區，既系歷史悠久既一區，建築又保存得吾錯，同埋近近地既黃埔都有好多好野食今次無意中咁搵到一間系紅磡既串燒店，自己本身都幾中意食串燒，一串串咁又幾過癮。呢間餐廳比較特別，樓下戈層原來冇堂食座位，要行樓梯去到樓上先有，樓下主要應該系用黎出菜。串燒既種類十分多，首先睇睇第1頁先，好多菜式都系有「like」既符號🤣睇黎都吾會差得去邊。有蔬菜、小食、麻辣同埋海鮮類。去到第2頁有最多人食既肉類、仲有丸類、甜品同埋小菜等等。平時喜歡食海鮮，尤其系鮑魚，系呢度試咗磯煮鮑魚，雖然大小真系偏細，不過味道系真系好正。磯煮既feel其實就好似日式既醬油咁，食落去甜甜地，又吾會over。鮑魚好爽口，但會有少少林林地。跟住連續黎左幾串串燒，有牛舌、牛舌芯、一口和牛粒、芝心丸、雞軟骨，牛肉既味道大致上都差吾多，系一口和牛粒比較突出，牛肉味明顯d。芝心丸都幾好食，不嬲去火鍋店都好中意食芝心丸，入面既芝士真系芝味十足🤤不過呢度既串燒都有個特點，就系落左太多孜然喇，感覺味道稍微濃烈。之前系台灣都幾中意食台灣腸，呢度有就當然食下啦。台灣腸都幾大條，口感十足，甜甜地又爽口，真系有台灣既風味真心推介。隔離既系玉子燒，玉子燒就真系比較遜色，質感乾身，欠缺左d水份，不過味道甜甜地，蛋味都濃郁既，好似元x壽司既玉子🤣金菇肥牛卷都做得幾好，肥牛既牛肉味明顯，吾會話好肥，有平時食火鍋戈d肥牛既質素包住d金菇好match。原條魷魚筒系日本餐廳成日見到既菜式，串燒店就吾系間間有，呢度竟然有佢地整呢道菜式真系整得幾好，成條魷魚吾只好長，魷魚圈都好好味，有適量既燒汁味，魷魚圈都爽口煙韌燒朱古癆棉花糖多士呢個甜品夠曬有特色，之前系出面都見過呢款甜品，不過其實冇乜餐廳有，棉花糖比想像中林，表面d朱古力好甜，多士脆脆地，連埋d棉花糖同埋朱古力都好食既。…Read More