紅牛

Open Now

Now Closed

第一次係嘗試香港食潮汕牛肉火鍋。黎間牛肉都好新鮮，海鮮都好食，值得一試。服務態度都唔錯，推薦約埋朋友一起來試下。除咗場地細咗少少，其他都唔錯嘅。人均200幾文有咁新鮮牛肉食真係低。

因上次食過念念不忘，今次五個人再次光顧，五個人揀咗兩個湯底，叫咗個花膠雞，一個牛雜鍋，佢哋雖然做放題，但湯底出嚟嘅質素唔比單點差，今次嘅牛肉感覺比上次仲好，更有牛味更嫩滑，海鮮種類多同好新鮮，今次仲有Häagen-Dazs雪糕值得一讚，仲可以無限時任食比上次體驗更加好。

放工約咗朋友搵食，之前係影音號刷到牛姐呢間店，見佢拍揀牛肉嘅視頻好認真，就話一定要過嚟試下。六點幾到店，門面雖則唔算好大，但入到去好闊落，冇街市嘅擠迫感，燈光夠柔和，張張枱之間空位夠多，坐得好舒服，牆上仲有牛肉部位圖解，細節做得幾貼心。早几日打電話訂台，聽講有送海鮮頭盤，坐低冇幾耐，侍應就捧咗上嚟——鮮蝦同蜆仔，蝦大隻到蝦膏都凸出嚟，蜆仔吐得乾乾淨淨冇沙，朋友即時話「呢個頭盤夠晒誠意」！汽水飲料選擇真係多，除咗常見嘅可樂、雪碧，仲有維他奶、凍檸茶，連少見嘅鹹檸七都有，自家製酸梅湯甜甜地，解膩一流，基本上想飲嘅都齊全。食材區更是豐富到眼花：牛肉區最吸睛，吊龍切得薄到透光，匙柄肥瘦均勻，聽話係牛姐朝早去街市揀嘅，新鮮到灼8秒就夠嫩，肉汁咬開會噴出來。仲有本地菜心（綠到發光，應該係朝早摘嘅）、手打蝦滑（咬落有整隻蝦粒），仲有几款新鲜丸滑，品质都几好。成班人由六點食到九點幾，邊涮邊傾，完全唔使趕，環境鬆動又舒服，埋單時仲驚訝咗下——人均先百幾蚊，仲有頭盤送，抵到喊！朋友話下次聚會仲要嚟，食材新鮮、選擇又多，最重要係坐得自在，住旺角附近嘅真係可以試下，絕對冇伏！

今日同朋友食飯嚟到旺角登打士街3樓紅牛食潮汕手切肥牛火鍋，呢間店好似開咗唔係好耐，但啲牛肉好新鮮好牛味，我最鍾意食吊龍他唔單止有牛肉味仲有淡淡的奶香味，每樣海鮮都好新鮮，火鍋料及啤酒汽水選擇都好多值得回味

呢間餐廳幾抵讚喎！電話訂位仲送海鮮頭盤，蝦蟹新鮮撈起夠彈牙，開胃又抵食～服務態度親切有禮，落單後冇拖拖拉拉，上菜速度夠爽快。牛肉類超齊全，牛頸脊、牛舌、雪花肥牛樣樣有，切得厚薄適中，燒完爆汁又香口！啤酒汽水款式多到眼花，冰鎮後解膩一流～唯一小可惜係冇刺身類，不過小朋友最鍾意嘅肥牛都有供應，啱晒一屋人開心食餐飽～

滿心期待！同朋友一齊去試一下！旺角潮汕牛肉火鍋！4人同行！服務態度係可以，所以呢個唔細講！主題黎啦！4個人坐底就叫左個花膠雞湯底！水滾我哋就諗住試一試個湯底啦！點知個湯底係無味😂咁以為啱啱水滾，所以啲味未出嚟！之後食足一個半鐘頭！神奇嘅事發生咗！個半鐘頭個湯都仲係冇味😂！湯呢到就係咁..到D牛肉啦！我地一開始叫齊M5和牛、吊龍、匙柄、雪花等！神奇嘅事再度發生！咁多款牛肉嘅牛味！同我喺街市買雪花肥牛冇分別！甚或可能喺街市買嘅雪花肥牛都好味過佢😅至於個海鮮拼盤！無特別😛但最神奇嘅事發生咗！我擺個粟米入去烚左1個鐘！點知都係無味..係連栗米本身既甜味都無😂所以應該唔會返轉頭

本身訂枱嘅時候，講咗冇限時 去到，又話只有兩個鐘頭食 , 一上到去見到紅火個老闆 個心已經涼咗一野，喺香港食放題就預咗張枱細㗎啦（但係冇諗過咁細)我地坐6個人 都擺唔到野食😩 後面有一枱 同我哋張枱同一個size 叫佢坐九個人😂😂🤣🤣 嗰台客發晒脾氣 佢一句：唔好意思😳 風聽住個台就走咗啦 因為門口有客排緊隊 佢就即刻叫其他客入嚟😩😩 第一個上嘅海鮮盤＇啲蝦都唔識郁＇鮑魚又唔識郁 應該係雪咗好耐 最大鑊係啲蠔 雪一pat pat 其他啲牛肉都唔係好新鮮🥹🥹🥹🥹 真係以後唔會再去出邊自己拎嘅食物 個午餐肉 冇出現過 其他丸類 都係千年冰封貨色😡

母親節果日去左食，睇落好似好大，但去到啲枱好細，果日好多人，要叫佢先開冷氣🧐但雞子，雞腸，魚頭都好食嘢飲都有好多，啤酒都有，但果日可能係佢新開第二日，所以比錢既時候冇得用信用卡，只可以用現金同轉數比佢